2003年7月31日 打返尋日發生既事，盡量簡。 尋日約左阿葉、阿英、阿妍、阿柴一齊聽IVE講座。嗚...我地去左香港展覽中心喎...問警察叔叔先知係係會展入面。之後諗住買左書展飛先喇...點知佢要我地去唔知邊到預購...行行下竟然行左書展條隊=_=我地就搵個角位企停先...阿妍話"蘭子呀"...我地擰轉望...企係我地後面喎...佢對我地笑呀...哈哈...之後阿柴問實Q點樣走...唉..."排除萬難"終於到左IVE個講座喇！點知阿珠同阿M黎左喎...但阿M聽聽下走左...(阿珠又話唔黎=_=)聽到3點都費事聽喇...聽左=冇聽...之後就一齊去書展...兵分三路...我同珠一隊...阿柴同阿妍...阿英同阿葉...我地第一站博益...第二站皇冠...第三站正文社...勁掃呀...掃赤川叔D書囉...嘩哈哈哈...我8月份糧冇哂LU...之後搵返阿柴周圍行...想搵返葉佢地...佢話佢地係"環音"個到...對面有間"柏雅"...咁我咪去搵佢囉...點知...我去到佢話見唔到我...我又見唔到佢...講講下先知...佢係5樓我係2樓(-_-")原來2層都有...搵餐懵既...之後又行行行...行到8點佢"山"門...咁我就同阿柴又去麵藏到食拉麵...佢地就返家...食完又同阿柴去打太鼓機...阿柴好近哩..打完就行返去火車站歸家LU... 2003年7月30日 現在已經夜深，加上今日行得都幾累，因此聽朝起身先打！01:50a.m. 2003年7月29日 星期二 嗚..嗚..嗚..尋日個集"神！請給我多點時間"好感人呀。麻美(←有冇記錯呢?!)維護真生個幕同埋真生係n個師生面前話自己感染左HIV個幕，真的是很感人呢！(唉呀！明明記得仲有野打架...唔記得左添...記得先再補返喇)11:53p.m. 2003年7月28日 星期一 雨 尋晚重新開機呢，部機就一直係到變、變大同埋變大，激死人呀。我開左8、9次都係咁！索性唔玩。而家又係咁喇，我開左5、6次都係變大左！索性由得佢，照用；雖然d野係大左D......今日11點幾就醒左lu......咪又開機玩...不過都冇野玩架喇。1點咪拾好間房佢囉，有三隻"馬騮"黎呀嘛！拾左我成個鍾-_-！2點零落樓接佢地，坐左陣，3點零齊齊劈上阿星屋企。個看更竟然唔記得阿星喎！仲問我地係咪派傳單，笑到我地死！終於見到傳說中阿星個窩喇！下次目標係阿菇！yeah！4點到就趕人走...阿星真係狠心呀！之後咪去惠康上倉。唔知點解一深呼吸個背脊就好痛...唔係風濕呀嘛？未老先衰......05:50p.m. 2003年7月27日 尋日同阿柴傾電話傾左3個鍾！我地講埋d無謂野都可以講咁耐。約左去書展喇！終於有人陪我去！今日又發惡夢，一定係尋晚睇左D唔應該睇既野！(阿柴明喇)記得我地以前真係好攪笑，去唱K竟然唱"張如城"首"愛意"......(-_-")今日十一點幾又俾電話嘈醒左，打黎又唔出聲喎，D人都唔知咩心態架，咪整理個網頁佢囉。開ICQ竟然冇人，索性唔開喇！ 2003年7月26日 星期六 整天在發夢.....真的發了很多夢！我好似又夢見去camp......近排做咩呢？成日夢見以前D野！死喇，唔係回光反照呀嘛.....好想去書展掃書呀！但係冇乜幾個fds陪我去。(-_-")命苦... 2003年7月25日 發惡夢呀今日！我又夢見自己去考試喇！今次考地理呀！前幾次夢見考listening、中史、地理...唉呀...想死呀...都考完咁耐喇...嚇餐死既...因為份卷我完全唔識呀(發夢)！ 2003年7月23日星期三 唉！近排都係咁過。都唔知點解...