XELAT

MEHNAME: PÎROZ BE! Birêz Sedat Yurtdaşê pirr hêja, Dixwazim li ser navê xwe û Kovara MEHNAME derketina pirtûka we XELAT pîroz bikim. Em agadar in ku çendî dijwar e pirtûkên kurdî li welat bên nivîsîn, weşandin û xwendin. Lê em gelekî bextewer in ku canik û camêrên mîna we tevî hemî asteng û dijwariyan jî vê xebatê dikin. Bi baweriya me, xebata herî rastîn ew xebat e ya mirov tevî astengiyan jî dev jê bernede. Cenabê we di rojên tarî û bêhêvîtiyê de dest avêtiye qelem û pênûsan û xwe spartiye bêje û biwêjên şirîn û dilbijîn ên kurdî û nehiştiye rojên reşetarî rê li ber baskên hêviyan bigirin. Û îro wek yek ji encamên vê xebata we bûye xelat, ne tenê bo cenabê we lê bo her xwendevana/ê kurd. Em hêvîdar in ku hûn dê li ser vê têkoşîn û berxwedana xwe berdewam bin, û em jî gelek fêkiyê çêjdar û bitam ji dara pexşana we bixwin. Digel bedewtirîn silavên dostane li ser navê Kovara MEHNAME Husein Muhammed mehname@yahoo.com www.mehname.cjb.net