Nov Oct Sept August July June May April March February January 2004
|
29 September, 2005 喱件事今日仍然係我心入面, 耿耿於懷。一早起身諗起既時候, 眼淚不禁又再流.... 我知道, 喱個人唔值得我再為佢而流眼淚, 但係我實在覺得好.... 唔知點講。 I understand this is a very good opportunity for us to bring our relationship to the end. Otherwise, I will never be able to start my new life. |
|
28 September, 2005 為左條電話繩, 我同佢已經唔知嘈左幾多次。由送之前到送之後..... 沒完沒了。但係到左今日, 完。佢 sent 左一個咁既 sms 俾我:『Ok. I m that kind of person. I don't care how much is it. I just think it is lovely. If u want money I can give you money. Don't say no. From the beginning to now u just talk about money to me. Ok it is enough. I don't want to talk to you anymore in my life. Thx for ur form anyway. I m not going to study the course. This time I see u. The one behind ur face, totally disappointed. At the same time u know me more, I do wat I want n buy wat I want for u n think u will like it but fuck. Bye, u r not the mui I think u r anymore.』 我從不否認我係一個貪慕虛榮既人, 亦唔否認我貪錢, 但係一路以黎我貪既都係我自己既錢, 冇洗人地既錢, 更加冇係佢身上面搵過任何著數。天地為証, 所有同我熟或者唔熟既朋友都知道我對佢有幾好, 問心我亦唔係要求d咩回報, 世估唔到今天佢竟然會咁樣話我, 我真係好傷心。佢個心真係盲x左, 一係就痴x左線! 佢咁樣話我, 實在太過份! 我唔高興你送喱條電話繩係因為(1)你冇送原本你應承左既野俾我, 攪左成2個月, 原來結果都唔係果回事. 如果你係諗住咁, 就唔洗講咁多野啦! (2)我根本唔鍾意 mickey mouse, 冇啦啦送咩 mickey mouse jack?! (3)我從來都唔會掛公仔既係個身度, 咁你都唔知, 你到底有冇用心留意我 (4)我一早同你講我要一條可以返工用既, 如今你竟然俾條 mickey mouse 俾我, 算點呀?! (5)你成日都送埋晒喱d咁既野俾我, 當我小朋友咩? 好似求其買d野黎敷衍我咁囉, 你試下如果你生日我送條 hello kitty 手繩俾你丫, 睇下你小唔小我?! 綜合以上各點我先 concluded 到一點, 就係你根本冇心!!!! 我承認我係講左一句『你竟然送一條價值$159 (佢冇mit價錢牌) 既電話繩俾我做生日禮物, 咁你都送得出手既!』, 不過唔代表我係用錢係衝量一個人既心囉!!!
我發洩完喇! 多謝今日安撫過我同陪過我既每一位朋友,我愛你地! 大家講得arm, 到今日我仲為佢而動氣其實係我自己既問題。話完話完都講左好多次, 我今次唔講喇, 自己心裡面知道點做就得啦。 |
|
27 September, 2005 琴晚又同老細食飯食到 12 點幾, 講左好多野。11 月公司請我地去廸士尼, 估唔到竟然係咁樣既情況下去廸士尼。老細之前叫我應該對新同事好d, 俾d耐性佢, 係我細問之下, 原來佢覺得我 supervisor 同我好似自己一個圈子咁, 唔夠接受新同事, 同埋我 supervisor 唔應該係我面前講新同事既問題。 當我收到 d 禮物既時候, 我真係好想打爆佢個頭, 然後講粗口鬧佢。你當我係咩呀?! MICKEY MOUSE 你都送得出手既?! 你喱個人到底係咩構造架?! 你係咪有病呀?! |
|
24 September, 2005 琴晚係一個非常平靜既 Happy Friday。留左係屋企, 竟然可以成家人係 happy friday 晚上一齊食飯, 都唔知幾多年冇試過。不約而同地好多平時個個 weekend 都去玩既朋友都竟然冇去玩, 唔通大家受天氣影響左心情!? 結果我 12 點幾就訓左, 仲早過 weekdays, 今朝 10 點幾起身, 好健康!!
