31/10 星期五 咁快又星期五喇，又去荔景返學喇，今日又整左便當返學；所以遲左少少出門，近排發覺我次次都好遲添。咁返到荔景就陪左阿珠買lunch，買完就返學喇。返到去行行企企左陣就開始車喇，今日我地繼續車彎插袋。車完就"雜骨"，又開始學車拉鏈，車左成日都未得閒過呀！之後就放lunch喇，今日唔係咁多人，都有位坐，不過丁飯就丁左好耐。食完飯時間尚早就去華潤行行散下步。返到去又繼續車，今次學車小浪。車到三點幾終於車哂今日要車既野，咁我地五個(B.M、2個嘉欣、阿珠同我)勁得閒。我同阿珠就成日浦過隔離組，玩"戚'O'超"(英文)，不過都係冇收穫既。見冇野做就熨定下堂要用既waistband喇，就係咁行行企企左陣就放學喇。5點咋，我地去左葵芳夾糖，行左個圈就返九龍灣，約左"阿邊個"(不便公開)係地鐵站到等。返到cita0岩0岩好7點，上左8樓先再去4樓，勁多人係到，阿珠就俾人拉左去化妝，我就梗唔肯架喇，"阿邊個"閃左去傾電話。D人真係扮到好勁呀，又PUNK人喇、又女巫、又木乃伊咁喎。坐左勁耐我地先入去玩"鬼屋"，點知一入到去俾隔離班個靚仔疆C踩左腳，佢仲好有禮貌咁講左聲唔好意思。沿路見到好多"人"，梳頭個果女仔先"兇"呀，行樓梯仲恐怖，有D"人"係到行，有D"人"係坐係到，有個仲撲上黎，真係俾佢嚇親。玩完就去返4樓玩野，最後就抽獎，阿珠同"尖me"中左箱麵，本來我地班個兩個同我都中左架，不過我地都唔見左張野，玩到9點就玩完，上返8樓放低d野等埋"阿邊個"就走喇，返到屋企都11點，成晚都冇食過D乜，就整麵食。12點"阿邊個"打電話黎傾左陣就收線，因為真係好累！ 29/10 星期三 尋晚難得阿柴阿姨返左都仲可以傾呢，傾到10點就閃左去訓，連要整broad都唔記得左。(-__-") 今日真係想唔返，上得個一堂TEX，電腦堂又唔駛上；但係要整broad，所以都係返左。今日TEX悶到死，仲差D訓著左。又餓鬼死喎，尋晚我淨係飲左碗湯(尋晚煮蟹嘛,我又唔食既)，咁就問阿珠LO陳皮食，酸到成個人醒哂。話咁快又落堂，就開始整broad喇。多個人幫手整好快就畫好喇，釘埋都完成左少少喇。lunch約左D男仔就走先喇，點知係去打機喎。打到點幾先去吃飯，去左一間平時唔多去既舖頭食。食完我就走先喇，因為我想返屋企。點知返到上水自己行左陣，去左傳說中既華潤行下。又行去商務睇下有冇新書，唔記得左赤川本新書聽日先出添。行多個圈就返屋企喇，返到屋企都係三點幾。今日終於睇到"數碼暴龍"喇(感動ing)，好耐冇睇過卡通片喇！ 28/10 星期二 嗚嗚嗚......頭先辛辛苦苦打既日記一下錯手冇哂呀，嗚嗚嗚......我真係命苦。再打過...... 超級忙的一天，連考兩科。merchan先死，係咁嘔我呢幾日狂溫(?!)既英文，pressing又係咁係嘔字。今日已經耗盡我畢生既功力，我要閉門休養呀!!!!!(拍武俠片乎?)阿珠考完竟然畫"桌子"(我仲過份,我畫手指添呀)，我地又加入埋。我畫花(係頭到生花)(?!)、蝴蝶、鞋、眼、口、太陽，小云畫多兩朵花係個頭到，goldie仲抵死到畫小強。lunch叫左pizza食，飽到上心口呢！放學阿柴send 左sms俾我，原來佢去左睇戲，咁就一齊打太鼓喇。當然唔夠阿柴黎喇，佢係職業"鼓"徒黎架!!!!!