日記之零零八月篇~

Tobey's Diary
日記之九九十月篇日記之九九十一月篇日記之九九十二月篇日記之零零一月篇日記之零零二月篇日記之零零三月篇日記之零零四月篇日記之零零五月篇日記之零零六月篇日記之零零七月篇日記之零零九月篇日記之零零十月篇

31 August 2000 - v2

估不到的東西有很多...
我行這一步, 有沒有走錯? 我不知道...
下一步, 我會走怎樣的路, 是由自己決定得到嗎?
這幾天很煩...在學業上, 處於相當矛盾的階段...
至於感情上...唉...唔好再對我講d咩啦~ 我真係唔想呀...
唉...頭很痛...突然想起一個人, 我記得我應承過佢一d 野...
在我能力範圍內, 我希望我能守住呢個承諾...

31 August 2000

<依依>
假使你別離別要推醒我別作聲可以麼
賜我共夢兒自騙多一次
夢內和你說笑渡過假使你別離別轉身擁我
若要走不要拖
免我道別時又再死一次落漠地問誰錯
然而如(如能重)依依再逗留
知否天空宇宙黎明和每個午夜仍然極燙手
如能重依依再逗留靈魂和我以後通通交你手
可惜你逗留但卻頗牽強
你彷彿不太想發覺你近來頗敷衍令人夜夜惆悵
仍無言依依挽留明明難以忍受都捨不得你走...

30 August 2000 - v2

夜色很美
天上繁星閃閃都看在我眼底

我不曾忘記你給我的痛你總叫我心痛

只要有一個晚上讓我可以安睡

縱然離開安然逝去...

30 August 2000

發覺自己係一個幾蠢o既人...每次人o地呃我, 我都唔知...
到最後先知...
係我份人冇戒心, 定係呢個世界識呃人o既人太多呢?

已經冇必要再講d咩說話啦...
我明...完全明白...

貓貓...點解你個樣仲可以咁滿足o既?
我見到你, 心情好複雜呀...我唔知可以點呀...>_<"
笑你傻丫, 定係笑我自己傻好呢?

ive冇收我...但係我冇因為呢件事而唔開心...
我唔開心, 係因為...唉...唔想講...

29 August 2000

上星期日買o左隻貓貓公仔...
佢真係好得意o架~ 係白色o架~ ='.'=
佢個樣傻傻o地, 只係識得笑...
現在我無論幾唔開心都好, 只要抱住佢, 攬住佢, 望住佢個樣,
我就識得笑番~^_^

聽日係ive o既second round呀...
希望今次會見到我o既 i d number o係報紙上面啦...
大家要保佑我呀~

um..我仲未開始整小籠包呀~ v_v
努力當中, 睇本書, 都好似唔係幾明點整~
anyway~ 我都要整d可愛o既小籠包出黎o既~ o'.'o

28 August 2000

呢幾晚, 我o既思想上, 都出現o左一d變化...
o係親情, 友情和愛情間, 我諗到一d連自己都好難解釋o既理論...
總之總括黎講..."有你便有我"...
親情上, 冇daddy mummy, 就冇我...友愛亦言, 愛情亦言~

其實呢排都幾辛苦下...唔好以為係唔夠休息~
反而係好夠休息, d生活續漸步入番正常o既軌道上...
我辛苦, 當然係指心靈上o架啦~
因為我好怕忘記o左一d我唔應該去忘記o既o野~
所以不斷諗, 不斷諗, 希望自己僅餘下來的記憶得以保存...
唉...

27 August 2000

尋日咪講話想整小籠包o既...我絕對唔係講笑o架~
我今日就去o左買書黎學啦~~睇黎...好似有少少難度...
不過, 我一定會學到識整為止o既...^_^

今日原本去睇CW~ 順便見下個女-颯 o既...
點知...好大雨呀~
去到九龍灣, 想搭車o既時候, 嘩~ 係好多好多人...
所以結果都係冇去到...v_v

睇o左套孤星小馬高~ 有少少感動位, 想喊咁滯...o'.'o
其實今日o既收穫都好豐富, 出o左去6個鐘,
返到黎, 又多o左好多野...
朝早聽o左一個電話, 心情好番哂~yeah~

26 August 2000 - v2

我想學整小籠包呀...^_^
um...邊個識整, 可以教到我呢?
不過...第二樣就容易學o者~ 小籠包...要學, 好似幾難咁喎...v_v
丫~~唯一一個方法, 就係買書睇...o'.'o
好~ 就咁決定...我一定要學識...