|
|
23 September, 2005 近日反省自己, 覺得自己愈來愈膚淺。鬼咩, 同朋友傾計既話題好似來來去去都係果兩味, 唔係愛情就係工作, 所以我正努力諗緊有咩方法可以自我增值。自我增值既方法有好多, 例如睇書(我永遠都唔會做既... )、報 course 學下野 (唔係趣味班呀下!!)、識多 d 有見識 or 人生經歷比較豐富而又唔膚淺既朋友。Among 喱三個 choices, 我應該唔會選擇睇書, 所以我決定搵野學。其實一路以黎都好想改善下自己既英文, 對喱方面都有d興趣, 所以計劃緊報個中大既 diploma 黎讀。雖則話讀書係為自己, 唔應該受人影響, 不過而家有一個問題.... 令我唔知點好。喱個問題就係.... 佢都諗住讀, 而喱個 course 可能要讀兩年, 咁即係我要對多佢兩年。咁點算呀? 如果我而家同佢反目, 第時上堂點好呢!? 唉, 我都唔知點好。自佢返黎之後, 我日日都感到好大壓力, 日日都好有衝動同佢斷絕來往, 不過日日都做唔出。如果喱個局面要維持多兩年, 我相信我會痴線!!!! (各位朋友, 我好希望你地可以俾d意見同埋支持我, 話俾我知我應該點做。可以嗎?!) 至於第三個選擇, 即係識多 d 有見識 or 人生經歷比較豐富而又唔膚淺既朋友, 我都不知從何入手。 第二件事, 我開始接受唔到自己咁大洗, 個個月拎萬幾蚊黎 fing, fing 完都唔知d錢用左去邊, 我覺得咁樣好折墮, 所以我決定要慳 d 洗。以後少d去玩, 多d返屋企食飯啦。不過其實咁樣都唔係慳得好多, 可能都只係慳到二千幾三千蛟。最重要應該係買少d無謂野, 唔好成日都咁衝動! 各位朋友, 下次同我出街如果見到我想買野, 記得叫我諗清楚。就算只係一串燒賣, 都要諗得好清楚!!! ^^ 懶惰左3個月, 終於要承受惡果 -- 就係唔到數! 係冇 commission 既幫助下, 我更加要慳d洗喇!!! |
|
22 September, 2005 好大壓力, 開始有透唔到氣既感覺。我唔知道壓力來自乜野, 總之一諗起你, 就有窒息既感覺, 好有壓迫感。 今日去醫院搵醫生, 問佢點解我把聲成日都咁沙, 於是佢二話不說就拎左個喉嚨出黎幫我照下。個原來照喉鏡好辛苦, 個鏡頭由鼻哥窿入, 去到喉嚨, 勁辛苦! 醫生話我喉嚨冇生繭, 不過唔知點解把聲成日都咁沙。 |
|
21 September, 2005 有我淨係想講.... 我覺得好無奈, 你就係咁, 每次都係咁! 唉~ 再係咁, 我怕自己會討厭你, 唔好令事情要發展到喱個地步啦, 好冇?! 我想休息下, 透下氣~ 對住你, 真係好大壓力。琴晚同你講完我要講既野, 你好似明白, 但係你完完全全咁 ignore 左囉! 到今日, 就好似冇聽過一樣, 反而更嚴重! ddwen 講得arm, 我對佢當然唔係已經完全冇感情啦, 亦都唔係唔在乎。只不過, 我覺得一切都已經夠喇, 應該完結。以前既事, 我唔想再諗, 亦都冇再諗。係我同我朋友既話題之間, 亦冇乜必要再成日圍繞住喱個人, 亦唔值得詳談。總之.... 我想我既生活裡面再冇佢。 係, 我可以唔聽電話, 唔覆 sms。不過係喱刻既我, 真係做唔出咁絕情。sms 我經常都唔覆, 但係電話就好難唔聽。係我既缺點?! 羊豬豬話我係一個永遠都唔懂得拒絕異性既人! e.g. 如果半夜三點當我熟睡時羊豬豬打黎, 我應該會小佢! 不過如果係異性朋友 (不論熟唔熟, 不論同佢係咩關係) 打黎, 我係會同佢繼到對方話要收線為止。 你呀你..... 放過自己, 放過人地啦!!! |
|
