Vexwendin:
Ji hemû endam, berendam, heval û hogirên Navenda PENa Kurd re
Gelî birêzan,
Navenda PENa Kurd wê kongireya xwe ya salane li Berlînê bike; em bê sînor her nivîskareke/î kurd, ya/yê baweriya wê/wî bi daxuyaniya PENa Navneteweyî (PEN – Charta) û rêbaza Navenda PENa Kurd tê, vedixwînin vê kongireyê.
1. Vekirina civînê bi rawestana yek xuleyê li ser giyanê cangoriyên Kurdistanê
2. Bixêrhatina mêvanan, xwendina gotinên wan û silavnameyan
3. Hilbijartina komîteya birêvebir a civînê
4. Hilbijartina komîteya çavdêrî û hijmartinê
5. Awireke kurt li rewşa wêjeya kurdî li her çar parçeyên Kurdistanê, Sovyêta berê û Ewropayê, gotar ji aliyê van birêzan ve têne xwendin: Haydar Işik, Hesen Îrandost, Pîr Xidir Silêman, Helîm yûsif*, Mustefa Reşîd û Eskerê Boyik
6. Raport:
a. Raporta kar û barê salên çûyî
b. Raporta darayî
c. Raportên her çar komîteyan
7. Gengeşî li ser raportan, rexne û rexnelixwegirtin, pêşniyar û amojgarî
8. Gengeşî li ser rêbaza Navenda PENa Kurd û pêkanîna guhertinên pêwist
9. Hilbijartin:
a. Hilbijartina serek
b. Hilbijartina endamên komîteya birêveber
c. Girtin bi sirûda nwteweyî Ey Reqîb
10. Êvara wêjeyî
Êvarê emê bi mêvanên xwe re herin şîvê bixwin -cih û dem wê di civînê de werine diyar kirin-. Piştî şîvê emê bi mêvanên xwe re guh bidin berhemên hin nivîskar û helbestvanên kurd û di nav re emê bi stran û awazên hin hûnermendên kurd dilşa bibin.
Bi rêz û silavên me re
Ji dêl komîteya birêvebere giştî ve
Dr. Zerdesht Haco,
Bremen, 02.02.2003
Têbînî:
- *wê gotara wî ji aliyê birêzekî/e dî ve were xwendin, ji ber ew bi sedema ku ne li Berlinê ye, nikare li civînê amade bibe.
- Hin ji mêvanên me yên birêz ev in: Birêz Terry Carlbom, sekretêrê giştî yê PENa Navneteweyî (Swêd), birêz Lucina Kathmann (Meksîko), yek ji cihgirên serokê giştî yê PENa Navneteweyî, hin nivîskarên elman yên hevalên me; emê serekê Navenda PENa Elman, birêz Johanno Strasser û cihgira wî, birêz Katrin Clark jî vexwênin civîna xwe.
- Ew nivîskar û helbestvanên ku dixwazin di êvara wêjeyî de berhemên xwe bixwênin, dikarin bi Kurdî, Inglîzî û Elmanî bixwênin; ev derfet li pêşiya endam û herkesî beşdar vekiriye.
- Navên hemû kesên ku heta niha serî li Navenda PENa Kurd dane di lîsteyeke taybetî de, di malpera Navenda PENa Kurd de:
www.pen-kurd.org hatine weşandin. Mafê dengdanê tenê yên wan endaman heye, yên ko pereyên endametiya xwe ya 2 salan (120 €)
heta bi 03.03.03an da bin, hijmara kontoyê Navenda PENa Kurd ev e:
Navenda PENa Kurd, Konto-Nr.: 4 757 403 00, Blz.: 700 800 00, Dresdner Bank, Germany.
- li gor pêşniyarên endaman rojev heta bi 02.03.2003an dikare were guhertin.
- Ev name tenê bi riya eMailê tê weşandin, em ji hemû endam, heval û hogirên Navenda PENa Kurd, bi taybetî xwediyên alavên ragihandinê, tika dikin, ku ew vê nameya me bi awayekî herî fereh biweşênin.
- Ji bo têkiliyan: Dr. Zerdeşt Haco, Tel: 00 49 177 3351016
