30/11 星期日 今日睡死了，不過都只是訓左13個鍾"之嘛"。：P 起身第一件事就梗係開電腦喇，刷完牙洗完面時間0岩0岩好；咁下咁下咁哂所冇野(連線、ICQ、Winamp)，之後就去蒸包食。發覺全屋一支水都冇，咁就去煲水喇。之後又係去各人網頁睇睇，補返咁耐既日記，足足左左我成個鍾!!打到而家，一陣繼續睇vcd。4:10p.m 29/11 星期六 寒 今日11點半起身，勁寒呀，咁就著返件長袖衫喇。(不過仍然係短褲)所以用件"嬲"come住隻腳喇。上下網咁，之後行開左一陣。返黎繼續用電腦，當然係睇vcd喇，勁好睇呀隻碟。睇到4點零，但係玩到5點零先收手。咁就返房拾下野睇下書咁。之後食飯，睇電視。睇完怒雪狂x(唔買廣告,其實係我唔識打)就返房聽下歌咁。10點半先捨得去沖涼，沖完冇乜野做就睇下書咁。之後睇日劇喎，原來上個禮拜已經有，蝕左。叫"美味關係"，好似幾好睇咁，都幾好笑架。睇完都兩點囉，咁我睇埋本雜誌先去訓。 28/11 星期五 今日返荔景呀，始終係荔景個邊好玩d！去到荔景當然要買早餐食喇，我就買左個紅茶朱古力包。幾好味架，真係有陣紅茶味，不過佢d朱古力溝左其他野一齊整，所以冇咁好味喇。返到學校就車埋上次車淨個條褲，車完就過隔離組"搗亂"。因為我地個miss成日都唔知去左邊既，咁BM就成為左我地既助教喇，我地一有咩唔掂就搵佢架喇！咁miss返黎叫我地預備定d野下就教試用。幫佢分下裁片，自己又褶哂d線；見到隔離組有恤衫玩，咁就叫miss開俾我地玩喇。俾我發現左份1千零3件既白色喎，咁我就立左喇。哈哈哈，不過可惡珠竟然同我搶野?!好彩我死都唔肯。(據我所知,仲有個兩份,一份係張國強到,但另一份我就唔知喇)放lunch就去街市個邊吃，不過好多人呀，咁我地等左陣就有位，但係分開左吃喇。好耐冇食過炸腸喇，咁我同珠一人叫左碟。我呀當然食雲吞喇，阿珠食水餃(其實同雲吞係冇乜分別架)。都幾好味，不過湯底遜色左少少咁喇。埋單都係每人19，都幾平架喇，因為真係食得好飽架！返到去"har"左陣就考喇，一開始都車得幾順。整體上都唔錯；但係我俾miss睇，話車少左條線呀！仲要係一開始要車既線，都唔知點補救好。好彩miss幫我車返，miss真係好功力，真係車得好好!!車完都4點零，咁我就走先喇，因為約左阿邊個行旺角。去到旺角等埋佢就一齊買野喇，之後陪佢睇下鞋咁喇。之後又睇褲，但係佢明明話要買條牛仔褲既；點知到最後係勁大出入囉，無奈ing。都行到7點，咁就返屋企，佢俾左個雪人我睇，勁鍾意呀；咁就叫佢送俾我喇，佢真係俾左我喎，多謝哂你呀。(哭ed)呢期最鍾意既三樣野：咸超仔、bear bear熊、雪人。返到上水都8點囉，係廣場到同阿邊個分手之後，我係名都見到石sir喎，咁就同佢打聲招呼喇。原來佢同班from6傾完野一齊食飯，之後唔同路我地走喇。返到屋企沖涼食野，夜晚等阿邊個電話，傾到12點都訓覺囉。 27/11 星期四 今日係語言日，所以要著紫色返學。(笑) 今日少有地唔食早餐，直產上10樓。去到都冇乜人，咁就睇報紙喇，阿珠竟然睇漫畫(曳曳喇)。冇耐點名教書，之後就測驗。不過我冇去呀，因為都未練熟呀，e字個行勁難呀！考左n咁多名就落堂喇。上英文堂d男仔又走堂，當堂靜左好多。