20 September, 2005 有d野原本想遲d先講清楚, 不過我真係忍耐不了。原本我想要既野, 我寧願唔要喇, 因為我真係好唔想讓大家有機會好似之前咁糾纏落去。總之如果你想既, 我地可以做普通朋友, 得閒傾下計, sharing 下, 互相支持下, 關心下果種普通朋友。我唔希望我地之間會再牽涉任何其他瓜葛, 亦唔想彼此之間既相處成為各自心目中既一個擔子。唔好再諗以前既野, 因為已經過去左。我亦唔需要你對我點樣特別照顧, 就當我係你其他朋友一樣就夠喇。唔好因為我地曾經一齊而令你覺得你應該點樣對我好d..... 夠喇, 我唔需要!!! 若然你做唔到, 放唔低.... 咁算啦, 我地就連朋友都唔好做喇。唔好再浪費大家時間黎做埋晒d毫無意義既事喇! |
|
18 September, 2005 大家都問我做咩揀中秋節黎剥智慧齒; 無他既, 中秋節人人都係 BBQ, 咁我都唔鍾意 BBQ 既, 冇損失。個牙醫好好呀, 唔貴、唔痛、連打針都可以唔痛、勁快消腫。晚上返到屋企基本上我都已經可以食野, 仲食薯片添! 今年中秋家庭聚會有一條規條, 就係人人都要帶一個燈籠出席。多數人都帶左好傳統果d款式黎, 一次過點晒然後掛起晒, 好靚架 !! ^^ Gathering 之後去左馬鞍山同羊豬豬 & Alvin Hui 玩燈籠, 我帶埋阿明, 佢地又帶埋阿強去, 好開心!! ^^ 點知.... Alvin .... 喱個殺人兇手, 竟然狠狠咁焚燒我個阿明!!!!! 於是我都狠狠咁鞭打佢個阿強!!! 嘩哈哈哈哈~~~~
>> Photo << |
|
15 September, 2005 有篇野想打俾大家睇, 不過今日好 tired, 遲下先睇啦~ ^^ 諗起同掛住係有分別。我確實感到自己只係諗起你, 而唔係掛住你。朋友說我到今天仍然在意你的話, 聽到後我想了一陣子, 我真的在意嗎?! 不。我在朋友面前提起你的話時.... 於我而言.... 其實只是一個話題罷了。真的! 感到有一點點無奈、寂寞、空洞。因為感到自己正在遠離他, 一個很愛很愛而又狠狠地傷害了我的人。應該說, 我感到他正在一步一步地離開我的心, 我感到自己開始不愛他。無奈, 因為我應該不愛他、的確開始不愛他, 卻又不想自己不再愛他。寂寞, 因為再沒有誰可讓我依傍, 亦沒有誰值得我依傍。空洞, 因為心裡面是白色的, 這刻彷彿沒有目標, 很迷失。 疼我的人有很多, 我要的是哪一個?! 朋友的寵愛, 我從來都非常珍惜; 然而有時候我更稀罕的卻是.... 朋友, 別擔心, 我愛自己, 錫自己! Dora: 生日快樂呀 dora 豬! 我好想同你過生日呀! 一個月前, 你俾左一個好愉快既晚上我; 今天, 我地一班人都沉沉咁為遠方既你開左生日派對, 希望你 feel 到啦! 我愛你!!! |
|
14 September, 2005 琴日放工返到黎訓左個幾鐘, 起身身飯之後, 十點幾又訓, 訓到9點先起身.... 不過仍然好tired, 所以今日又一早返左屋企訓晏覺~ 今日唔知咩日子, 發生左兩件怪事~ 怪事一: 我係醫院門口等小巴時有個骨科物理治療 patient 走埋黎同我講野, 三唔識七。問我係咪 sales, 問我賣咩, 問長問短, 繼而問我叫咩名, 可唔可以認識我, 之後仲叫我即係同佢去食 lunch!!! 點呀?! 佢到底係咩精神科架?! 三唔識七, 如果我咁都同你去食飯, 我會唔會有少少精神病呢!? 咩人黎架?! 三唔識七問人地可唔可以同你食飯?! 你到底係咪痴線架?! 有病! 怪事二: 有個行家, 我今日第二次見佢, 亦都係今日先知佢叫咩名。咁我地一齊等醫生既時候就傾下計啦, 傾傾下.... 