|
我的缺點有很多, 經常都會講錯說話, 令到人o地好難受... 昨晚, 我也犯了這個錯, 令到一個對我黎講, 極之重要o既人, 心情非常混亂同複雜, 我知係我失言, 係我錯, 對唔住! 可唔可以唔好再咁落去呢? 我試圖用o左一晚同一個早上的時間, 去整理我的心情, 但看了你的info, 我又不其然咁喊... 我唔知點解, 你同我, 點解會咁辛苦... 或許, 我太理智啦! 不過, 我希望你明白, 我想o係你身邊o既人, 永遠都係我呀... |
|
由白色到黑色, 中間有很多的灰度, 不同的灰度, 也有深淺之分. 我卻發現, 事情如果只可以分對與錯, 那對的, 便是白色, 錯的, 便是黑色. 而分析事情的過程, 就是中間的灰度... 對錯, 在你的眼中, 和我的眼中, 是有分別的. 因此得出的結論, 就是事情有很多面, 而對錯, 亦沒有準則. 其實, 我...唔會後悔自己做過o既o野, 人o地覺得點, 我唔介意. 因為你唔係我, 你唔知我點解會咁做... 而這個世界有一句話, 就是"身不由己. |
|
今日我剪o左頭髮呀~ 都剪得唔錯, 不過平時幫我剪開頭髮o既阿Yam, 可能係最後一次同我剪啦~ 因為佢可能要轉工呀~ 哈哈~ 我終於學識o左織手繩啦~~ 當然要多謝我o既恩師 -- Apple 啦~ 之前我應承過兩個人, 話我識織之後, 一定會織比佢o地... 其中一個係我三哥~ dennis 啦, 一個係浩賢啦~ 哈哈~ 我諗, 你o地會o係好短時間之內, 就會收到o架啦~~ 仲有, 我個best friend - Athena 搵我呀~ 我o地約o左5/1出黎~ 已經好耐冇見佢啦~ 不過, 原來我o地都係一樣, 未溫好書... +_+ 哈哈~ 都係玩o左先算啦~ |
|
我都唔知搞乜, 昨晚訓唔著, online on 到兩點幾先有d眼訓... 基本上, 我係好累o架, 因為我發現到自己有兩個眼袋, 加上之前d病又未好番, 所以軀殼是很累的. 但我可能食o左d咖啡糖, 所以想訓都訓唔到. 今朝, 好早就因為某d原因醒o左, 好慘... 而且, 我屋企o既簷蓬, 有d好特別o既鳥, 佢o地好勁o架, 好似icq一有message send 黎, 就會"喔噢" 咁叫咁.... 一早佢o地就"喔噢"...我差d想射殺佢o地咁滯... 呢排成日都冇覺好訓, 唉......冇乜心情啦....又就黎考試, 我開始feel到有d壓力...-_- |
|
今天...d魔鬼~阿yan同阿wing...叫我睇一見鐘情~ 當然我定力好~~冇去睇到啦~~ 不過又發覺, 一返到屋企, 就好鬼累~ 結果....冇乜點溫過書, 知道走去睇啦~ 最衰o既係~ 阿yan 仲話好睇tim... 唉~ 又錯過o左啦~~算啦~~ -_- 終於, 我都同個女~ 小狸貓相認啦~~ 好開心好開心~ ^_^ 哈哈~ 等我同你都考好試, 就一家人去食buffet啦~ |
|
MC問題, 只能選擇一個答案... 我選定了一個答案, 畫上了一條深刻的鉛筆線, check 卷的時候, 我又猶豫不決, 決定將答案改為另一個, 於是, 我用擦膠擦去之前的答案, 再畫上一條線... 因為之前的鉛筆印, 實在太深, 所以就算擦掉了, 仍可以清楚看見痕跡... 幸好, 我最後選擇的答案是正確的. 雖然之前是錯過了, 並留下了一些痕跡, 但不要緊, 總之答案對就成了... 就像是愛情一樣......... |
|