成日都俾電話嘈醒...尋日阿珠...今日搵我老豆...唉！我都想早D訓架...但係訓唔著都冇辦法架。而家幾鍾意睇夜晚本港台個套日劇..."神！請給我多點時間"...幾好睇...01:21p.m. 2003年7月21日 星期一 明明約左柴2點...點知仲同佢傾電話...咁我地就改約三點喇。去到龍豐，阿柴收左7本...70蚊...我10本...100蚊...佢話好多改左版喎...咁我中史同經濟梗係唔"放"喇！中史我唔係好甘心姐...之後去左m記坐...睇報紙搵工嘛...哈哈...之後去商務諗住買書...但係睇唔0岩...(因為一本我有...一本得下冊...)咪打俾阿哥叫佢"求其"幫我買兩本囉！今個月我己經買左9本赤川次郎既書喇！(窮死)之後去佢"咩咩france"見工...佢果到話請人...留左電話...但多數唔請架喇(我諗)！之後同柴買"波羅油"...再去"成發"食雲吞麵，好幸福哩。之後阿柴返元朗...我去左惠康上倉...買左傳說中既"莎莉芝士蛋糕"哩。返到屋企有幾耐盈打黎！(早阿柴一步，yeah！)我地又傾傾傾，傾左成個鍾喇。飯都冇食...因為真係好飽呀！咁又一日喇。10:32p.m 今日約左阿柴去"放書"哩，雖然唔係好捨得，不過反正擺係到都唔睇架喇。遲D要出門•••前幾日我大家姐拾野竟然拾左副圍棋出黎喎?!咁我呢幾日係咁同我阿哥玩哩，原來真係幾傷神架。不過我好似輸既居多。今日見到rikku個留言有D驚喜哩，話哂個板都冇乜人去架嘛！嘻嘻，多謝你喎。仲有呀，今日發夢夢見盈呀！(走左冇幾耐咁快"報夢"俾我？)仲有夢見•••w-inds.呀！哈哈！12:22p.m. 2003年7月19日 星期六 今日訓到十二點零阿妍打來約我去機場哩！答應左就一直換衫喇，都唔知著咩衫好呀，攪左好耐先出門口。之後搭276p出元朗，好快哩，見到傳說中既YOHO Town 呀！之後等埋阿柴一齊行街街，行到三點零就搭E34去機場，去到冇幾耐見到盈喇！我地周圍玩，影下相咁。去許留山食糖水哩，食完kaman黎到又一齊影相。嘩！有艷遇呀！我地見到古巨基呀！阿柴同曼就同佢地影相喇！6點零，盈要入閘lu。(D時間好似過得好快咁)就係咁，佢又返左去澳洲喇。我地就走喇，咁我同柴一齊去左元朗食飯，阿m佢地就搭A43返上水。我地食車仔麵，好大碗好飽呀。行左一陣街都10點lu，咁就搭76k返上水。12:16a.m. 2003年7月18日 不思議的一天。我發了兩個夢：1.我夢見佢online。咁我就起身開ICQ，點知•••佢真係有online呀！我即場呆左陣，唔係眼花嘛？真係係到•••發夢都咁準？2.我夢見我地放榜呀，我會考得2、3分咋喎。雖然係發夢，但都好失望。唔知真係放榜個陣會點？02:59p.m. 2003年7月17日 星期四 今日5點幾先訓呀，下就3點幾俾阿珠打黎嘈醒左。都講過我冇咁早起身架喇！點解次次都俾人嘈醒？麻煩各位"好友"，請勿在下午6時或以↑打俾我，好嗎？ 2003年7月16日 星期三 唔知點解尋日一直登入唔到geocities。尋日約左去游水，我搭火車個陣見到李sir同miss chan喎。之後去吉之島搵free、佢表妹、柴，去到都好早，咪傾下計咁囉。冇耐去火車站接阿妍、曼、佢阿妹一齊去食飯，跟住去太和泳池，好多人。我地玩玩下竟然見到黃潮生同佢兩個女喎，咁我地講個D野佢聽唔聽到架？嗚•嗚•嗚•我勁驚呀！一去到水深既地方就真係好驚好驚，仲有抽根添。好彩都冇事，你話我童年陰影咩？但又唔係呀，我唔係驚水，只係怕水深既地方。我仲死都捉住free，唔好意思。玩到9點零？就去換衫喇。之後去許留山食糖水再返屋企。