2001年7月23日(晴)Monday

黃山歸來~又再上班去~

旅行後返工, 加倍精神, 我之前好似都咁講過~ ^^! 不過總會有人唔同意o既~ 果個人就係vincent同gigi喇!

一出房門就撞到gigi, 又會咁o岩o既..................
「手信!!!」「mn.....................我帶黃山個地圖俾你.....」
「唔要!手信!! Fred都有啦」「無!」
「今晚去同聚德試o下囉!」「好呀~」

我o地返工果時, 都有留意到vincent有d唔妥o架喇.........到o左lunch, 佢食完就即時訓(午睡), 一句聲都無出過...........
初時都唔知佢乜事......食完飯之後, 我同fred都係度睇書, 記起今朝gigi講果d野

「fred呀, 今晚去食鴨, 好唔好呀?」 我話~
「食鴨呀, 好呀!好呀!!咁去邊食呀?」fred答道~
「gigi話去同聚德食呀」
fred一瞼奇怪, 「同聚duck? 乜o黎o架?」仍然奇怪........
「同聚德喎, 係北京出o左名果間囉, 杭州呢間應該係分店!!」
「同聚duck?同聚duck? 個名好新穎喎, 仲有英文o既~ 哦!!! 同聚德」
「係呀, 同聚德唔係同聚duck呀!!!!」 ..................終於明fred諗緊乜.........

就係咁講o下笑, lunch又完o左喇~ 呀~今個week, 我係理療果面做, easy!!!

放工lu, vincent話佢想返去先, 唔同我o地出去喎。好啦, 咁你抖o下喇。
sarah約o左ryan行街街; 得我同fred去食鴨。

去到全聚德, 等o左一陣gigi先到。我o地就將lunch發生o既事講o左出o黎, 大家開心o下。gigi都係好似平時咁講：「好羨慕你o地一大班人呀.....我o地果度d人分開晒o架....」
噢.......咁你鍾意, 咪得閒過o下o黎囉~

食o野lu, 點菜先啦~
一定要點o既「片皮鴨」就實走唔甩, 仲有d特式小菜, 呢度仲送o左個八寶茶俾我o地添~ 好好飲o架, 聽講係補而不燥o架~ 最緊要o既係今日唔駛食set dinner喇!!!

大家笑o下啦~

隻「片皮鴨」到喇, 仲有專人即時去皮俾我o地睇添!!

食飽飽, 個鴨殼仲俾番我o地拎走~
果晚返到去, 發現成班人又落晒o黎....原來佢o地收到風, 知我o地去o左食飯, 所以落晒o黎等我o地, 「喂, 返o黎喇, 一齊食西瓜呀~」

??! 咁邊個開門o既呢? 望下vincent房, 見佢訓o左係度, 郁到唔郁.....vincent你唔好死呀!!!
未死得呀! 你俾我訓o下啦...............

呢一邊廂vincent病o左, 另一邊廂佢o地係我同fred間房嘈到好似開P咁...........^^

大家都因為有西瓜同燒鴨食而好開心~

2001年7月24日(晴)Tuesday

杭州食雞奇遇記~

今日一早起身, 同醫院請o左假, 諗住同vincent去睇醫生, 點知..........一早就有人坐o左係vincent張床上面。
「阿雪?! 你今日陪vincent呀?」噢~ 睇真d, vincent又唔係床上面喎.......原來佢係toilet入面........但係好耐都唔出o黎.............................

結果, 我都係要過阿ray果面梳洗(呢度每日都有新o既梳洗潔具提供, 所以唔會共用!!)

好彩阿ray未出門口o者~ 搞掂, 返房。唔係呀!!!! 無人?! 咁快出o左去....................................................................................乜都羅唔到.........大佬, 等多一陣先出去啦..............算啦, 唔返喇!!

過o左去問gigi借單車, 獨自去踩車, 我, 謝絕你偷o野~

一路踩出去西湖邊~ 好free呀~ 我想踩返去醫院果面o架, 不過果面d交通好亂而且我又唔係好識路, 就係咁我就係西湖區周圍走。
有d肚餓添..........諗起平時等車果間肯德基, 不如去試o下啦~
咦!!!! d雞咁鮮o既?! 好味!!!

食完lunch, 返宿舍, 又係唔見人. 2點鐘, 約o左gigi同Gabriel去靈山洞。
靈山洞d鐘乳石都唔錯o架, 唔知瑤林仙境果d係點o既呢?
出洞果時, 仲有好多蝙蝠係度把守個洞口...............幾經波折先出得番去。

保俶塔

之後, 我同gigi上o左寶石山, 睇保俶塔, 「雷峰如老人, 保俶如少女」, 保俶塔成為o左杭州o既標誌~ 係西湖睇上去, 又真係幾得o架~

近晚返到去, 見到vincent就死咁......病就唔好出街啦!!!
Gabriel係呢個時候就同我講, 頭先佢發好高燒, 我同阿星夾手夾腳送o左佢過去醫療中心睇急症, 醫生俾佢屁股度同佢打o左枝針, 好彩佢而家無乜o野o架喇!!!!!
哦, 咁都好d, vincent你(個屁股)好好抖o下先喇。
當晚, 成間房o既人都睇住佢, 我就幫佢敷o下毛巾............