之後阿柴陪我地搭去九龍塘就走喇，搭火車同左"人地"傾電話。仲同阿珠互餵陳皮同"悠魚"，唔知既人仲以為我地"咩咩"關係......返到上水行行下竟然見到+賢喎，唔知有冇睇錯呢。 終於忙完喇，不過仲要整broad，今個星期真係忙！ 26/10 星期日 唔知點解，各大日記板都去唔到，可能係showhappy.net既問題；好彩我係yahoo到打架姐，安然無事。 尋晚超級忙，因為星期五蛇左去訓覺既關係，乜都堆左係尋晚做。又要溫merchan(阿珠唔講都唔記得)同乜乜&乜乜(整熨)、又要做p.m功課喎(雖然照抄姐)、整board喇(星期五要交貨)、又想睇meet joe black(中文唔記得左)、又要同阿柴傾電話。所以最終我係放棄左同阿柴傾電話既(機會成本?!)所以今日仲要溫merchan同整broad呀！ 今日我發夢夢見佢呀，每次夢見佢都會好準架，唔知今次會唔會實現呢？可能日有所思、夜有所夢呀，或者係佢報夢俾我架！(笑) 今日係佢既生日呀，雖然佢未必睇到，但都講句生日快樂先。 25/10 星期六 尋日6點半起身整當呢，因為去荔景上堂。已經開始學車褲了，咁我同阿珠熨左三尖袋先喇，點知幾次"辣"親，不過都冇事。跟住"吞pop"左陣先開始開工，上三尖袋；跟住就上正方袋。12點到就蛇左去食堂丁飯，今日帶左自己整既愛心便堂返學呢!(咪既係炒飯，因為我唔識整其他架喇)再返上去lo野，miss已經唔係到喇。我地組個miss好攪笑，淨係掛住兩樣野──lunch同放學。我地食完飯多多佢地先返黎。咁傾到點半就返上去"開工"架，今次車彎插袋呢。之後話測驗喎，都係測你車彎位、直線、轉角咁囉。班男仔先勁，車左7分幾先經攪掂，不過車得勁唔靚個隻；我就好好心機咁車喇，車左14分幾到。測完就落樓下睇電視點車牛仔褲，原來車一條好既牛仔褲係咁高深，有好多步驟架，都咪話易呀！睇完就放學喇，阿珠陪左我去華潤買栗子再搭地鐵返屋企。每次放學例排坐倒頭車返屋企，點知係對面見到藍班長佢地喎。有車到喇，咁我就問左阿珠借電話打機喇，玩下玩下就到左粉嶺喇喎，咁就各自返歸喇。 尋日勁眼訓，非常外父都未睇完就返左房睇赤川叔d書，睇睇下訓著左。(絕對唔係本書悶呀)9點半(夜晚)起左身，因為未沖涼既關係。閃左去沖涼，沖完諗住灘多陣，點知又訓著左。訓到今日11點幾，而家逢禮拜六都會睡到死一死，太好訓喇呢d日子！ 23/10 星期四 好似好耐冇玩認真過電腦咁，今日終於又玩喇。呢幾日都係咁喇，前日又去左三聯掃書，尋日就買左cheese cake給阿媽做生日禮物?!(真慳皮)前日又去左打"太鼓の達人5"，真係好in架！佢連I WiSH首"明日の扉"都有，雖然唔係咩新歌，但係都有喎，我梗係又打喇！ 今日上普通話堂都ok喇，係到唱歌仔(遇見)囉。之後上英文堂又睇電視，不過今堂好似上得開心左，問問題好攪笑。洋蔥佢地set d 問題好騎呢，咁叫人答問題喇，洋蔥竟然叫人"mouse"低先喎，俾佢笑死；B.M仲攪笑，真係"mouse"左係到。話咁快又落堂，咁我地就開餐喇。我地食玩佢地先返黎開餐，咁我地傾左陣就上堂喇。design堂畫"烈炎紅唇"哩，我畫到悶悶地就坐左廿前面聽miss講點畫喇。話咁快又落堂喇喎，我地留左係到諗住整broad，點知莎莉要見工，材料又缺乏，咁我地就冇做喇。多多、B.M、阿珠係到玩369添，我就係隔離畫公仔。