今天...沒有心情...一醒來, 就因為一些事情而哭了很久...眼也腫了... 我覺得做什麼事情都好, 有屋企人支持, 總會好一點... 不過他們只在金錢上支持我, 而心靈上的支持卻沒有... 這對我來說, 是一種打擊... 還好的, 就是還有你的支持, 使我心裡有一絲的安慰... 我說過, 我再屋企得不到的東西, 希望可以在你身上得到... 我是認真的. 而我亦相信這個世界, 就只有你能夠給我想要的東西. 你不會令我失望吧? |
|
食完藥~ 好番好多, 加上訓o左一陣... 出得番聲lu...好開心好開心~~~ |
|
我又病o左, 好慘~ 出唔到聲...傾唔到電話, "格硬"要早d訓...唔制呀~~~~~ 最慘係屋企太多引誘, d 朱古力呀, 糖呀~ 搞到我冇辦法唔食佢o地.... 唉~自作自受...唔抵可憐~~~~~ 算啦~~~冇人理o架啦~ 自己摺埋啦~~~ |
|
今天天氣不好~ 我的心情也好不了那裡... 我時常口不對心, 卻要求別人對我說的, 都是心裡的那一句... 不過當別人對我坦白了, 我又希望他對我說的, 都不是真的, 我寧願他是欺騙我... 一直隱藏在心裡的感覺, 今天一下子傾瀉出來, 眼淚也不斷的流... 當你說出你的感受時, 原來大家都是想著同一樣的東西... 你我...忽然變得很近...真的很想在你身邊, 給你多一點的支持. 但有很多東西, 都會受到限制, 如願的事情會有幾多呢! |
|
icq的世界, 果然是一個說謊的世界, 我完全明白, 有好多時都係身不由己... 不過大家有沒有想過, 傷害了別人, 自己又有什麼好處? 為什麼大家都不能坦白一點?? 本來好來好去, 對你的印象都算不錯, 雖然一切已成過去, 但真的估不到你欺騙我囉... 算了...唔呃都呃o左咁耐, 好心你就唔好比我知真相啦~~~ 現在我只信任一個人...希望佢唔會呃我啦.... |
|
還記得以前曾經對一個人極之信任, 什麼事情都會告訴他,以為他沒有欺騙過我. 但...我昨晚竟然發現了真相; 原來一直都只是自己傻, 給他欺騙得徹徹底底...得到他的電話, 原來只是輕而易舉的事. 畢竟, 我對他來說, 都只是一個nf而已; 一個十多分鐘就能完成的program, 對他來說, 就好像寫字般容易. 而我卻因為他肯為了我而寫這個program暗地裡開心到整晚不能入睡, 真的很傻~他對我已經不在重要, 而我也不會再當他是朋友, 因為他連做我的朋友也沒有資格... 我決定吃了那盒食物, 一盒曾經為了他而費盡心思去選購的食物. |
|
無覺好訓o既原因, 我唔想講啦~~~>_<"~~~ 總之就慘啦~ 今日係第一日o既Easter假期, 依我估計, 呢個假期都會悶到死~ 第一, d friend 個個都就黎考試... 第二, d 同學住得咁遠, 唔係因為返學, 特登出黎又唔係幾好o既... 第三, 自己都要讀書... 第四, 有人陪唔到我....-_- 唉~~算啦..... 我開始覺得我真係好無聊, 點解?~ 因為我竟然會悶到睇美少女, 問你死未~ ? 死囉~ 點樣先令我正常番呢~~~ |
|
無意之中, 看了不應該看的東西... 令我完全知道自己已經正式被趕離場, 取消資格... 唉~ 心情壞透了... |
|
^_^ 今日心情都幾好~~~ 收到一封e-mail...入面問o左一個問題... 而我o既答案係...願意o既~~~ 昨晚好早就訓o左啦~ 不過唔好以為早訓係好事, 因為早訓o既後果係... 成日都醒, 5點幾醒o左一次, 7點幾又醒o左一次... 之後9點就正式起身, 都咪話唔慘~~~ 哈哈~ 我寄o左蛋蛋比水水啦~ 如無意外, 明天會收到~ 希望d蛋蛋唔好散哂啦~~>?< 我d信心, 又返番黎啦~ 幾好~~~~~~~~~ |
