|
今晚好開心呀~~可以話係盡興而回~ 首先放o左學, 就去唱k, 唱到成6點鐘, 跟住行o左一陣~ 就去食壽司~ 再之後就去o左蘭桂坊~ 見到好多好得意o既人, 我啦~apple啦~ gary同阿潘, 都有搵d人一齊影相~ 玩玩下, 玩到冇野做, 竟然拎o左今日上堂用o既水彩黎畫面~ 都咪話唔搞笑~ 大家互畫~ 真係好正~ 咁當然, 我費事返到屋企daddy mummy見到, 嚇親佢o地, 於是我o係搭的士返屋企o既途中, 抹乾淨哂先返上去~~ 返到黎, 開留言板睇, 有個小學同學留言比我, 仲叫我估佢係邊個... 傻o既都知係"陳漢權"啦~ 小學o個時o既契爺丫嘛~ 哈哈~ 仲有樣野仲開心~ 就係yummy佢寫信比我呀~ 不過係bad news, 因為佢要去外國讀書啦~ 唔知幾時會再見到佢呢~~? 今日成日, 我食o左好多煙...v_v ~危險~ 細佬如果戒o既話, 我咪一齊戒囉~ 不過, 我知佢實唔得o既~~ 下午唱k o個陣~ 我落去買野~ 咁岩細佬又打黎~ 同佢傾o左一陣~ 其實...我有d野~唔知應唔應該同佢講~ 但係...唉...都係唔講啦~ 講o左咪又係咁... 今晚, 我發現自己原來係唔飲得啤酒o架~ 好鬼死苦, 飲o左幾啖, 都頂唔順~ 最尾都係飲o左杯果汁~ um...都好累啦~ 都係訓會好d~ o~ 岩岩收到阿yah電話~ 佢話o係晚間新聞見到我o地~ 哈哈~~唔係咁邪惡呀嘛~~-_-" |
|
聽日係萬勝節~ 好開心呀~ 又可以去玩啦~ ^_^ 返到屋企, 興致勃勃咁塗上銀黑色o既指甲油~ 今日又特登買o左條裙仔聽日著~ 總之, 就好期待聽日o既來臨~ 同Apple一路行, 我o地都傾o左幾多傾~ 了解多o左d~ 真係好啦~~ 但係, 今朝返學o個時, 我應該見到一個人, o個個人o既背影, 我覺得好熟~ 我諗我唔會認錯~ 應該係Danky黎...不過, 唔知佢見唔見到我呢? o~ 又諗o左一大堆以前o既野tim~ 不過, 都過o左去啦~ 冇謂諗lu~ 昨晚, 同棠棠講o左d野, 講o左, 安樂好多~ 希望佢都會諗清楚啦~~ 仲有, 今朝起身, 好涼呀~ d 感覺好舒服,... 大家記住要著多件衫仔啦~~ |
|
我今晚聽了一首舊歌, "寫一首歌", 是順子唱的. 我終於都明白我為何會喜歡這一首歌. |
|
今晚再一次看"notting hill", 已經看過三四次了. 但它仍然有吸引力叫我一看再看. 我很喜歡裡面其中一首插曲, 叫"she". 另外, 入面有一句對白, 我也很喜歡. "she is just a woman, standing in front of him, asks him to love her." 世界上, 每一個女人, 最終都是想找到一個自己很愛的人吧~ |
|
~破戒~ 自己許過很多諾言, 每次都時時刻刻提醒自己要守著承諾. 近來, 我最常提醒自己, 就是不要再戀愛. 因為我曾對一個人許下諾言, 雖然這個諾言對他來說, 很沒意思... 他對於我再拍不拍拖, 根本不會理會. 我曾有過動搖的一刻, 可是, 這個人對我太重要, 我輸不起, 所以, 我繼續遵守承諾, 讓他知道我不是鬧著玩, 而是認真的. 要破戒的話, 一點也不難~ 因為人是很容易原諒自己的. 而且要破戒, 你自然可以找出很多令自己心裡好過的理由. 可是, 我卻有一個很堅定, 不讓自己破戒的理由. 只有這一個, 我愛你, 就夠了. |
|
這幾天, 我搞不清楚自己在想什麼... 例如, 我每天都告訴自己, 我很掛念火柴, 我很喜歡他... 但, 事實上, 我真的是否如此? 那樣的心情, 我有少許覺得, 我只是習慣了喜歡他, 因此我便告訴自己, 我喜歡的人, 就是他了. 我想, 我的心態上, 變了一點. 同樣的情形, 同樣的路, 可是, 我為什麼仍選擇去走?? |
|
我見功課又做好o左, 間房又亂成咁, 所以就的起心肝, 執下野啦~ 執執下, 又執到一d好"腰心腰肺"o既野~ 就係, 上次諗住買比阿match食o既野啦~ 宜家仲剩番一枝特別板o既汽水, 我諗...我應該唔會飲o架啦~ 留番黎紀念... 哈哈~ 其實我都收埋好多野o架~ 例如第一次飲酒o個枝樽, 第一次買煙個煙盒同埋其中一枝煙, 特別o既煙啦~ 同埋, 阿聰同我交換o既煙~ 似乎真係好多野, 我都唔知邊d放o係邊度先岩~ 每次執野, 總會令我諗番好多野~~ |
|
今朝差唔多十一點就醒o左... 睇番個電話來電, 細佬兩點幾打過黎, 但當時我已經訓著o左lu~ 其實十二點o個時, 阿亮都打過黎~ 不過我見佢昨日朝早敷衍我, 所以我就特登唔聽~ 一起身online, 阿聰又比驚喜我, 今次佢o既驚喜係來自e-mail, 都係一幅畫有火柴的圖, 好開心呀~ 呢個阿哥真係"唔話得"~~ tum到我不知幾開心... yeah~~多謝哂~~ |
|
上網的時候, 收到二哥~阿聰的offline message... 他告訴我, 他已經將我的網頁link埋o係佢個hp度, 叫我一定要去睇下, 會有驚喜喎~ 一去睇, 好感動呀... 我唔係虛偽, 而我真係覺得好感動... 好多謝你... o個句說話, 我o係日記呢度都有提過... 而首頁, 其實都隱藏o左o個句野, 不過就係英文黎... "when i light up the fire, i can see you..." 我冇諗過阿聰你會揀呢句說話, 比你猜中我最窩心的說話tim... 唔話你唔了解我都唔得!~~ |
|
昨晚我好曳呀~ 死"蚊"住棠棠唔比佢走~ 哈哈~ 當然我扭哂計, 死都唔肯訓... 佢格硬都留低o左一陣~ 其實宜家每一晚, 我都o係icq同棠棠傾~ 可能傾o既, 都係一d好無聊o既野~ 但係, 都好開心o既~ 成日都寸黎寸去, 好鬼死好玩~ 我o地由以前都叫"幾親密"o既關係, 變到宜家係好朋友~ 都真係幾難~ 至少, 我數番, 同過一齊, 現在做得番朋友o既~ 真係冇幾個~ |
|
今朝比姑姐放完飛機, 我又訓唔番, 就上o左網, 本來一d都冇諗過轉去"賣旗的杜比"個a/c o架~ 但係, 手痕, 就轉o左一轉去睇啦~ 見到阿match online...已經好多日冇見過佢~ 原來佢去o左玩, 所以就冇寫日記啦~ 第一句同佢講"GOOD MORNING", 佢答番我"YOU 2"... 因為今朝我仲以為有電腦拎, 所以我同佢講, "呢一次係可以最後一次o係icq見到你..."... 跟住差唔多, 我就要返學出門口, 我話我要走啦~ 佢send 返句"bb"比我... 我出o左門口, 一路行, 都o係度諗... "都算係一個有始有終o既結束~" 佢呢句bb對我黎講, 似乎令我好過d~ 因為要走的時候, 我不想冇聲的離去... |
|
唉~~好煩~ 因為張display card o既問題~ 我部電腦, 又要等下個月五號先有得拎~ 我真係好難忍受呢部電腦... 又要等...唔制呀~ v_v |
|
唔夠訓o既後果, 就係頭痛啦~ 我宜家頭痛到爆... 成個下午都o係度畫marker, 楝大廈畫到好細, d窗畫到我反白眼... 總之就好難畫, 先頭仲諗住畫細d會冇咁辛苦, 點知仲衰...v_v 我仲未上色呀~一陣先再畫... 休息下穩陣~ |
|