之後開始討論篇文，但我竟然係到畫外星人?!"討論"到12點半就放喇，咁我地就係學校吃杯麵，阿珠話肚餓食多個。咁我同小云就係樓下環繞學校散步，返到去傾多陣計就上design堂喇。今次要我地畫8頭圖既側面，但係我跑左去印，幾唔應該呢!!(好學生千祈唔好學呀!!)之後俾派左個可以旭既公仔我地睇，叫我地做返個喎。但係我都唔夠時間做(因為我又跑左去睇漫畫呢)，咁就返屋企先整喇。3點半閃人，街都冇行就直產返屋企。但係點解我冇打日記呢?我唔記得喇，而家補返咪得囉。 26/11 星期三 嘩!!今日係小盈盈生日呀!!生日快樂!! 尋日忙死囉，做merchan功課做到死呀!!兩題題目做左我成幾個鐘。今日我幾早起身咁喇，所以早左出門口。呢兩日終於唔係我最遲到喇，呵呵呵。返到cita又係同阿邊個傾左陣計先返課室吃早餐，之後上TEX。上到悶悶地，竟然見到A班D人係到搬聖誕樹?!之後上電腦堂，悶死人喇。因為呢幾堂係教點整網頁，都係教D基本野姐。佢叫我地上geocities開個A/C，點知我走左去del左以前d日記，心痛死。雖然唔睇姐，但有總好過冇呀嘛!!12點半就放學，由於阿邊個放學去鑽石山做project，所以我地各自閃喇。都未試過咁早返屋企喇，2點就返到屋企。冇乜野做，又係玩呢部咁可愛既電腦喇。(今晚先畫八頭圖喇) 24/11 星期一 近排成日遲到呀，今日我又遲到喇!!但係最遲個果都唔係我。正所謂：天外有天,人外有人呀嘛.(星期六學返黎既)阿邊個仲遲過我。(無咩特喇意思架)佢地成日都唔記得星期一要等阿邊個既，次次都想走呀，好彩有我提點佢地咋。返到去又係上英文堂同pattern堂囉，悶死呀。今日放12點半，咪陪阿邊個一齊吃雲吞麵囉；而阿珠約左林殷唱k喎，咁就走先喇。我仲陪埋阿邊個返cita喇，傾到佢miss黎。之後又話等埋佢放學喎，咁就係圖書館到"har"喇。之後咪開始改個果曉盈特別版囉，冇frontpages真係好唔方便架，攪左我成個鐘。(雖然係屋企攪都係攪成個鐘架喇)不過覺得自己好似叻左咁，可以係geocities到直接修改，呵呵呵。(但又咪係改d普通野,你叫我打返出黎我係唔識架!!) 尋晚睇攪乜鬼奪命雜作笑到我死，最好笑就係扮驅魔人個到，改鬼哂人地d野喎，笑到我同我阿哥"痴肺"。又學人地個套唔知乜鬼喎。(前個排明珠有播過,但我唔記得左個名喇)真係乜都lo黎抄架，有d想睇3添。可惜本小姐冇銀兩在身呀!!窮死囉!!今個月洗突左成截呀!!(今日個話題唔係呢到,繼續...)好快free盈就返黎喇，唔可以再亂駛錢架喇!! 睇黎阿邊個就黎放學架喇，所以唔打lu。可能一陣去行淘大...(0岩0岩先講完唔可以亂駛錢!!不過行姐，唔係一定駛錢既。不過為左"速"進社會經濟,我會...呵呵呵...3:03p.m. 22/11 星期六 訓到12點先起身，打人俾珠睇下今日幾點出去。食埋野攪好哂就出去喇，點知遲左勁多!!架火車係去馬場站架，都未去過!!之後去大圍，小云先出左門口冇幾耐!!(原來真係有天外有天,人外有人架!!)等左陣就一齊上佢屋企喇，搭lift個陣仲見到佢細佬添。(佢細佬14定15歲有成180呀!!自卑死!!)去到云姨屋企，我地真係當係自己屋企咁黎！之後食左野，玩多陣goldie就到喇。