仲有...如果可以o既話, 希望大家會賞下面食啦~

26 August 2000

唉...下雨天...心情唔係幾好...v_v
唉...一早起身, 比人cut線...
唉...返到屋企又冇咩做...
唉...細佬仲係冇消息...
唉...ive 第一個round冇收我, 又要等第二round...
唉...做人唔知為乜...
唉...明知錯都做...
唉...好討厭呀...
唉...一切都如幻似真...
唉...究竟我想點????

25 August 2000

昨夜我真係好多謝大家安慰我呀...^_^
我已經冇咩事啦~ 一切都係天意黎o既...
只要有料, o係邊度讀都一樣o者~ right~~~?

小貓仔同老鼠仔...有不解之緣...
你追我逐, 尋尋覓覓...
原來唔一定要互相殘殺o既...

開心番哂...諗野係唔同d~
今日又係新o既一天lu~~~ ='.'=

哎呀~ 突然諗起一首幾好聽o既歌...
好似叫"你是我的二分一"
... 好想聽番tim~~~Aaron唱o架`~

24 August 2000

今日ive公佈o左結果...唉...睇o左幾次, 都冇我個id number...
即係話, 我衰o左啦...
大家估下我感受點...?
係極之唔開心, 冇哂mood...
搵細佬...唉...佢依然唔聽我電話.
算啦...
我根本冇野做到...已經冇哂癮啦...

23 August 2000

今日, 我做了超出我能力範圍的東西...很辛苦.
早上醒來, 已經很不舒服, 但突然收到一個電話...就是爺爺有事,
要我陪佢入醫院....

聽日...ive放榜啦...
我真係好想入去讀呀...v_v
今晚, 我應該會訓唔著...
如果入唔到, 我真係唔知點算...

22 August 2000 - v2

我諗我現在心入面, 講盡哂我識o既粗口去詛咒緊一個人...
邊有男仔做到咁o架~...有冇風度o架?

係...我係知我有好多缺點, 但咁又點丫~ 我對你先係咁咋喎...
我對我d friend 就一定唔會...絕對唔會對朋友發小姐脾氣...
而點解我會咁對你, 你自己都檢討下啦~
連我都覺得好討厭o既人, 好極有限...

唔好亂估呀~ 講緊你咩??

22 August 2000

今日睇o左"搞乜鬼奪命雜作"...都幾好睇~ 幾好笑,
其中幾幕, 真係好鬼死抵死...
黎緊呢, 想睇肥佬教授2, 只係片頭都已經笑餐死...^_^

人體素描, 今日上最後一堂, 阿林伯伯都算教得幾好...
上佢堂都好開心, 下個星期上新堂, 唔知會係上咩呢...
上咩都好, 最重要唔好係miss chan 同馬sir教...
唔係就死lu~ v_v

乖乖問"點解你成日咁煩o既"
我答"因為我係大人, 你係細路仔囉~ 大個d, 你就明o架啦~"...

21 August 2000 - v2

真係好熱呀~ 想熱死人咩...v_v
搞到我做咩都懶洋洋...
哈哈~~雖然好明顯呢個係藉口,
但係...咁熱, 做野邊有心機呀~?!

乖女阿颯去o左旅行lu~
我竟然唔記得o左問佢幾時番tim~....

已經好多日啦~ 唔知幾時先會搵我呢...
等o左好耐啦~
想掛死人咩? 細佬...........
喂喂~ 唔好兩頭望~ 講緊你呀~
postcard 封面寫o個句野,
你知道咩意思啦~

21 August 2000

昨晚是很不開心的一晚...
一夜之間, 我看清楚了很多東西...
邊個要同我玩, ok~ 冇問題, 我俸陪到底,
橫掂我呢部機都廢廢o地, 炸o左我, 換過部新o既仲好...
邊個send 好多不禮貌o既message, 我心裡有數,
一send 黎就"仆街""八婆""唔好咁串"...
我諗我知邊個人做o架囉...
同埋, 好心你啦~ 乜你o既技術只可以連續send6個messages 比人咋咩~
咁渣就唔好學人玩野~ 要send 就send夠100個黎~
我可以好好"恰", 但係唔代表我比人"恰"唔出聲囉~

20 August 2000 - v2

在腦海中, 有很多話想說...
不過如果給我選擇, 我會寧願一句也不說.
因為說出口的, 卻未必是心裡想說的那句...