突然之間, 我諗起"真心話"...呢一隻歌, o係阿match o既日記出現過兩次... 我記得生日o個時去唱k, 大家點o左呢首歌黎唱~ 當時, 我抱住佢o地送比我o既大貓貓~ 喊o左出黎~ 我有時真係好怕聽到呢隻歌, 我一聽到, 我又會諗起阿match, 係一種好心痛o既感覺. 誰又認得百萬年前流星 唯獨記得躺到面前夢境 能共你繼續放浪生命 寧願夢到張不開眼睛 誰人願意分析美麗動人情境 恨不得給騙得高興 眼中只望到 你所需情愫 誰介意只得到佈景 如果明日總要別離 為今天歡喜 憑以前說過愛你 難道能換以後一起? 喜歡你 想愛你 想說真心話 還是你想我 談月說風花 盲目地相愛 才能令你牽掛 眉頭只會流露你願見的真相你說好嗎? 喜歡你 想愛你 想說真心話 完全用喜好 來驗證真假 而何謂真愛 如何又說欺詐 如果我誠實透露我不知道你會哭嗎? 如果我誠實透露我不知道便會快樂嗎? |
|
唉...宜家我寫呢篇日記o既時候, 大家估下幾點? 係8:14am呀~ 做咩咁早起身? 咪係要去賣旗囉~ 我昨晚搵我姑姐comfirm佢, 打極都搵唔到, 都知道"驟忌"o架啦~ 咁我諗住七點鐘起身stand by, 包冇死啦~ 等佢一打黎, 我就可以隨時出門口... 點知, 我頭先等到佢八點, 佢都冇打黎~ 於是我再試下搵佢, 頭一次, 冇人聽... 到第二次打, 佢先聽... 仲話:"幸妍呀~ 宜家唔洗啦~" 我個樣即刻變o左咁...-_-" 唔係玩野呀嘛~ 要我咁早起身, 竟然宜家唔洗, 仲要唔一早話我聽~ 你冇病呀嘛... 好...我又忍你... 下次你再叫我做野, 我知我會點做... 哼~~ 係o架啦~ 我係咁小氣o架啦~ 你知唔知訓覺對我黎講, 幾重要先得o架~ 昨晚都搞到成兩點先訓~ 訓o左五個鐘咋~ 宜家超級冇mood, 因為阿亮頭先打黎, 我同佢講我呢幾晚都好煩~, 佢竟然敷衍我... 算, 冇人聽我講o架啦~~v_v 心淡~ |
|
有好多時d野, 不知不覺就發生o左... 係好事? 係壞事? 冇人知... 至少, 我唔想呢個係事實, 唉...點算好? |
|
上o個兩三年o既萬勝節, 我都有買糖果請朋友食o既習慣. 自己花過心思去包裝好那些糖果, 希望收到的人會感受到我的心意~ 不過今年, 我沒有心情去買了... 我記得我講過, 食糖係一種幸福. 同朋友分享糖果, 就好像分了一點幸福給他, 是一件賞心悅目的事. 今年, 我沒有很多的幸福, 甚至是不足夠. 所以, 我沒有能力將幸福再分給他人. 唉... 幸福在那兒? |
|
二哥~阿聰聽日開始考試~ 你要好好努力呀~ 我會祝福你o既~~^_^ 仲有...今晚我謝絕所有來電... 我想好好休息... |
|
能夠影響到我思想o既人, 唔超過五個~ 漸漸發覺, 生活就是互相影響著對方. 因不同人的行為而做出相應的反應. 只有無情的人, 才會不受別人影響, 不受限制, 不受約束. 或許那些人認為自己是很有性格. 但人大了, 要對自己所做的事情去負責. 現實生活, 總不能很自我, 不理周遭發生什麼事. 除了向自己交代, 也要跟身邊的人交代. 如果你未滿十八歲, 或者你還可以給自己一個藉口, 就是你還小... 但滿了十八歲, 請你不要再那樣說了. 因為到那時候, 你已經是有思想, 成熟的人... 不要再給自己藉口, 去做一些幼稚的東西了. |
|
如果事情好似電腦d軟件咁, 可以undo, 又或者好似睇網頁咁, 可以按"back"就返到轉頭o既話, 就真係太好啦~ 有邊個人, 可以話自己一世都冇做過後悔o既事丫? 雖然好多野如果可以返到轉頭o既話, 人會變得更貪心. 不過, 唔貪心, 又邊係人黎丫~ 人最鐘意得一想二o架啦~ 當然, 我都係一樣... 如果唔係, 我又點會講以上o既說話丫~~v_v |
|
睇o左篇專欄, 心情又好d~ 早前, 我發覺自己在做電台節目時, 有一句口頭禪, 就是"其實". 現在做節目的時候, 我會在桌上面放一張紙, 大大個字寫著"不要說其實"來提醒自己. 這個簡單的方法很奏效, 現在我已經少了說"其實". 而在日常生活中, 我的口頭禪是"好開心"... "好開心~開飯了." "好開心~有人找我寫歌詞." 經常掛在口邊說"好開心", 朋友都說我太容易滿足. "其實", 我這兩年才明白這個道理, "口頭禪"可以是一種自我提點的方法. 三年前當我在生活上有很多難題未能解決時, 我的口頭禪是"死啦"... "死啦, 明天又要上班了." "死啦, 又要找信用卡數了." 後來才發覺, 用"死啦"心態來面對難題, 只會讓自己的心一直沉下去, 於是我把口頭禪改成"好開心", 自己提醒自己, 生活裡有很多值得開心的事情, 要學懂去珍惜; 而不是把不如意事放大, 自怨自艾. 果然, 當我的口頭禪變成"好開心"之後, 很多問題都迎刃而解. 由今天開始, 把你的口頭禪改為"好開心"吧! |
|
心理測驗加o左"笑聲洞悉他人" 想知道自己或者人o地屬於邊類型, 就要去睇下啦~~~^_^ |
|
宜家每一日, 我都想令自己過得忙一點, 因為我實在不適宜有太多時間空間. 似乎格硬迫自己, 唔係一件好事~ 不過, 算啦~ 我係犯賤o既~ 唔咁做o既後果, 咪仲衰~ 棠棠都叫得我岩o架` 因為我真係一個"衰妹"黎o架嘛~ |
|
起o左身, 上o左一陣網, 見冇咩野做, 就去o左打壁球啦~ 諗住順便去埋book聽日o既羽毛球場, 同同學去打tim~ 但係, 聽日full哂~ d 人book o左黎打籃球, 衰到死, 冇得打~ v_v 唉...我到最尾, 都係冇去睇醫生. 食o左d幸福傷風素就算... 病...就由得佢病飽佢~ 返到黎, 都幾累, 我諗, 我今晚會早d訓, 等聽日做"賣旗的杜比"o個時, 唔洗冇精神咁~ o係呢度~ 要多謝阿Yan幫我改"賣旗的杜比"呢個名~ 哈哈~ 真係夠哂搞笑~ yeah~ |
|
~太心痛~ >_<" |
|
其實宜家已經係零晨差唔多兩點, 我真係唔知自己點可以先訓到... 腦入面, 諗o左好多野, 似乎, 有d事, 唔應該搞清楚o既, 我今晚都搞清楚埋. 我一直以來否定o既事, 我今晚都呃唔到自己. 唉... "生活在風平浪靜的天地裡, 就是一生人最大的幸福" 我究竟搞咁多野做咩o者~ 係咪好得閒, 冇野做丫?? |
|
唔同人用唔同身份同立場同我講同一番說話, 會有唔同o既效果~ 而我接受o既程度, 都會因為呢個人o既身份, 而有所不同. 大家可能會關心我仲有冇食煙, 食得多唔多呢個問題~ 我心入面, 係好多謝大家關心我. 我真係清楚自己做d咩~ 我已經冇食咁多, 我諗, 我會盡量食少d~ 身體係我自己, 我都知食得多對身體唔好, 同埋女仔食煙, 始終都唔係幾好o既~ 係咪? |
|
今晚受到雙重打擊, 好唔開心... 仲要病埋, 心情差到冇可再差... 我講過, 我最憎人呃我, 可能呢d係報應, 我玩過人, 就會比人玩番, 但係, 我比o左咁多次機會你去承認, 點解咁耐都唔講, 要今晚先死死氣認o者? 仲要出埋我細佬起你底你先認, 你覺唔覺得自己好無聊呀? 不過, 又或者唔應該怪你o既~ 係我蠢, 先會信你. 仲以為有個好姐姐關心自己, 但原來, 呢d都係幻影~ 倩心姐姐就係阿程~ 唉~ 呢個真係唔知咩世界, 點解係都要令我咁憎你? 我仲有冇食煙, 已經唔關你事~ 我daddy mummy都未話我~ 唔該你慳d啦~ 你係我邊位呀~ 張先生? |
|