(佢自己一個黎都識路,幾叻呀!!)睇下云姨d相,睇完就開工喇。我地傾到6點先走，返到屋企都7點幾囉。好彩有返屋企食飯姐!!夜晚就睇幽靈刺客，千機變勁似佢呀!!點解唔講佢幾千機變呢?!因為呢套野我阿哥唔知幾時已經睇過喇。"幽"好睇過"千"好多，起碼都pro d喇。內容一樣係講疆c，但外語片始終都係唔同d既!! 21/11 星期五 晴 今日早左起身哩，換埋衫就煮便當返學校食。(#掠過#)返到荔景去左華潤買糖吃，見到+欣，等埋洋蔥就一齊返學喇。返到去就開始拆線，鬼叫我車錯哂咩!!10條有8條都係錯既!!拆左又車返，攪左幾個鐘先攪掂；之後就去釘褸門+褸，咁就大功告成喇。其間班仔竟然係到打交!!小丸子仲打到甩左副眼鏡，勁兇呀佢地!!阿叔1個對佢地幾個!!冇耐miss過黎睇下咩事；唉，呢個就係我地班喇!!而家d miss 真係難做，除左教車野之外仲要做埋訓導!!冇耐我10條褲仔終於面世，之後又冇野做，行行企企、睇漫畫、陪+欣。lunch就落去食喇，我地係到交換各自既便當，仲攪到成張台污job哂。唔知點解覺得感覺幾好!!可能以前中學未試過掛，又或者我地真係食得好開心喇。食完仲有飯後果食呢，洋蔥姐姐成日都帶生果返黎架!!但係見到佢地met橙我先記得我隻蕉漏左係上面!!(0_0")食完生果就出去散下步喇。行完返去冇乜野做就幫miss分裁片，之後又練習車返一條褲，因為下堂考試!!(今日先知原來我地組個miss姓浦架!!幾特別!!)車左兩個幾鐘都仲未車完條褲，咁就下堂繼續練喇。放學等埋佢地就一齊閃喇。阿珠終於忍住住喊左喇，因為車完又拆拆完又車真係好辛苦架!!(又或者佢唔係因為呢樣野喊掛,但係我覺得係囉...)佢竟然...唉，唔好提!!但係我無喇喇諗起唔知幾時阿珠佢...佢竟然望住左邊講野，但我係企係佢右邊架!!(恐佈哩?!)之後又係搭火車返屋企，都冇咩特喇野發生。返到屋企又係玩電腦、打日記。 20/22 星期四 今日都冇咩特別事發生，都係咁上堂囉。我地集體著紫色衫返學呢，因為今日係語言日呀嘛。皆因上一堂普通話堂我、珠、+寶、慧儀咁0岩著紫色又一齊出去唱歌嘛，咁我地咪話下星期四(今日)一齊著紫色囉。考普通話都係麻麻咋，得65分。英文堂又冇咩特別，放lunch就係課室吃喇。睇書睇到搭九就搭車去理大，今日係上年班yr2畢業嘛。好快就到喇，兩個字都冇呀。行行企企左陣就入去坐喇，傾左陣計就開始。完左就搵返阿邊個一齊去行尖沙咀。阿邊個又係著紫色喎，幾0岩呀。行行下又行到美麗華個到喇，又諗到唔應該諗起既野!!本來想搵一搵菠菜既，但係佢唔方便；咁就係門口望左望，見唔到佢就走喇。我地去左天地圖書到睇到，見到天航d書減價中!!但係我真係窮死囉，所以忍手。行多個圖就同阿邊個分手喇，因為佢去玩具反斗城喎，遠死呀!!咁就同阿珠行返去紅碪搭車閃喇，今晚既晚餐係雞，好彩有返屋企食飯姐。夜晚阿邊個打黎傾電話，但係我家姐用緊電話我又要去沖涼，所以都係冇傾到既。沖完涼睇左陣書、吹埋頭就去訓lu。 19/11 星期三 平凡的一天。(冇野想打) 今日又係上TEX喇。之後就上電腦，講解下份notes同教整網頁。michelle話唔駛上merchan堂喎，咁今日就放12點半喇。食完飯就係機舖到"har"，泡到3點就一齊出mk。