同埋, 我其實好煩...唔想諗咁多野, 可惜d事偏偏就逼我去諗...

除o左細佬, 二哥同三哥... 冇人鬧得我...

20 August 2000

今日有一個Uncle出家, 對於我所認識o既佢,
係一個好熱心做公益o既人,
屋企環境好好, 可以話係要風得風, 要雨得雨.
佢出家, 的確有少少意外.
能夠看破紅塵, 六根清靜...
不是很多人可以做得到的.
我本有信彿之心, 可是無奈我六根未能清靜...
一切皆是緣...

19 August 2000 - v2

今日返到屋企, 打開信箱, 收到一個人寄比我o既信,
我一睇d字, 就認得出呢個人究竟係邊個...
唉...我真係好感激佢...
我都唔知點解, 我一d都唔好, 你都要咁...我真係唔值得o架...
雖然唔係話咩感覺都冇, 但係, 我絕對清楚現在自己需要d咩~
終於都知道係邊個打電話黎唔出聲啦...真係好傻呀...
點都好啦~ 我現在最想入ive...

好無癮, 最憎單數o既人一齊行~
好似中學o既情況咁,
又再出現~

19 August 2000

唔得呀~ 今日個問題好嚴重~
我完全頂唔順...佢o地好煩呀~
越黎越唔鐘意屋企...唔鐘意聽到佢o地講野...
我已經比d功課搞到頭都大埋o架啦~
但係佢o地仲要大大聲o係度講埋哂d無畏野~ 好煩呀~
唔好話我賴佢o地, 我今晚整o左d 野,
因為佢o地嘈住哂~ 搞到我整衰o左...

唉~~~幾時讀完書, 可以搵野做...搬出黎住呀~ v_v

唔開心唔開人唔開心唔開心唔開心唔開心唔開心唔開心唔開心唔開心~~~

18 August 2000 - v2

昨晚唔知點解, 好累, 好眼訓, 可能係開始作感冒啦...
所以我9點幾就訓覺啦~ 訓到今朝9點...
所以呢...尋晚大家就見唔到我啦~ 哈哈~
一起身, 我又上網~
唉...offline message 都有好幾個,
但係就冇我想佢send比我o既人o既message啦...
好失望tim...v_v
其實夜晚開始習慣o左唔傾電話...
睇下報紙呀~ 整下呢樣野, 畫下o個樣野, d時間就好快過, 點幾就訓...
哈哈~ 正常番d...^_^

今日寄o左d postcard 出去, 張張都有意思o架~
收到唔好覺得白痴就得o架啦~ yeah~

18 August 2000

回家,第一件事會做的,便是開著電腦,跟著上網,
開icq,看看有沒有offline message或是url,
但我並不在乎那些offline message,因為不是叫我update info,
就是有些人forward message給我~
心中會暗嘆無聊!
而url,我通常會add落bookmark,但之後會不會去看,就要看心情了.

近一兩天,我很期待會收到一個人留給我的offline message.
每晚我都會希望icq alert會提醒我那個人online了,
可是都是失望而回.
回家看到那人留給我的message,感覺其實並不好受,
因為明明對方是存在,可是就要在我睡了的時候才send給我,
究竟幾時會出現?

17 August 2000

今日好開心呀~ 昨日辛苦整o既兩樣功課,
hp拎滿分, 電筒就54/60~
而咁多堂夾埋做o既功課總分都係第一...
heehee~ 好開心...
可惜亦係呢科o既最後一堂...v_v

打完波, 行番屋企o既時候,
經過滿載著我童年回憶的地方 - 一個很細小的公園...
突然諗起好多細個一齊玩o既人...
但係現在已經全部冇聯絡lu...