|
我記得自己曾經講過...我唔介意等, 只要我覺得值得, 要等幾耐都無所謂... 幾個月的時間很快便過去, 我知道自己是不應該急於一時而壞了大事~ 不過, 我開始覺得自己等唔到~ 因為我想肯定一些... 有時, 唔想講太多, 因為明白到感情是很脆弱的... 知多一點, 似乎亦會受傷多一點~ 今日我又冇乜信心啦~ 講了不應該講又或者你不想聽到的說話~ 唉~ 上完板畫堂~ 心情總是這樣的 ~ 可能又係頭痛影響吧~~~ sorry~ 係時候要努力...o'.'o |
|
女人, 是否一定要依靠男人呢? 昨日突然有種好強烈o既感覺去探討呢個問題; 雖然只係一個人自己o係度諗, 不過我已經搵到我自己o既答案~ 所有女人, 無論把口點話自己唔需要靠男人, 但其實內心係極之需要靠男人o既... 我覺得自己在處事方面都幾獨立o架...好多野都可以自己搞掂... 不過在感情上, 始終都係差d... 所以我係要"依靠"人...口同心都一樣~ 有d人識做啦~~~~ ^_^ |
|
人生, 最重要是什麼? 對我黎講~ 暫時係身體最重要~ 因為發覺自己成日都病, 冇鬼用....>_<" 對住d書, 我好悶呀~ 不過唔讀又唔得~ 唉................ 我正式同dennis 結為兄妹~ 哈哈~ 又多個阿哥~ 即係我現在有三個阿哥~ 阿聰啦~阿程啦~dennis 啦~~~^_^ |
|
我有兩個仔仔~ 米米同飯飯...佢o地好搞笑o架... 米米成日都喊...飯飯就好乖... 不過點都好~ 佢o地都係我o既仔~ tum 得我開心就得啦~ 嘩~ 今日好累~ 打o左成日格仔... 好慘呀~ 畫到手又震, 連眼都反埋... 最怕天氣唔好...搞到我冇乜心情讀書tim...快d好天啦~~~~ |
|
今天, 我同出面的天氣一樣, 下了一埸大雨... 原因係咩, 已經唔想再提... 總之現在的心情好番哂...都冇乜野o既... 做人唔係應該要有中指咩...點解係都要人o地無名喎~ 你都傻o既... 因為某人唔會成日online, 所以我都唔會出現咁多, 況且我又要讀書書啦~ 大家可以send offline message or e-mail 我... 又或者你有我手提o既話, 你就直接搵我啦...^_^ |
|
這幾天的心情, 好像有點怪怪的... 可以為了很小的事而嬲一大餐... 我覺得自己很小氣, 沒有什麼資格要人tum番自己... 不過都好彩, 我嬲完一陣之後, 又會笑番... 其實o係我心入面, 真係冇咩值得我嬲, 只是扭計, 係要人tum 下... 哈哈~ 我現在已經進入o左努力讀書o既狀態, 大家會冇咁多機會見到我o架啦, 有咩就send offline message or e-mail 比我啦, 我會日日都check o架啦... |
|
昨晚發o左個夢呀~ 夢到一個人... 夢見同佢一齊食雪糕...真係好鬼開心~ 今次再唔係好似上次咁, 夢到d唔應該夢見o既人.... 哈哈~ 而係夢到你啦.... 我起身o個時, 仲係咁回味... 我諗, 我o地第時, 真係會開心o既... 好野~~~ 終於收到啦...以後可以日日掛住小綿羊lu... |
|
