第二個禮拜
footnotes:
| 「Lift到喇!!」 | 人o地講o野 |
| 「哦~」 | 我講o野, 又或心諗 |
| Frederick | 人名 |
| 岳廟 | 地名, 景點名 |
| 3210 | 唔係手提, 係房名~ |
| (往後仲有一種茶都好似人生, 遲d先講) | 注.... |
|
2001年6月24日(微雨....晴)Sunday 杭州生活開始了.... 哈哈~ 今日係返工前最後一日o既自由活動日, 當然唔好浪費o左佢啦~ 所以尋晚就約o左佢o地一大班人去玩。但係無預到會有人一早就入o左我間房(即係3210)「o也文o也武」咁叫我o地準時落樓, 唔係就唔等人!! 大佬, 我仲訓緊o架, 係我半夢半醒o既時候煩我!! 你老細呀, 講文, 四個打你一個, 講武, 我一個人o既力都夠抬起2-3個你啦!!..........................(下省1000字). Vincent係呢個時間已經發難(唔知乜時候入o左我房.......): 「超! 一早係度嘈住晒, 我唔落睇下你點!!!」 我好讚同咁豎起o左手指公同佢講:「好!」, 結果我無浪費時間, 係佢地梳洗緊o既時候訓多o左一陣............ 我o地幾個人當然係鬥氣咁遲d落去啦, 「車! 自己咪又係遲!!」又係Vincent........咁佢又係有d唔o岩o既。 一行人行o左出大學之後, 都無人知想行去邊, 咁就有人提議去黃龍體育館(因為阿謝霆鋒係度表演過~), 去睇下都好o既, 總好過唔知係度行乜啦~ 我真係唔係好明, 到底一早叫我地起身又要話去黃龍果個人識唔識睇地圖, 唔識就問人啦! 行錯晒, 好彩, 最後有我o地幾個人(Mandy發現先o架~)出口先無再行錯, 唉唉.....
去到黃龍喇, 仲有個車展添。入到黃龍購物中心, 好大呀~ 有老麥, Giolando, Belando(不過D衫唔同香港賣緊果D~), 仲有個好大o既美食天地!!!!!!!!!! 我叫o左一個綠豆粉絲, 阿Fred叫o左個炒年糕(用糖炒, 正!), Vincent就叫o左個印尼炒飯, 好辣!! 我o地3個人一檯, 佢o地就坐到迫死咁, 點解? 唔知呀, 可能係同我PT人唔熟啦~ or....Isolation 食完野之後就搭車去市中心, 到o左市中心 ~ 又行行行行, 行到中華書店, 當然係入o下去睇書啦, 買o左本正書~ yeah~ 係推拿書!!! 好開心呀~ 又行行行行, 行到西湖湖畔, 終於晴天喇!! 風光明媚, 令人心曠神恰。 夜晚, 一班人過o左我房玩, 仲食下西瓜, 不過d相就仲未有........
2001年6月25日(雨)Monday 返工!!食飯, 等放工!! 第一日返工, 當然係等埋一齊先出發啦, 順便打下關係。 不過呢, Vincent就好似同阿雪好熟咁喎~ 8點鐘, 去到後校門o既公車站, 好多人呀, 唔排隊架!! 想上車, 真係好似打緊波咁, 手「月爭」行頭先得o架!!! 仲要大大聲咁先上到!! 可惡!! 去到醫院, 咁就梗係有Briefing先啦! 之後就係同我o地行一下成間醫院~ 行完, 我就入o左針灸科 因為落雨, 所以無乜人幫襯, 咁就睇下書, 問下問題, 練下針囉~ 放o左工, 等齊其他醫院o既人又行下西湖, 之後就行o左去浙大第六食堂。咩話? 8 點就話收工, 咁快d喇!! 是但點o左幾樣o野, 就要好快咁食.........真係趕收工, 茶又無, 水又無, 就連飯都要問幾次先有......唉唉~ 返到房, 都係睇下電視算lu~
2001年6月26日(雨)Tueday 水淹無阻嗒嗒嗒 今日仲係落雨, 出到大門口, 嘩!! 水淹浙大添!! 不過都係要返工....... 好辛苦先搵到架的士....上到車, 但鞋就濕晒....好悲呀 今日department又係無乜人, 所以跟李醫師上ward。 今日可以落下火罐, 好o野~個感覺好好呀~ FEEL LIKE SUNDAY~ 中午食飯時間, 決定唔係人潮之中買飯, 出去食好過~ 放工,終於停o左雨喇!!!
最後就係入黑前行到上城隍閣, o岩o岩7點, 太陽未落晒山, 仲有少少光, 但係佢就開晒燈喎, 活像一個雄偉o既城堡一樣。 行完o左, 梗係去食野啦~ 今日個行程無sunday咁差, 唔知係無落雨, 定係人少呢~ 可能係少o左個人啦~ 哈哈~
2001年6月27日(陰)Wednesday 無限正義 好囉!! 今日終於停雨喇!!!無咁悶, 上ward, 落department, 無問題!!!