其實有時真係好辛苦, o個個人明明存在,
但係就要靠offline message 黎聯絡,
我好討厭咁樣, 點解?

16 August 2000 - v2

今日過得好充實呀~
11點幾起身~ 之後拎番昨晚整o既功課-hp出黎睇~
點知打錯野, 要從新print過~
跟住就開始做第二樣功課-電筒~
因為技術上o既問題~ 真係整o左好耐都整唔到,
激死~ 於是咪係咁意, 整o左個外型出黎就算,
再加埋文字解釋....掂哂~~^_^
咁我見冇咩野做, 我就無無聊聊咁畫野...
結果畫o左好多隻八爪魚出黎~
我用o左黎整post card~ print o左好多張出黎啦~
諗住開學o個時, 寄比人, 叫佢o地keep in touch with me~~o'.'o
哈哈~ 開心~

16 August 2000

sorry~前日o既info, 我寫o左d唔應該寫o既野~
二哥阿聰講得岩, 我唔可以一竹干打哂全船人,
因為始終o係icq上面, 有二哥啦~三哥啦~~對我好o既~
唔好意思~ v_v
我又要令你(二哥)擔心我tim...

收到offline message~ 大喊一場~
覺得自己完全白痴...
個心有幾唔安樂, 擔心到訓唔著...
所有野, 都係自己囉黎衰~

其實有好多野, 我都唔明?

算啦~ 諗咩丫~
大把功課未做, 再唔做, 想死咩?

15 August 2000

我覺得好過份囉~ 我有野搵你, 你唔聽我電話~
即係你之前講大話啦~
你o係我需要你o個時, 玩失蹤~ ok~是但你~
第二樣野又唔見你咁聽我話...
我完全覺得我自己呢幾日成個傻婆咁囉...
擔心人, 簡直係白痴...

14 August 2000 - v2

"風平浪靜的生活, 是否就是最幸福的生活?
我不清楚自己需要過怎樣的生活,
或許...生活在有精神寄託的天地裏, 就是一生人最大的幸福."
以上係我好耐以前o既其中一個info...

我今日發覺自己唔見o左好多野, MD機唔知點解去o左邊...
一本我好鐘意o既書, 又唔知去o左邊~
仲有, 連我自己o既感情, 都唔知去o左邊~
我覺得好心痛呀~
本來一直以為icq o既感情, 都有真感情,
真係可以做到朋友, 做到兄弟姐妹, 原來係唔得o架囉...
我終於都睇清楚啦~ v_v
點解我次次都比人hurt o架喎~
好唔公平~

14 August 2000

呢幾日o既心情都唔係咁好, 好多人一下子都離開哂我咁...
都唔知點解, 我想搵o既人搵極都搵唔到o既~
早上打電話比佢, 諗住叫佢起身, 點知佢已經出o左去;
打佢手提, 次次都響o左成分鐘都冇人聽~
開始覺得, 呢個細佬, 慢慢咁消失o左o係我o既世界lu.

咁今日食完lunch, 自己走o左去行街, 諗住揀禮物比細佬生日,
雖然離佢生日o既日子仲有好耐, 但係我都唔知自己可以做d咩lu~
咁買野比佢, 都叫做係做番d野丫~
揀o左好耐, 終於睇岩,...不過唔知佢鐘唔鐘意呢?
點都好啦...希望佢會仲記得下我呢家姐啦~

13 August 2000

以前有一個人, 他知道他欠我很多...
終於, 我要他還給我的, 比欠我的更多...
我要了他的感情...要了他的真感情.

現在可以說是不拖不欠, 可是我卻沒有了這個朋友.
我是知道, 自己太過份, 那無心的欺騙, 換來的結果, 是不可承受的.
當我每次想停止下來的時候,
我總是給他的說話, 令我心軟了.
沒有停止, 是因為我怕傷害他...
而留下來的原因, 是因為我想當他失意時, 安慰他一下吧了.
可是卻令他沉迷下去...傷害他更深...
是我的錯.
當然, 後悔已經太遲...

12 August 2000

昨晚正如我所料, 訓得並不好...

今日好乖, 放學返o左去daddy舖頭幫手,
基本上, 係冇咩好做,
只係坐o係度, 睇下報紙, 做下功課, 聽下歌,
好快, 就過o左一個下午...