呢幾晚, 我都冇轉番"賣火柴的杜比"個a/c... 原因係, 既然都要別離, 所以我寧願現在開始便去習慣. 我諗, 我到時都唔send request add火柴~ 要忘記, 就要徹底d~ right? |
|
哈哈~ 整整下, 我今晚又整多個"Psychology Test", 雖然只係得三個測驗玩~ 但係, 都玩住先啦~ 我以後發現到有d有趣o既心理測驗, 就會加上去o架啦~~^_^ |
|
無野做, 開個Guestbook黎睇下有冇人留言比我啦~ 見到bei bei留o左言比我喎~ 佢入面其中寫o左"傻豬"呢兩個字, 突然, 令我諗到d野~... 大家o係咩o既時候, 先會叫其他人做"傻豬"呢? 我諗...呢個人起碼同你有番咁上下親密, 你先會叫呢個人做"傻豬"吧... 至少我認為, 我o既情人, 先有資格咁叫~ 因為其他人無啦啦咁叫你, 會好像怪怪的~ 所以bei bei咁寫, 真係有d受寵若驚~ 哈哈~ 又或者佢o既意思, 係話佢自己係"傻豬"都未定~ 係我諗得太多o者~ |
|
昨晚臨訓o個時, 都feel到自己有d唔妥o架啦~ 唉...今朝一起身, 果然係中o左招...又傷風~ 真係煩~ 本來今日都唔算係好涼, 但係我都著o左件長袖褸, 都唔知係咪真係夜晚開冷氣勁得滯, 所以就凍親啦~v_v 食lunch o個時, 同d同學去o左食自助餐, 食到好飽呀~ 返到黎, 其實d野都仲未落格, 但係我都唔理得咁多, 照去訓o左一陣~ 到頭先岩岩起身, 開icq, 就收到二佬o既offline message~ 叫我加佢個link上去~唔係就嬲咁話啦喎~(哈哈~真係小氣~) 於是, 我就的起心肝, 整埋個"Cool Links"啦~ 又係o個句, 大家記住去睇下啦~ |
|
我的家, 我諗都可以用大黎形容o既... 不過, 就放o左好多野, 我d file呀~ 美術用具呀~ cd呀~ 一枝二枝o既野呀~ 書呀~ 放到周圍都係... 所以, 我成日比媽咪"哦"我, 要我執野~ 但係, 有好多野, 我都已經搵唔到位放... 你叫我點執先得o架~~v_v 如果要我掉野, 我有d又唔係幾想掉, 因為每一樣野, 都有佢o地o既價值, 問題唔係錢, 而係, 佢o既作用, 有時其他野代替唔到, 咁你話啦~ 我掉唔掉好呢?? |
|
今晚見冇咩野做, 功課又做好o左, 所以又諗o左d 野放o係網頁度啦~ 新加上去o既叫"My Horoscope", 係講我o既星座同性格o既~ 想了解我多d~ 就記住去睇下啦~ 因為我覺得幾準~ 而且, 入面d內容, 我對住本書打o左好耐~ 比下面, 去睇下都好丫~~^_^ |
|
問題似乎沒有問完, 今天再開icq的時候, 收到offline message, 似乎是在我斷線時send 給我, 所以收不到了. 阿wing問"怎樣才算拍過拖?" 拍過拖? 拖過手, 吻過對方, 就叫做拍過拖? 我想, 這是行為上的證明. 你喜歡這個人, 你才會給你的手給對方緊握; 你喜歡這個人, 你才會給對方吻你吧... 有人會喜歡玩暗戀遊戲, 他們享受偷偷愛人的滋味. 可是, 不代表他們正在拍拖, 正在戀愛. 拍拖是要相向的感情交流. 我相信或多或少, 用行為去証明是少不免的. 你如果跟那個人一起很久了, 他吻過你, 拖過你. 我想, 你不會對我說, 你們不是在拍拖的吧?!? |
|
昨日阿wing在icq問我用什麼來比喻做愛情?! 我答"火柴", 因為愛情就好像是火柴般, 有一剎那的火光, 之後就會熄滅. 和愛侶拍了一陣子拖, 開頭的半年, 又或是一年, 還可以是熱戀期, 但過了這段時期之後, 愛情不多不少, 也會淡了, 或是已經轉為感情. 火柴點起時, 有火, 人會感到溫暖, 但很快便會燒完... 愛情裡頭, 不是全都是甜蜜的, 有過苦, 有過酸溜溜的感覺, 才叫真係愛過呢~ |
|
十一點二十五分, 見到你online... 依然像往常一樣, 不敢說話. 這幾天, 每一次見到你online, 我都會想"這是否最後一次見到你呢?!"~ 原來別離, 真是很窩心的啊~ |
|
有時候, 愛情失去了, 我們會寧願身上烙有這段愛情的疤痕, 作為一個紀念. 愛情"健在"時, 整個天地都烙有愛情的證據. 花和草, 空氣和天空, 都因為有愛情而染上顏色. 到愛情"香消玉殞"時, 一切都變臉, 什麼都留不下來, 這無疑很令人唏噓. 既然什麼都留不下, 最少留一道疤痕, 每次看到的時候, 自顧自地享受那種既蒼涼又苦澀的感覺也是好的. 為了留這道疤痕, 有人會把對方的名字紋在身上, 有人會"界"手, 其實心態都是大同小異...... 分手後, 那疤痕成為了愛情的唯一證據. 隨著時間的流逝, 疤痕已經漸漸退色, 那不表示我們擁有過的愛情, 只是代表了我一廂情願的感情而已. |
|
今日整好埋"my work"(我的工作室), 大家有時間可以去睇下~ 仲有呀~ 我想整埋 cool links~ 有冇好網頁介紹比大家睇呀?? 有o既話, 快d話我知~ ^_^ |
|
唉...原本今日去拎新電腦返黎, 點知, 有少少問題出o左, 要等多兩日, 真掃興...v_v 大家又或者會睇到, 我個首頁又改o左少少~ 唔知大家覺得點呢? 今日見冇咩野做, 就畫過張好d o架啦~ 有一樣野, 我今日覺得真係好邪惡~ 就係, 我姑姐~ 佢果然係"無事不登三寶殿", 無啦啦打電話比我, 叫我星期六去幫手賣旗~ 咁我就答佢我要返學啦~ 點知佢話幫一陣都好, 叫我返學之前去幫手, 仲要o係銅鑼灣賣~ 夠哂邪惡~ 所以, o個日我要成七點就起身... 賣完再返學~ 唉...算數~ 做義工係件好事~ 幫到人, 自己都其實好開心o既~~ ^_^ |
|
我有剪報o既習慣, 我剪o既, 通常都係專欄, 由於我唔係成日有時間睇~ 所以我就剪o左落黎~ 到我有時間o個時, 我就會慢慢睇o架啦~ 昨晚臨訓之前, 我就係咁睇~ 好多篇, 都講中哂我o既心情... 有機會同大家分享下...^_^ |
|
今日食lunch, 真係貼錢買難受... 嚴重向大家聲明, 千萬不要到銅鑼灣的"E xxxx"or"x cafe"食野~ 實在太難食啦~ 搞到我想嘔咁滯~ 本來睇佢o既格調都幾好, 諗住d野食會幾好食~ 但好明顯, 比佢呃o左~ 呢間野已經入o左我們o既black list. 下次冇野食, 我都唔會去... |
|
我從來都不相信"永遠", 因為永遠是很遙遠的事. 可是今晚, 我對"永遠"作出了承諾... 明天起, 新的電腦, 新的回憶; I have to say good bye to you... 又是時候, 去從新開始... |
|
This is the last night I can see you online. I feel so sad about it. When I connected to icq, I can't saw you right there. What I want to say to you now? I want to say"my love to you will hold on till death!" That's not kidding. You will be in my heart forever. |
|