12點, vincent訓著o左喇. 我先踩車去玉泉校區西邊睇星星, coz果邊無乜燈光. 呢度就係第一日搞果個迎新會o既地方。係呢度, 只係得淡淡的、依稀見到o既銀河........
睇睇o下, 突然見到一架單車係度, 即係有人啦, 唔通.........................有情侶........?!

2001年7月25日(晴)Wednesday

又照田雞~

請o左half day off, 食埋飯先走。

返去諗住同vincent去覆診。返到去, 佢話唔駛啦...........(嗯, 咁即係.......算啦~)
好在Gigi o架車放o左係我度, 又係踩車o既時候出蘇堤o既時候~
其實呢, 蘇堤係唔俾人踩車o既~ 仲有呢, 好似我呢d無居住證o既人係天加唔可以踩車!!
不過, 好少理~

出到去蘇堤, 見到有d香港人o既旅行團, 無乜親切感..........

夜晚, 去o左知味觀食(一級食府)晚飯, 仲有vincent, fred, liza........好多人~
我今次 已經係第3次o黎呢度食, vincent就唔止喇!!!!! 點解? 佢會同第d人出街食飯嘛~

好味~
食o左桂花年糕, 夫妻肺片(名菜)等~ 食完飯, 想過去采芝齋買o野食做手信, 可惜, 佢o地要關門喇.........太早喇!!! 唯有返宿舍~

返到去, 見到有d UK o既中學生, 佢o地係o黎呢度做交流, 學中文同中國文化~
之後有個信回教o既UK同學過o左黎, 佢叫「魔神」, hehe, 好好傾~ 不過佢係呢度唔係好多o野食得, 因為.....唔食得豬嘛~
佢仲係18歲咋, 呵呵~ 人o地就好啦, 係呢度食乜, 做乜都包晒, 仲好食好住添~ 最想要就係浙大俾佢o地o既紀念品, 係買唔到o既T-shirt.............嗚~

今日又去睇星星, 唔知係唔係我講o左懷疑有得照田雞, 佢o地都會好多人想去喎...........
又去返果度, 我仲帶o左d o野食同汽水添~

知．味．觀, 留意一o下fred老爺呀~

2001年7月26日(晴)Thursday

愛的禮物~

早d起身, 同阿fred過o左去超市買禮物送俾主任同醫師~
買o左枝鋼筆俾主任, 大茶壺俾小費, 仲有d生果咁啦~
last working day lu~離返香港o既日子又近o左, 好掛住香港, 但係又唔捨得杭州(尤其係西湖), 始終都對o左一個月嘛~
諗返起當初o黎到呢度個心情真係好得意o架~

諗諗下, 就返到醫院喇! 落車喇, vincent唔好訓喇!!!(除o左佢唔返果d日子之外, 佢日日都係巴士度訓著..............講真, 又熱又悶, 除o左睇書, 仲有乜好做? 咪訓囉.........)

落o左152之後, 就要過果條人多車多o既馬路。
不過今日, 個感覺好特別,
因為呢d就係我o地杭州o既生活,
就好似每日要「月爭」頭向前上巴士、
要趕係食堂未關門前食飯、
放工悠悠閒閒就行o左西湖畔、
汗流浹背咁食o下雪糕,
呢d唔係習慣, 而係我o地o既生活。
每一個生活o既細節, 有歡笑的、有流淚的,
我都會記著,
因為幾日之後,
我就唔會咁過日子......

好喇! 感性o左咁耐,(其實都唔係好耐....) 又係講番我o地d搞笑o野喇~
返到醫院, 我o地送晒d禮物同生果俾醫師佢o地, 但係小費無返喎............唯有聽日送啦~
last working喎, 當然又係映相o既時候啦~

針灸科醫師們

絕技! 飛針!!!

映o下相, 做o下o野, 同d patient吹o下水, 又係lunch time lu~
今日都係食酒家便當(盒飯), 每人5蚊呀~ d味道唔錯o架, ^^
食食o下飯, 頭先 fred好似收o左d o野喎, 我o地幾個人當然係咁問係邊個送o架啦~
fred話係一個醫大女學生送o既~ 嘩~ 愛的尿壺呀~

食完飯, 我o地過o左 放射科果面參觀同交流~ (我o地PT睇X-Ray都好掂o架~)
我仲映o左兩張教材添~ 分別係knee 同ankle, 我本來想照o下個hip, 但係sarah話唔好, 因為呢度無lead coat俾我著, 好傷o架!!!!!!!!!!!!!!

