"Слуцкая брама" створана Ягорам Новiкавым, незалежным iнфармацыйным спэцыялiстым. Адкрытая 18 лістапада 2000 году, гэтая старонка заарыентаваная на дасьледчыкаў, журналiстаў, палiтыкаў, эканамiстаў i ўсiх, хто хацеў бы знайсьцi дэталёвую iнфармацыю аб Беларусi на Iнтэрнэце.

Iдэя гэтай дырэкторыi ўзьнiкла пад уплывам Лексiс - Нэксiс, ПроКвэст, Даў Джонс i iншых онлайнавых базаў дадзеных, якiя забясьпечваюць квалiфiкаваных спажыўцоў вялiкiмi аб'ёмамi iнфармацыi, якiя ўключаюць навiны, заканадаўства i зьвесткi аб эканомiцы.

Аднак стварэньне базы дадзеных такога кшталту ў Беларусi падаецца немагчымым зь некаторых прычын. Па-першае, гэта лiцэнзаваньне ды iншыя абмежаваньнi, накладзеныя ўрадам на некаторыя вiды iнфармацыi. Па-другое, такi праэкт ня быў бы ня тое што прыбытковым, але нават проста не акупаў бы сябе з-за таго, што беларускiя спажыўцы ня здолелi бы дазволiць сабе падпiску.

Але калi зараз i немагчыма сабраць усю патрэбную iнфармацыю ў адной базе дадзеных, можна, прынамсi, палегчыць пошук. Таму галоўнай задачай гэтай дырэкторыi - забесьпячэньне спажыўцоў даступным стартавым пунктам пошуку крынiц сур'ёзнай iнфармацыi аб Беларусi на Iнтэрнэце.

Аднак гэтая старонка розьнiцца ад iншых беларуских Iнтэрэнэт-каталёгаў ды парталаў. Па-першае, яна ўключае спасылкi не на ўсе адпаведныя старонкi, але толькi на тыя, якiя адкрываюць доступ да вялiкiх аб'ёмаў адпаведнай iнфармацыi, альбо да ўнiкальнай iнфармацыi, якую немагчыма знайсьцi дзесьцi яшчэ. Па-другое, тут згадваюцца толькi тыя старонкi, якiя ўтрымлiваюць першапачатковую факталягiчную и даведкавую iнфармацыю, а не тлумачэньні i iнтэрпрэтацыю. Нарэшце, я стараюся не даваць спасылкі на кепска абноўленыя і падтрыманыя Вэбстаронкі.

Мне б хацелася, таксама, зьвярнуць вашую ўвагу на той факт, што Слуцкая брама зьўляецца поўнасьцю вольнай і незалежнай. Яна нікім не фундуецца. Усе камэнтары і анатацыі адлюстроўваюць толькі погляды ўладальніка. Зьмест Слуцкай Брамы НЕ заняволены аўтарскім правам і можа выкарыстоўвацца, рэпрадукавацца, цытавацца і множыцца без жадных фармальных абмежаваньняў. Я цьвёрда прытрымліваюся погляду, што грамадзкая інфармацыя (у адрозьненьне ад прыватнай) імкнецца быць вольнай.

Я спадзяюся, што гэтая дырэкторыя дапаможа карыстальнiкам Iнтэрнэту заарыентавацца ў хаатычнай масе iнфармацыi аб Беларусi. Калі вы маеце нейкія цяжкасьці ў знаходжаньні патрэбгай вам інфармацыі пра Беларусь, калі ласка, зьвяртайцеся да мяне. Я з радасьцю пастараюся дапамагчы вам і адказаць на вашыя пытаньні.

Ягор Новiкаў