今日係Ashely生日, 生日快樂~ 咁快又一年lu~ 好耐都冇見~ 唔知你宜家點呢? 今朝八點幾, 有人打電話比我, 由於我較o左震機~ 所以就震鬼醒o左我啦~ 我真係要走去買六合彩先得啦~ 因為, 阿亮唔見o左電話, 咁多個電話號碼都唔記得, 竟然記得我o個個~ 我真係慘啦~ 算數~ 咁我都有同佢傾, 傾o左個幾兩個鐘, 聽o左好多好笑o既野~ 好邪惡o既亦都有... 哈哈~ 傾完之後, 就起身無無聊聊唔知做過d咩~ 食完早餐(叫午餐都得~), 我又走o左去訓, 訓到兩點幾, 跟住就起身做阿哥比我o既工作啦~ 唉! 畫o左成日, 好鬼死唔掂, 原來我又係衰o左一樣野, 就係自視過高, 最尾, 都係要阿哥執手尾~ 我真係冇用啦~ 經驗, 始終都係缺乏o左~~ |
|
>_<" |
|
我都講過, 我接受事實o既能力好低. 當我知道如果我換o左電腦, icq要從新send過request add番d人o既時候, 我問了你一句"唔知你會不會accept我個request?" 你答我"應該唔會"o既時候, 我突然...唔想再換電腦. 因為在我換電腦的同時, 我亦唔會再見到你o係icq出現. 好唔開心. 咁就完... |
|
下午六時許, 看到你online... 很久沒有試個全個list, 得你一個人停留. 而我亦因為你而停留. 沉默....卻是"盡在不言中"... |
|
如果同我好熟的人, 相信會明白為何我這個網頁的首頁, 會畫有很多的火柴. 火柴這樣東西, 跟網頁的命名, 是帶有關係的. 在"賣火柴的小女孩"裡, 她點起一枝火柴, 就看到希望. "The Day Before Tomorrow", 我說過, 也是會帶給人希望的. 因此, 很切合主顯. 不過火柴對我來說, 背後還有一個意思. 就像是"點起火柴的一刻, 我看到了你"一樣. 火柴...就是"你"~ |
|
俗語有云:"身在福中不知福"~ 我們真的是這樣嗎? 很多東西, 我們會視為理所當然. 因此, 我們便時常覺得我們並不幸福. 人的慾望是無限的. 在中學四年級時讀經濟, 第一課已經有教了. 其實, 幸福就在身邊, 它可以來自說話, 行為又或是一樣物件. 例如有人會覺得, 睡一覺好的, 就是幸福; 吃著自己喜歡的食物, 也會感情很幸福; 情人對你說一些甜言蜜語, 幸福就會自自然然湧上心頭. 但這些事情, 你在那一刻, 不會跟人說出口"我很幸福啊~" 不過我相信, 其實你心裡是知道, 這......就是幸福. |
|
唉...今日我唔知醒起身, 成九點七我睇一下個鐘, 即刻講o左一句"死火"... 於是好快, 拿拿臨掟哂d野落袋, 九點十就出o左門口啦~ 原本, 我仲諗住八點九就起身, 都係衰在我懶訓, 同自己講訓到九點起身都未遲... 估唔到, 咁就中o左招啦~v_v 出到門口, 入o左電梯, 我又發覺我唔記得帶電話~ ~真黑仔~ 跟住, 上堂o個時, 又遇著一個唔識講o野o既小明阿sir~ 佢講錯野, 搞到Apple好似嬲o左我咁... 正一衰人小明黎o架~ 平時又唔見佢咁多野講~ 今日一講, 就搞"和"哂~ 希望Apple唔好嬲啦...>_<" |
|
朋友說, 最難以忘懷的人, 是那位想得到, 卻得不到的人. 我認為, 這說話對於那些相愛過一場的人很不公平. 而且, 也許因為貪心, 我想得到的人太多了, 不曉得區分誰是我"最想得到的". 直線並不好看, 永遠是大上大落的曲線才夠吸引, 一個長期對你好或不變地待薄你的人, 不會難忘到哪裡去; 最令人難以忘懷的, 應該是一個能讓你置諸死地而後生的人. 人總是犯賤的, 覺得在戀愛中得到快樂, 理所當然; 一個先給你快樂, 再給你痛苦, 再從痛苦中拯救你的人, 才叫你刻骨銘心. 不是嗎? 若你倆從未吵架, 你不會覺得很快樂; 吵架了, 你氣得死去活來; 然後他放下所有自尊, 用盡一切方法哄你, 讓你破涕為笑的剎那, 才是你最快樂的一刻. 我很相信, 一個不能令你痛苦的人, 也不能令你感到快樂, 即使不再愛那個人, 你仍然難以忘懷那種置諸死地而後生的快樂. |
|
今晚食飯o個時, 同老豆傾閒計... 唔知講開d乜, 我就答佢~~ ~~~血管無歸~~~~ 哈哈~~ 其實我想講血本無歸, 但我竟然講o左血管無歸, 笑死人...^_^ |
|
人不能控制時間運行的速度, 可以控制的, 就只有怎樣去用這些時間. 哥哥給了一樣工作我做, 對於我來說, 勝任有餘, 而且還可以得都一些實際的經驗. 似乎是件好事. 昨夜, 我不斷想我的將來... 與其說是"想", 不如說是"幻想"會好一點. 因為我所想的, 都是很美的事. 用"幻想"來形容, 會好一點. 通常"幻想"都是美麗的. 閒來"幻想"下, 也可不是一件壞事啊~ |
|
今日係水水生日, 生日快樂呀...^_^ 昨晚兩點幾先訓, 一路都冇醒過, 直到下午一點, 我先有意識起身...唉...好耐未試過咁好訓啦~ 出面, 依然都係落雨~ 雖然我今日唔會出街, 但影響o左我做功課o既心情. (呢個似乎係懶, 唔想做功課o既藉口~~哈哈~) 死火~ 又有兩張marker未畫, 點算? ...冇o既... 咪又係要死死氣去畫~ 星期一唔交, 再下堂小明阿sir就唔比交o架啦~ = ( |
|
OH~ 諗起一樣野, 就係, 我之前將個counter放o係日記度, 已經有二百幾個人黎睇過... 宜家我將個counter放o左o係第二度, 佢會從新再計過... ...咁... 咪好唔著數~?! ~~~~~唔制呀~~~~~ |
|
搞o左成晚, 終於都正正式式整好個網頁~ 哈哈~ 真係開心啦~ 但係, 宜家出面落緊雨~ 我o既心情又有少少比天氣影響o左tim~ 今晚轉返"賣火柴的杜比"o個時, 見到你online~ 本來想send句hi比你o既~ 不過, 我正想send o既時候, 你好快就走o左lu~ 有少少失望tim~ 其實, 唔止出面落緊雨~ 我個心, 都落緊雨, 仲要係大雨黎tim o架~~ v_v |
|
昨日Athena送給我的書, 我一晚已經看完了. 真的很好看, 很有意思, 又明白了多一點道理~ 我想, 我會買埋其他的幾本, 從輕鬆的漫畫跟文字中, 領略到更多人生的真諦. |
|
今日係我同學仔阿聰生日, 雖然佢現在冇讀~ 不過我都仲記得o既~ 喂~ 賓佬聰~ 生日快樂呀~ 下午食lunch o個時, 去o左唱k, 唱完k, 我o地幾個女仔陪Yan Yan去睇鞋仔, 佢以好抵o既價錢就買到自己o既心水boot~ 真係開心啦~ ^_^ 但返屋企搭車o個時, 我就冇咩心機~ 因為...咪又係o個個人囉~ 我又諗起佢啦~ 跟住返到去, 就好忙咁整呢個網頁啦~ 大家覺得個板面咁擺法, 睇o個時會唔會方便d呢~? (拿~唔好答我唔係呀~~) o係度, 我又要唔該一個人, 佢就係阿恆啦~ 因為我唔識整frameset, 都係多得佢教我咋~~ thanks a lot~~ |
|
<有什麼事> 立體心情 - 梁芷珊 戀愛的時候, 當對方打電話給你, 你並不會以"有什麼事?"為開場白. 因為絕大多數的時候, 你們通電話都是沒有為著什麼事的, 問候一句, 噓寒問暖, 聽聽對方的聲音, 讓對方知道你想念他, 就是事實的全部了. 當你想向對方表示不滿的時候, 電話也是一個很好的表達渠道. 拿起電話問一句"有什麼事?"對方已經覺得很不是味兒了, 因為他從來找你, 都不需要找一件事情作藉口. 只是"出了事"的時候, 你才會冰冰冷冷地以"有什麼事"作開場白. 當他回答:"沒什麼特別事情"的時候, 他彷彿感到你的下一句話就是:"沒有事便不要打電話來了." 若你接到某人電話, 不會問"有什麼事"時, 那人在你心目中, 地位一定超然. 因為這表示了你願意隨時隨地, 讓他通過空氣中的電波更靠近你, 並且霸佔你的心思和時間. 當你愛一個人, 沒有事也可以捧著電話聊一生一世; 當你不再愛他, 立即感覺無話可說. 愛情的世界就是這樣現實, 當你不想他有事沒事都找你時, 你已經不再愛他了. |
