Nov Oct Sept August July June May April March February January 2004
|
29 August, 2005
《明目張膽》 |
|
28 August, 2005 恭喜!!! 恭喜我既超級好姊妹羊豬豬大婚之喜, yeah~~!!! 嘩哈哈哈, 其實人地唔係結婚, 只係脫離我地既行列, 同人地開開心心拍拖去lu~~!! 嗚嗚, 以後我同 Dora、Trista、Rachel Lee 四個人就要相依為命喇!!! ^^ 琴晚經過一輪又一輪既玩新娘新郎遊戲, 非常精彩。我地所有人都比當事人更興奮, 嘩哈哈哈!! 羊豬豬, 我愛你, 見到你咁開心, 我都好開心!! 真架~~~~!! 雖然我地以後都唔會要約你去反 (嘻嘻~~!!), 不過你既生活都一定仍然會好開心既, 呵呵~ 你放心啦, 我地會好好照顧自己架喇, 你安心去啦..... 阿門。係喱個時候, 我要唱返首歌俾你聽: 畢生也願記起, 香港迪士尼, 煙火璀燦夜晚定會很美..... ^^ 終於去左揼骨.... 條腰舒服喇~~~~~ ^^ 今日竟然係屋企對出個巴士站撞到佢.... 場面有少少奇怪~ |
|
27 August, 2005 『你可唔可以再等多我一陣呀?!』喱個問題真係好 blu shit! 於是我話:『你仲好唔好意思叫我等呀?!』都咁耐啦, 仲想點!? 唔係要我等你玩夠喇, 人地下個月要離開香港喇, 然後等你返黎我身邊咁呀?! 你講咁多似乎係你既真心說話.... 我真係一句都聽唔入耳, 我覺得好假。有d野, 我真係唔可以同人分囉! 雖然聽唔入耳, 不過就入左心..... 雖然覺得好假, 不過都想係真。總之.... 我淨係覺得自己愈來愈冇咁鍾意你, 唔知到幾時.... 我會完全唔鍾意你呢?! 唔知會唔會好似朋友甲咁講.... 到有一日你想返黎既時候我卻發現自己已經唔愛你同唔再需要你呢?! 如果係咁.... 都幾好! 其實所有所有.... 都係因為我知道我係時候要保護自己. 所以我先要自己唔愛你, 要自己 step back, 要自己.... 因為我要愛自己。 好混亂.... 因為.... 一個簡單而複雜既問題~ |
|
25 August, 2005 做咩jack你, 我唔理你同佢點丫, 你可唔可以鍾意就走埋黎 chur 我, 到唔鍾意果陣又影都冇? 喱排你不斷咁搵我, 我好怕, 我唔想再繼續咁樣落去喇。其實你都應該 feel 到我對你唔同左, 因為我真係怕鬼左你。我地之間既問題唔係佢, 而係你。就算今天冇左佢, 他日都會有第二三四五六個。而或者企係你既角度睇丫, 你覺得我地之間既問題係我太激, 咁喱個問題永遠都會存在架啦, 你仲糾纏落去做咩jack!? 我唔需要你每日報到、唔需要你陪我食野、唔需要你陪我睇醫生、唔需要..... 我唔係唔鍾意你咁做, 而係怕自己會再次跌落去你個 trap 度。我其實可以好 independent, 可以好好照顧自己。就算我唔可以, 我一眾好友都會好好咁照顧我。其實我既生命係可以冇你。又或者, 我既生命之中冇左你係其實會更加好, 你明唔明?! 就算而家我地好開心, 遲d一樣又會再唔開心過, 咁何必做咁多野.... 原來只不過係將喱一日延遲?! 係, 我唔識得唔理你, 不過我已經學緊。學緊唔理你既 sms, 學緊唔聽你電話。不過當你好似好著緊咁搵搵搵, 留言.... 我就會心軟, 然後又打返俾你。唉.... 我真係『咋』呀!!! >< 點都好啦, 其實我覺得你應該諗清楚自己做緊咩, 自己想點, 唔好再浪費任何人and自己既時間喇。問心, 我好想好想你會好認真好一心一意咁對我, 然後我地好好咁生活, 不過我知道冇可能。我地冇可能好似以前咁開心, 因為有d野發生過就係發生過, 條刺永遠都會係度, 返唔到轉頭。加上, 你係冇可能會改。 近排... 我總係覺得你有d唔開心, 不過你次次都話冇野。唉, 唔知你係呃人定呃自己啦, 你唔想講我都唔會迫你既, 總知你知道我永遠都會係你身邊支持你就得啦。你知你啦, 永遠都口不對心, 與其要你死撐, 我寧等你自己靜下。總之, 你要人陪就話我知啦, okay!? 你知我講緊你既, 係咪?! 有冇人可以話我知我條腰到底幾時會斷呀?! |