之後越畫越攪笑、越畫越變態，佢地就唔玩一齊畫喇；點知玩到咁上下俾design個miss發現左。玩到5點到就閃lu，搭火車就send"sm"俾阿柴喇。 近排勁鍾意食留下個檔既豆腐花，差唔多日日都吃一碗呢！(笑)唔知食完之後皮膚會唔會真係滑d架呢?! 20/10 星期一 今日7點先起身哩，搭4先出門；幾叻呀，行左兩個字就到火車站喇！去到火車站見到周家恩喎，咁佢等下一班我就上車喇。今日勁多人搭火車，我既意思係"以前的基新人"，都有十幾人架！今日搭搭下火車家姐打黎問我TEX喎，係到講經面線同緯面線。阿珠仲好攪笑咁將經面講做雞面，俾佢笑死。搭地鐵仲死，我講at17講做at"拾柒"，人地叫at "seventeen"喎。唉，明知我唔多聽廣東歌架喇，俾人笑到面黃囉！返到cita我地上英文堂哩，睇電視睇到都唔知佢講乜！做worksheet喇，又唔知叫我地set問題咁囉。pattern堂又係咁畫紙樣喎，畫到想死呀！我又講錯野喇，我講阿媽竟然講左奶媽?!又一攪笑之作。lunch去左下村食，食完又返cita畫紙樣！畫下畫下又三點三，難得阿柴都係三堂，咁就一齊去行街喇。諗住去機舖打陣機喇，點知見到傻明，就一齊打太鼓喇。傻明勁呀，好自卑添。之後行淘大睇四葉草電話繩，又行三聯。我又掃左4本赤川叔既書喇，驚慓系列我就黎儲完?!遲d進攻博益！行多陣去左球場睇a班踢波，差d俾波"省"中，幾驚險呀！冇耐就走喇，阿柴仲陪傻明去完美孚先再返油塘。 夜晚無啦啦電話響，原來我又冇熄電話。係波菜呀，同佢傾左陣。前個排唔係幾開心架，唔知點解傾完感覺舒暢左好多，冇之前咁沉重。^_^ 19/10 星期日 今日訓到十二點到，又係玩電腦。玩到悶悶地就食野喇，食完冇耐free盈打返黎。由於電話神神地，我阿哥叫左佢打多手提。我地就係咁傾左成個鉒喇。阿珠打黎問功課先收線，之後傾完又繼續玩電腦喇。4:53p.m. 18/10 星期六 晴 今天睡死了，昨晚大約十二點才去睡；怎料睡到下午六時半才起身，我差不多睡了18小時了。一起身媽便問我的頭甚麼樣，接著擦些藥膏。我又閃去玩電腦了，很肚餓呢！6:56p.m. 17/10 星期五 晴 今日失策左，件衫同條褲都係綠色，我仲同阿珠講我今日扮灌木呀。>_< 今日返荔景，又迫地鐵！(-__-") D人先衰呀，明知迫仲打開份報紙睇喎；有個阿嬸仲過份，佢成個爭批過黎。趕住去死咩？係既話我讓路俾佢呀！(=_=")去到荔景去一去華潤先，見到我心愛的栗子哩，第一時間買左佢！返到去都冇乜人返，冇耐就開始車袋喇，我幾叻叻呀！車左冇耐就車哂所有練習喇，就周圍同人吹水。見到"好叻個男仔"車恤衫領好似幾好玩，我就休息左一陣又玩喇。但係我要車左褸排先，但係我又車到悶悶地又樹左去玩。玩到咁上下就放lunch喇喎，又去左山上面吃呀！吃完就同佢地落返山，我同珠去左七仔買雪條食，好味呀！返到去我都唔係車，坐左係阿儀個到吹水。阿蟬就掛住食，我地又傾下呢樣講下個樣咁。突然無啦啦有班學生入左黎，佢地好似入左動物園咁任睇喎。冇幾耐佢地miss話唔好意思阻住我地就咋一聲閃走哂，我都唔知發生咩事。因為個陣我又閃左阿珠到研究個塊好有和風feel既布到，之後係"好叻個男仔"到立左一塊，咭咭咭。我同阿珠一人分左一半，係到車袋玩。好悠閒呀，咪幫阿儀車咁D囉。