《 糖 果 屋 消 失 之 迷 》

繼母：個兩隻野大食成咁..我地就黎餓死喇!聽日丟個兩隻野去郊外啦!
老豆：好啦好啦..(喊緊..其實係滴左眼藥水...劇情需要呀..)
此時，細妹阿經聽到一切..
經心想：弊!大獲
[回到房間..]
神：點呀..偷咗D雪吻朱古力黎未呀..?
經：呢度呀..喂!仲掛住食!我地就黎變孤兒喇!!
神：吓?難道老豆同阿媽已經..
經：係阿媽就好喇..哎呀!!係我地要俾人拋棄呀!
神：你估而家拍戲咩..俾人拋棄...
經：講真架!佢地要丟我地去郊外呀!!
神：唔係卦?!!點算呀..?(食緊朱古力..)
經一手搶走神手上既朱古力..
經：用呢D啦!(用金田一確實兇手係邊個既語氣..)
神：我既朱古力呀..(可憐既口吻)
經：我係用D包裝紙呀..

======================================================
第二日..
繼母：衰女包起身呀!!
神：吓?火燭呀?阿妹起身呀!!!!!(懵下懵下..)
繼母：癡線咩!出去斬柴呀!
經：原來要斬柴跟住用黎放火呀...
一路上,神不停食朱古力,一路俾D包裝紙阿經,阿經就撕開一條條丟落地...
繼母：行咁慢架!快D啦!
神經：哦~(心想:好難呀..)
到達一地方叫.."一達地"
繼母：你地兩個係度等啦~
神經：知道啦..
結果..一等就等到夜晚
經：果然係想唔要我地...好彩早有準備~~起程啦!
神：OK~
經：咩野話黎架?噢基?
神：唔知呀..
經：下..哦!行啦~
神：點解唔見晒D包裝紙既????
經：明明係附近架!
烏鴉甲插嘴：俾烏鴉大王食左喇~
神經：下?!唔係卦?
烏鴉甲：唔係講笑架...佢最鍾意食金色既野架啦!
經：點解你唔幫我地阻止佢呀!!
烏鴉甲：按地理計,對我黎講烏鴉山點都比你地屋企近~(參考"鍾無豔",鍾無豔跟齊宣王對話)
神經：使唔使呀..?
烏鴉甲：你估話法呀~我地烏鴉而家搞進修,都唔知幾聰明呀,烏鴉大王又帶動我地學習...
神經二人一拳打落去：去死啦!(從未試過的齊心..)
經：點算呀...
神：(一副家姐口吻,令人有作嘔既感覺)一路向前行啦!一定有出路架....
經：早知唔食雪吻朱古力啦...
神：有早知無乞兒啦!行啦...
經：哦..
神：弊!等陣!
經：做咩事呀!!(好激動)
神：好餓呀..仲有無朱古力呀~~?
經：[嘔白泡]
二人互相扶持,終於黎到...糖果屋....
經：呢間屋..用糖果造架..(用金田一發現有兇案時既語氣),好適合你呀家姐[轉個頭..唔見左]....家姐?!!!
神..已經...佢...已經....
(大家唔好以為神已經死左,本來係想作佢死左,但佢係主角之一,唯有...)
神已經一支箭飛左去糖果屋,食緊隻窗...
唔使一個時辰,間屋差不多俾兩隻野食清光...難怪繼母都怕左佢地咯...
神：阿妹,D窗好好味呀,快D黎啦!(食緊野,講到一舊舊...)
經：好!我黎啦...
========================================================
神：好飽呀~~
經：我都係呀~
神：返到去要做運動纖體瘦身先得啦!
經：呢句說話你講左好多年喇~
神....唔識答..
佢地唔知危機...已接近....(好驚呀!!)
一個俾佢地使成個碼既女巫(唔肯定係唔係女架..)慢慢行去佢地度...
女巫：你地竟然食左我間屋?!!!
神經：阿威?!!!
女巫：咩野呀?我叫威化餅呀~
神經：下...
女巫：咪講啦!你地係邊個!!
神：我係阿神                     經：我係阿經
神經：我地就係神經二人組!!(懶有氣勢仲要扮黃飛鴻!)
女巫：好!等我食左你地!
此時，神經已然將女巫綁住...
女巫：你..你地想點呀!!
神：你識魔法架?你教我地丫~
經：想變哈利波特呀?
神：我想變張秋呀~~
經......嘔吐中..
神：咦?女巫呢?!!!
原來女巫已經俾佢地激死左..
所以兩人就決定..
於此地創立神經的天空!!!
<<完>>