佢竟然係度同我傾心事, 猛咁講佢同佢女朋友 arm arm 分手, 發生咩事, 因咩分手..... 我幾驚佢講到喊呀! 大佬, 你廿幾三十歲人, 唔好咁樣啦。雖然我都好明白你好傷心, 不過你都唔好係醫院同我傾丫, 萬一你喊起上黎, 個醫生以為我對你做左d咩, 我都唔知點算! 喊住打俾你..... 仍然係只有你先可以安撫我。 係唔開心既時候, 就好想有個男朋友.....。 晚上十時, 收到 Kan 哥既 call, 同左佢同大雄去馬鞍山飲野, 好攪笑~ Dora: 我好掛住你呀, 你快d返黎啦! |
|
13 September, 2005 琴日六點幾起身返工, 九點半先放工。今日又再六點幾起身, 企十個鐘..... 好辛苦~ 如果有人錫返我就好lu..... 唔到數.... 俾人捽.... 唉~~~ 累到訓覺時連電話響左咁多次都聽唔到.... 簡直咁多年黎都未試過! |
|
11 September, 2005 今個月.... 真係有好多人去 Paris, 我身邊有.... 5 個。佢地都唔識大家, 佢地唔係約埋一齊, 不過佢地都係今個月去 Paris~ 琴晚去左 LKF, 今次得我地幾個人, 有三個可以不理, 所以基本上好似係得我、Trista、Simon、Eddie 咁。都係果句: 好熱、好焗。As expected, 我同 Simon 走, Trista 姐姐同 Eddie 哥哥走。於是同 Simon 傾下計, 發現其實大家之前雖然成日一齊做野成日見, 不過都冇咩機會傾計, 對大家都唔係好了解。反而而家傾到計, 易d做到朋友。諗諗下, Marie Claire 喱份工帶左俾我其中一個最好既朋友 -- 羊豬豬。而家 Tyco 份工.... 最好感情既算係 Alvin Hui 啦 (P.S. 即係羊豬豬而家既男朋友!!!!)。記得之前有人同我講, 唔好同同事做朋友, 工作同玩樂要分得清楚d, 唔好咁易相信人。其實.... 都唔係丫, 係工作之中, 一樣可以搵到好朋友架姐。Trista 同 Rachel Lee、Rachel Lee 同羊豬豬咪又係咁~ 只要大家拎個心出黎, 咁咪可以囉! 話返轉頭, 雖然同 MC 班舊同事 (即係 Simon、Eddie 一等人)唔係好熟, 不過佢地都幾攪笑, 得閒間中一齊玩下, 都幾開心既。不過最好係多d人啦, 如果又係得我地四個, 應該會比較靜~ 唔少人拍左拖都會失左蹤。由中學時代開始, 我d朋友都成日話我掛住d朋友, 反而唔理個男朋友。到大學, 我個男朋友掛住佢d朋友, 唔係好理我。到底.... 要係男朋友同朋友之間取個平衡係咪好難呢?! 其實.... 都唔係姐。從前一拍拖就唔見左人既 Dora 姐誓言下次拍拖唔會再重蹈覆徹, 我覺得佢好可愛。而家羊豬豬拍拖, 都冇失蹤過丫, 反而驚死我地唔約佢。至於 Carrie, 我都分唔清係佢消失定係我地冇搵佢。不過我覺得.... 唔好失蹤, 對自己都好d。因為你開心就唔搵朋友, 有咩事先出現, 咁樣好似唔係幾好咁。加上, 攪到自己既生命中好似只有男朋友咁, 要獨立d, 咁樣先係 sustainable development 同埋令自己唔洗咁沉迷, 有咩閃失都冇咁 hurt 丫。仲有仲有, 如果拍拖時唔見左人, 冇晒朋友, 咁到左分手先發現自己原來冇晒 d 朋友, 好慘架!!! 雙重打擊呀真係, 陰公!!! 反而我覺得自己有少少奇怪, 由細到大都係咁, 如果身邊既朋友拍拖, 我就好自然會唔搵佢地, 唔約佢地, 因為唔想阻住人地。中學時代既時候, 好似都有好幾次係因為咁樣而冇左d朋友。好奇怪, 哈哈哈哈~ 連續一星期要早上六時起床上班去, 慘~ |