|
23 August, 2005 人就係咁, 人地好緊張你既時候你就唔緊唔緊, 滿不在乎既樣子; 到人地唔理你喇, 你就死 chur 爛 chur, 死都要 chur 到人地痴住你為止, 然之後又唔理人。你話丫?! 人係咪犯賤?! 唉.... 佢做咩都唔重要喇, 最緊要係要知道自己想要咩唔想要咩~ 我覺得自己近排好心歸~ 喂呀.... 我唔制呀!!! >< |
|
22 August, 2005 俾老細話我個頭好 wet 妹 feel, 唔得 professional, 於是一廂情願地去染左一個自以為正經d既紅色 highlight 頭, 點知染完出黎個個都話仲 wet 過之前, 無奈...... ~_~ 次次都係咁, 好 cheap 呀!! 次次飲親酒就一定會亂打電話亂 send sms, 有冇攪錯呀?! 為左是次喱件瘀事, 我足足耿耿於懷左兩日, 我覺得自己真係..... 好白痴呀~~~~!!! *0*~~ 我唔制呀~~~!!!!!!! 今日拎左我果個新買既手提電話去整, (其實一買返黎佢已經有問題), 個 staff 同我講話佢要洗晒我d sms呀!!! 嘩~~~~~~~~~~~~~~~~~~~~~~~~~~~~~~~ 我唔制呀!!! >< 9 月係一個生離死別既月份。Carrie 係 Dora 生日前一日離開香港飛去英國讀佢既 master degree。Dora 都不甘示弱, 係 Carrie 走之前, 快佢一步離開香港去美國 training。而某人亦都會飛去法國 training。Angus, 你千祈唔好走呀, 如果連你都走埋, 我都唔知點算好呀!! |
|
20 August, 2005 加左好多相, 大家可以睇下.... Birthday Party |
|
19 August, 2005 心裡面有一種奇怪既感覺, 但係又唔講得出.... 好耐都冇出現過既奇妙感覺。講都冇人信呀 babe~ 今日見到某人上司, 佢同我講左d野, 有一句.... 有少少"銀"耳, 不過.... 算啦, 都唔關我事。 我 supervisor 今日問我心目中既 career path, 我話:『 25 歲前升做 supervisor 囉! 不過好似太早, 咁一係 28 歲囉。』佢話:『其實以你既表現, 25 歲已經可以, 只要你以前陣子既工作態度, 加上按照我為你計劃的路向, 25 歲前, 你一定做得到! 相信我, 我在幫助你! 而且爸爸和哥哥都說你有 potential to grow, 你一定要努力!!!』(p.s. 爸爸 = 我老細; 哥哥 = 我 manager) 聽完佢講, 我覺得好 encourage, 我應該俾心機, 唔應該令任何人失望。努力!!! 放工... 個 conference 終於都完左! 日日一早去到會場, 夜夜陪醫生食飯, 今日真係散左!!! 放工同左 2 位同事 happy hour 之後就返屋企食飯, 係車度訓到死左.... Friend A: Would love to see you very much! Miss you very much! I mean it~!!! |
|
