2001年7月2日(晴)Monday

仍然熱....

今日實在係太熱喇, 好難頂, 做完野, 又練一陣針, 我d手法不也懶的~
我o地同d醫師講番sunday去o左果d地方, 佢o地話我o地行都行o左成30幾里, 唔倦o架???
放工, 即閃返宿舍, 休息休息

呀, 係呀, 講o左咁耐, 都無講我o地平時起居d野添~
間房就好似酒店咁, 得個toilet同床, TV, 冷氣咁啦~
係無得煮食, 無得洗衫o既~
成個賓館得果幾部洗衣機 , 分別係第一座地下, 第二座地下、二樓、六樓(都係d外來生住o既, 即係d日本仔住o既)
我果座(第三座)係無洗衣機o架......通常我都會過去第一座洗囉~ 有時要跟日本仔機先有得洗~ 當然跟機果時, 我係會睇書同小說啦~ 無聊嘛~ 有時就Fred同我一齊, 幫Vincent洗埋果時就佢同我分時段等。

雪櫃只得一個, 係日本仔果面, 即係二座。其他同學仔試過放o野落去, 唔見o左。所以我o地都好小心, 真係要放飲品就用個水桶裝d冰(冰...........就當然係係日本仔個雪櫃度羅啦~)

食野方面呢, 我o地一早就將食過o既杯麵留低, 方便日後食即食麵o既時候用<----- 唯一辦法!!!

今日放o左工, 食完飯都好早, 我又唔想睇電視, 3304d人又未返, 唯有去洗衫啦~ ^^
無人, 正~ 開機先~
夜d, 上到去3304, 點解上去? 因此有d香港同學上o左o黎, 好似話係探人喎~邊個, 咪就係阿雪囉, 係Ryan度聽番o黎, 好似有d o野喎~
有得食, 咁咪一齊上去食西瓜囉~

大家食西瓜

2001年7月3日(晴)Tuesday

good tuesday

好日!! 當然好啦, 我請o左假嘛~
因為眼睏, 就係咁簡單!!!

一早起身, 就有Turbo o既History MTV睇, 嘩, 無得頂呀!!!!!!!!
嘿嘿~一邊睇電視, 一邊打蚊, 打o左五隻呀~ 哇嘿嘿嘿~

Lunch要自己搞掂, 都係收o左衫先~
收衫果時識o左個日本妹, 傾o左一陣, 我用英文同普遍話and少少日文, 佢就要用Eng同普遍話先得~

之後, 出o左去上網, check o左積o左好耐o既 email!! 嘿嘿, 好多人掛住我o架!!!

夜晚, 精彩囉~ 又係打UNO, 精彩

零晨, 雪生日!! 但係好似無乜人理佢喎, 見佢好似唔係好開心咁, 眼紅紅.....
就係呢個時候, Vincent同浙大d同學飲完o野返o左o黎, 仲手持一個蛋糕添~

好! 一早安排好o既行動開始喇~
先搵d紙, 再出動到4把交剪, 片刻, 大量紙屑就出o左o黎~
上3304, 搵到電源總制, 電筒有未呀?
得喇! cut電! 漆黑中的蛋糕!!
之後就係漫天紙屑伴住破涕為笑o既阿雪出場~
Vincent, 呢個場你睇喇~ hehehe

非常成功!!

2001年7月4日(晴)Wednesday

生日大過天．Birthday kiss?!

今日到Vincent同雪無返, 嘿~
醫師問起, 點解會一齊唔返o既~ 嘿~唔知喇

放o左工, 我同Fred分開行, 我就去o左買手信, Fred就去晒相~
我真係當o左呢度係香港咁, 一個人自己行, ^^ 好似落街買o野咁~

(我一直都唔係好信有birthday kiss 呢d野o架....... : p)

2001年7月5日(晴)Thursday

黑麻麻, 睇潮?!

放工, 一大班人去o左大不同麵館食野, 臨去到果時, 撞到世文佢o地, 咁就一齊食喇~

食到無飯添。有人提議去睇潮, 都唔係提議喇, 係plan好o左, 仲話你o地唔去, 自己損失咋
嘿, 好大o既口氣!!!
唔去, 士可殺, 不可辱!! 唔去, 死都唔去!!!

唔該啦, 諗深一層啦, 江上面好似無燈光架喎, 睇風呀?

2001年7月6日(晴)Friday

食食食食食?!