|
哈哈~ 23:43:22...終於你都online啦~ 今天很忙? 還是今晚出去玩了? 有喝啤酒嗎? |
|
我icq個nickname叫Tobeyz~鐵了心~ 知唔知點解我會改呢個名? 因為我除o左阿Match, 我邊一個都唔會鐘意, 而佢亦唔會鐘意我, 所以, 我就唯有鐵了心啦~ ~唉~ ~!傻瓜!~ |
|
我很怕有一天, 我不再喜歡你... 所以每一天, 我都會想起你, 害怕自己將你忘掉. 害怕有天, 知道你有女朋友... 雖然一定會有"那一天", 已經有心理準備... 可是我接受事實的能力不高... 那天來臨的同時, 亦是我對你死心之時嗎? |
|
基本上, 每一天, 我都沒有什麼勞動的東西做... 可是, 我每晚都很累... 實在不知道怎樣解釋~ 是我想得太多東西, 想到太累了吧?? 其實, 只有一個人可以解救我, o個個...就係我自己啦~ |
|
今晚說的話, 實在很矛盾!! 我其實一d都唔鐘意乖, 或許, 已經乖得太耐啦~ 直到中五畢業, 我先敢去曳... 哈哈~呢年幾, 我真係變o左好多, 有好多人都咁講...變好就話o者~ 但係, 我變衰o左... 呢個先係大問題~ 去改, 似乎又唔係好有必要... 因為我d朋友都習慣o左咁相處... 唔改, 係怕第時識o個d人唔習慣我o既溝通方式o者~ 咁...我應唔應該介意人o地點睇呢?? |
|
我爸爸是一個沒有受過什麼教育的人, 年紀很小便出來工作~ 有時聽他說話, 很好笑的啊~ 因為他會講粗口, 有時吃吃下飯, 他興起, 便會講一兩句... 他嬲的時候講, 我會默不作聲; 如果他只是開玩笑地說, 我會忍不住笑; 有時會想, 講粗口也是一種溝通方法... 縱使很粗魯, 沒有禮貌, 但我卻喜歡這種不虛偽, 不造作的說話技巧~ 是低俗的, 卻是最真的. 以前我不敢說粗口的, 可是現在, 每天都掛在口邊~ v_v 唉...仲話做個有修養o既人, 慳d啦~ |
|
我喜歡高貴, 有修養的人... 生活上, 我不曾遇著這樣的人... 但在電視上, 我發現兩個...一個是柯德莉夏萍, 另一個是拍時光倒流七十年的女主角, 名字...不記得了... 可是她的樣子, 仍深印在我腦海... 美麗的人有很多, 要美麗而又高貴, 又有修養的人, 相信很少... 我不高貴, 不美麗...天生的. 所以, 我只有不斷去學習, 希望做一個有修養的人. 不過...首先是否好好改變說話的態度跟方式呢? |
|
小時候, 很喜歡玩little twin star... 他們手上拿著豎琴, 就由那時開始, 一直渴望自己有機會學~ 別人說, 學樂器最好在小時候開始學, 可是, 我已經十八了, 現在才去學, 是否遲了一點呢?? 所以我會諗, 第時如果我有女, 佢又鐘意學豎琴o既話, 幾貴都好, 我都會比佢學~ 這就是自己的願望, 在她身上實踐吧~ 哈哈~ 唔知係咪個個媽咪都係咁o既呢?? |
|
同Athena講起. 每日上網, 要做的事... 我o既答案係...包括開icq, check mail, 同埋去睇你個hp... 看到你寫了新的東西上去, 我會諗, 究竟你寫給誰看, 背後有什麼意思, 想帶出什麼訊息?! 當然, 我很笨, 想不到, 猜不到...真係"十萬個為什麼"都解釋唔到比我聽~ 見不到你寫東西上去, 我會想, 你一定很忙了, 又或者會諗, 乜你咁懶o架~~ 每晚offline之前, 都會轉番"賣火柴的杜比"這個a/c, 看看你是否online... 好讓我可以安心睡覺... 不斷告訴自己, 已經足夠...不能直到永久... 寧願你沒有說出口, 讓我仍有理由... |
|
丫~ 唔記得講一樣野~ 就係...我以前o既班主任蕭蕭, 竟然同"姣婆"一齊... 呢個消息, 真係邪惡啦~ 嚇死人... 乜呢個世界o既好男人死哂咩~? 定係人到o左咁上下, 就飢不擇食? 哈哈~ 都係講笑o者~ 蕭蕭都唔差o既...係估唔到"姣婆"會揀佢o者~~ |
|
同Athena食o左一個愉快的午餐, 傾o左成個幾鐘o架~ 呢個幾鐘入面, 討論著我們的前途理想, 似乎, 前景仲未明朗, 我們還需時間去好好考慮~ 希望我們會好快就找到目標啦~ Athena送o左本書比我, 雖然我仲未開始睇~ 但單看書的公仔, 已經很吸引我了...我想一定很有趣吧... Athena說, 這本書看了, 人會開心點...所以就送比我啦~ 我好感激佢呀~ 呢種分享, 比起其他野, 來得更有意義~ o係呢度, 我想同你 - Athena講... 我們會是一輩子的朋友, 雖然唔係成日都見~ 但其實我o地個心係好近...有咩需要, 搵我丫~ 我一定支持你... 突然之間, 感受好深, Athena, 多謝你~ |
|
昨晚十二點幾就訓o左啦~ 好好訓, 訓到今朝十一點幾, 跟住諗, Athena 話會約我喎~不過就冇講明係幾點, 所以都係拿拿臨起身沖涼洗頭會好d~ 宜家十二點啦~ 佢都未打黎, 咁我就諗住去做珠寶設計d功課啦~ 當我想搵把cutter出黎cut野o既時候, 我又發現, 我把cutter唔見o左. .. 唉...我由讀大一o個一日開始, 買o左第一把靚cutter, 到o左宜家, 大大話話, 都唔見o左七八把啦~ 即係話, 我聽日又要去買過把~ 煩到死~ v_v 唉...搵唔到cutter, 冇咩mood, 又上o左網, 開自己個網頁黎 寫下野啦... |
|
好多日都冇搵過細佬, 唔知佢隻眼點呢? 我次次想打電話比佢o既時候, 我都會諗... "會唔會阻住佢休息呢?" 我知我咁講, 又實比佢話我o架啦~ v_v 兩姐弟, 冇計o既~ 好~ 我今晚就搵佢~ ^_^ |
|
我其實覺得自己都幾無聊下, 成日都為o左少少事而唔開心, 昨晚同一個朋友傾電話, 佢同我講, 佢腦出血~ 唉...點解會發生d咁o既事o係佢身上o架??? >_<" 佢問o左我一個問題, 就係我最開心同最唔開心係因為d咩? 我答:"最開心係1/30那天跟某人出去玩, 最不開心是我生日那天, 跟那個人說分手~(其實都唔可以叫分手, 因為都唔似真係有一齊過...) 原來, 我只係會因為感情o既事而開心同唔開心, 我o既世界, 原來只係咁細... |
|
跟Apple同咖哩去看了"處女殺手"... 好唔好睇? 一般啦~ 因為咩都cut哂~ 都唔恐怖o既~ 唉...總算, 又挨過o左一日... 好悶呀~~ |
|
記憶所及, 在我的過去, 只吃過一次雙皮奶... 那一次, 是跟你去吃的... 再有機會跟你去吃嗎? |
|
聽到Daddy Mummy講, 佢o地好似o係股票上, 輸o左好多錢, 咁係咪即係話, 我唔應該再咁大洗呢?? 雖然都幫唔到好多, 不過...起碼盡量少d問佢o地拎錢, 我諗會好d o掛~ |
|
很想可以再見你... 如果我打電話給你, 約你... 你估, 你會否應約? 唉...可是沒有勇氣去打這個不知是否轉了的號碼... |
|