|
11 September, 2005 睇到勤b既 diary, 佢揀左我.... 應該話『我有幸俾佢揀中左~』所以.....
這個遊戲是這樣的－點名來回答這個問題: 怪癖。
規則如下: 怪癖一: 好鍾意咬咀唇上面d皮, 搽完潤唇膏之後會咬得更厲害~ 怪癖二: 見到任何有只要有少少反光既物件同埋鏡都會博命照~ 怪癖三: 當自己d公仔係人, 成日安排性格、人名、嗜好等等俾佢地, 然後好陶醉咁同人地講有關d公仔既故事~ 怪癖四: 見到任何5歲以下人類會發癲、狂噪、起雞皮、緊張、極度不安~ 怪癖五: 飲左酒會亂咁send sms 同埋亂打俾人~ 接住落黎既5位幸運兒係: 1. 羊豬豬 2. Cfing 3. Ddwen 4. 阿牙 5. 表妹 Carman |
|
10 September, 2005 琴晚約左古巨基、蔡依琳同林嘉欣睇孫燕姿個唱, (嘩哈哈哈, 咁都叫約左人地~!!) 孫燕姿唱歌真係好好聽呀!!! 令我覺得好感動囉~~ 今朝一別, 我地三個要下年先可以聚首一堂喇!! honey, 你要俾心機讀書, 乖乖地, 好好照顧自己呀!! 有咩就同我講啦!! ^^ Carrie 走喇, Dora 走ed already, 羊小姐忙於沉醉, 忽然間覺得自己個人好無聊呀!! 點呀點呀?! 乜原來我得咁少朋友架咋咩?! 喂喂喂, 我知道而家潮流興咩呀!! 原來而家潮流興 Alvin!! 做咩呀你地, 一個二個識埋識埋d人都叫Alvin, 咁樣大、中、細、XL、XS 都分唔晒啦! 你地個個d男朋友都同一個名, 咁樣好難溝通架喎大家~!!! Dora 姐講左一句我好鍾意既說話:『我覺得你冇乜掛住佢喇, 你而家都唔講佢既~』wahahhah!!! 實在太開心喇, Dora 姐一講起, 我又發覺好似係.... 好野~ 不過醒目既 Dora 姐又加左一句:『雖然我唔知佢返左黎之後又會變成點!』~_~||| Trista BB 幫我玩左塔羅牌, 唔知準唔準呢?!