突然間, 我對住部電腦好辛苦, 望住個mon, 好頭痛, 好累...
我o係電腦上面, 再搵唔到以前那種的熱愛...
或許, 電腦所帶比我o既感情, 實在令我太累吧~

我諗唔玩icq, 唔洗死o既...係就係會悶d, 不過總要試下去習慣o既~

11 August 2000 - v3

突然間, 諗起一個問題,
就係...我唔開心o既時候, 我究竟會諗起邊個呢?
um...諗o左一陣, 我都答唔到自己,
朋友係有o既, 但係傾得計o個d, 原來發覺又冇乜喎...
或者, 有2個人o既~ 一個係Athena, 另一個係細佬囉...
唉...細佬病o左...我都唔知點好,
Athena又唔係成日見...唉...我現在好唔開心呀~
都唔知搵邊個傾好...

睇怕, 我又訓唔著o架啦~ 點解會咁慘o架...v_v

11 August 2000 - v2

我今日已經好唔開心o架啦~ 仲要比細佬同阿玲激上加激,
哎呀~ 就黎激死啦~ v_v
細佬有時真係幾蠢o架~
我都打電話比你啦~ 即係証明我有野想同你講,
呢幾日冇同你傾, 我好似真係好唔慣咁...知唔知呀?
我自從o個晚同你講叫你唔好搵我住之後, 我就即刻後悔啦...
原來, 真係依賴慣o左...
哈哈~ 冇比你串過, 真係訓得唔安樂o架~

至於阿玲, 唉...冇野好講,
只得一個字 - 煩 ~

11 August 2000

我現在好唔開心, 就連信心都冇埋...v_v
因為昨晚我打o左封e-mail去ive, 問佢design幾時有得interview,
點知佢覆番我, 除o左幼兒科之外, 其他科目都不設面試...
唉...有冇搞錯呀~
年年都有得in, 今年就冇...對我o地好唔公平o者~
只係靠會考成績, 我仲要冇報art, 咁實唔洗入都得啦~~
佢又唔知我有讀開design....
噫~~~~唔制呀~~
好唔開心...點算好喎~ v_v
我本來諗住有interview, 好有信心可以入到o架~
但現在都冇....咩信心都冇lu~~

10 August 2000

呢幾日, 覺得自己好殘呀...
有時就訓唔著, 有時就等人電話,
總之, 就好似有好多野諗咁...
究竟我想點?
我自己都唔係好清楚...

我從來都冇諗住傷害人, 但係o係尋日, 我傷o左一個人,
其實我都唔明點解我會以o個d態度對佢,
不過每當我聽到佢把聲o個時,
我就會好唔耐煩...
對唔住呀...

唉...其實我又點會忍得到唔搵細佬,
又或者叫佢唔好搵我丫~
可能真係習慣o左...
冇同細佬傾過, 比佢串過, 就真係硬係訓得唔安樂...
哈哈~ 我真係煩啦~

9 August 2000 - v2

呢一晚, 我好唔開心,
因為我同細佬講, 叫佢呢排唔好搵我住, 比d時間我諗下野...

記得上年放榜, 我同teresa一齊搵學校,
突然間, 令我諗番起好多野...
我以前同佢好friend, 但係現在幾個月都冇見, 連電話都冇...
好心淡...
我好驚我同細佬會好似同teresa咁...
所以, 我唔想自己太依賴細佬, 咩事都搵佢, 要佢聽我講...
因為我知我自己承受唔到冷淡o既感覺...

好對唔住呀~

你現在要返工, 多d休息呀~

9 August 2000

今日係放榜o既大日子...
估下我考成點?

哈哈~ 我報考o左英文同中文, 兩科都合格...好好彩呀~ ^_^
不過合格得好肉酸呀~
因為...中文我只係靠作文先拉到合格咋~
而英文就ok啦~
真係執番身彩...下年唔洗再考~
正呀~~

前幾日, o係街見到一個哥哥拖住一個好細o既妹妹,
o個個情境好溫馨呀~
好彩, 我幾個阿哥,
仲有細佬都對我好好o既o者~ ^_^

8 August 2000

今日同埋一班同學一齊打羽毛球同壁球, 好累呀~~ v_v
哎呀~呢幾日好唔掂呀~ 冇咩節制, 又食番多d野...
咁樣, 即係離目標越黎越遠lu...o'.'o
近來, 我發現o左好多野, 我開始覺得呢個世界真係幾恐怖下~~
唔係我疑心重, 只係事實放在眼前...