又周圍坐下、用下人地D衣車、幫隔離組車下咁。我地又玩左一陣，miss叫我地整好d線一陣間要整褲袋喎。車好d袋線就可以放學喇。搭火車阿珠發現左樣野：原來我個頭腐爛左喎！真係越講越誇張。返到屋企同阿媽講喇，佢話我生"錢"喎(唔知沒黎既)；沖完涼、洗埋頭，阿媽就同我擦D藥膏。之後又係電腦、電視、電話。個電話神神地，唔係好work喎，咪用手提打俾柴傾左陣。之後家姐沖完涼"教我用"電話，咁就用返屋企電話同傾柴喇，到最後都係頂唔順收線喇。11:29p.m. 16/10 星期三 尋日係圖書館搵到傳說中既"who move my chese！"呀，咁我同阿珠一齊睇喇。都幾好睇架，幾有意義，值得介紹俾大家睇！ 尋日食得史無前例的豪呀！仲要貴夾唔飽喎，食得丁屎咁多都要60蚊每位，以後唔好叫我飲茶，除非有人請！梗係喇，我地食鮑魚......燒賣，$10/每粒。唉！算喇，又唔係我俾得特別多，都係申下姐。之後去打太鼓の達人5，勁in呀！我同珠玩左2舖4首歌，有：zone既true blue、松浦既good bye 夏男、BoA既VALENTI同埋傻明幫我地簡既"古典音樂"，幾好玩呀，唔開心玩0岩哂！阿柴先好笑，佢同傻明簡左第5號交響曲呀！貝多芬個首呀，即係"凳凳凳凳...凳凳凳凳...凳"個首呀。之後又玩左首跑馬個首歌喎，勁快呀！之後又簡左首7粒星既，真係超級快的呢！玩到3點到先搭車返基新。撞正係越野呢！行行企企左陣就走喇，之後行下粉嶺中心。6點零就返上水幫阿柴還書，因為佢地約左去食飯嘛，真有米。 尋晚10到就訓喇，一黎冇野做，二黎聽聽下歌就訓著左喇。訓到今日7點1先起身，勁趕哩，遲大到喇。不過返到CITA都係遲過平時一、兩個字到。食埋早餐先上10樓上普通話堂。10點到話去6樓睇皮草，點知未得就又返10樓聽歌，我地聽my way呢，正聽完就落返去睇喇。勁恐怖呀，成隻狐狸皮連埋個頭同隻腳俾人mock左塊皮出黎。雖然係好軟熟，但係好殘忍哩！點解d人咁鐘意著皮草？披條"屍"係個身到咁恐怖。睇完咪上返8樓上英文堂囉，無驚無險又到12點半。等埋sueye就一齊閃喇，返到屋企都係點幾。去左惠康買小籠包吃呢！ 15/10 星期二 尋沒有打日記，因為我一直埋唔到電腦身呀。而上緊電腦堂，我好唔應該咁打日記！(-__-")尋日上足4堂呢，第一堂係悶死人既P.M，歐陽SIR教書教得好慢架，真係想死呀！之後merchan堂好d，michelle同我地傾計，講返上個禮拜去材料展d野，都唔係上堂既，不過講左9個字先上堂。lunch同佢地去左美心食呀。食完返學校上堂，晏就個兩堂係"整熨"。咁大多人喇，咁我地就分開左兩組上，我地係課室上先。都係講下notes咁，遲d繼續打。......... 頭先俾pictack兄趕走左！太過份喇，人家想上電腦堂都唔得。而家方位係學校圖書館。講返，完notes咁就小息一陣，佢地又返左黎，咁我地就係到玩"咩人"。咩到阿珠先好笑，佢成個人跌左落地下都仲係到笑。冇幾耐就到我地上堂喇。咁阿珠熨先喇，我就周圍睇下喇。佢熨完到我，熨到勁核突呀；仲有呀，我仲成日講熨講成車喎。5點熨完就可以走喇，一見到人地著恤衫我就想熨喇！返到屋企都係咁灘下坐下咁囉，好凍呢！ 13/10 星期一 今日4點幾起左身竟然腳軟軟咁，即刻"come"多張被，之後好好多囉。訓到6點9都唔多夠喉！