放工, 一大班醫療人去行白堤、斷橋、孤山。
等齊人之後, 就去o左岳王樓食飯, 一般啦,
好過個天外天啦~ 當夜, 玩UNO 2001年6月28日(晴)Thursday 持久自由 今日係到步後第七日了。 晴天是好, 不過真的太熱了。 午膳一景~
食飯果時, 阿雪話要買電話卡入錢, 是但啦, 放工一齊去啦。 原來果間係叫奎元館----南第一麵館。叫o左3個不同特色o既麵: 爆鱔、蟹粉、蝦仁, 各有不同口感~ 返去果時, 阿雪問我:「今日ryan佢地叫你o地去, 你o地唔去, 你地唔會怕俾人isolate? 我好怕o架, 所以我一定會去....」「呢d野, 唔係俾人isolate, 就係自己isolate 自己, 果班人同我唔同, 睇o既野又唔同, 做事就更唔同, 我無需要奉承佢, 等佢自己覺得似『大佬』。 唔o岩o既, 咪不相往來囉, 又唔會死o既~」原來我係咁自由o架喎, 「係Ryan叫我o既, 我或者會去, 因為佢係我中學老死, 我會俾面佢。但係我唔想見到某d人就係真o既~」 , 多一份瀟灑添~ 不過比到自己隊個sir就差得遠~ 持久自由係自己俾自己o既, 唔係人o地俾o架~ 2001年6月29日(酷熱)Friday 心煩．清涼茶．152事件 今日又係好熱....唔想離開宿舍個中央冷氣..... 返工就仲熱, d醫師問我係唔係好熱, 比起d灸艾煙燻, 熱一下都唔係好難頂o者。 臨放工果時, 係理療部o既Vincent過黎針灸果面串門子,
話有個「清涼茶」黎o左。 放工, 好多人搭車, 152公車見有客就上, 仲有個唔知係乜水o既人坐係度,
係咁叫d人行入d!! 返到宿舍, 一大班人去食飯, 好呀~ 食完飯, 佢o地話去城隍閣, 又去呀......嗯, 我想去唱K, 結果4個人自己走o左出黎玩。 不過都係搵唔到......... 由於聽日係週末, 當然要搵d節目做下啦~ 原因係, 佢o地自己RD果面, 都會有人話事(都係得果一位仁兄囉) 2001年6月30日(晴)Saturaday 永遠的萬里無雲．三寶自由行 今日係自由活動日, PT三人行, 一早就殺去玉泉植物公園。(RD同學去o左紹興.......唔係紹慶, 唔去喎。 得番3人行~) 個公園就係玉泉校區唔係好遠, 又為o左慳車錢(當時係未有月票), 所以行過去啦。行o左一陣, 終於到喇! 不過要收10蚊入場費,
我就唔想入, 因為.........直覺唔係好值得!! 去到靈隱, 當然要映下相啦, 不過「咫尺西天」個排匾都係唔映,
阿Fred引述個導遊講過個意思唔吉利喎.............. 映完相, 阿Fred就入o左靈隱寺參禪,
我同Vincent就去搵下附近o既五代墓,
因為阿Fred無帶手提, 要約係大門口等。行o左一輪山, 空氣清新呀, 不過就搵唔到.........只係見到一間「武林健身院」,
可惜係謝絕參觀o既.... 中午, 又係西湖邊o既岳王樓解決,
食o左一個牛肉麵, 但係又對阿Fred個片兒川有d興趣, 但係Fred又死到唔肯講係d乜o黎,
哼!! 食完野就行o左去孤山同西泠印社(博物館o黎)。 晚飯就係竺可楨飯堂搞o掂~ 2001年7月1日(晴)Sunday 尋尋覓覓 經過o左一個好好訓o既晚上, (梗係啦, 尋晚夠靜嘛~原因係........) 今日係6點唔夠就左身, 原因係係d醫師度收到風, 話「曲院風荷」係7點前入場係唔收錢o架!!就係咁, 一行人又出發喇!! 由於阿雪遲o左o既問題, 一落到樓就要趕去打的。6點58分到步,
嘿嘿~ 唔駛俾錢~ 係「曲院風荷」度玩o左一個上晝, 又映o左好多相喎~哈哈~
跟手去埋孤山, 無錯, 又係孤山~ 食完晏, 睇o下地圖一陣去邊玩先~ 就係呢個時候, 一個好人o既婆婆問我o地係唔係外地黎,
我咁o既口音........係呀~ 我仲問o左點去九溪十八澗, 佢不但只好人,
仲帶埋我o地去添~
出o左村, 一路行, 到o左九溪十八澗, 沿途有好多小溪, 景色恰人~ 就好似係一個好大好大o既郊野公園咁~
由九溪十八澗行落去錢塘江邊只係4百幾米o既距離,
但係....佢o地.....呀...我o地啦都好倦, 無力行....唯有坐車仔落去, 五蚊~ 去到六和塔, 我無再上去, 因為........上過,
又好似唔係好抵咁~ 等o左成個鐘, 佢o地終於落番o黎~ 跟住就去o左附近o既虎跑夢泉, 係中國第三泉,
第一係當然濟南o既趵突泉啦~
又搭車lu, 喂~好熱呀, 要搭冷氣公車呀~ 蘇堤好長呀~ 行o左成半鐘先行得晒, 當然啦,
d湖光山色又唔同, 因此今次係由唔同o既方向行, 仲有日落添~ hehehehehe~ 不過無女伴囉, 得FredFred同我行~
玩完一日, 要搭車返大學喇, 就係公車站一傍, 就係我o地最愛o既「肯德雞」喇~ 因為我o地可以一邊享受冷氣, 一邊等車~ 不過有車到果時, 就要跑出去囉, 試過幾次走o左班車啦....嗚嗚~ 食晚飯, 去o左浙大第三食堂----食天一隅,
呢度同第六食堂有得揮.....又係無水無茶.......百無!!! 食完, 早d訓啦~ |
西湖一景
