31/8 星期日 糟了！明天是9月1日了，我還未做完那些暑期作業呢！說說笑罷了，我15號才開學。 花了數天的時間，我終於看完一套七本的京華四貝勒了，快看死我了。真的不太喜歡看古代的小說呢，還是現代的合我心意。 呼！終於將頭髮染了，是不太顯眼的紅色呢，不太上色。 30/8 星期六 今日睡死了，我竟然睡到五時多！天啊，我有渴睡症嗎？但今日天氣實在太好了，風和日麗、陽光普照，加上微微的風，真的很適合睡呀，不是嗎？(←藉口) 29/8 星期五 尋晚同阿柴傾電話哩，傾到零神三點先收線，足足傾左三個鍾哩！又講唔返上次講個D野喎，但係傾左好多攪笑野，以下既係精華： 1.阿柴係咁講網上行點呃佢喇。 (佢俾網上行屈左百幾蚊付加費) 2.討論投訴個陣講咩好。 (係我律師未黎之前我係唔會講既) 3.客戶服務電話1833833。 (點解咁清楚？因為我家姐成日打) 4.我地成立左一個"車衣女工會"： (佢要做一個出色既車衣女工，我要做一個出色且年輕既車衣女工) 阿柴已經係呢個會既會長喇，我就係永久副會長。點解要加永久？唔知喎，問阿柴喇。 5.講到一間小學叫"田料米"定"田料米葉"之際，阿柴竟然聽左"條條米"。唔怪得佢一直聽唔明！ 成晚就係傾呢D，無聊不無聊乎？ 28/8 星期四 尋日終於安裝過部機喇，而家load得勁快，以後唔會再變大架喇！我又用返以前個果雪人ICQ Skin。^_^唔，連結個到有少少問題，不過咁都冇辦法，遲D先整。 原來呢，我間房可以望到火星架，尋晚都唔知睇左幾多次，真係好光喎。實不相瞞，其實我係火星人。(無聊)(-_-") 27/8 星期三 日記已經轉返以前個geocities喇，希望會穩定返喇。 討厭呀，討厭呀！部死人電話叉唔到電呀，激死人呀！唔係又壞呀，咁cheap架！部機我五月先買架咋，三個月壞2次，去死喇。 26/8 星期二 死喇！個日同阿柴傾電話抄低個D資料我唔見左！周圍搵都唔見喎，唔知係咪掉左。個到寫左好多野架，仲係一時興起寫架添，而家講返邊到記得喎。阿柴呀，你同我講多次電話好唔好呀？ 仲有，呢幾日可能要重安裝部電腦，加上隻FrontPage係阿柴到，可能有一排都唔可以更新，但係日記會照打既。 25/8 星期一 尋晚睇Hunter X Hunter，但係暑假完左翡翠仲會唔會播呢？我淨係睇到佢lo 000咭咋，而家先播到入game，幾時先播到？ 今日成日都係到整網頁，研究點樣用Photo Impact，雖然話PhotoShop同Photo Impact差唔多，但係我覺得後者好上手D姐。 終於整左呢個網頁第一個LOGO喇，但係好似唔係咁靚咁，而且個BG係用人地個D素材，遲D要整一個完全係自己整既LOGO！不過要等我熟手左先得，我相信要等好耐好耐......04：24p.m. 24/8 星期日 這幾天好像很平靜，沒有什麼大事件發生。這幾天也在看vcd，看了前幾天買的"小孩不笨"，很好笑呢。看的多數是港產片，也看了"慳錢家族"和"一碌蔗"。 23/8 星期六 今日又是平凡的一日，沒有特別事發生。 22/8 星期五 尋日同左菠菜、阿柴行街喇。 其實都冇乜野，都係係上水行下咁；陪阿柴買書，睇下D衫咁。之後我買左一隻都幾得意既熊仔，又行下商務。冇幾耐菠搵佢阿媽，我同阿柴就去街市買再去惠康上倉，咁就返屋企喇。 今日訓到3點幾先起身，好耐都未試過喇，遲D返學都唔知點死！好彩15號先開學，仲有排。04：39p.m. 20/8 星期三 今日係菠菜生日，祝佢生日快樂！ 想死呀！神咁早俾阿爸個D"悅耳"既唔知咩歌嘈醒左，佢又播到鬼死咁大聲，擾人清夢。 19/8 星期二 以後唔訓晏就覺喇，尋日發生左一D好恐怖既事！(咪就係阿柴睇完咒怨個晚發生既事囉)真係好驚呀，唔好提喇。12：34p.m. 18/8 星期一 好yeah，仲有兩日菠菜就生日喇。 原來上個月既今日，係朱古力online既日子...但係今日我冇夢見佢online呀，反而夢見我同阿柴、阿妍一齊去九龍灣食飯哩！成日都發埋D古怪夢。11：58 a.m. 17/8 星期日 今日7點幾俾一個搵阿爸既奪命追魂call嘈醒左，不過梗係繼續訓喇。訓到11點打俾阿迪睇下佢今日至到幾多點，之後咪換衫拾野。搭火車都用左成個鍾呀，好彩帶左本書去睇。去到科學館咪搵囉，好彩記得佢講過咩"廢水復燃"架，去到都見唔到佢，好彩佢見到我。咁佢就同我講解喇，不過我都係聽唔明既！(-_-")咩野HFC...