17 August, 2005 去完 Sabah 之後唔記得話俾大家知, 原來 Sabah 就即係『婆羅乃』, 係真的!! 今日 7am 前去到會展, 企到 5pm, 之後再陪醫生去鯉魚門食海鮮食到 10pm, tired!!! 喂, 我今日同左霍英東個仔食飯喎, 好勁呀! 剛收到消息, 由下月起, 本小姐將要一星期去澳門一次, 幫手 handle 個 account。shit~! 上心下心.... 本小姐心有戚戚然.... 萬眾期待..... >> ● 生日派對相 ● << |
|
15 August, 2005 生日快樂!!! 我祝自己以後都開開心心, 賺好多錢, 有好多好多人鍚我, 同埋快d搵到個好男朋友, 早日逃離某人魔掌!!! 感覺上, 廿一歲仲係好 young, 廿三歲就開始老. 而家廿二歲.... 有少少尷尬.... 唉.... 以後都唔可以扮細路女, 持住自己細個就扮童言無忌lu~~~ >< 係喱度, 我首先一定要好多謝為我攪 PARTY 既羊豬豬, 因為佢知道我想見到好多人, 於是佢就好努力咁叫左好多人黎, 結果就好開心好熱鬧咁過左我既 pre-birthday party!!! 勁愛你呀羊豬豬!!! 咁當然仲有所有有份出席既 19 位朋友仔啦, 包括: 羊豬豬、Dora, Carrie, Rachel Lee, Trista, Alvin Lau, Alvin Hui, Simon, Eddie, Leung, Jack, Alan, Matt, Dion, Ricky Yu, Ricky, Ming, Wing BB, Ming BB. 雖然我唔能夠同你地每一個人玩, 不過我真係好開心見到咁多人黎為我慶祝生日, 多謝晒!!! ^^ 更加多謝大家非常之咁手下留情地錫住我, 全晚都冇人隊過我, 猜樓梯庄又好順利!!! 咁當然.... 生日又點會唔醉呢?! 因此, 我都勁感激幾位好好照顧我既朋友, 尤其係俾我嘔左落佢地d手手腳腳度既 dora 同羊豬豬。過左今日, 我又有排都唔會飲酒架喇, 如果想同我飲, 就要等我好返先喇! 有d花絮不得不提, 就係雖然係為我慶祝生日, 不過有d人仲開心過我喱個壽星女, 果個就係 Trista 勒, wahahha! 仲有, 是晚派對中, 南華傳媒代表團大獲全勝, 因為.... wahahaha!!! 最後, 就係要多謝所有名我講過生日快樂既朋友, thanks for all sms, icq msg, msn msg, phone calls ... THANKS!!! ^^ Angus: Thanks so much for everything, truly! I love you. Carrie: Wish you will be here with my next year. Miss you! Dora: Thanks for taking care of me and staying with my till the last moment!! ^^ Trista: The best is yet to come. Wish you all the best! 仲有, 不如你轉台啦, 我地咁樣 sms ,好貴架, 哈哈!! Alvin Lau: So surprised that you would come. Very happy to see you. |
|
