Tiyong Andy
Tiyong Andy,
Kumusta ya tedi, di yema yo kung tedi tiyung kasi mas biyeho tedi kung
mingu. Mi nobri es Willie Del Rosario, mi tay(Valentin del rosario),
mi Nay ( Soledad Giray) di Sapang. Ya gradua yo highschool na Ternate
Western Cavite Institute (TWCI) Cuandu ya gradua yo kolehiyu ya ensina
yo na eskuwela di tedi (Sto Nino Academy) cuando 1987-88. mam Linda ya
manda kung mingu insinya, dati eli mi mestra cuando highschool. Ya
kambiya yo kung Willie Soberano cuandu ya imbisti eli na vice Mayor di
bahra.
Saludu yo kung tedi dahil karu tedi kung di motro pueblo. Sana muchu
kamo tedi para no keda nuway kel kasaysayan di motru pueblu. Ta inda yo
na LA para se bisita kung kel mga mi parienti, alegri aya muchu di
bahra saka tieni rin samahan di bahra kaya lang lotru lotru ta huga pelya.
Siya nga pala aki yo ta keda na Sacramento. Tres motru aki (Rey iho di
tiyong Bayani na parabahu Y Teressa Eslabon).
Hanggang aki ya lang tiyong, kumusta ya lang kung tedis todo.
Willie, Sacramento (15/enero/2003)
|
Hello fron South Carolina, Andy
Andy,
I found your Ternate website and it's very interesting especially the dialect. Anyway, my wife is from San Juan, Ternate, and her maiden is Morales. We were there in 1999. Thanks and More Power to you.
Frank Bautista, (10/Octubre/2002)
Caviteño de Ternate
Kumusta kung tedis todu.
Mi nombri Andy Rotairo Huerto, ya se pari kung minggo na pueble di
Barra (Ternate). Mi padre Isabelo Bustamante Huerto, ya se pari kung
eli na Indang, Cavite. maestro aya na elemtarya di barra. pero mi padre ya
muri ya cuandu 1967. Mi madri Sivilla Mojica Huerto, ya se pari kung eli na
Alfonso,Cavite. Tieni yo dos ermano, ay nombri Rey pati Efren. Tiene din yo dos
ermana, Erlinda i Emer.
Ya krese yo na barra, aya ding yo ya entra, ya kaba yo elementarya
pati segundarya. Kuandu 1969 hanggang 1972 ya keda yo pulis. Kunadu ya
sali ya yo na pulis ya trabaha ya lang yo na eskuela di mihutro. Kuando ta
trabaha yo na eskuela di Akademya de Sto Nino, ta espera ya lang yo yema
kung minggo na embahada de Amerikano para na mi Visa. Kasi ta saka kung
minggo mi madri.
Kuandu ya enda yo aki na Amerika ya entra yo na US Navy, pero no yo
ya tarda. Ya trabaha ya lang yo na kumpanya di elektroniko. Sabrusu pala
trabaha aki na Amerika, kasi ay sen grandi ay kambyu na Pilipinas. Kaya
pag ta se yo bakasyon bung alegri yo porke mas grandi ay kambyu, mas muchu
yo ta se pamili. Pag ta enda yo na tienda, muchu yo merka. Muchu parientes ta
proba kung minggo dahil palagi yo ya dali kung lutru sen.
No ya tarda ya kasa yo kung mi mujer Mayette Mercado, di Pampanga.
Kuandu ya kasa motru ta trabaha eli na Philiippine Geothermal pero ya
habla yo kung eli, sali ya na trabahu de eli na Philippine Geothermal. Aya ya
lang eli trabaha na escuela de motru na Barra (Ternate). Ya konsede tameng
eli, ya keda mi mujer na kasa di mi lolu. Siguru tieni mga tres anyu eli na
Barra bagu eli ya sigi aki kung minggo na America. Ahora, tiene motru una
iha, ay nombri Annemarie Mercado Huerto, kinse anyos ya eli, ta entra eli na
Torrance High School.
Hanggang aki ya lang duma, mucho salamat kung tedis todu.
Andy Rotairo Huerto,
(9/Octubre/2001)
The letter above is written in Ternate Chavacano.
There is no existing book to verify all the word I said here. In Ternate, we
write the word as it sound in tagalog then if the word is not available
in tagalog then we use tagalog and english.
Again there is no existing literature that written in Ternate Chavacano
that I know.
That the reason why I'm trying to put together a dictionary which I'm
using the microsoft work.
Thank You
|