黃昏

幻想世界 (米奇金獎音樂劇 / 迪士尼樂園鐵路) / 美國小鎮大街 (古董巴士) / 明日世界 (巴斯光年星際歷險)

米奇金獎音樂劇

到過"夢想花園"後,我地約4:35就去排隊睇"米奇金獎音樂劇" , 表演場地有好多座位,可以容納好多人,我地坐前排靠左位置。表演於 5:00開始,差不多全場爆滿。

表演長約30分鐘,全廣東話對白,主角係米奇及米尼,仲有好多迪士尼卡通人物表演,主要把迪士尼電影中的經典情節搬上舞臺,表演非常熱鬧精彩,仲有好多意想不到既特技效果架!

睇完表演,就到幻想世界火車站搭迪士尼樂園火車,在美國小鎮大街站落車,轉古董雙層巴士到明日世界。(原本打算坐火車環繞樂園一圈,可惜火車只可以搭一個站,如果要繞樂園一圈,就要落車再排隊)

迪士尼樂園鐵路 - 環繞迪士尼,得兩個站,車速好慢。 古董雙層巴士 - 來回美國小鎮大街

明日世界 (Tomorrowland)

6:00 到達"明日世界"時,天已經黑晒,因為女友怕玩過山車,所以雖然睇見排隊玩人氣至高既"飛越太空山 - Space Mountain"的人唔多,我地都冇玩。"明日世界"入面得三款遊戲。

我地 排隊玩另一人氣遊戲"巴斯光年星際歷險 - Buzz Lightyear Astro Blasters" (右圖) 大約排左30分鐘就有得玩,坐住宇宙戰車,手持激光槍,入去幫巴斯光年打敗敵人,只要射中目標就可以得分,兩人一車,幾有趣又好玩!

玩完巴斯,就去美國小鎮大街 shopping 啦!....

"日本都有呢個遊戲,差不多一樣"

下圖 - 飛越太空山入口

 

 

中午
下午
黃昏
夜晚

 

HOME