12 August, 2005 其實由從前到現在, 我都沒有改變。從前跟丸尾同學分手後, 糾纏了近一年.... 直到遇到杜先生才完滿結束。來到今天, 跟杜先生分手已有半年多, 仍然苦苦糾纏。明知道苦仍然糾纏, 不僅因為我愛他, 更重要的是因為我害怕寂寞。我需要一個人在我身邊逗我開心, 在我發小姐脾氣時讓我胡說八道, 在我軟弱的時候對我說出一堆堆甜言蜜語.... 面對著一個自己不愛的男生, 儘管他說盡千言萬語來逗你, 你都會不為所動。 朋友甲說得對, 假若不試著去看, 你永遠都不能夠發現對方可愛之處, 永遠不會知道哪個值得愛。愛, 需要時間去灌溉。不去試、不去看, 就永遠都不能愛。我試圖打開心屝去觀察身邊的人, 但總找不到一個合心意的。或許因為我的 Mr Right 還沒有出現,又或許我根本沒有嘗試真心去看, 一心只想找到另一個他。然而, 世界上又豈會有兩個他?! 更何況, 他根本不好愛。 你可曾遇上 100 分的人? 曾經.... 他是我的 100 分。畢竟只是曾經, 現在我應該找的是另一個.... 值得我愛的人。縱使不是 100 分, 至少也應該找個值得愛的人。你愛他, 自不然會認為他是 100 分。其實愛一個人, 是一種幸福, 因為你有能力去愛人。即使結果可能不如理想, 至少曾經愛過, 大概已經足夠。我不肯定自己還有沒有勇氣再用力去愛, 但我會試。As long as I can.... At this moment, Cfing, Caca, Ddwen, Carrie ..... 所有戀愛中的女孩, 在我心目中都擁有一份幸福, 我非常羨慕你們。你們要好好戀愛唷!!! 祝福妳們每一位。 我怕既唔係冇左佢, 而係輸既感覺同埋寂寞。只要佢願意, 我好歡迎佢任何時候離開我既生命。因為我有你地.... ^^ |
|
11 August, 2005 繼喱次沙巴之旅之後, 我屋企人已經開始計劃下年既旅行, 嘩哈哈哈!!!!! 我聽到佢地既計劃, 即刻忍唔住笑左出黎呀!! 佢地.... 佢地.... 佢地計劃去日本 or 馬爾代夫呀!!! 你地知唔知道我最想去既地方就係馬爾代夫呀?! 不過冇錢!! 而家竟然俾我知道我可以唔洗俾錢都有得去, 你話有咩辦法唔笑出黎?! 就算去唔到, 有得去日本都好丫, 因為都好耐冇去過喇。雖然仲有成年, 不過有得諗下都好丫.... (如果結果下年係去大陸咁就慘到喇...) 今日 sick leave, 冇錯!! 生日走黎sick leave。雖然係農曆, 不過都唔吉利丫。其實今日冇前兩日咁辛苦, 不過為左我既生日派對同埋下星期緊湊既工作 schedule, 我決定好好咁休息一下。人病既時候真係特別脆弱, 如果有個人呵返錫返, 你話幾好呢?! 忽然好想買書, 於是買左兩本, 唔知會唔會睇呢?! heehee.... 琴晚屋企人同我慶祝生日, 今日輪到阿姨地同我慶祝.... ^^ 要搵個自己愛既人其實好難, 要搵個人愛自己更難.... 到底我幾時先會遇到呢?! 唔通.... 我不好愛?! |
|
10 August, 2005 生日先黎病, 辛苦死人。幾日都 OT, 怕且係捱病, 所以我決定聽日唔返工, 休息下。下個星期係超級奮鬥週, 如果唔病好, 一定做死人! 早上7點前要去到會展, 直踩到夜晚之餘仲要同埋d醫生食飯, 連chur幾日.... 變人乾都似呀陰公! >< 勤b講得好arm, 個人一踏入 22 歲, 即刻覺得自己好老, 唔再後生喇!!! 好在前排仲有人 check 我夠唔夠 18 歲, 証明我都未老得晒 jack! 好想你。 今年生日其中好像同... 過, 不過冇可能... 點解想?! 因為感覺輕鬆d 囉, 唔洗亂諗野, 一定唔會唔開心囉。 ddwen: 係冇意義架, 不過好多時, 做人都唔係咁理智架嘛。我地好耐冇見喇, 我幾時先可以見到你呀?! |
|