昨晚翻開以前的日記簿, 一直看到兩點才睡... 已經看過不下十次了, 每次看的感覺都不同... 我只能在日記裡看到有關你的回憶, 一點一滴, 記載著. 為你的一句話笑了, 為你的一句話哭了... 我相信, 我一定會堅守對你的承諾, 縱使你會覺得我傻, 可是...別無他選...就只有你. 找一個人, 隨便去拍拖, 是一件很易的事. 但那個人的身份, 是叫"代替品"~ 我想...沒有人想做別人的"代替品"吧? 結果可能傷了人, 又傷了自己呢... |
|
"令一個人好好愛自己, 也是証明自己有能力的一種" 這是你曾說的話. 可是, 如果沒法令你好好愛我, 那麼, 我便沒有任何能力?!? |
|
哎呀~ 昨晚訓覺o個時, 我依稀記得, 有人打o左兩次電話黎~ 本來都想起身聽o既` 但係...o個時好似係三點幾同四點幾囉~ 要我起身傾電話, 冇可能啦o掛~ 鐵人都要訓覺啦~係咪? 除非係...啦~ 唔係o既話, 要我咁夜傾, 先生, 你邊位呀?? 喂~ 過o左兩點, 我通常都訓o架啦~ 下次唔該早少少打黎~ 哈哈~ 今日同阿Yan, Wing同Apple去o左玩具反斗城, 阿Wing 就買o左糖, 我同Apple就買o左兩枝叉, 諗住萬勝節出黎玩o個時拎住~ ^_^ 基本上, 我未試過萬勝節o個時出去玩呀~ 所以, 希望o個日會玩得好開心啦~ yeah~~~~~ |
|
突然send來一個message, 問我為何開著這個a/c, 我答你, 是因為只有這個a/c, 我才可以看到你online... 傾了幾句後, 實在不知道應該再問什麼問題~ 因為, 我還有資格去知, 去問嗎? 以前, 我記得你時常都會答我ok la...很討厭的啊~ 我都不記得話過你幾次叫你不要那樣答我~ 可是你一直都沒有改~ 到了現在, 你沒有再答我ok la...換來的, 卻是...oic... 十萬個無奈... -_-" |
|
雖然再看的時候, 會勾起心碎的回憶, 可是...我不怕再看... 人總是有回憶, 那才代表我們曾活著... |
|
今晚電視會播"悠長假期"...一套令人懷念的日劇, 故事內容已經不太記得了, 可是劇裡的音樂, 我平日也會聽聽, 其中一首是"Close to Me"... I'm so all alone I dream of you Lying here next to me I wanna hold you in my arms Underneath the stars Feel the wind blowing thru your hair Your hand in mine I adore you Please don't ever go Keep you close to me Cause I need you so Imagine you and me In a field of dreams The earth is still And time never ends I'd climb the highest mountain Just to be with you When you're near I feel warm inside We'll be as one |
|
上年o既10月22號, 我見o左一個人, o個日係佢o既生日, 佢叫Ashely... o係我o既記憶入面, 佢曾經令我好感動, 因為我有次整親隻腳, 行唔到, 佢都走o左黎我屋企樓下...o個時, 我根本冇可能落去見到佢, 但係佢同我講, 佢黎o既目的, 唔係見我, 而係想我知道, 有一個人o係我身邊... 唉...好快, 就一年啦~ 唔知佢係咪變o左好多呢~? 每一分每一秒, 都有值得記著的事情, 上年的10月22號, 今年的10月22號, 以後的10月22號, 我都會記得係你...Ashely的生日. |
|
今日收到一個阿程o既message...對我黎講, 係好冇意義~ 對佢黎講, 或者會好過一點... 我知我上次搵細佬同佢講清楚, 唔係幾好... 始終係我o地兩個之間o既事, 其他人最好都係置身事外會好d~ 但係...唔該你...唔好搵你d細妹黎過橋, 更加唔好o係我面前提佢o地~ 你對佢o地有d咩承諾, 我冇興趣知... 同埋, 我唔鐘意嬲人, 你同我媽咪講話我食煙o個件事~ 我已經冇放o係心上, 但係, 我就覺得同你做朋友會好辛苦... 所以冇咩必要, 你都唔洗再send message比我... 我冇咩需要人擔心, 我會好好生活~ 我o既世界, 有冇你都好, 已經唔再重要啦~ |
|
唔知大家有冇睇麥當勞近期o既廣告呢? 內容係講一個小妹妹, 佢扣岩一粒鈕, 就會獎自己食一條薯條, 點知扣扣下, 扣錯o左一粒喎~ 呢個妹妹就好乖咁...扣番一條薯條唔比自己食~ 哈哈~ 加埋背景音樂, 成個廣告都比人一種好溫馨o既感覺. 基本上, 近幾年麥當勞o既廣告都好吸引人... 通常都係以溫馨o既場面氣氛作selling point~ 睇得人好舒服... 丫~ 其實諗諗下...個廣告又好似話o左d野比我聽~ 就係...人如果做錯野or做o左d衰野, 咁個天就會好自然令我o地短命d~ 我咁諗, 唔知岩唔岩呢?? |
|
朋友問我誰會伴我這聖誕 我話其實我喜歡一個 與風為伴 最平淡也是最容易過 寒冷夜裡城裡面聖詩傳來 湊著無盡晚空煙花播 不眠夜 我還是要獨個來渡過 有一刻真的想不管一切去找你 卻又明白再不應出錯 你這一刻定是歡欣興奮開心不過 共聚又是如何 夜還未深 愛還未可 難過亦要經過 已是離別我很清楚 未眠如我 不止一個 誰沒有癡過夢過 曾努力過 曾快樂過 擁有過 也就其實已經很不錯 都明白 卻還是渴望你陪伴我 呢首歌, 我一直都很喜歡... 我曾記得, 在聖誕節的時候, 我在電話裡播過給二哥阿聰聽... 今日再次聽, 感覺很深... |
|
樓下寵物店的櫥窗, 放了幾隻白色貓貓, 很可愛的啊~ 每次我落了車, 行返屋企, 我都會去睇睇~ ^_^ 要養一隻真的貓貓, 根本是一件沒有可能的事~ 第時我搬出去住, 我一定會養寵物, 會養一隻白貓, 又或者一對北京狗, 如果要我幫牠們改名, 狗仔會叫"毛毛"同"沙沙"... um...而貓貓...我暫時未諗到... "毛毛""沙沙"這兩個名字, 正好來為我紀念一段感情... 一段曾經令我很深刻, 永不忘記的感情... |
|
呢一日, 係我o既好朋友Teresa生日, o係度祝佢生日快樂...^_^ 昨晚, 我好慘呀~ 阿亮成兩點幾先打黎, 我晨早點幾就訓o左覺啦~ 唉...本來都想同佢傾o既~ 但係我喊過, 所以個人特別累, 於是好快, 傾o左幾句就收線啦~ 丫~ 我昨晚搵細佬o個時, 比佢個留言錄音玩o左我tim~v_v 都話o左我最憎留留言o架啦~ 好似留遺言咁... 不過細佬你o個個留言錄音又幾正o既~ 我打第二次先發現, 真係蠢啦~ 我先頭真係以為你聽唔到我講野呀~ 哈哈~ 我下次唔會再比你玩到o架啦~ 昨晚, 三哥講o左一句野, 就係我, 佢同埋阿聰, ~我o地係癡情三兄妹~ 唉...又真係講得幾岩o既~ 但似乎, 我好嚴重囉~ >_<" |
|