哈哈~~(苦笑`)
我聽日就放榜lu~ 唔知考成點呢?
希望大家保佑我吧~ ^_^

7 August 2000 - v2

今日好黑呀~~v_v我呀~ 食完飯, 諗住去打壁球啦~
咁最快o既方法去球場o個度, 就係搭van仔o架啦~
於是我就上o左架van 仔啦~
點知個司機, 竟然兩步又停一停等客,
轉個彎, 又停一停,
本來最多要半個鐘o既路程, 足足用o左成個鐘...
去到, 都差唔多3點, 咁諗住打3點到4點啦~
結果, d人同我講, 今日要洗場, 最快都要4點先有得打~
即刻好想喊~
ok~ 咁冇得打, 就諗住去附近銀行入錢...
但係條龍好長呀...冇排到, 把鬼火, 唔入...
一路行番屋企, 條氣真係頂住頂住,
好彩book o左聽日同同學打羽毛球~補番o者~

7 August 2000

那天薑汁問鮮奶,
你為什麼撞我?!
便不再分開.

鮮奶就答: 那天我撞見你, 我便是你.

6 August 2000

昨晚其實真係幾驚, 收到一個人o既message,
第一句就"仆街"...
我完全唔知發生咩事, 真係嚇鬼死...v_v

今日原本諗住好好o地` 可以訓餐好o既~~
點知由9點幾開始, 唔係表姐打電話黎搵媽咪, 就係daddy打黎搵媽咪,
再唔係就媽咪打黎問我o地起身未...
搞到我無覺好訓...v_v
而且, 我係記得發緊一個幾開心o既夢o架嘛...
比d電話嘈住哂~ 激死...

5 August 2000

昨晚我o地一班同學同apple預祝生日,
雖然只係得8個人, 比起全盛時期o既十幾個人係少o左d,
但係我o地都玩得幾開心...^_^

Apple~ 生日快樂呀~~

4 August 2000

識我o既人都知我成日都擔心呢樣,擔心o個樣,
但係為o既野,可能只係一d好小o既事,
真係自己拎黎擔心o既~
好似有個人,佢同媽咪鬧交,出o左去喎~
咁我打比佢,佢話一分鐘後打番比我...
咁過o左一分鐘, 佢都冇打黎, 咁我就會懷疑自己有冇聽錯,
究竟係佢叫我一分鐘後打比佢,定係佢打比我呢?
咁我又擔心佢有事喎~咁所以我決定打比佢,睇下佢點.
但係o個幾十秒之間,我腦入面已經諗o左好多野,
例如佢會唔會唔開心, 我打比佢, 佢會唔會覺得我煩?...等等...一大堆問題~
事實上, 佢打唔打比我都冇問題~
最重要係佢冇事o者~

2 August 2000

介意不介意介意不介意介意不介意介意不介意介意不介意介意
不介意介意不介意介意不介意介意不介意介意不介意介意不介意
介意不介意介意不介意介意不介意介意不介意介意不介意介意
介意不介意介意不介意介意不介意介意不介意介意不介意介意
不介意介意不介意介意不介意介意不介意介意不介意介意不介意
介意不介意介意不介意介意不介意介意不介意介意不介意介意
介意不介意介意不介意...........

其實我係介意o架囉~~~

1 August 2000

唉...好明顯, 我又比人一個人掀動住我o既情緒,
好煩呀~~好內疚呀~
我都咁大個女啦~
邊d玩得, 邊d唔玩得, 原來我真係唔識分o架~ v_v
我知我咁寫, 又實比細佬鬧,
但係, 我真係覺得好唔安樂呀~

本來今日好好o地, 打o左一個鐘壁球, d時間都過得幾充實,
不過到我有mood諗份hw o既idea o個陣, 我拎起枝筆,
畫極都畫唔到一d 好o既idea出黎~
點算好呢?

唉~ 我好冇性格呀...v_v