9 August, 2005 Extracted from <<AM 730>> 心事 by 素黑 寧死不放手 妳也曾經這樣嗎? 他因為另一個女人和你分手, 分手後, 你依舊要他陪伴看醫生、買東西、陪你過生日, 每日給你個短訊, 像以前一樣, 他也一一照做。 他甚至還和你上床, 妳享受在他身邊聽他打電話, 向女友說謊時獲得的虛榮, , 一份佔有的勝利感。 妳寧死不放手, 他也樂於一腳踏兩船。 妳不服氣輸給她, 可是, 她又何曾是贏家? 她也一樣爭取一個不值得愛的男人。因為這個男人不懂愛, 只想一石二鳥。 他是最安全的、最有保障的, 失去一個還有另一個。 妳為了這樣自私的男人而自虐、放不下, 妳應該看穿自己的愚蠢, 但妳卻享受愚蠢的方便, 逃避接管自己的責任。 其實你應向那女人說感謝, 因為她接受了妳本應放棄的人, 沒有她你還以為他就是你的一切。 她救了妳, 妳還不知道。妳們都是可憐的, 因為妳們還以為誰他沒有得到甚麼。 妳不是這場戀愛的受害者, 妳只是太懦弱而已, 利用一個無能力愛的男人自甘墮落。 女人喜歡爭, 喜歡佔有, 不肯放手, 這是假戰爭, 因為妳們未戰已輸了, 三方都是輸家, 贏的只是虛榮和慾望。 |
|
7 August, 2005 有冇人可以話我知到底你地睇唔睇到 Derby 游水條 video 呀?!?! 如果有問題, 我想整返佢!! 請 feedback!!! Thanks....!!!! 琴晚同 Mini 去尖咀 window shopping。我地幾勁呀, 2 個購物王走埋一齊都竟然可以冇買野。之後呆bb joined 埋我地去左飲野。希望呆bb快d搵到自己喜歡既工作, 知道自己想點啦。 今日留係屋企, 同表哥、樑b、Angus 打左 8 圈麻雀。星期日, 留係屋企休息下, 都幾好丫。晚上同樑b 傾下計, 都幾好丫。 愈來愈討厭星期天!!!! 好討厭好討厭!!! >< 死啦, 唔知係咪老喇我, 而家日日都 10 點幾已經眼訓到神智不清, 恨不得即刻飛返屋企訓覺!!!
|
|
6 August, 2005 勁呀! 今次張電話單只係 $222 咋!!! 唉, 豪洗完之後, 而家冇晒錢添.... 睇黎真係要搵人養架喇! 有冇人要我呀?! 又平又靚呀! 琴晚去左睇《阿嫂》, 套戲有 100 個垃圾! 拍攝手法、選角、演員演繹、劇本、化妝.... 都令人非常失望。不過仲有好多人應該會為左睇果 N 個影帝而去支持喱套戲, 然後票房又會好好, 繼而令黃精甫導演又以為自己拍左一齣好成功既電影, 唉~ 嘩哈哈哈, 今日同左 Mr Derby Lion 去屋企出面個灘游水, 佢條友一出到去深水即刻驚死, 係咁游返埋黎, 我同佢影左好多相同 Video, 大家可以睇下。 ● Video ● (This video will be deleted in 2 weeks)
仲有, 我已經 upload 左 Malaysia Trip 相, Enjoy! ● Photo ● |
|
4 August, 2005 開始懷疑自己不適合當 sales, 因為我沒有 self-discipline, 惰性強, 而且面對醫生時總找不到 non-product-related 話題, 又很怕羞&緊張, 加上我的情緒非常影響我的工作表現。到底.... 我是否應該好好去考慮清楚?! 困擾~ 今天是 Rachel Lee 的生日派對, 由於本小姐有 100 個眼訓及攰, 未到 23:30 我便乘的士由尖沙咀飛回家, 有點對她不起. Anyway, happy birthday to her! 今日爸爸一返黎第一句同我講既說話就係: 喂, 你上個月張單黎左喇, 萬五蚊呀, 恭喜晒喎! 『但我極明白我, 實在沒法真心愛下個』係喱個 moment, 就算有個 100 分既企係我面前我都唔會睇得上眼, 因為我個心已經滿左。如果我選擇係喱個時候去開始任何關係 (不論認真與否), 都純粹係為左啖氣。係架, 明知道唔會開心架, 係好冇意思架。所以呢, 冇話 side 唔 side 既, 明唔明?! 同埋你鍾意一個人係冇得計算架, 無論佢幾衰都好, 你都唔會放棄佢, 因為 love is forgiving. 同樣地, 唔鍾意都係冇得架喎, 無論佢對你幾好, 佢條件幾好都好, 係唔鍾意就唔鍾意架啦, 冇得勉強。 『愛真的需要勇氣』係喱一刻, 你選擇左佢, 就試下鼓起勇氣去愛啦, 如果唔係就會白白浪費左好多美好既東西架喇。Honey, 我支持你呀! Dora: 人大左就係有好多野要面對, 你面對既問題, 可能我唔能夠幫你去解決, 但係我個膊頭永遠都會係你隔離架, 知唔知呀?! ^^ 我超級無敵勁愛既靚仔勤b: 生日快樂呀!!! 真係要快樂架!!! 同埋我希望你好好成長~ 我愛你!!!! |
