|
-_- >_< -_- >_< -_- >_< -_- >_< -_- >_< -_- >_< -_- >_< -_- >_< -_- >_< -_- >_< 乜都唔想講~ 冇哂 mood 啦... 昨晚先o係度講完, 希望 id card 張相唔好影得咁差... 點知~~~(大家都估到影成點啦~) 死啦~ 好驚班friend 搶銀包... 今次真係一世lu... -_- >_< -_- >_< -_- >_< -_- >_< -_- >_< -_- >_< -_- >_< -_- >_< -_- >_< -_- >_< |
|
其實發覺自己有一個好大o既缺點 ----> 情緒化! 呢一個, 係一個相當難改o既缺點... 因為我由細到大都係咁, 要我改...實在太難啦... 原本都唔係咁影響到人o既...不過現在好似影響到你喎... 所以點都要改, 慢慢改, 費事你咁慘啦... 丫~ 4月~ 又係一個讀書月... 大家要努力d...可能icq唔會成日見到我o架啦... 死啦~ 一陣去拎i d card... 希望影o個張相, 唔好影得咁差啦...^_^ |
|
發覺自己原來已經好耐都冇寫過日記... 唔係唔想寫, 而係太多事情, 都唔可以只係用文字去記載... 要記低o既, 用腦去記, 就已經足夠... 唔知點解, 我好鐘意食通心粉... 有得食o既地方有很多, 但好吃的, 卻沒有多少間... 我覺得, 有時食野, 好唔好食, 係睇心情o既o者... 好似同自己鐘意o既人一齊食, 心情好, 自然覺得好好味o架啦... 哈哈~ 好想同你一齊去食野......^_^ |
|
其實我係最不理智o既一個人.... 有時自己o既心意, 自己都分不清楚... 鐘意一個人, 並不簡單; 我選擇了一個人, 卻不代表那是正確的選擇... 我唔知自己點解會突然咁諗...可能係我心情唔好啦...所以又胡思亂想... 究竟...我真是喜歡你嗎? 還是, 只要係對我好, 任何一個人我都會喜歡呢? 我又係時候, 需要一d時間, 去想清楚... 不要問我...我不想答任何野...比d空間我...好嗎? 唉...今晚好想喊.... |
|
呢幾日, 我覺得自己變o左... 早上o既時間, 再不似以前般開心... 反而晚上o既時間, 卻比以前開心o左好多... 唔知係咪同大家o既話題唔係好岩呢? 好似有d脫節咁..呢d感覺, 令我一放學就想返屋企o既衝動更加強烈.... 唉...都唔知自己搞乜鬼..一d 不安o既感覺, 又再次出現了... |
|
唉~ 都唔知點解, 我可以成日都病o既.... 今日頭痛到死, 我相信係可能聞得太多松節水o既原故... 最慘係, 仲有d 想嘔tim...-_- 本來今日放學回家, 係想畫下素描o既... 點知, 實在頂唔順, 走o左去訓覺...訓o左兩個幾鐘... 現在咩胃口都冇哂...想嘔, 又嘔唔出.... 唔通...又要去睇醫生...~>_<"~ |
|
因為你對我黎講, 並不是普通人咁簡單... 你影響著我的生活, 就好似從來都冇離開過我一樣... 知道自己會因為你開心而開心; 因為你唔開心而唔開心... 其實有時知道自己太過情緒化...令到你好難去捉摸我......... 不過你知道, 我係好鐘意你囉... |
|
其實昨晚傾電話o既時候, 真係冇怪過你又或者唔信你... 不過唔知點解, 自己會喊囉...我咪成日只回應你"唔""係""知道" o既.... 唉....o個陣, d 眼淚不斷咁流, 而你, 當然亦唔會知.... 兩個人一齊, 其實並不簡單; 更何況我係一個冇乜信心o既人呢, 一句說話, 一種語氣, 可以諗到好多好多野... 我知咁樣係唔好...不過, 我係需要時間去慢慢改變囉... |
|
丫~ 唔知各位喜不喜歡吃甜品呢? 其實我諗所有人都喜歡吃, 那種凍冰冰, 食完之後涼透心o既感覺, 我相信冇人可以抗拒... 曾經聽人講過, 食甜品會令人有一種幸福o既感覺, 每次品嚐的時候, 自己o既幸福好似會多一點點似的... 我想食多d甜品, 因為我想要多一點幸福...是否會太貪心呢? |
|
唉.....自己最唔想hurt 到人, 但我昨晚, 竟然hurt o左一個一直以來, 都對我好好o既人; 我知我點講都冇用, 唯一一樣可以講o既...就係sorry~ 以減我心裡的內疚感...-_- um...同你講清楚, 可能對你黎講, 係一件好痛苦o既事, 不過我唔想再比希望你, 令你繼續等落去.... 既然一切已經無法改變o既時候, 我諗, 你都想我好o架....係咪? |