佢地講成KFC...同我講理科我真係好唔掂！理科白痴我當之無愧，哈哈。佢真係好忙，咁我就周圍睇下喇，不過我真係聽唔明呀！(=_=")尤其事個果"咩咩左手定律"...唔知佢講乜，不愧為文科生！我記得磁+電=力！哈哈，真有趣。有一個成日"錶煙"架，仲話可以用黎許願，笑死。(真係有人dum左兩毫字落去添)有一個仲抵死，佢竟然叫我太太！你話好嬲定好笑？之後三點佢走得，就同埋佢D fds一齊去吉野家食"lunch"。食完咪同阿迪一齊行沙田，買左D野咁。行完都六點囉，本來想去龍豐行下架，點知俾人拉住左做咩測試。唉，俾人X左落搭添。點解我咁豬架？但係我又幾想試喎......09：42p.m. 16/8 星期六 本來想今日出去架，但係原來我部電話由星期三開始冇"山"到...攪到而家冇電...到而家都仲未叉到電添呀！唔會又壞呀...已經壞左次架喇喎...死喇！好驚添...11:01a.m. 15/8 星期五 大家千祈唔好咀咒人呀，因為好靈架！話說尋日我因某D事係咁咒我阿哥開電腦鬼唔望佢變大又hang機。點知佢開機玩真係變大左(我之前玩都冇事)，冇幾耐佢乜都冇做過又hang機喎("貼"題又唔見咁準)。我又話"我X左咁多次X，你就變大返幾多次機！"就係咁，由尋晚到今朝都係一直變大左。(=_=") 尋日free打電話俾我哩，傾左陣咁囉。(阿柴你唔恨得咁多架喇)仲有呀，尋日去阿媽間房"山"窗喇，出事喇。我竟然爬上佢地張床個陣撞瘀左隻腳！傻架，佢地竟然用板木板放係床"玉"上面喎，有冇攪錯架？撞到我好痛呀！(-_-") 今日發左個好夢，我夢見自己去左ZONE個演唱會哩，仲要係最前個果位！(但我竟然同阿柴一齊去睇喎！就算幾好既夢都會變惡夢！) 14/8 星期四 今日神咁早起身，整好個班網佢。全天候禁右鍵和鍵盤，留言板個頁安裝密碼同埋一個好恐怖既右鍵。("佢"禁左右鍵睇原始檔佢就知死)都攪左成個鍾，希望有用喇！ 頭先同完肥昌傾完ICQ。嘩！佢幾勁呀，佢話佢有14分喎;我又唔係好信喇，但佢又講到似層層咁。估唔到佢真係會發力姐......突然覺得好自卑添。(-_-") 13/8 星期三 今日同左阿柴去九龍灣交學費，之後去左旺角行街。用左好多錢呀！不過係阿柴。我呀？買左條檔布。(其實係門簾，但我鍾意叫佢做檔布呀！)係咸旦超人黎，好可愛架！我要將我間房咸超化，全部野都要變成咸超樣。之後去食雲吞麵(大心)，但係間野.......D味好好好淡.....D雲吞又冇蝦喎。(-_-")不過10蚊係咁架喇，係我食過之中最差既！係呀，今日行旺中見到林殷哩；阿柴又話見到阿麗，但係我見唔到哩。之後咪行花園街囉，大出血呀，係阿柴。佢買左好多野，我睇多過買。嘻嘻，阿柴"禁"錢俾我駛添呀！(阿柴：點解你省略左咁多既？)行到咁上下咪返屋企囉。 0岩0岩去班個留言板先知又俾人"攪"，今次太過份喇！佢竟然鬧free盈喎，忍無可忍呀！但係我又做唔到D乜，因為個板唔係我整架，我唔知點先可以鎖佢IP，突然覺得自己好冇用，個FDS一個一個咁俾佢話，我又幫唔到D乜。總知最衰個果係我，整咩班網呀，好後悔。 12/8 星期二 唉，部機又變大左。(=_=") 今日11點幾起左身，之後咪起身刷牙洗面換衫去銀行。嘩！咁大個女都未"禁"過咁多錢出黎。今日去左匯豐"禁"左5000蚊俾我老豆入支票交學費，戶口咁就少左5千蚊喇。雖然唔係好心痛，但係我個戶口突然冇左五千大元！唉~~~ 11/8 星期一 哈哈！原來自己打左9月都唔知，唔該哂阿柴。一陣間去"製衣"interview哩，我諗佢收我掛。唉，又同阿柴做同學。(-_-")今日7月14哩，唔好出夜街，小心你後面有........人呀！返到黎先再打喇。11:29a.m 10/8 星期日 死喇！今日先記得，我又唔記得俾free盈d手信佢地呀！死喇，死喇，點算呀？成日唔記得帶，又見唔到面喎！點算呀，我點對得住free盈呀！ 9/8 星期六 都話左上網打日記唔好架喇！頭先上載錯左，攪到而家咩都冇哂喇！
不知從那時開始，喜歡上寫日記。
可能是由這個網頁開始吧。
上年的半年(12/6/02 - 31/12/02)我將日記打在這裡。
現在，我喜歡在簿子裡寫日記。
這不但可隨時看到，還不用怕上載空間隨時消失。
寫日記是一個好的習慣，它可留下我的美好回憶。
最後，希望你們真的認真看這裡的每一個字。
六月
七月
八月
九月
十月
十一月
十二月
200
2日記 (已刪除)
2004年日記