|
3 August, 2005 BLEEDING DAY: 我把怨恨和戾氣化為力量, 恨恨地買買買買買, 買了 Gucci ENVY me perfume、TOMMY GIRL body lotion、LACÔME mascara、shu uemura foundation、Panasonic mobile phone、SAMSUNG digital camera, 埋單六千大元! 一向熱愛浪費金錢的我, 心情立即愉快起來。呼~~~~~ 舒服晒!!! ^^ 我姨媽知道我花了這麼多錢, 非常支持我!!! 她說錢賺了回來就要洗, 洗完才有動力再賺錢! yeah~~!!! 我覺得她說得對極了! 這六千元花得真有價值!
結果還是發生了。骨氣?! 我從來都沒有。 晚上跟 C 及 D gathering, 我地三個車輪轉咁喊, 唔知想點... 我地要開心呀!!! |
|
2 August, 2005 一個超級豪華既五星級沙巴旅程終於完滿結束。所謂『五星級』其實是指價錢, 至於享受級數則屬於個人主觀感受, 見仁見智。是次旅遊一行二十三人, 在沙巴渡過五天假期, 單單是機票及酒店便花了二十多萬! Day 1 到達 Sabah, 在 swimming pool 玩玩, 休息一下。Day 2 到了一個小島玩浮潛、海底漫步、降落傘.... 等玩意, 由早上九時晒到六時, 黑到變了一舊炭! 這天我們在小島上竟花了一萬元!!! Day 3 行了一個比麥理浩徑更無聊的 Mountain Kinabalu (神山), 晚上年青人到了 Disco 去, 完全唔知果日做過d咩! Day 4 去了玩激流, 刺激度有 0.2 分(Full Mark: 10分)!! Day 5 回程, 完! 聰明的朋友應該明白我根本沒有機會買手信, sorry! When we were in Malaysia, Derby stayed in a pet shop near my house. My whole family picked him up once we arrived home. All of us could not find any Derby-liked organism in the pet shop but a LION!!! All his hair was cut!! He looks so funny! He is no longer a lamp but a lion now!
一路我都好開心, 所有野我都好接受, 直到果一日.... 我唔輸得! 我唔甘心! 但係我知道自己應該點做! 我要自己繼續開心! 喱個 moment 我係迫緊自己, 不過做咩都係咁架啦, 要有決心先會成功嘛! 我上年既生日願望係希望今年生日可以開開心心, 今年既生日願望都係一樣, 希望下年生日可以開開心心。只要佢唔再係我生命出現, 我知道我下年既生日一定會開心! 仲有, 我下年生日一定要有一個嫌錫我既男朋友同我過!!! Honey: 我要你開開心心, 我祝福你! Dora: 你唔好快過我呀唔該!!! 最好我地同時啦, 係咪?! Angus: 你... 快d結婚啦, 如果唔係你就趕唔切離幾次婚喇!!! ^^ |