唔知點解，今日一直都訓唔著，5點都仲未訓，今日4點幾先起身，哈哈。 2003年7月14日 星期一 今日同左free、佢表妹、可樂約左去睇戲。今日10點約左free，陪佢返基新嘛。12點走，因為要接佢表妹。1點幾約左可樂食飯，點知佢聽左食左飯先去。之後就去後一齊去左燕雲莊，點知差唔多食完見到水果喎。咁就影埋D相佢喇，趕住去哂。2點8到點知開左場喇喎，咪睇新紮師妹2先囉。超級好笑呀，真係笑到肚痛，楊千嬅掂喇！吳彥袓都好攪笑！之後可樂要走，咁我地就睇埋千機變，不過都係麻麻姐，好睇咩？又唔係太覺囉。不過大至上都OK既，之後自己一個行街返屋企食飯。09:38p.m. 2003年7月13日 嘩！尋日3:00a.m.無lala有人打黎，拿起電話又冇人講野喎。傻架？好心D人咁夜就唔好打電話喇。唔駛訓咩？(講真又好似未訓喎。)不過嘈醒屋企人就唔好喇。都唔知咩人咁得閒？ 2003年7月12日 星期六 今日5點先去訓，鬼叫個網未整好咩！我已經好努力咁整，總是覺得好似整到好樣衰咁•••2點幾先起身，好似，發左好多怪夢。點怪？總知就怪喇。睇返以前既日記，原來我打好多野架，可能而家習慣左寫係簿到喇，因而打少左。原來上年既今日我都係好得閒，可能呢D就係我既生活方式掛。(笑) 2003年7月8月 02:25a.m. 今日謝師宴呀。神咁早約左去唱k，之後去打機。行商務，買左4本赤川次郎既書。(我終於有決心儲)去到九龍富豪就等。(唔係港晶對面間"大富豪"呀！) 開始食開始玩，玩到好"喪"呀我地。今日玩得好開心，你話日日都係咁咪幾好！11點半先捨得走人，返到上水都12點幾。 好累呀，好累呀！(我今日6點先去訓，9點起左身)但係仍然唔去訓••• 2003年7月5日 02:52a.m. 近期迷上Lead啊！(其實邊個出大碟我就迷邊個架喇)但係我竟然迷上呢隊4個人中有3個都細過我既組合?!最難以相信既係鍵本輝得14歲，個樣仲大個我啊！(難以至信) 2003年7月4日 4:50 a.m. 近期成日諗 everything is changing 0岩 d 定 nothing's gonna change 0岩 d？可能我對 everything is changing 呢句真係有d執著。 但你講得0岩架： that two sentences are right somethings are change but somethings haven't change ~ 兩句跟本就係唔同既句子。 2003年7月3日 同盈、柴、菠唱k同行街，行左好耐，fing左好多錢。>_< 2003年7月2日 1:00a.m. 唉！而家d新人越黎越唔掂喇。一個二個都只係識得"咪咀"，就算你跳舞跳得幾好都冇用喇。歌迷捧你場唔係想聽你播帶架，都係想聽你地唱live姐。究竟你地唱歌既目的係咩？係咪真係鍾意唱歌先唱歌？ 我諗除左關心妍同張敬軒會唱live之外都冇乜邊個架喇。所以我好欣賞張敬軒。(乜唔係因為似佢咩？) 我欣賞日本既歌手係因為佢地會唱live，就算走音我都唔介意。就好似w-inds.咁，雖然周不時走音，但睇得出佢地真係用個心黎唱。香港d新人........唉........
不知從那時開始，喜歡上寫日記。
可能是由這個網頁開始吧。
上年的半年(12/6/02 - 31/12/02)我將日記打在這裡。
現在，我喜歡在簿子裡寫日記。
這不但可隨時看到，還不用怕上載空間隨時消失。
寫日記是一個好的習慣，它可留下我的美好回憶。
最後，希望你們真的認真看這裡的每一個字。
六月
七
月
八月
九月
十月
十一月
十二月
200
2日記 (已刪除)
2004年日記