《 白 雪 公 主 與 神 經 二 個 人 》

地點:當白雪公主發現神經二人組個竇        人物:白雪公主,阿神,阿經

白雪公主：咦? 點解有間屋既?(緩緩走入去...) 

當白雪公主見到屋入面既凌亂程度,不禁讚嘆：哇~(欣賞地)

竟然可以亂到如斯地步？！敬仰！但係...點解無人既?

跟住,白雪公主就沿住原本既劇本,話好眼訓,所以就上左阿神阿經既房度訓。

[見到兩張床](驚訝地)哇!!點解兩張床都係加加加加加大嘛既???

仲要係肥姐成日o係電視度sell既床墊呀!

[望下床頭...]每張床都有個名刻住架喎...阿神?阿經?個名好得意呀!(有點母愛泛濫...)

正當白雪公主見緊周公既時候,呢兩張床既主人，

(導演阿神：喂!應該係直頭呢間屋既兩個主人先o岩呀! 阿經：sorry..sorry..)

亦已經返左黎...白雪公主有難喇..!!

經：救命呀!唔訓夠12個鐘我唔叫阿經呀!

神：使唔使呀...我都未眼訓..[接下來個一秒,佢就打左個喊露...]

經：唔眼訓?!你個喊露已經出賣左你喇!

神：費事同你講呀 ~上房訓覺呀~

經：喂!執番D野先訓啦..(就黎無氣)

神：我地呢間屋既凌亂程度已經打破左健力士世界紀錄大全架喇,仲使執咩...

經：係喎呵? 好啦~上房訓..

當阿神打開房門...

神：呀!!!!!!!!!!!!

經：咩野事呀????!!!!係咪有小強呀??!!!!係我唔訓喇!

神：(口窒窒)你...望...下...

二人的目光就投在白雪公主的身上..

佢地覺得驚訝既唔係點解有個"公主"係度...係點解白雪公主既睡姿...太有型喇...

白雪公主雖然貴為公主,但睡姿卻跟公主二字拉不上任何關係...

絞剪腳,大字手,掃把頭(訓到個頭亂晒...形成掃把頭!)....仲有鼻鼾聲呀...

神同經：救命呀....呢位邊個呀..

神：我知!

經：你知?!!

神：我知我知....佢就係...人一個!!!

經：[激到暈左]

神：喂!起身呀!仲要估呢個係邊個架!

經好似冒險樂園入面射大牙個D牙o甘企番起身,

用柯南既語氣話：照我睇話呢...佢一定係個女人!而且年紀比我地大!

神：[嘔白泡]

係阿神阿經講廢話期間，呢位白雪公主已經醒左...仲因為阿神同阿經既對話太無謂而大笑...

阿神：我都話左我...(俾阿經cut左)

阿經：STOP!聽唔聽到有聲呀??

兩人靜下來...兩個都聽到有咯咯既笑聲...

佢地大聲喊:：起身啦扮野!!!

白雪公主：你..你地係....?

神：我係阿神

經：我係阿經

合：我地就係神經二人組!!!(懶有氣勢仲要扮黃飛鴻!)

白雪公主(覺得阿神阿經真係神神地經..)你地好呀...我叫白雪公主呀..

神同經：吓?公主?

白雪公主(友善之餘又假假地)：唔..一言難盡呀~你地叫我白雪得架喇~

==========================================================

坐埋一齊,一齊飲啖茶食個飽..

白雪公主：係呢...你地兩個係邊度做野架...?

神同經：[含住舊飽,講到一舊舊...]神經的天空~

白雪公主：下?咩黎架?

神：[飲住水,所以又係唔清唔楚...)係個網黎架~(網頁既網)

白雪公主：網呀?好cutie呀

經：等我地聽日帶你地去啦!![拍晒心口,結果"瀆"親]

神：冷靜D啦阿經..

經：得喇~係呢...白雪...你又做盛行呀~?

白雪公主：我...我幫母后打雜架..

神同經心想：唉~真係..而家經濟唔好...連公主都要打雜..真係.....唉!

===========================================================

第二日..

黎到神經的天空..但只見大草地一片...咩野都無..

神：經...準備好未..

經：準備好十世啦...

二人深深吸一大口氣...

神：黎啦..

經：好..放馬!

白雪公主看在眼，深感好奇,但知道將有重大既事要發生...

結果....出乎以料之外....

阿神阿經超級大聲咁，喊出佢地既口頭禪....

神：我係阿神!

經：我係阿經!

合：我地係神經二人組!!!(懶有氣勢仲要扮黃飛鴻!!!)

喊出黎之前叫咗白雪公主退後點..又俾對speedo出既耳塞白雪公主

神：用黎游水架...用住先啦~無晒喇....丫!係呀...新架,未用過,唔使驚唔衛生...

之後..突然間地動山移...經俾左個頭盔白雪公主，

神經二人亦自己戴上頭盔..仲有支棒球棍...咩野事呢...

白雪公主：請問..點解..

經：小心呀!!

一個大西瓜係遠處拋過黎,阿神用一個極度美妙既姿態,一下打中左!

神：Yeah!!!!全壘打呀!!!

(模倣朗拿度勝利時既動作~拎高件衫笠住個頭，好彩有打底...

仲要扮成龍舉起兩隻手做V字手勢，死得!)

但好景不常...

公主嚇到打開個口得個窿....結果一個從遠處飛黎既蘋果塞住...暈左..

神同經：白雪公主!!!!!

=========================================================

(依照劇本,訓左入個玻璃罩度..)

神經二人係度哭喪..

突然,聽到馬既蹄聲...有個人騎住白馬過黎..

阿神阿經回頭一望..

嚇死人喇..白馬上面有個黑人!!

神經：阿威?!!!!!!!!!!!!!!!!!!

威王子(嘔..)：我,唔係阿威,我叫威王子...(成個四哥既語氣..)

當威王子落地時，企係神經二人隔離...

經(跟神耳語..):哇..我都話細粒架啦..王子仲細我成個size...

神：哇!同公主一齊咪要唱"高妹"?????!!!!

威王子走去公主時,神立即阻止!

神：公主怕黑架..用左SK-II美白精華先啦!!

經：咪係~每盒特價咗都只係 $199.9咋！私人醒你喇！

威王子：我成個禮拜去左夏威夷曬太陽,梗係黑啦...何況祇要我個心係雪白既,公主係唔會介意~

神經：[嘔吐中,請勿騷擾]

此時...佢地又聽到有咯咯既笑聲..

神經：公主!公主醒番喇!!

當公主醒過來時,看到威王子..

威王子：公主,你嫁俾我啦!我會俾你幸福架!

白雪公主：好!我應承你!

二人相擁一起...

神經二人：真係要唱"高妹"啦今次...

無幾耐....王子同公主就生左個女..叫做........灰姑娘...

佢...又幫佢母后打雜...仲冇咗隻玻璃鞋

<完>