諗住去買碟點知好似好多間都冇喎，咁就同+lok一齊走喇。佢地睇matirx3喎，我都未睇過1、2呀。+lok佢...佢發姣呀!!(俾佢睇到實死梗!!)思覺失調中(佢)!!返到上水咪行下bule star，點知冇左件黑色灰邊個件喎，仲諗住買諗，遲d去淘大睇下有冇先。(因為係旺角間舖見到,阿邊個話幾靚嘛)行左個圈就返屋企喇，玩電腦。06:37p.m. 18/11 星期二 撞鬼囉，近排勁恐怖+黑仔!! 尋日我電話冇電，我"山"左電話架嘛。點知阿媽7點到打俾我，個電話自己著左，傾完因為低電量自己熄返，嚇鬼死!! 今日叉好舊電又唔記得帶返學喎。今日上三堂喇，又係咁上喇，都冇咩特別。lunch去左kfc到吃，諗住溫書又溫唔到。近排個腦好"實"呀，溫書溫得耐就開始發呆，成日都係咁添。我尋晚仲唔溫書陪阿邊個傾電話添，今日考試係唔多曉既！放學同阿珠、goldie、云姨一齊去深水x行街，睇下有咩0岩可以用黎做project。行到五點幾就走喇，去到九龍塘先知跌左張相，都唔知幾時跌架！嗚...張相雖然唔係好重要(其實好重要架!!)。但係"佢"跟左我好耐架喇，都跟左我都有2、3年架喇，平時入落八達通套到，而家跌左好似周身唔"敘"財咁。main point係：我唔知底片pat左去邊!!唉......心痛死。返到上水咪去眼鏡舖整整副眼鏡囉，整完就返歸吃飯!!! 返到屋企玩電腦竟然變大左呀D網頁，近排部腦中毒呀!!9:00p.m. 1７/11 星期一 原來我好多日冇打日記喇喎，阿珠唔講都唔知呀。呢兩日我訓得好好呀，不過星期六我發夢夢到一個好惡既惡夢呀。尋日我就發左個好夢，我竟然夢見自己去左日本呀，幾正呀。唉，星期五ｄ野唔好提喇，勁唔開心呀，不過雖然都唔係咩大件事，算喇，白痴左，白白浪費左我ｄＸＸ。星期六咪又係同阿邊個講電話囉，唔打過俾我都唔安樂既，嘻嘻。今日遲左出門口呀，去到仲以為自己最遲，原來阿邊個仲遲過我。搭地鐵個陣阿邊個先好笑，企唔穩差D做左"龔"橋。今日第一堂係英文，我記得我上次份功課我係冇寫名架。落左堂就去搵返我份功課喇，之後pattern。畫下畫下又到lunch，又到下村食，由於間間舖都有好多人既關係，所以我地去左好盡個間舖到食，今日又食雲吞麵喇，正。雖然俾唔上上水個間，不過都過得去喇！仲有，以為食飯唔好坐係+lok隔離，因為佢係傻架。食完就返cita喇，今期又係pattern。上呢堂好快過架。而家我就係電腦室喇，因為要傾mercher個份project d野，所以留低，一陣仲要返上水攞眼鏡。阿珠就係我隔離咋!!!嘻嘻!!!15:58p.m. 12/11 星期三 今日好早起左身喇，我發夢電話響喎，拿起黎聽原來係鬧鐘，kakaka。今日都好凍呀，不過係一個零願凍都好過熱既人。返到cita，第一堂係textile。我地學針織喇，學學下係咁傾織頸巾D野喎，咁傾下傾下又落堂喇喎。之後上電腦堂，原來個i-textile.com摺左，又唔早講，攪到我搵左幾日！之後就講下咩係FTP、咩係IP個D咁，不過講左=冇講。12點就叫我地去apparelkey.com(串錯?!)到搵資料，做下功課咁。做唔哂就拎返去做，我地留多陣就走喇。今日又係去下村食，個間舖幾好呀，佢真係好信我地，錢都唔駛點數就話0岩數，俾我既感覺幾好幾好。