13 November, 2005

我又要講多一次: 『天下烏鴉一樣黑!!!』唉~

琴日又係影畢業相, 不過今次係去PolyU, 同阿牙&Low C影。影完相同阿牙、Salong、Irene去飲野, 出現左以下可笑對話:

咪嘈姐:『你覺得飛機師勁d定係醫生勁d呀?』

Salong:『梗係飛機師啦!』

咪嘈姐:『咁點解飛機師就勁, 空中少爺又唔勁呀?』

Salong:『下? 空中少爺喎?! 如果佢地都勁, 咁即係醫生同病人都一樣勁呀唔通?!』

咪嘈姐:『你走喇? 咁好啦byebye! 』

Salong:『byebye!』

咪嘈姐:『咁我地幾時先見呀?!』

Salong:『下次丫~ ^^』

** 我覺得Salong 講得好arm呀~ 我地下次見既時候, 應該係下次~

我地仲發現:

1/ 全級裡面, 每四個人當中就有一個人黎過我屋企, 九唔搭八咩人都有; 如果你未黎過, 你個人應該有問題, 要檢討下~

2/ 有百分之七十五既人口曾經同同學甲拍過拖 (咁都冇我份, 我的確要好好檢討下自己!)

3/ 其實我好幸福, 因為我可以打佢, 用茶淋佢, 講粗口鬧佢! (咁都叫幸福?! 係咪有病呀?!) 我唔應該貪得無厭~

晚上去左睇波。我咁大個女第一次正正經經睇晒一場波, 連我都覺得好好睇! Matt真係好愛英格蘭, Simon對碧咸真係好有偏見, 哈哈~  影左相呀我地  >> Photo << (P.S. 我一定要讚讚 Simon, 佢影相時隻手真係好定呀!!!)

今朝覺都未訓醒第一句講既說話就係同羊豬豬講: 我地去行街囉! 結果當然大有收獲啦! ^^ 我覺得自己好叻呀, 只係用左$1,356就買左4件衫同一對鞋, 好勁呀!!! ^^ 唉, 不過其實原本我想買返工衫同褲架, 點知結果就買晒去街野~ 嘻嘻, 唔緊要啦, 橫掂上年一件冬天衫都冇買過, 今年都應該買少少既~

11 November, 2005

琴日返左學校同dora豬影畢業相, 見返好多同學仔, 仲去左唱k。真好, 可以乘機發洩下, 如果唔係真係人都癲呀!!

哈哈, 同dora豬去左搵Dr Peter Sze, 佢一見到我地就好開心, 攬住我地唔放, 又拖住我地唔放手, 好攪笑。然後又係一輪影影影影影.... 最攪笑係我地叫Dr Sze幫我地揸相機影相, 出面d人見到我地咁樣一定一棟棟..... 走入個Dr間房竟然係個Dr負責揸機!!

之後我就搵Prof Lam傾左一陣計, 講左一陣... 佢竟然叫我參加舊生會, 得閒幫下手, 為CityU 出一分力, 咁我當然冇拒絕佢啦。哈哈哈哈, 我喱一生人都冇諗過自己會參加喱d society 架, 感覺上係"嘟嘟地"果d人先會參加, 一係就係果d超級鍾意出風頭王先會參加。如今我【咪嘈姐】都竟然成為其中一份子, 實在好神奇~ (p.s. 咁即係我都成為左"嘟嘟地"果d人既一份子?!)

琴日同左朋友甲食lunch, 今日佢竟然打電話黎約我下星期食多一次飯, 因為琴日好似唔夠時間喎。哈哈哈哈, 平時佢超級忙, 我地一班人gathering佢都成日唔得閒, 如今佢咁有親自打黎約我食完lunch又食晚飯, 實在有d受寵若驚呀下, 哈哈! main point係.... 佢好神秘咁話下星期食飯果個地方係要訂檯架喎, 究竟去邊度呢? 好緊張呀!!! ^^

dora豬畢業我應該開開心心, 不過我好冇用, 因為一件事而冇晒心機..... sorry呀dora豬!!!

嘩, 今日唔知做咩由起身到晏晝個人都wing wing地, 勁wing!!! 返到公司又唔知做咩我隻左眼有紅又痛又痕又腫, 夜晚又唔知做咩肚痛。我係九年都唔會肚痛一次果d人黎架嘛!! 我覺得我今日好黑仔~

嘩哈哈哈, 羊豬豬.... 無錯, 我個人就係咁直腸直肚, 況且我都係講客觀事實姐, 識佢咁耐..... 我而家先向佢坦白, 我都算好俾面佢架喇!!! 你話你喱一世都唔敢咁講, 係因為你真係未遇到一個值得咁講既人姐, 哈哈哈哈~~~~!! 我覺得自己只係少少衰姐.... 我只係講一d佢自己都知道既事實之嘛~ ^^

9 November, 2005

而家聽親d時事評論節目都係一味 complain complain complain, 有時覺得好煩壓。點解我地做人唔可以嘗試企係其他角度睇野, 去欣賞下人地為你做既野呢? 人地做得好就係奉旨, 人地做得唔好就要丙? 有時好似係為左complain而complain, 冇乜point, 一味嘈.... 咁樣好咩?