無奈要返學。去到火車站，阿柴黎到就閃喇。我數到有6個男仔，但係佢地又話唔等嘉諾喎，咁......多左個?!(咁恐怖)原來多左個果係水果，嚇死。返到cita交功課，真係俾miss話我作得少。>_<唉，咁我都唔想架，我作文(英文)F架！之後佢竟然話要present喎，都唔知要做乜。咁我就推左goldie去"死"喇，因為佢係寫得最多既一個。(=_=")無驚無險上完呢堂，就上pattern喇。嘩！呢個畫字樣都畫左成個鐘，話咁快就上左兩個鐘，又lunch喇。今日去左大滿貫吃，勁多人。我地每邊坐3個人，迫死。咁我地晏就冇堂，佢地食完就走先喇。我地食完就行淘大，我買左條褲喇，阿珠就買左條裙。行到3點勁累就閃喇。 今日の氣持ちは良くない、お姉さんとけんかした関係のため。このような感じはとても嫌だ。私は人を所有して私を理解しないと感じる。別の家庭はこんなにむつまじくて、私はとても嫉妬する。望みとお姉さんの関係はよくなるだろう! 12/10 星期日 今日10點幾起左身，睇左陣電視就開始畫design功課，畫到第三頁就放棄了，畫到想死。(-__-")之後就開始做英文作文，上網查資料。都唔知點作呀，嘔極都係得個50字。攪到兩點都未攪完，但係一陣約左人睇煙花，所以又放棄了。差不多3點才出門，去到旺角搭9，點知雪怡(sure not my elder sister la)黎左喇喎，大家都好早到。~^_^~咁我地就行花園街喇，好似冇乜野行就行去旺中喇，都冇乜野睇0岩姐。因為d款唔係咁0岩我style，而且款款都差唔多咁。之後就去信和，點知冇I WiSH隻大碟喎，退求其次就買左松浦既T.W.O.喇。我地仲上左12樓添，佢唔講都唔知上面有間舖架！6點零就行去女人街。嘩！我見到個咸超床單呀，必買。^_^之後去搭地鐵喇，我地搭錯線。>_<仲教錯人添，之後好彩都教0岩返佢搭姐。去到尖咀勁多人呀，我地係到扮遊客，勁攪笑，仲係到拍"AV"添。(笑)8點先放，所以我地去左M記食野先喇，食完坐左陣0岩0岩好呀。嘩，日本D煙花勁靚呀！美國個D就遜色左D姐，係冇乜色囉，得大聲兩個字。D人仲勁，爬上巴士站，攪到擋住我地睇煙花。>_<睇完諗住打俾阿柴睇下佢係邊架嘛，點知打極都唔通喎。到左地鐵站先打到俾佢，原來佢地仲未食飯，所以就唔一齊走喇。因為今日係Andy同亞周小姐生日，所以阿柴就同佢地一齊喇。之後我地行返去紅磡火車站，竟然冇當失路。^_^上次同阿柴行差d行錯路架！之後等班火車冇乜人先上，返到屋企都10點幾囉。唔記得左今晚有得睇咫尺閃靈，蝕底左。沖完涼又想飲湯，要又做功課，又想睇電視，仲玩埋ICQ，做得邊樣？所以我放棄了睇電視+ICQ喇。(機會成本?!)但係篇文都唔知點作好，嘔左成個鐘都係得個150字，想死。嘩之佢喇，死就死喇。都12點囉，換埋床單，睇下書，攪呢攪囉都攪到2點先訓得。 11/10 星期六 尋日返荔景上sewing，都係係到練習車靴位線、邊線同埋彎位。今日又係咁車哩，lunch又係去返山上面間茶餐廳食。返到去繼續車，我已經變左熟手技工喇。(-__-")有一個練習先好笑，車到成條口水堅咁，仲話得車返條俾小政政添！5點到等埋阿珠掃地，等埋goldie同小雲就係齊走喇。夜晚睇"they nest"，d小強好核突架，不過個結局好似行左d......