因為今日有企業互訪, 所以放o左半晝, 我同阿Fred就去o左太子樓買野食, 真係好正o架, 有紅豆糕(紅豆化相思嘛~), 炸菜肉絲包。食完就梗係要搵車返屋企......不過我o地唔係好識係果度返大學.......結果係要搵搵搵搵........

呀....點解唔見Vincent呢, 好問題, 因為佢今日又無返, 原因呢......呀....我唔記得o左係唔係太倦而唔返......

趕到車喇, 好野, 準時返到去~
不過之後就悶到死囉........
先去紡織廠, 有Gigi係度, 都無咁悶~
再去睇樓(杭州一級豪華別墅屋苑), 靚到呀...........好眼睏........上車先, 大家自己睇~
最後就去邵逸夫醫院, 成間野好似香港果d醫院咁.....不過入面呢.... 都係d software唔夠好(即係人), 人o地醫院個飯堂都唔知幾好呀, 我o地果個........唉~ 好羨慕呀~

返屋企好過啦~ 食完飯, Gigi過o左o黎玩~仲有其他人都落o左o黎, Friday呀, 盡興呀~

2001年7月7日(陰...終於涼番d喇)Saturday

今日好好訓~ 交通黑點?!!

今日有個交流講座, 好野黎o既, 不過我無去, 因為好眼訓........不過佢o地有去都同我一樣, 都係雲遊太虛....

起身食飯, 個喉嚨真係有d唔妥, 飲d龍井潤潤佢先~
係黃龍嘆o左個lunch~ Fred就返o左去大學, 我o地三個人就開始登山喇!!

目標係杭州市南面o既玉皇山
又係用公交證, 坐車到山腳...
由於我o地無乜錢, 唯有行上山.......我好似病病地喎........
一路上, 講下野, 又行o下, 行o下又抖o下, 抖o下又行o下......良久...又良久.....(<---騙稿費中)
良久又良久.................................

終於上到山腰, 有個叫紫來洞o既洞穴!!
好涼o架, 仲好大霧氣~入o左真係唔想出番黎
係個洞入面, 有介紹到吳越國o既開國君主係邊個, 仲修建o左杭州城, 為南宋國都定好後路

個名都正d~ 紫氣東來~

出o左洞之後, 就映o下個八卦田, 不過太大霧, 個效果唔會好~

再行上去, 玉龍廟就係眼前~ 因為係古廟, 唔映相喇
行o左一圈, 又登上o左一個高樓, 雲海無限~ 如果係平日, 就可以睇晒成個杭州市同西湖!!!
高就高喇(全市最高, 所以好多發射塔), 但係d建築就一般o左d....

暫時最好講究係孤山,
而城隍閣係新起o既, 唔夠古色古香, 不過晚景就一流, 遠遠咁守住黑夜中的西湖~ 靚靚~

落山lu, 我o地今次決定行車路落去, 因為成個玉皇山有好多山亭, 我o地又想行晒佢喎~
行行o下, 見到個類似香港交通黑點o既路標, 心諗:「唔會掛!!」點知, 佢仲寫住「意外頻生地段」. 立時, 3個人心都寒一寒......點解有d陰風o既?! 我o地越行越快.
突然!!! 後而好遠好遠傳來一d好怪o既聲, 好多野o黎緊.................(<---有d似魔介其中一後, 我?我咪好似個elf咁囉~ hehe....型嘛~)
好驚呀, 快d走............
嘩...........越o黎越近
嘩.......................................................

........
...........
..............
...................
........................
..............................

原來係一班練長跑o既人, 嚇得呀!! 跑得咁齊做乜喎..........

繼續行, 講講o下先知雪係孔子第73代後人, 但係佢係女, 所以唔駛跟字排....唔知「祥」係第幾代呢....

我好想識孔祥國同孔祥熙~

2001年7月8日(晴)Sunday

黃龍shopping日

大伙兒去晒千島湖, 我同vincent因為帶得少錢, 無去.....

一早起身, 睇o下MTV, 有周杰倫o既《開不了口》呀, 仲有學友添~
中午就去o左黃龍消磨時間.....睇書, 聽歌, 踢波(人o地買果d......hehe), 睇埋電視, 買生果(我最愛西紅柿~ 平!), 食野~ 咁就一個下晝. 突然覺得呢度好似新城市廣場咁添~
不過, 老友, 買o野唔該俾錢呀................杭州雖然話治安好, 但係都會有人偷o野o既.......

之後Vincent去o左浙大足球場跟隊踢波, 我就去o左大型運動場一口氣跑o左3000米, 好有feel~

夜晚, 見到阿Fred戴住頂好難頂o既旅遊團團帽........真係...........真係..............