Nêçîr
nêçîrvan û daristan
Karxezal û şêr
Rev û pêketin jî
Tu yî.
Kevan jî.
Karxezalê de mirin
şêr da kuştin
tu yî.
Rê rêwî û menzîl
Meş û raman
Veqetîn û gehiştin
tu yî
Westa bûn jî tu yî
Vesîn jî.
Di rêwî da bêhnfirehî
Di rê da xelasbûn jî
tu yî.
Agir av û çol
şewat û lê
Ba
Baran û
bahoz
tu yî.
Ro jî tu yî
tav jî.
Di êgir de şewat
Di avê de hênkayî jî
tu yî.
Dil evîn û evîndar
şa bûn û xov
Mem jî
Zîn jî
Bekoyê Ewan jî
Tu yî.
Hez kirin jî tu yî
hesedî jî
di dilê Memê da evîn
Zînê de dilsozî
Bekoyê Ewan de fesadî jî
tu yî.
Dem dewran û dewrêş
Despêk û dawî
Roj hîv û
Stêrk jî
tu yî.
Ronahî jî tu yî
Tarîtî jî.
Di rojê de tav
Di hîvê de şewl
tu yî...