放學回來, 本想去睡一睡,...可是, 睡在床上, 完全沒有想睡的感覺... 腦海裡, 不斷想你...感覺依然是辛苦的. 或許在這樣的天氣下, 陰陰暗暗, 總讓我陷入悲痛之中. 我發覺自己很喜歡折磨自己, 每過一段時期, 我便會有很多理由叫自己開著只有我跟你的mail box, 看著我們的e-mail... 每看一次, 我都會哭...很懦弱吧? 為何心裡 消散是這道牆 沒法解釋失落失常 心裡邊 有點慌張 為何這樣 為何竟偷偷戀上 完全因你 使我換了立場 逝去戀火如今再度高漲 感謝你 從新的把我欣賞 情令我愛 我痛 我感觸 不敢回想 舊日舊事舊創傷 改寫情感的方向 此刻人迷茫 無法自拔 跟你戀上 回味與你碰上再點起初戀幻想 像是做夢又似真 只想能找到方向 感激尋回你 仍能情深 愛上" = * |
|
唔知細佬仲有冇事呢~? 我又唔敢打電話比佢, 驚阻住佢休息丫嘛~ 咁我唯有等佢打比我啦~~ 天氣真係涼o左好多呀~ 大家出街o個時要記得著多件衫喎~ ^_^ |
|
每天空虛地過 為自己找出很多的藉口 以為可以跟你天長地久 以為自己會堅持對你的承諾 可是 已經沒有理由 笑容的背後 就是無奈... |
|
走在單程的路上...不曾擁有過你. 今日, 我又突然覺得自己其實未完全放低哂~ 至少, 我仍然希望自己會再見到你... |
|
今日原來係黑色星期五~ ~~Happy Black Friday~~ ^_^ 唉...買唔到飛睇咪走雞呀~ 於是同Venus 去comix cafe食晚飯~ 我o地傾o左好多計呀~ 都幾好~ 好開心呀~ 不過食o左兩塊扒~ 飽到死~ v_v |
|
不用上課的日子, 我總會讓自己睡多一點... 十二時許才起床, 吃完了早餐之後, 似乎發現自己沒有什麼好做了... 一陣我約o左Venus去睇"咪走雞"...希望買到飛啦~ 我都好耐冇見佢lu~~~ |
|
好慘呀...細佬整親隻眼...v_v 擔心死人...聽佢猛話痛...唉...真係唔知講d咩好lu~ 你要快d好番呀~ 隻眼紅筋現哂~ 就唔靚仔o架啦~ 閒來找回一些舊cd聽, 我還記得上次聽的時候, 那個情境...那種心情... 我...的確還記得... |
|
天氣終於開始涼了...下著綿綿細雨 感覺真好... 原來昨晚我又傻o左...又亂諗野啦~ 根本都冇事~ 哈哈~ 昨晚...同阿Match o係icq度傾o左幾句...好開心呀~ 跟住細佬又打o左比我... 嗯~ 所以keep住一個好好o既心情去訓覺啦~ 起身o個時, 人都精神d~ |
|
突然之間, 有d驚...我好怕我會再次失去... |
|
會過去的 是你的美麗 和我最想念的春天 花開花謝 青春不再回來 心中的美夢你可別落空 會過去的 是你的表情 和我最想念的夏天 日復一日 過去怎麼不回來 往事都隨風飄去如塵埃 啦...... 會過去的 是你的猶豫 和我最想念的秋天 花開花謝 青春不再回來 這記憶卻形影惹情懷 啦...... 會過去的 是我的惆悵 和你最想念的冬天 日復一日 過去怎麼不回來 往事都隨風飄去如塵埃 會過去的 是你的美麗 和我最想念的春天 日復一日 過去怎麼還不回來 往事都隨風飄去如塵埃 明天的明天 是否還有夢.......... |
|
昨晚比棠棠講完, 話我個鐘無啦啦響, 可能係"o個d野"o既時候, 訓覺o個時, 真係有d驚驚o地~ 加上近來都成日聽d friend 講鬼故... 好恐怖呀...v_v 棠棠~ 你試下再講丫~ 再講以後唔好同我傾計~ 你.................睇下後面~~~ o~ 原來冇野喎~ 哈哈~~~~~~~ |
|
interview完, 仲有明白o左一樣野... 就係點解平時上堂咁鬼死憎做堂課...原來比人睇住做野, 壓力都幾大~ 咁係咪即係話, 我要做多d堂課, 又要做得快~又要做得好呢?? |
|
話咁快~ 就去完interview~ 見成點...? 我會用一個字黎形容 - 差 !! 原來o係屋企做野, 同o係第二d環境做野, 分別會咁大... 連部電腦都好似唔識用咁...v_v 可能英文板同中文板o既問題啦~ 怪怪o地咁... 又發現一下子o係腦入面諗d野出黎, 都幾難~ 知識仲未夠, 請我o既機會亦相對地低~ 哈哈~ 雖然有少少對自己失望, 但係, 知道自己缺少o左d乜, 係好事黎o既~ 我下次一定會再努力~ ^_^ 現在就要好好咁upgrade自己~ 等待下次機會的來臨~ ~yeah~ = P |
|
今晚好似好多野諗咁...我竟然破哂紀錄, 寫到第6個volume... 唔知呀...可能有d悶悶o地o掛~ 雖然仲有d功課未做, 但係我又唔想做住... 反而想好好休息... 迎接新的挑戰... 但又發現一個問題~ 就係我仲未買新機... 雖然屋企已經有3部家庭電腦, 一部手提電腦, 不過...如果我同阿哥同時要做野o既話, 真係唔講得笑... 我邊有機用? 因為我自己房的電腦, 都冇用o既... 慢到死~ 根本唔可以用黎做野...而其他電腦, 就o係電腦房, 阿哥返o左黎, 佢一定會o係電腦房做野, 咁我點算?? 希望阿哥快d幫我搞掂部新機啦~ 趕住用o架~ LUCIEN~ |
|
我家的門鐘, 很有趣的. 它痴了線, 痴了洗手間抽氣扇的線... 熄洗手間的抽氣扇時, 門鐘就會響起... 情況不是只發生過一兩次, 而是每天都會發生... 甚至, 沒有熄抽氣扇, 它也會自動響...有點兒恐怖~ 更可惡的是...每朝的六點幾七點, 它就會響... 不要以為只響一下, 而是連續響出全部有的音樂, 由細聲響到大聲, 有時仲會走音~ 真抵死~ 我屋企真係古怪o架啦~~~~ |
|
大家的家裡, 是否有一個筆筒呢? 筆筒插著各式各樣的筆... 今晚突然留意到桌子上毫不起眼的筆筒, 發現...原來有很多筆, 已經沒有墨了, 有的只用剩很少... 但為何仍留著呢? 我也不知道啊~ 它們的存在, 可有可無... 留著, 似乎會再用的機會率很低; 掉了它, 其他的筆在筆筒, 好像顯得有點空虛... 還是安於現狀吧... 一切照舊, 繼續扮演可有可無的角色... |
|
我將朋友的事, 放在第一位, 將自己的事, 放在第二... 朋友不開心, 我也會不開心... 朋友要我幫忙, 我會義不容辭... 這是一件好事吧... 我喜歡朋友搵我幫手, 因為他們有用得著我的地方, 証明我不至於是一個很差勁的人... 但藉此來証明自己是個有用的人...是很愚蠢的吧? 可是...我又不介意那樣...... |
|
我一天對著電腦, 至少都有十個鐘的時間, 但在這段時間裡, 大部分都是做著一些無聊的東西, 漸漸覺得, 很浪費時間, 因為如果我將對著電腦的時間, 轉為做其他的事情, 我又知道我會做到更多有用的東西... 那似乎是我的問題, 明知都不做...哂氣~~ 其實, 人生話長不長, 話短不短, 時間...很重要... 每過去一秒, 我的人生都會減少了一秒! 不經不覺, 我的生命, 已過了18年多...我還有多少時間呢? 如果明天便要死亡, 上帝或閻王問我做過什麼大事? 我想...我會答他...什麼也沒有做過~ 唉...原來...過了十八多年, 也浪費了十八多年了... ~無奈~ |
|
今日搭車回家的時候, 坐在一個小妹妹旁邊, 她很可愛的啊~ 於是, 我就即刻拎咖哩請我食的那盒糖出來請她吃啦~ 她白雪雪, 紮住"邊"...好鬼得意...^_^ 我由上車同佢玩到落車, 都冇停過笑...真係開心啦~ 聽日我要見工啦~ 好好好緊張呀~ 10:30 interview... 仲有d咩未準備好呢~~ 要諗諗先~ 唔......應該準備o既都準備好哂~ ~Good Luck~ |
|
