第五個禮拜
今期個主題集中係我o地自己organize o既party同黃山遊, yeah~
footnotes:
| 「Lift到喇!!」 | 人o地講o野 |
| 「哦~」 | 我講o野, 又或心諗 |
| Frederick | 人名 |
| 岳廟 | 地名, 景點名 |
| 3210 | 唔係手提, 係房名~ |
| (往後仲有一種茶都好似人生, 遲d先講) | 注.... |
|
2001年7月16日(晴)Monday 又上班去~ 旅行後返工, 加倍精神, 症都做到幾個~ (雖然一直都係在旅途中........) 今日係推拿科做到成身汗~ 仲有個病人教我講俄羅斯話~ 好得意, 好易學, ^^ 因為時間o既關係, 我只係學o左一句「你好, 同志」, 嘿嘿~方便好用嘛~ 食lunch果時, 突然有一個念頭, 就係搞一個「Formal dressing之夜」o既活動,
無謂浪費o左套formal dressing嘛~
2001年7月17日(晴)Tuesday 又有奇遇~yeah yeah yeah~ 今日無咁熱, 但係推拿科係一個用好多體力、迅速排汗o既好地方........因此, 我都係...係咁流汗!!! 今日lunch之後就好笑囉, 有個醫師幫手搵到一間好平o既茶館, 唔駛愁lu~ 一行人一放工就走過去睇o下個環境先啦~ vincent就自己去.....點解?
佢同雪又無返嘛...... 就係咁, 地方就搵好o左喇, 同我o地個團長阿ray又傾o下o野。講開阿ray, 佢係讀語言o既, 係一個雜誌社度返工, 成個department就只係得佢一個, 梗係無我o地咁好玩啦~ 係上海之後, 佢就同gigi加入o左我o地果team人入面喇。佢應該係繼Gabriel之後最大隻o既人, 不過呢, 就多o左d溫柔~(hehe)......... 同阿ray傾完d o野之後, 叫佢夜少少過o黎玩, 就各自返房沖涼喇。唔返房又自可, 一返房就大件事囉!! 成班人入晒我同fred間房.......「咦, 咁多人o既, 搞乜呀?」原來佢o地已經玩緊UNO........唔見vincent喎, 「佢同人出o左去, 仲未返嘛」噢, 乜咁夜呀, 唔知佢有無隨身帶住果日買o既 domdom呢?! 嘿嘿~
2001年7月18日(晴)Wednesday 萬事俱備~ 萬事俱備o既心情真係好, 今日唔駛再去搵地方, 當然係多o左好多時間玩啦~ 今日返工, 到o左vincent一個主理針灸科喇, 哈哈哈~ 放工同fred, gigi去o左「老神仙」食醉雞、涼麵。Vincent? 當然又係俾阿雪book o左啦~ 呵呵~ 食完o野, 去o左中華書局買書, 我好想搵一本叫名著「海底二萬里」o既科幻小說....... 又要介紹一下Gigi先, 佢係讀Textile o既yr 2, 都幾串得人o架, 阿ray同佢鬥串就成日都輸..........不過佢就未串過我同fred(當然啦, 好人係唔會俾人串o既~) 返到大學, 見到間超市仲未關門喎, 過去買d牛奶做早餐先。於我o地每日都唔係好夠時間食早餐, 唯有每日都飲牛奶飲豆漿當早餐.....>.< 所以每個星期都要搵一兩日早少少返到去買~
2001年7月19日(晴)Thursday 日子到喇!!!! 今日一早起身, 就問o左gigi借o左架單車, 借o黎做乜, 出去寄信囉, 上次行到隻o野咁, 今次就輕鬆o左好多喇~ 去到郵局, 見到有申奧成功o既名信片, 寄o左一張俾細佬, 成六蚊, 都幾貴。 又踩單車去「新豐小吃」食lunch。 2點, vincent 同雪返o黎。 成晚都好好玩, 氣氛仲好好。不過, 食飽飽, 仲帶遊戲添, 好開心o架。 期間ryan佢o地先買o野去黃山, 所以要走先....
點解唔見vincent? 因為阿雪唔係好舒服, 所以佢o地走o左先,
我o地成班人都截唔到車, 要搭公交返去........>.< 返到宿舍, 成身濕晒.........好熱呀........
2001年7月20日(晴)Friday 黃山, 黃山!!!! 執好d o野o既時候, 都已經2點鐘, 成班人都仲係我間房玩緊, 有ray,
gigi, 星, KK,
Mandy, vincent,
雪, 當然仲有東道主 fredfred
& me啦~ Gabriel無過o黎, 佢話要一晚趕起晒d
postcard聽日寄, 努力呀! 一路係咁傾, 個感覺就好似 last day咁....^^ 搞掂d o野, 起程落樓, 先話要寄信, 講完就走o左........好趕o架喎 落到大堂, 6點都未夠, 隻死o野就話要出發..........(唔等Gabriel....講好o左6點o架嘛,
有無搞錯呀? 係唔妥我o地o者, 都唔駛咁o架!!!), 我話唔走住, 點都要等埋Gabriel。 我o地就係呢個時間行到去喇, 講都唔信.........隻o野仲係度叫緊......... 好o野, 過晒d人, 當然唔會好多人聚集啦, 因為過得咁上下人數就叫o左佢o地先搭車嘛~(咁多人, 一陣要打的就煩....) 車上面, 同個司機吹o下水, 聽住學友o既「天下第一流」, 有d眼訓添.............. 今日大致天晴, 天文台係無呃人喎!! 晏d就唔知喇......我一上車就訓著o左......................係一邊含住fred俾我o既酸梅糖, 一邊訓.......><
食午膳之前就到o左安徽省. 食完飯就行o左一陣元代老街, 買o左名信片, patirck個女朋友講價真係好叻!!!! 1點, 要訓lu, vincent仲睇緊電視(紅軍, 係講中華人民共和國成立o既~)...........借個電話俾我打番去香港呀, 搵小郡主呀~
2001年7月21日(晴)Sunday 獅子排雲會始信 要解一解畫先, 頭一句係黃山風景, 後一句係指我酷愛山上奇景及星空。發思古之幽情~ 起身lu, 食o左d o野就上車開始登山之旅喇~ 去到纜車站, 嘩! 好多人呀!! 有排等呀......要等2-3個小時, 唉, 唯有同佢o地玩o下接字龍消磨時間。我同一d男仔有諗過就咁行上山, 可惜俾導遊勤我o地留番d力落山........好啦...............