睇完就去訓喇。 今日整天在睡覺，11點多起來看棋魂，睇完返房睇書，睇睇下就訓左。4點到俾阿柴個電話嘈醒左，傾左一個鐘就收線繼續睇書。冇幾耐阿哥俾我玩電腦，點知connect唔到，一直都係咁，直到6點.....6:16p.m. 9/10 星期四 今日太累，搭9先起身，早餐都冇食就返學喇。返到cita食完餅先上"語言室"，今日普通話ok喇。班男仔先攪笑，講自己屋企有"幾口人"都講左好耐。好多人都讀錯"姐姐"呢個字，"藍"班長(真係姓藍架！)勁攪笑，講勁多次都唔掂；張同學仲攪笑，做埋動作添。英文堂都算係咁喇，但到lunch先衰呀我地班，個個走去開locker，當miss冇到喎。咁之後咪lunch，同goldie+sueye+"力宏"一齊係班房食。坐左好耐咁就上design堂，佢叫我地畫一幅你認為今年流行既服裝；我好認真咁畫架，雖然畫得唔係好靚。諗住睇下阿珠後面個男仔畫成點架嘛，佢又話自己畫得樣衰喎；咁miss問我地傳好定個別交出去好，咁我就冼佢一野，話傳喇，我勁衰呢，kakaka。點知坐最後個果男仔畫得仲衰個佢，佢就覺得自己個幅都唔係好差姐，笑到我地死。3點3tea time，放學lu。咁就同阿珠一齊閃回家喇，今日發生既事係咁上下喇。 8/10 星期三 近排好健康呀：早睡早起+早餐，所以近排好精神呀，同兩個月前既我幾大分別呀！講返今日，又係食早餐就出門喇。仲以為今日test TEX喎，搭車個陣勁溫。用得"仲以為"就知白溫喇，原來16/10先測，俾人呃左。今日d人著得勁"四正"呀，男既似office boy，女既似OL.。阿珠後面個果男仔俾我笑左好耐.....因為佢個樣真係好好笑架！D男仔個樣就正經左好多，女既真係要用個索字黎形容；我當然同平時冇咩分別喇，聽日佢地就打回原形架喇！今日好多人都冇心上TEX咁，個果係到講呢講囉，我就好"認真"咁聽喇。話咁快落堂，咁佢地上電腦堂，我同阿珠就去百街上倉。上完都係11點半，咁就食野喇。同個同學仔傾下計就12點半，填埋from就去陪佢地食野喇。lunch因某些事阿柴勁兇呀，嚇到我都唔敢出聲。食完就即刻閃去會展，因為佢地班約左點九。勁趕，點知我地去到佢地班都未到。(會展d野下刪一百字)行完就同阿柴搭船過尖咀商務買赤川叔d書，勁平呀，85折，4本書100蚊都唔駛。我地勁攪笑，見到本向左走、向右走喇；咁有幅圖好多人架嘛，我地就搵個男女主角喇，但係淨係搵到個女搵唔到個男，kakaka。之後就行下muji，再行去地鐵站返家喇。好累，訓覺囉。10:43p.m. 7/10 星期二 今日都幾早起身，因為個鐘校快左兩個字...食埋早餐就出門喇...為免行開條路又俾人封，咁我就行上面商場喇，點知...條樓梯冇封到喎!!!! (-__-")好彩唔係我最遲姐，因為日日都好似我最遲咁...返到cita又係咁喇，上市場學喇...其實佢講完都唔知佢講過d乜架...所以帶左份notes返屋企喇！之後上merchan講下聽日去會展d野...講完就開始present...我地組得B-，不過都算係咁喇。pre完11組；michelle就分析我地既錯處，講完就lunch。今期係m記，食完就返上水喇，行左陣先返屋企。 頭先先發現...原來天府花生同萬里望花生係唔同架...萬里望個隻好食好多架...切記!!!!! 6/10 星期一 阿星生日呀！