五月二十二日 (星期六) 晴
今日媽媽、婆婆同叩虎去左太婆屋企呀！去到成夜晚十一、二點先返屋企喎！結果隻又係得返我一隻丙係屋企，其實我都好掛住太婆的呀！我都好耐無見太婆嘞！點解佢地唔帶埋我去喎！>.<
五月二十一日 (星期五) 雨
仲有一個月媽媽就生日嘞！但係我到時都幫唔到媽媽慶祝，又唔會再享受到媽媽的“波到密沙池”。所以呢輪我都學緊唔依賴媽媽咁多，我決定做一隻-----依賴婆婆既兔仔
(丙主：還以為是做一隻獨立的兔仔呢一.一！)
五月二十日 (星期四) 陰
今日媽媽無理我呀！成日都出左街，返到屋企無幾耐就訓左嘞！我都唔明點解媽媽可以成日訓的呀>.<！如果係我呢，我就寧願日日都出去玩。
五月十九日 (星期三) 雨
今日媽媽終於返學校拎返盒糖比我嘞！我最愛媽媽！
婆婆今晚整蠱我呀！叫左我入籠兩次呀！婆婆係度考我識唔識聽乜咁入籠籠，其實我咁聰明點會唔識喎
一.一.................
五月十八日 (星期二) 晴
今日媽媽出左旺角行街街呀！本來佢話買包新的糧比我的呀！但後來佢竟然掛住買自己野用曬d錢，結果都無買到新款糧糧比我>.<……我嬲呀！所以我今日都無理媽媽，只係同婆婆玩law。佢都無諗過我食左呢隻糧成三年都無轉過款係幾慘的，你試下食白飯食足三年丫！所以我嬲呀！
五月十七日 (星期一) 晴
今早十點幾差不多到十一點的時候，無啦啦有個男人入我個地盤喎，我仲以為係乜人，原來係入屋檢查水喉的。不過佢一見到我就講左呢一句話：“乜野來架！咁大隻o既！”
一.一 …… 我心諗：“我夠唔知你乜水啦！前世未見過兔仔呀！”
五月十六日 (星期日) (晴)
原來媽媽喜歡綿羊仔的呀！仲話想買喎！乜媽媽唔係最鍾意我丙(兔)仔的嗎？>.<我丙仔係唔可以比果d綿羊仔得到我媽媽的歡心的。所謂知己知彼，百戰百勝，我為了知道對方的實力，千辛萬苦咁樣偷看媽媽上網，終於比我知道對方的外貎，
原來綿羊仔係咁醜陋的，得一隻眼，前後腳，仲要係無耳仔的，一.一都唔知點解媽媽咁想買……
上一頁
下一頁