照完o左出o黎, d放射科醫師話我果兩張好似教材咁, 無乜事~ ^^ 咁都放心d~

fred就慘d, 俾我同vincent係唔清唔楚o既情況之間, 係咁射o左5-6下cervical(頸~)....好彩sarah話呢度係有保護裝設, 唔會過量發射o既~ 咁都好d!!

vincent又去o左陪人買o野.....mn...定係佢去買o野呢? 唔知lu~
放工之後, 我同fred去打機, 打爆o左lu, 都1只不過係6蚊o既事, yeahyeah!!!
打爆機之後, 就去o買小籠包做手信, 我一盒, 細佬一盒, 敏一盒, 三盒呀唔該~

買完之後, 撞到gigi, 三個人又行o左吳山路一陣, 搵到一間回教人開o既餐館, 買o左d薄餅食, 仲可以介紹俾「魔神」。大件事喇...........我d錢o岩o岩好夠俾機場費............仲有兩日先返香港呀......

返到去, 唯有食杯麵同午餐肉, 午餐肉係當日由我同vincent係日本仔供應部(即雪櫃~)羅返o黎o既~
食飽飯, 睇o左一陣電視, vincent先返。「無乜事發生呀嘛?」「無, 點會有事o者!」
「咁, 阿雪呢?」「佢係房沖涼先囉, 一陣先落o黎」
「哦~」我當然係笑得好奸咁講啦~

11點幾, 又去睇星~
因為gigi還o左單車, 無得踩, 要慢慢行過去....
今夜星光燦爛, 別了~ 杭州的星空~

返到去, 飲酒。之前買o左d喜力、青島放o左係度好耐, 唯有飲晒佢~
唔飲由自何, 一飲就知fred o既酒量唔好...........一罐就酒性大發..........嘿嘿~

2001年7月27日(晴)Friday

俏俏是別離的笙蕭~

今日係企業告別, 返去醫院執o野走喇, 一連串的道別, 離別依依。
小費今日有返, 映相當然唔少得啦~ hehe 試o下我o地手勢先~
vincent都等到喇!! 愛的達時的清涼茶又o黎做physio喇~ 佢仲好好人咁call埋我映......唔駛咁怕羞喎~

小費~ 推拿三絕~

vincent的清涼茶, 每日一包, 包你爽!!!

lunch果時, 黃科長(即係主任)同我o地食飯, 一食就4,000蚊............嘩!! 真係有錢~仲貴過仿膳, 不過黃科長話好食過仿膳好多(咁呢個係當然o既~食在江南嘛~)。
呢餐係我係杭州食得最最最好o既一餐......(同尋日比真係差好遠~), 全部都係特式食品, 好似「芝麻吹餅」、「老鴨湯」(杭州名菜, 黃科長仲話我o地無乜湯水, 飲多d....你又知o既?!)、「酒釀圓子」(有桂花、酒香o既甜甜小湯圓, 原來係用o左桂花酒煮o架!!!)、「富貴雞」(唔同叫化雞, 因為呢度係用o左唔知乜酒整!!)、「錢塘江蒸魚」(鮮、甜、爽口, 第一次食魚係咁正o架!!)、「東坡冬瓜」(睇落係一舊好普通o既東坡肉、但係......佢其實係冬瓜扮肉~ 太巧妙喇!!)。呢餐太豐富喇, 你問我有無唔好意思? 梗係無, 黃科長連我o地係o黎五個禮拜都唔知啦, 你估o下邊個唔好意思?!

傍晚, 因為無銀, 又要以即食麵解決........點知俾vincent叫o左出去食「九佰碗湯麵」, 不俗, 仲同阿Iris一齊食~ ^^ vincent, 要你破費, 點好意思呀?

夜晚, 又係盤足長談的一夜, fred同ray又大戰, 今次仲映埋相添, 死未~

浙醫二院, 到了~

2001年7月28日(晴)Saturday

走喇....

??我幾點訓著o架? 隻手仲俾人寫o左「cheap友」兩個字...........

晏少少, 等埋佢o地返o黎, 就過o左去UK果面映相。

執o野走lu, 好彩我尋日已經執o左, 可以準時落樓~ 仲見到UK同學係度打太極~

大門口映o下相~ 最衰係搵唔到「瀉停封」o既廣告........

玉泉校區入口, 我o地有毛主席~

別了, 浙大.........

去到蕭山機場, 又要checkin, 又要交離境稅, 無晒錢.............唉............
最慘都係出境果時, 張稅單唔見o左, 大鑊喇!!!!!去o左邊呀?!!!!
原來係趺o左..........嚇死..........

上到侯機室, 周圍映o相~ d大場面合照好開心~

byebye喇, 杭州!!
byebye喇, 浙醫二院!!
byebye喇, 浙大!!

係機上面, 隻好耐都唔出聲o既死駱駝又係咁嘈.........Mandy仲要坐係佢身邊, 慘慘。
隻o野仲要係咁各OT妹妹講人生哲理, 真係好笑, 好似教女咁, 咦, 咁咪不倫之戀?!!

回去香港喇~

機埸~ 大家都好開心呀~

3210一齊o黎

攝到喇~ 攝到喇~

上機lu~

多得我o地唔少~