生日快樂呀，小魔星。 今日訓得好好呀，成張床任我碌，爽呀！起身換衫刷牙洗面食埋早餐就出門喇！點知行到上水中心俾警察封路......都唔知乜事，勁多警察。攪到我要兜返去大路先去到火車站......搭火車阿柴好勤力呀，係到溫merchan喎。之後今日既堂就係咁上，又係英文 + pattern。lunch又係下村，今次得出奇的快喎，但係返到cita竟然搭半?!下就又係pattern，畫圖畫唔得你死呀！一半之後又係一半...成個晏就就係畫圖。之後冇堂就同goldie佢地傾埋merchan既野先...搭九就去canteen開會...佢地竟然話"哈佬喂"食屎喎...(-__-")AM1A既人真係......咁我咪叫阿moon扮sailor moon囉，kakaka，小丸子我都唔mind架喎。(笑)佢地話過荔景玩，個邊夠恐怖喎；咁0岩個日我地又係荔景返喎，正。開玩會諗住去打太鼓，點知減價完喇；5蚊舖呀，咪唔玩囉。咁就返屋企喇，返到上水打俾星妹傾左陣，鬼叫人家今日係壽星咩，人地仲假假地夠秤捐血架！之後去百街上倉，買左好多麵呀，同埋買包、火腿做早餐囉。唔！我決定左要做師拉仔喇，我要儲百佳d卬花換煲，嘻嘻！我是認真的！ 呀！差d唔記得打，頭先咪講過今日上水中心封路既，原來今日發生左兇殺案呀！個燒鴨店老闆俾人開槍射死左......唔怪之得......(消息來源：阿爸+二家姐+阿哥+明報即時新聞) 5/10 星期日 尋晚同阿柴傾完電話諗住睇金融小子，點知睇到一半就六國大風相喇......咁就閃左去訓。好耐都未試過咁好訓喇，今日我訓到3點呢。強呀！(不過今晚咪會訓唔著?!)起身睇左陣電視就食"早餐"喇，上陣網一陣仲要繼續翻譯merchan呀！你話我家姐係到咪好囉...... ZONE首新歌"僕ソ手紙"(我的信)好好聽架，佢地個PV仲好感人添！強力推介!!! 4/10 星期六 5：35p.m. 今日7點幾起左身，但唔甘心咁早就醒左就繼續訓喇，訓到9點幾再訓唔到先起身。咪開電腦玩囉，翻譯返merchan既research，個句仔野都譯左我成個鐘。之後就睇Hunter x Hunter喇，再攪下其他野。冇耐小雲打黎傾野，goldie再打俾珠喇。開頭都好似唔知點傾，又講下其他野，就係傾左個幾鐘喇。傾完睇左陣書冇乜野做就走左去午睡喇，5點幾醒左就send野俾珠喇。 3/10 星期五 今日係荔景返學，又做"工廠妹"。今日跳左車第七個練習，點知車車下miss叫我同其他三個車褶骨車先喎。咁我地學穿線喇，穿唔得你死呢！我第一次唔得喎，第二次個好叻個男仔幫我都唔得，之後miss企我隔離先得呢，咁就用左一個上午喇。之後去左山上面間茶餐廳食野，都ok好食架，杯檬茶幾好飲。之後返到去仲未開門，咁就同洋蔥、阿儀一齊一齊去7仔、華潤逛逛。返到去遲左少少，不過都唔理既。之後miss就派褲俾我地褶骨，車完仲要剪線，我係4個之中最慢既一個。(-_-")之後車返第六同第五個練習，本來第四堂去課室架，不過miss話間房盞燈爛左，而家整緊冇得去上喎，咁我地就繼續車啦。我第四個練習就黎車完佢竟然叫我掃地?!因為今日輪到我同4號呢。掃完拾埋野就走喇，goldi同小雲係門口等埋我地喎，因為merchan既野仲未傾完，約埋時間就一齊走喇。搭到太子阿珠仲唔想走添，落左車佢又唔知想行去邊喎，好彩叫住佢。