我要得到o既o野, 我會用盡方法去得到... 唔係因為我好勝...係因為...我想擁有多一點東西, 去令自己有多一點的安全感, 我實在感到呢個世界太不安全了... 所有事物, 都由零開始...零o既世界, 係最純, 最美.... 所以, 原來的你, 就是我最喜歡的你... 唉~~ 都唔知自己做乜鬼, 諗d咁難明o既o野, 你o地唔明唔係一個問題, 最重要係知道, 原來o既自己, 就係最真最有靈魂o既自己... 要保持純真的心啊~~~ ^_^ |
|
3月9日, 除o左係棠棠o既生日之外, 對我黎講, 仲有令一個意義... 今日4月9日...話咁快, 又一個月啦... 呢一個月, 我都幾開心... 人o地成日話咩咩紀念日, 唔知女仔係咪特別著重呢d野o既呢?!~ 試下個男仔唔記得丫~ 睇下個女仔有咩反應?~~~~ 比著係我, 都唔會點o既, 最多咪嬲......哈哈~ 其實我會好介意, 因為我係女仔丫嘛...~~~~~~~ ^_^ |
|
^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^_^ 呢個info, 寫盡了我的感受...開心不開心, 只要看一看, 便會知道... o拿~ 好明顯, 我今日係好開心o既...見到咁多個 ^_^ 都知啦...係咪? 回家的途中, 沒有什麼東西做, 於是o係度諗野, 越諗越開心... 諗乜野, 唔話你知....^.~ |
|
哈哈~ 今日心情都幾好...雖然比阿哥聽到d唔應該聽o既o野, 但都冇所謂啦...我happy咪得囉... 哈哈~ 大家有冇玩水o既呢? 今日同某人講開玩水, 講到high high o地咁, 我發覺自己完全傻o左... 不過佢好似high 過我, 同興奮過我好多囉... 仲要搞到死去老地方, 摳除雜念tim... 佢都傻o既...但又諗深一層, 唔傻又點會得人鐘意呢~~~ |
|
我個info, 計埋呢次, 今日已經改o左第三次啦... 原來唔開心, 最好o既方法都係喊, 喊完會舒服d... 唔知點解, 今晚覺得所有o野都好冷淡, 人係咁, 物件係咁, 就連發生o既事情都顯得特別冷淡... 不過我喊唔出喎...那種欲哭無淚o既感覺, 比起真係喊, 更加難受... 我唔係要人去安慰我.... sorry~ 我心情唔好....leave me alone... |
|
我呢個info, o係一日之內, 轉o左兩次...上一次, 心情都唔錯... 今次, 心情好差...為o既, 只係一啖氣, 就搞到成餐飯我只係食飯同菜... 我份人就係咁, 好鬼死硬頸, 覺得自己冇錯o既野, 係絕對唔會低頭, daddy mummy 都冇面比... 唉~ 我心情唔好o既時候, 佢o地就講笑, 仲要係好過份o個隻, 我真係冇心情同佢o地玩囉... 佢o地成日唔識得將心比己, 佢o地有野煩, 睇下我講笑, 佢o地又有咩反應丫....>_<" 唔開心呀... |
|
唔知做乜鬼, 近來成日發埋d 好奇怪o既夢, 仲要係d 自己在現實生活完全冇可能發生o既夢tim...都咪話唔驚呀... 想夢見o個d人, 就偏偏夢唔到, 唔想夢見o個d, 就夢到, 真係好鬼邪惡o架... 死啦~我今次真係好認真tim~ 都話o左心入面o既感覺, 係呃唔到自己呃唔到人o架啦... d行為簡直去到最高境界.... (哈哈~ 你o地係咪睇唔明呢~? 不過唔緊要, 知道實情o既人, 就會知o架啦...) 唔信, 睇下點?~~~~ 好~ 今晚又玩過, 好唔好? ^_^ |
|
今日睇o左@漩渦@, 都有少少驚驚o地, 但就冇想像中咁驚囉... 哈哈~ 套戲就唔好笑o既... 不過睇完之後出黎, 我o地d同學諗出黎o既o野, 就好笑到死囉... 丫~ 發覺原來我個info, 都幾多人識自動自覺update o架喎... 其實, 我o係呢度所寫o既o野, 都係一d 想同你o地一齊分享o既感覺... 希望大家可以了解我多d...^_^ |