上山途中, 都已經見到好多奇松, 好似黑虎松(虎字o既草書, 不過我睇唔明....)、龍爪松(單邊有根,
好似龍爪咁)等等。係始信峰(三大峰之一)上面, 我同fredfred快快手手咁開始搵d映相位置, 如果唔係就會好多人~
之後就上獅子峰(同獅子山就唔係好似喇.......), 上排雲亭, 呢度係後山o既盡頭喇。係排雲亭度, 人o地話黃山「前山險, 後山峻」, 而家成個後山o既景色盡收眼底, 當真有排雲消困之用。
自由活動o既時間, 我o地走o左去攀石(徒手果隻), 爬緊果時, 隻死駱駝見到我o地, 又片我o地喇喎「30蚊,
實唔夠賠o架!」痴線o架, 咒我o地有事?! 「上o黎呀? 唔好? 無膽呀!!!!」睇你都唔夠膽同體能啦,
爬閘都要人幫! 玩o左一陣, 行返去酒店區果面, 黃山d酒店分成東海、南海、西海三區, 個海係雲海o既意思, 行o下行o下, 我都有d口渴, 就走o左入去d商店買o野, 有人叫我萬歲..........呀? 好啦!!! 買o左幾支飲品, 都唔係好貴, 都只係香港價 easy啦~(即係高出大陸價o既3-4倍.....) 返到招待所, 無錯!!!!!! 唔係酒店..................呢個招待所係用木板建成o既, 真係「古色古香」, 真係大聲d行 路都會俾樓下話。開餐lu, 6個人都係食即食食品(差在唔係同一個牌子), 仲有即食牛肉添, 阿雪好鍾意食喎, 喇! 我都話無買錯啦, vincent。 食飽就訓lu..........10點幾果時, Mandy佢o地入o左o黎,
仲玩到.......嘈醒o左我........唉, 唯有同佢o地去睇星星啦~ 間房熟太熱喇, 結果我o地去o左人o地酒店個lobby度訓, 訓到3點, 起身叫佢o地出發lu~ 當然啦, 一定要映o下vincent發現佢隻腳被解剖後o既樣啦~
2001年7月22日(晴)Sunday 上山, 落山, 上山, 落山, 呢次係落山!!!! 3點30分出發, 行o左好多路上光明頂。一邊行, 一邊睇住個天開始光喇, 行快d啦, 就快要出喇!!!!! 上到光明頂, 好多人, 又好大霧(雲), 仲要有條士多啤梨雪條係度(一個好高o既人, 披o左成張粉紅色o既毛氈);
有一位先生想映日出, 不過佢就等o左好耐都無, 而佢個鏡頭又對住我同KK喎, 我o地2個梗係擺好姿勢等佢映啦,
佢都好高興添(表面上)。
一路跑落去蓮化峰山腰追番佢o地, 好在一路都無乜o野好映。追到佢o地, 就係雞冠石果面, 真係好似雞冠o架~ 過o左雞冠石, 突然有一道缺口, 有好多雲係咁吹過o黎, 個感覺好爽~ 仲有凍添.....(我件褸係唔好擋到風......) 落一線天果時, 因為好多人, 要慢慢行落去, 到落果時, 又聽到隻死o野係咁叫「嘩,
真係好正呀! 好正呀! 好正呀!!」正乜鬼呀? 知你識個正字喇! 用多d形容詞啦!!!!
上到蓮化峰, 同太陽伯伯又近o左好多, 好似置身窮蒼一般,「登黃山而嘯天下」, 眼下無數城鎮, 人是多麼的渺小。因為體力太好o既原故, 行埋百步天梯(都幾高o架.....), 之後先開始下蓮化峰。一路行到落去玉屏樓, 又映o下迎客松, 集合o左一批人休息一陣, 先繼續落山, 就係呢個時候, vincent就好急就走埋o黎問我見唔見阿雪, 「o下? 你唔係同一齊咩?!!」找她不果, 復尋之。
行o左無耐, 好似十幾級石級之後就見到阿雪同成班RD係度映相,
咪係度囉~
繼續下山, 阿星, Gabriel, vincent同雪開始帶先o左好多......得番幾個人同我一齊行最後, 喂, 唔好咁趕啦, 咁倦又行得太快, 好似整親隻腳o架, 小心呀, 唔好好似個波碌落去呀........ 落到半山寺, 休息o左一陣, 又落, 話明係半山寺, 梗係係半山啦, 即係仲有一半要行呀~
係山下面食o左餐飯, 太熱喇, 無乜胃口, 都係食西瓜好d~
~黃山之旅完~
|
士多啤梨雪條
光明頂
映相要企定!
就係得咁窄
呢個咪親王囉~
玉屏樓~
迎客松附近
係無o左vincent...........你去o左邊呀?
天都遠景
