《 國 王 的 新 草 皮 》

從前,有個又瘦又黑既非洲國王,非常鍾意著新獸皮

一日廿四小時,佢每半個小時就換一件獸皮

(試問邊有動物公司仲可以提供獸皮俾國王著丫..)

無論去打獵,食飯,抑或微服出巡,佢無非都係想show件獸皮,可以俾人讚之嘛!

呢一日,佢就邀請香港明星晾褲成,分享一下著衫(獸皮)心得啦..

但係,國王一見到晾褲成著到花喱花碌(成個貓王咁..),又無著獸皮...

就好厭惡咁話:點解你唔著獸皮呀?!!

晾褲成:我鍾意我自己既個人風格~(懶係型仲要整一整頭髮..嘔呀..)

國王:下...著到好似去派對咁...有辱我國國體呀!(你又好好咩..=0=)人黎!落閘!放狗!!

晾褲成就俾國王既看門狗咬到左一個傷口,右一個傷口...

得出黎..好似一件獸皮..都唔知係咪個國王訓練出黎架...

晾褲成返到香港,竟得左個獎 ----- 全港衣著最低品味新人獎....

領獎時,晾褲成激動咁話~

"我咁大個仔,第一次領呢個獎咋..我要多謝爹地媽咪..特別多謝非洲國王同埋佢隻狗(痛哭中..)"

另一方面(回到非洲),國王請左兩個從香港黎既裁縫為自己做獸皮,

而呢兩個人..就係阿神同阿經喇...大堂上(其實係帳篷度..)

國王:報上名來!!!二人抬頭一望...

"阿威?!!!點解你變左國王架?! "

國王:大膽!竟然直叫本王乳名!

(沉思一會)...本來要賜你地死罪...但本王宅心仁厚,就罰你地免費為本王做獸皮!

(內心奸笑中)...唔..報上名來啦!

神經二人心想:做國王都做得市儈過人....

神:回陛下,我係阿神!

經:我係阿經

神經:我地就係神經二人組!(懶有氣勢仲要扮黃飛鴻)

國王:(心想)連個名都核突過人架...

(同神經講)好好...聽日開始為本王做獸皮啦!而家我派人護送你地去客房~

神經:謝威隆恩..(偷笑中..)
=================================================

所謂既客房中(其實係個爛帳幕)

神:哇~呢個爛帳幕係客房?!有無搞錯呀!今時今日既服務態度,點夠架?!!(劉德華呀..)

經:扮咩野劉德華丫你~好彩帶左肥姐sell既床墊啫(註:於白雪公主與兩個神經人中出現過)

神:知你醒啦....

經:訓啦!

二人就呼呼大睡...

=================================================

第二日,二人開始為國王度身做獸皮

國王:我今次要用鱷魚皮,你地度下我要用幾多隻鱷魚先夠啦~(懶係野..)

神同經耳語..

神:使唔使呀..半隻鱷魚有找..

經:鱷魚皮...做手袋咩家陣...

國王:你地兩個講咩呀~俾我同你地一齊講呀~(友善地)

神:無~我地講緊...反對23條立法!

經:係呀...好乞人憎呀..(強顏歡笑)

神:係呀係呀...

國王:咩黎架...可唔可以做獸皮架?

神經:......(心想:真係人蠢無藥醫呀…)

神經又咬耳仔..

神:橫點我地都唔係好識做衫,國王又蠢,不如..

經:我知你想點喇...(二人奸笑..)
=================================================