搭火車個陣超級多人，已經搭回頭車架喇，仲等多架都仲係要企既。(=_=") 2/10 星期四 尋晚又收到阿柴既"奪命追魂call"，傾到唔俾我收線喎。(-_-")終於係晚上11點20分先放過苦命的我。 今日訓得唔係幾好，去到火車站又係我最遲。(=_=")今日係語言日，因為要上普通話同英文堂，而家都幾鍾意上普通話堂。英文就......話咁快又放學，陪左阿珠入錢就去地鐵站交from。搭火車先好笑，我地係到睇人"釣魚"，仲細聲講大聲笑，當中既主角仲矇然不知，kakaka。之後我地係到玩手指，玩得勁開心。(手指都可以玩一餐?!)返到上水要拎相。嘩！舖頭個果人勁似張敬軒呀；勁靚仔呀，kakaka。之後唔知係咪諗野諗得入神一濟，去到惠康門口條梯級差點兒親吻"土地公公"，好彩我"身手敏捷"先逃過一劫咋！ 返到屋企冇人呀，有點兒恐怖添........你望下你後面.......... 1/10 星期三 超級辛苦的一天，仲慘過去做苦力呀！尋日舅父同佢個女黎左，張床俾人霸左一半已經訓得唔多好架喇，今朝神咁早又俾人叫去金紫荊廣場睇升旗。癲架，人家好日都唔放假都唔俾我訓。成朝係到問："去唔去呀？"本來都話唔去架喇，到左8點(已經升緊旗架喇！)，阿哥又吵醒左我問我："部相機係邊呀？"我想死呀！訓唔返喇，之後咪同埋佢地一齊去囉。搭船先死，我阿哥搭過一次咋，佢想走去中環個邊上，好彩我叫住，如果我唔去佢地都唔知去左邊。去到金紫荊廣場乜都冇啦，咪影相囉。逗留十五分鐘都冇就閃喇，都冇野睇既！我阿哥真係......唔識路架！佢問我地鐵站係邊喎，又係我帶路，好彩我都行過幾次姐；如果我唔去，多多的士錢都唔夠你俾呀！去到金鐘搭的士去大平山，皆因我兩都未去過！(笑)原來係附近咋喎，kakaka。之後買左張套票玩哂咁多野。搭覽車有艷遇，我阿哥都話佢靚仔喎；皆因佢只係一個得十歲多的"鬼仔"，真係好靚仔！去到就入個果Believe It Or Not！睇喇，都幾抵睇，因為第一次嘛，咩都未見過，超似大香里出城，都值回票價既。睇完都十二點，就去左m記食野，幾好景呀！食完就行個果山頂商場，阿哥仲買左一個好得意既"細細粒玩具"。可能咩都未睇過喇，覺得好鬼新鮮。之後又去返個"碗"到，有個魔術檔攤先笑死，我阿哥勁串佢呃人，係到攪攪陣冇幫襯。之後去玩超動感影院，不過玩完覺得超無聊，仲衰過海洋公園個果！玩完就去返倫敦杜莎夫人蠟像館到睇喇，都做得唔係好真姐。食過，行過，玩過就走喇。都ok啦，不過去完一次就唔會再去架喇，因為再去黎做咩？佢地仲話想睇埋煙花先喎，殺了我吧！之後行左陣香港公園，太古商場，再搭返地鐵行旺角。真的想死了，行到真係冇力啦！點知返到上水仲要行！咁好精力？大佬呀，我聽日仲要返學架！我去左幫佢地哂相，之後即閃返屋企。返到屋企好似俾人打左一身咁，今日既行程真係"充實"呀！
不知從那時開始，喜歡上寫日記。
可能是由這個網頁開始吧。
上年的半年(12/6/02 - 31/12/02)我將日記打在這裡。
現在，我喜歡在簿子裡寫日記。
這不但可隨時看到，還不用怕上載空間隨時消失。
寫日記是一個好的習慣，它可留下我的美好回憶。
最後，希望你們真的認真看這裡的每一個字。
六月
七
月
八月
九月
十月
十一月
十二月
200
2日記 (已刪除)
2004年日記