|
今日好開心呀!! 估下點解? 不過估中冇獎... heehee~~~(如果係你, 或者有獎o既...) 今朝打完壁球, 成個人都散哂... um...有時有d 野唔係一定要講出口o既, 靠feel 仲有意思啦...係咪? 都唔知點講啦...總之, 今日好開心啦...^_^ |
|
我有一隻B B 鞋, 上面簽o左3個名, 呢3個名, 都係我最好o既朋友簽上去o既... 今晚執野o既時候, 諗番起好多野, 見到呢隻鞋, 就好似見番以前o既自己咁... 的的確確, 現在o既我, 變o左好多... 以前返學, 就算好多野做, 都唔會太累, 因為我忙得開心丫嘛.... 但現在的我, 不算太忙, 卻成日都累到死...都唔明點解會咁... 好掛住以前o既生活呀... |
|
我有一個好朋友, 佢叫Athena, 我o地識o左好耐, 大家都好了解對方, 雖然不常見面, 不過佢在我心目中的地位, 從來都沒有動搖過... 開始覺得, 朋友只係吃喝玩樂, 是不能維持長久的... 唔知點解, 同d同學開始有o左種疏離o既感覺, 我就好似唔屬於佢o地o既其中一份子咁...可能係我心情問題啦... 現在唔會好似以前咁, 會有咁多野講, 沉默o左好多... 有時更加好似"偶偶o地"咁, 冇乜精神..-_-" 又可能, 我成日都病, 鼻敏感, 煩到死...所以就死下死下, 放o左學就回家休息啦... 唉~ 呢d藉口, 睇怕都安慰到自己啦... |
|
下雨天, 黑仔天... 本來今日諗住買小綿羊電話繩o架, 點知, 想懶d都唔得, 一定要去旺角先買到, 都係星期四先去好d... 咁返屋企, 原本都好順利o既, 點知, 衰收尾, 落車之後行番屋企o個幾步路, 我都竟然可以"線"親, 你話黑唔黑?~...表面睇黎, 全無傷痕, 不過好鬼死痛就真o既... 仲好似整到舊患tim... 唉~........ 今年,真係犯太歲呀...>_<" |
|
我很想安定一點... 所有發生的事情, 都要在我掌握之中... 希望有一個很愛自己的人, 一個能傾訴心事的好朋友, 一個有家庭溫暖的家.... 讀著自己喜歡讀的科目, 吃喜歡吃的東西, 聽愛聽的音樂... 和你一起飲咖啡, 一起看書, 一起玩樂... 不過這一切, 暫時都只係一d "希望"... 並不是現在所能發生的事... 程程~ 生日快樂!! |
|
我的家, 有爸爸, 媽媽,哥哥和我... 一家人, 看來都生活得好好... 不過我並不開心, 因為我發覺我以前可以在這個家得到的東西, 開始慢慢咁失去... 如果可以的話, 我想呢個世界冇o左股票這樣東西, 因為股票令我得到好好的物質生活的同時, 亦令我失去了家庭溫暖... 我知有得必有失, 不過我想: 人世間, 最不能失去o既, 就係家庭溫暖...有錢咁又點? 其實人最需要, 只係一出生便擁有, 而又最珍貴的 ----親情. |
|
"喜歡你, 我最清楚這感覺, 從前你是你, 從前我是我, 現在縱使不清楚我最愛你什麼, 尋覓你, 留住你, 全憑直覺...." 唔知大家試過有一d 心軟o既感覺未呢? 呢首歌, 我昨晚聽了一個最特別的版本... 聽完之後, 好心軟... 我心軟o既時候唔係有好多, 昨晚係特別o既一晚... 仲有d 感動tim... 唉~ tobey 真係個大傻瓜o黎o架... ^_^ |