時間尚早就走去打機喇，冇耐就同阿珠玩大鼓，今次我地玩"命運"呀；我玩到96%呀，幾勁呀，不過係初級之嘛。之後又玩車車，又睇佢地玩麻雀。3點到就搭車返基新拎cert。今朝仲話free唔打俾我，點知搭緊車佢就打黎，阿柴仲係隔離話偏心添，呢個係我地指定既口頭蟬！傾左陣諗住返到學校先再傾，點知我冇電！返到去先知道小文冇返，過份呢，人家特登返佢睇佢架嘛！我地癲到5點先捨得走，咁我地就去左配眼鏡，有一副佢地話幾好就買左喇。配完都6點幾囉，就各自各閃喇。點知行到隧道見到大家姐喎，佢俾左支美樂多我，呵呵，之後咪一齊返屋企一齊吃飯囉。 11/11 星期二 雙11日？但對我黎講係冇意義既。 嘩！今日上P.M呀，我竟然冇帶錯notes呀！不過上佢堂真係......頂唔順！他的名字叫"人肉字典"，成份notes冇一個字係未被佢解釋過架！幾經辛苦終於到merchandising喇，派返份卷，確實唔合格呀！不過Q2我有成32分架，都算叻架喇，Q1得8分，唯有下次努力D喇。lunch同小云、媚媚?!一齊去上倉，我主要都係掃麵。返到去俾班男仔"喉"住個locker，真係開locker之前要睇清楚有冇人，因為我樓上已經是受害者喇。個果係邊個？咪係阿珠囉。(嘻嘻嘻...唔好意思，講左出黎添)lunch之後就係整熨，都唔係上堂，我地係到睇書，終於睇完赤川叔本"殺意(下)"喇。3點半就落留下熨西褲，不過都唔知自己熨得好定唔好。5點幾我就走先喇，因為費事成日咁晏返屋企喇。但由於locker D糧食哂，就去左華潤入貨。之後又去BULE STAR睇下外套，點知又係同一情況，慘呀。行左個圈就返屋企吃飯喇，今日好凍哩！ 10/11 星期一 今日都係咁過喇，lunch發左一D唔係咁開心既事，我好似變左衰人咁，左右做人難。lunch返左去傾開放日D野，傾完陪佢地去吉野家吃飯。吃完行左陣街，去睇下淘大BULE STAR個件外套，但係我想要隻色冇想要個果款、有個果款就冇個果碼，過份。行多個圈就返屋企喇，呢幾日凍左D，各位朋友仔記得著多件衫！ 8/11 星期六 發夢、發夢同埋發夢。訓到無日無天，訓左十六個鐘有多！我而家先知，原來換身份証要一個月內辦妥。咁我就疑惑佢點LO身份証喇，咁我咪去政府D網睇下囉。原來當時人唔係香港既話，只要返黎之後30日內出示証明文件証明你唔係香港就可以換身份証架喇！ 7/11 星期五 尋日去荔景返學，唔記得起身整便當，返到荔景就買杯麵。今日勁失手，車得勁衰，改左一次又一次，勁唔開心。lunch又係一大班人食飯，好開心架，因為好耐都未似過成班fds一齊吃飯咁。(同vtc班仔就例外喇)食完又去左七仔買雪條食，3條/$10(大腳板/斑馬仔)幾抵呀！返到去繼續車，又車得勁唔掂，超級失敗!!!之後褶骨，亂黎咁款，咋一聲褶哂；仲以為自己好得閒，原我我仲未熨，熨完就真係得閒喇，行行企企又到5點。咁我地就一大班人"產"去葵芳喇，點知我俾人"欄途截劫"，又係講減肥個d。佢地等埋我就行喇，又去左夾糖。因為成日都唔係屋企食飯既關係，我就走先喇。其實自己一個既感覺都唔差呀，起碼有時想自己一個靜下既時候唔會俾人煩住呀!!返到屋企就開飯喇，今晚食蝦呢，好彩有返屋企食飯姐。