|
|
8 September, 2005 各方好友請注意!!! 十月二日(星期日)將舉行船河活動, 歡迎所有靚仔靚女肥仔肥妹.... 總之所有好朋友參加! 屆時將會有船上超級老套卡啦OK、CD播放、麻雀耍樂、wakeboard、香蕉船、游泳等精彩活動 (好明顯頭三樣活動一d都唔吸引!!!), 保證大家會有一個amazing的星期天。有興趣者請盡快聯絡【咪嘈姐】以confirm人數。 上左第一堂跳舞堂, 我同Dora姐保持一貫gap gap地既性格.... 首先佢記錯左上堂時間 (p.s. 我冇記錯架下!!!), 之後我地又去錯另一個課室門口等, 等左一陣先無意中發現原來去錯地方, 結果遲左入場。gap~~~!! ~_~||| 嘩.... 果d都唔知咩 warm up 黎架, 做到我同 Dora 都差d抽筋呀! 人地做 warm up係為左防抽筋, 我地就做到抽筋!! 好gap呀!!! 講返跳舞先, 我覺得好唔開心呀, 因為我跳得唔好, 唔係幾跟到d動作.... 同平時去 disco 完全係兩回事呀!!! ><
|
|
5 September, 2005 咩情告急呀!!! (果d係咪叫『災情告急』呀?!) 而家 Carrie 同 Angus 都已經食左糊,連而 Dora 同 Trista 都已經叫緊糊喇!!! 死喇今次... 唔通大嘈&細嘈真係要相依為命?! 唔制呀~~~~!!!!! >0<~~!!! 我有個朋友.... 佢係三個月之內已經轉左三份工。如今, 佢而要面臨多一次轉工。我覺得.... 佢好可愛~ ^^ 唉, 原本一心諗住唔洗同佢慶祝生日架嘛, 點知而家佢又唔去美國勒, 算點丫?! ^^ 又再一次証明本小姐既特質: 零耐性~ 哈哈哈哈, 歷史重演。估唔到, 原來你係果種喜歡玩弄感情既女子黎架!!! 到底, 你喱d故事會重複幾多次呢?! 瞧著走吧, 哈哈哈!!! |
|
4 September, 2005 琴晚去左跳舞, 雖然唔算得有咩特別事發生, 不過都幾開心, 因為我成晚完全都冇諗過佢, 好放心好自在咁玩。同埋, 佢地好好笑, 好得意^^ 如果可以多d同佢地去玩就好lu~ 嘩, 琴晚好勁!! 個個都去 Edge, Dora 兩班朋友, 我地, 仲有 Eddie 地.... 一路玩玩玩, 玩到7點先返去訓, 十個tired~ 今日去左石澳 BBQ, d浪大到唔知想點... 今朝仲要有個人俾浪捲左出去, 死左~ 真係好~~~~大浪!!! 朋友甲身為一個男人, 都叫人千萬唔好相信男人講既野, 聽左就算喇。有時呃呃tum tum, 可能其實都係個男人係度自娛緊.... 哈哈, 我相信佢喱一句說話係唯一一句值得我相信既『男人的話』。 作為我既朋友, 其實好多d都的確受左我好多氣。我都知道自己好多時脾氣都唔好, 態度又唔係幾好, 又時有可能心直口快講左好多唔好聽既說話... 不過我既朋友仔從來都冇離開我, 我覺得自己好幸福^^ 我愛大家~~!!! 嘩, 我有理由相信某人係我既剋星, 佢果股氣簡直籠罩左整個香港, 所以佢一離開左香港, 我先開始有運行~ 唔通... 真係要好似朋友乙咁講, 人人都應該有個『救生圈』? 有野諗又煩, 冇野諗又悶, 你話做人幾矛盾?! 而家個腦一片空白~~~~ |
|
3 September, 2005 張繼聰:『輸錢皆因羸錢起; 愛情就好似賭博一樣~』 因為麻麻想去 Paris .... 我下年去馬爾代夫既夢就成為泡影。如果去 Paris, 唔知我會洗幾多錢呢?! 係咪要而家開始草錢呢?! 有好多野其實我都好想第一時間同 你分享, 不過我要改變喱個習慣。 |
|
1 September, 2005 呼~ 好耐冇做運動喇, 今日早左少少放工, 然後同爸爸去運動場跑步。哈哈, 我真係『咋』都死呀!!! 跑左 1200 米已經冇氣跑 lu~ 唔得, 得閒要做多d運動, 等個人健康d, 又唔洗咁tired, 又可以 keep 下 fit。為左令自己郁多d, 我同 Dora 已經報左名學 Jazz Punk。未來兩個月大家星期三都唔會見到我地架喇! ^^ 話時話, 琴晚去左學跳舞間野樓下飲野, 唔知點解.... 好鍾意果度。勁想係果度攪 party, 不過好似唔係好抵.... 唔知... 佢應承我既野做唔做得到呢?! 唔好搵唔好搵唔好搵我呀!!!! 上個月豪氣地一日洗左六千蚊; 喱兩日再接再厲, 洗左四千蚊。唉..... 我係咪有病呀到底?! Shoppoholic.......... |
阿明