做人都係一樣, 睇下好既野, 自己都開心d。雖然我係一個成日complain既人, 不過我都會appreciate。有時complain係為左發洩, 有時可能真係唔滿意。有時又會就算好唔鍾意好介意都唔complain, 因為唔想令人有壓迫感, 因為講左都冇意思。可能.... 好多好多唔鍾意既野積埋積埋, 到有一日就會爆, 亦可能到有一日你會發現自己唔再介意, 因為已經死心。其實complain唔緊要, 最緊要係對事唔好對人, 同埋要rational, reasonable。良性既complain有激勵作用, 令人做得更加好。記住, 如果人地進步左就一定要讚佢, encourage佢喇! ^^ 你都想人地咁樣對你架嘛, 係咪?!

此外, complain 既時候有樣野要注意, 就係表達方式、語氣、用調、態度....。例如: 當你真係好嬲好唔滿意既時候, 就一定要講粗口同大聲同大動作。係咪覺得上左好寶貴既一課呢?!

喱個星期好勤力, 好攰呀!! 希望會到數啦~

8 November, 2005

今日跟case跟左9個鐘, 對腳有少少攰~ 冇辦法啦, 再唔努力d點得呀?! 我一定要到數呀!!!! 我要大家知道我係叻女! 我要勤力d!

今日睇朱先生既xanga, 見到佢post左句歌詞出黎, 人裡面又跟住唱... 喱句歌詞睇到我想喊~

為什麼 沒什麼 只因每次付出比得到更加多
恨什麼 沒什麼 只不過一個人 對一個人愛錯

心情唔好既時候最好就係自閉... 然後訓覺~

豬, 我地唔係因為各有各忙而疏遠左, 只係少見左少接觸左姐, 關係係冇變架嘛, 係咪?!

7 November, 2005

我講出黎係因為我覺得屈住好辛苦, 我唔係要俾壓力任何人, 亦都唔想聽你講對唔住。而家講左好似真係好d~ 我唔想廢咁多心神去諗究竟咩係真咩係假, 算啦, 就當全部都係真架啦, 好冇?! 成日估, 成日扮好辛苦架, 正如你所講, 大家都輕鬆d啦~

同 honey 傾左成20分鐘電話, 好掛住佢呀!! 佢仲唔小心講左俾我知原來Dora豬星期四行畢業典禮, Dora豬仲唔要我去同佢影相添呀!!! >< 佢唔愛我喇! 唉, 我不禁要講一句.... 竟然連佢都畢到業, 你話而家香港既教育質素.... 真係...... 令人擔心呀~

6 November, 2005

喱個 weekend 真係好攰, 我老喇~

星期五晚同阿文慶祝生日去唱k, 唱下歌飲下酒咁又一晚。返到屋企三點幾其實已經好攰, 不過我竟然訓唔著, 到4:45都未訓得著。之後一路醒住咁訓到八點起身返工, 眼訓到丫~

放工去左馬仔位於珀麗灣既新居打麻雀。睇見佢地兩口子生活得都相當唔錯, 羨慕死人~ ^^ 我勁叻仔, 打左四圈就羸左三百蚊!!

因為 Jordy 都住附近, 所以我離開左馬仔佢地一陣, 同左 Jordy 去放狗。好開心呀, 因為佢隻狗同 Derby 好似樣架, 仲要都係一樣咁矮添呀!! (remarks: 如果大家有睇我之前既 diary 就應該會見到我 post 出黎佢地兩個既相啦~) 同埋, 佢地都係一樣咁騰雞 & 白痴!! 哈哈~

今日成日都唔願出街, 應該係話唔願意離開張床。基本上成日都痴住左張床, 睇下書又訓下覺.... 咁又一日!! 全日都處住神志不清既狀態, 因為.... 我真係好眼訓!!!

唉, 我屋企人成日都話我肥..... 好慘呀!! ><

2 November, 2005

Had dinner with nurses after my training, ate totally 5 大閘蟹, so crazy~!!

Happy Birthday To 惡同學!!! ^^

我感覺到自己真係好放唔低, 包括好既同唔好既..... 不過我興幸我冇好唔開心~

我公司又有同事因為太辛苦而辭職喇.... 真可惜~