|
um...其實發覺自己近來心情好靚...究竟點解呢?~~ 我諗, 係因為你o掛... 鐘意你o既感覺好好, 同你一齊我好開心... 其實每晚收線, 都好唔捨得, 不過呢~ 我知傾完之後, 我都會笑住咁訓... 哈哈~ 傻笑......^_^ |
|
有時候, 太在乎一個人, 你會失去o左平時o既常性... 不過我卻唔介意失去呢種常性... 以前會諗, 喜歡o既野, 不一定要得到... 但現在不同了, 喜歡的, 為何不擁有呢? 我o地一齊, 你不會要求我太多, 而我, 亦會盡我能力, 給你自由... 現在雖不能在一起, 不過我相信有一天, 當我們真正一齊的時候, 我們會很快樂...^_^ |
|
呢一排, 覺得好累~.不過想訓, 又訓唔到, 呢下先死... 唔到兩 三點都唔洗訓得著,真慘情... 今日冇返到學, 唔知點解, 今朝起身返學o個時, 覺得好慶, 好明顯, 又發燒, 於是去睇多次醫生... 食o既藥, 同前幾日去睇o個時食o個d都差不多... 唉~ 知道你會為o左我而攪到自己太累, 好唔安樂......>_<" 阿ben~ 生日快樂...^_^ |
|
我諗我真係唔想失去呢段感情...昨晚睡得並不好... 不斷諗, 你會否真的不介意我之前做過的事呢? 現在的問題係...你介唔介意, 已經不是問題, 而係我自己介意, 先至係問題. 我昨晚對你講o左好多野, 包括我對阿match o既感情, 話比你知, 唔係想令你唔安樂, 只係我覺得話你知, 對你公平一d, 而事實上, 佢係唔會對你有影響, 因為我知道現在自己最鐘意o既人係邊個, o個個人, 就係你... |
|
女仔好鐘意比較, 卻怕別人拿自己與其他女仔比較; 唔知點解, 我們好像還差一點點東西, 好似你鐘意玩咁, 我就覺得自己唔係咁適合你囉, 在我心目中, 你應該係適合揀一個好玩得o既女仔做女朋友, 而唔係我~ 所以一直都唔係咁明白, 點解你會鐘意我囉?? 我知我在這個時候, 不應該再亂諗, 不過人o地都仲係有十萬個擔心嘛...-_- 仲有, 希望快d到暑假... |
|
我發覺愈了解一個人, 便會愈清楚一個人o既缺點同優點... 人性o既醜惡, 就在這一刻迅速顯露出來... 一切都變得恐怖.... 所以我不想知道得太多, 知道一點點已經足夠... |
|
係時候, 要讀書書啦...... 每日希望只on 3個鐘line....係就係好難...不過一定要管束下自己嘛... 仲有, 唔可以成日去玩, 返4日學, 最多可以玩兩日, 其他時間要溫書做功課... 還有, 不可以傾咁多電話, 因為發覺自己其實都好需要休息... 好啦~ 係咁多先...大家幫幫手, 係friend就管下我啦....^_^ |
|
阿哥入o左醫院, 我好擔心... 今朝收到電話, 佢話佢仲好辛苦, 想轉醫院, 我即刻擔心到個心"蟻"住"蟻"住...頭都痛埋, 我怕我自己都捱唔住... 今年生日...出奇地收到好多公仔... 仲要唔係普通o既size, 隻隻都有成半個人咁大, 唉...係應該好開心o既...不過唔知大家係咪真係以為我屋企好大呢? 兩隻大公仔, 已經佔o左我成張床, 我d大口仔...都差d冇位放....o'.'o 記得以前, 好想自己有隻好大好大o既公仔, 到現在得到了, 我又覺得自己需要o既, 並不是一個大o既公仔, 而係一個人... |
|
我昨晚先知道, 自己有幾鐘意你... 那種不知如何是好的感覺, 我現在還清楚記得... 我的的確確是害怕失去你... |
|
沒有了火柴, 生活似乎輕鬆得多.... 現在的我, 給濤醉了.....<不要以為我寫錯字啊~ 我覺得, 做人真的不要太執著, 係人o地唔珍惜我o者, 冇理由連自己都唔珍惜自己o架嘛, right? 今天, 好老套咁, 想贈自己4個字 - "知足常樂".... 哈哈~ 我真的想自己過得開心d, 你會是令我開心的一個嗎? |
|
今年的生日....我....只有無奈.... 我很高興我的好朋友同我慶祝....是很開心的... 不過, 我心裡並不開心... 踏入18歲不久, 我便作了一個抉擇, 就是對某人某事, 決定給它畫上句號. 我笑, 不等於快樂, 而事實係...我愈快樂愈墮落. ~HAPPY BIRTHDAY TO MYSELF~ |