今日有少少唔開心...咪因為Apple同咖哩囉... 佢o地成日玩玩下就認真...唉...都唔知點講~ 拍拖係開心o架嘛~ 何必因為少少事傷o左感情呢~! 下次唔好啦~~知唔知? 哎呀~ 昨晚就真係好大件事~ 我唔知係咪因為好耐都冇食過紅肉o既關係, 我前兩日食o左少少牛肉, 就皮膚敏感啦~ v_v 好慘呀~ 好鬼死痕, 但係又唔"咬"得... 不過...都有d開心o野o既~ 就係昨晚o係icq同一個師兄傾計, 傾傾下... 佢問我有冇興趣做野...design o既工喎~~~ 咁我當然有興趣啦~ 好快...我就send o左resume啦~ 仲o係頭先~ 搞掂好番哂interview d 野tim~ 如果見得成, 就好啦~ o係度, 我要多謝一個人, 佢叫Kevin~ 我會好好努力~ 唔會令你失望o既~ 我星期三就要去interview啦~~~好驚tim~~ >_<" 大家要保佑我呀~ |
|
我現在很珍惜跟朋友一起相處的時間, 很久沒有見的朋友, 心裡, 我是很想念你們的. 希望我們有空出來一聚... 一切還好嗎? 大家已經變了很多吧... 我期待去接觸全新的你們... |
|
今天十二點幾才起床, 吃了早餐, 看了一會兒電視, 便開始做功課... 做到四時許, 總算完成好了...畫的是sofa跟轉動椅子, 畫得好不好, 就見仁見智了~ 忙碌完畢, 有點悶... 悶, 究竟做什麼好呢? 看電視?! 星期日的節目, 都是很悶的啊~ 拿著控制器, 不停的轉台, 還是沒有什麼好看... 看書?! 沒有買新書看, 在家的書, 已經看了不知多少次了, 我需要一些新的原素, 舊書滿足不了我... 我想...還是睡覺最好...既可以休息, 也可以令時間過得快一點... 可是, 睡在床上, 又睡不著... 唉...都不知道自己想怎樣...v_v 不其然, 我的心情又落寞下來... |
|
生活不是分數的紀錄, 不是有多少人打電話給你, 不是你曾經正在和誰約會,或者根本從未約會過; 生活不是你吻過誰, 做過些什麼運動, 或者有那些男孩/女孩喜歡你; 生活不是你的鞋子, 你的頭髮, 你的膚色, 你住的地方, 或你上的學校; 事實上, 生活無關成績, 金錢, 衣服, 或者大學收不收你; 生活無關你是否有許多朋友, 或者孤獨一人; 無關你是否為人所接受; 生活不是這些. 生活是你愛誰, 你傷害了誰; 是你對自己的觀感, 是信任, 快樂與同情; 生活是為朋友挺身而出, 以愛取代內心的仇恨; 生活是避免妒忌, 克服無知, 建立信心; 是你所說的話, 你認真的堅持; 生活是看穿別人的真我, 而非只看見他們擁有的東西; 最重要的是, 生活是選擇運用自己的生活, 以無可替代的方式, 觸動他人的生活; 這類選擇就是生活. |
|
基本上, 我有兩個icq a/c, 一個就係平時用開o既86888894~ 另一個就係"賣火柴的杜比"... 尋晚我冇開"賣火柴的杜比"呢個a/c... 咁頭先我開黎收offline message同url啦~ 點知~ 我竟然收到阿Match o既offline message, 即刻笑o左出黎~ ^_^ 我真係估唔到呀~ 真係好開心... 雖然我講過放低佢, 但係佢send得offline message比我, 即係話, 佢都有少少當番我係朋友啦~ 呢個世界, 多個朋友, 好過多個世仇.... 本書你覺得好睇~ 咁我下次有好書~ 都寄比你一齊分享丫~~~ |
|
唉~ 我今日好出奇地唔知醒起身... 雖然唔係遲好多, 仲有時間去到食早餐o個度傾陣計tim~ 但係...唔夠訓, 真係好慘o架~ v_v 飯又冇胃口食喎~ 成個人好似遊雲咁... 最衰都係阿亮, 昨晚打電話黎... 傾到過o左我訓覺時間, 成三點幾, 喉嚨又痛喎~仲要比人寸~>_<" 下次都係咪搞我... 平時同細佬傾開, 傾到時間岩岩好, 大家好有默契, 絕唔會格硬黎~^_^ O~ 星期一又上marker, 唔想畫呀~ 我一d都未畫... 如果唔交住, 會唔會好衰丫拿?? |
|
今日係重陽節~ 係紅色假期~ 有假放~ 不過...星期五, 我不嬲都唔洗返學o架啦~ 所以我差d都唔知係重陽節... 我前幾日食食下飯~ 問媽咪...重陽節? 咪要食"腫"囉... (個"腫"字出唔到呀~唔係我唔識打~) 點知即刻比人話我...咁大個女都唔知重陽節做咩~ 你讀咩書o架~? 諗o左一陣...係喎~ 重陽好似唔係食"腫"o架喎... 係登高先岩~ >_<" 昨晚好慘呀~ 比細佬折磨~ 佢猛話肚餓, 但係又懶唔想煮...又唔想落街... 終於...我o地好快就收o左線~ 因為只有訓覺先會唔覺肚餓~~~ 但...佢唔飽~ 佢又訓唔著o架喎~ 都唔知佢訓唔訓得著呢~?! 好野~ 細佬話可以養八哥~ 兩個月後~佢就會買o架啦~~~~~ 咁我到時咪有得玩囉~ ~~yeah~~ |
|
唉...我呢幾日都好努力咁搵番哂以前o既info出黎, 真係好累呀~ 係咁copy and paste打o係notepad, 都咪話唔辛苦~ 即係話~ 你o地之前所睇o個d...都係我一直o既icq info~ 以後~ 我唔會o係icq度寫日記o架啦~ 要麻煩大家黎呢度睇~ 哈哈~ 細佬好黑呀~ 佢前兩日唔見o左電話~v_v 大家有好運o既話, 不妨過d比佢~ 唔該哂~^_^ |
|
今日去o左打壁球~成個人都散哂~ 冇打一排~又衰退o左啦~ 聽日仲要同同學去打badminton...真係唔死都一身散~ v_v 見到阿match真係有睇我寄比佢o既o個本書~ 我真係好開心呀~ 希望佢會鐘意睇啦~ 細佬~ 你快d 養八哥啦~ 你養o左...咁我咪有得玩囉~~ 諗起都開心~~ 你一定要養呀~ 佢咁可愛~~ ='.'= |
|
曾經答應你 這是我最後一次想你 我這夜的心情 就停留在初次認識的情境 我告訴自己 一切都成為過去 愛你是一種回憶 在你我心中的痕跡 你走了 走的時候 你並沒有哭泣 哭泣是我的權利 懦弱角色總由我來扮演 不再想你 心裡有些空虛感 要好好習慣一個人活下去 我要用行動來証明 沒有你 世界還在轉... 很多人聽我說過...我會決心將你忘記~ 但每次我都食言~ 不過...我今次真係放低o左...信我啦~ 你o地唔會再聽到第二次o架啦~ |
|
美麗人生...由自己追尋....^_^ 這個夜晚...要笑過痛快~ 現在處於過度期...要好好調整下心情~ 我要我以後的日子~都要笑住咁過~ |
|
我喜歡薄荷的味道, 那種苦澀的感情, 是很窩心的.. 昨晚寫了一個e-mail...很快...便得到了回覆... 你說的話, 在我的意料之內...沒有太傷心的感覺... 或許, 你親口跟我說一遍...我會立即醒覺... 一直以來, 你怎樣想, 我都明白, 而我再不理智下去, 只會惹來笑柄... 但我還是沒有後悔曾經喜歡過你... 路...是我自己選擇的. 好吧~ 這一夜~ 希望是最後一次我為你而哭... 明天開始, 我要好好生活...因為我還有爸爸 媽媽及哥哥... 當然仲有很多的朋友... 我知道我應該怎樣做了... |
|
有朋友病了....很擔心... 當你都唔理你自己o既時間, 就冇人會理你o架啦~ 近來~似乎有很多東西要擔心... 我不是你們想像中那麼堅強~我也有我軟弱的時候... 可否好好珍惜自己...?? 看到媽媽哭了, 心裡不好過... 那種十月懷胎的心情, 就只有做媽媽的感受得到.... 你不想親人傷心, 就要好好愛惜自己... |