睇完唔知關西定西關大少就沖涼喇，沖完就閃返入房，反正冇野做。睇睇下書有D眼訓，走出去吹埋個頭就訓喇！ 6/11 星期四 今日唔記得帶普通話書，咪叫家姐帶俾我囉。點知附送雪芳蛋糕一個，kakaka。(不過食完會唔會說謊架?!)上完普通話堂，lo糖食。小息個陣肚餓食goldie d餅，又食自己d餅。放lunch，係學校食。生積咁，食左兩個杯麵。design畫下畫下又放學喇，咁成日就係咁過；冇乜大事發生架喇，平凡的一天。 5/11 星期三 超級煩忙，近排好似成日唔返屋企食飯咁，今晚終於係屋企食喇。呢幾日都放左學都走左去"懶街"，感謝"阿邊個"陪左我咁多日呢！"小女子無以為報，本想以身想許，可惜我已名花有主，我兩有緣無份，你死心吧喇......"(給"阿邊個"：覺唔覺好熟呢?!梗係喇，咪係咩囉)前日出左旺角行，尋日就行左尖咀。等埋菠菜放工就一齊行街，返到屋企都十二點lu，一點先去訓。今日仲唔知醒，七點三先起身，我以極速搭四出門口。(唔趕時間都慢慢黎，人既心態就係咁架喇) 死野，我以為今日上兩堂，點知上三堂喎，又唔記得帶筆記。上TEX係超級眼訓架!!!之後上電腦又無聊喎。話咁快又到Lunch，我地三個冇等佢地去左第一間舖食，原來佢地係前面唔知咩舖咋喎，咁等埋佢地一齊行。返到cita搭半喇喎，咪行快少少囉。返到去好彩michelle仲未到，周圍請人食糖冇耐就上堂喇。之後去左電腦室做功課，做左成個幾鐘先做完。(-__-")之後就返屋企睇漫畫(嘉欣借的)，design功課又唔記得左lu。夜晚畫埋份功課就玩電腦喇。 前幾日個D唔打返喇，事因我懶得打呀嘛！ 2/11 星期日 今日訓到12點幾先起身，感覺好似訓左好耐咁。起身都冇野做又咪睇雜誌咁囉。之後又玩電腦，打下日記咁。點知Front pages用唔到喎?!連我D file都唔見哂！(有冇攪錯?!)唔知咩樹，咁我就唯有係網上直接修改喇。攪下攪下又到2點，冇野做呀!!唯有一陣睇VCD喇。2:05p.m. 1/11 星期六 晴 今日約左"阿邊個"行元朗，我地約左12點喇。阿柴黎到之後，想行之際有個人行左個黎，原來係"阿邊個媽"，咁我地就去左野先喇。食完就同阿柴行左去間舖到整野喇！(整咩?!星期一咪知囉)(在此再一次多謝"阿邊個"陪左我咁耐)整完就行街街喇，又去三聯睇下赤川叔本書出左未喇，點知都係未有既，又話30號出，欺騙我感情?!之後又周圍行下，"阿邊個"就勁買衫。之後我地去左買帽，再去另三聯睇喇，最後又買左赤川叔三本書。(本新書始終都係冇既!!)我又買左新衫咁，今日勁洗錢呀！(2號咋，洗左半lu)7點幾就搭車返屋企喇。今日既晚餐係杯麵，因為阿爸返左大陸既關係，阿媽又懶得煮。夜晚2點重播hunter X hunter架，不過1點到眼訓一濟訓左。
不知從那時開始，喜歡上寫日記。
可能是由這個網頁開始吧。
上年的半年(12/6/02 - 31/12/02)我將日記打在這裡。
現在，我喜歡在簿子裡寫日記。
這不但可隨時看到，還不用怕上載空間隨時消失。
寫日記是一個好的習慣，它可留下我的美好回憶。
最後，希望你們真的認真看這裡的每一個字。
六月
七
月
八月
九月
十月
十一月
十二月
200
2日記 (已刪除)
2004年日記