|
WORKS
•
In Depth wth Foreign Debt
•The Growing Philippine Debt Crisis
•Praymer sa Pagpapatalsik Kay ERAP
•"Sobra nang Pahirap, Patalsikin si Erap!"
READ THE NEWS!!
SITEMAP
Sign our Guest Book
|
PRAYMER SA PAGPAPATALSIK KAY ERAP
Sino ang papalit kung sakaling
kusang nagbitiw ang Pangulo?
Ayon sa
Konstitusyon, Artikulo VII, Seksyon 8, "Ang Pangalawang
Pangulo ay dapat maging Pangulo na manunungkulan para sa
di natapos na bahagi ng taning na panahon ng
panunungkulan. At kung sakaling hindi maaaring pumalit
ang Pangalawang Pangulo, ang Pangulo ng Senado ang
itinalagang manungkulan bilang Pangulo."
May
iba pa bang paraan para mapatalsik si
ERAP?
Maraming paraan upang mapatalsik si
ERAP, mapa-ligal man ito o iligal. Ang impeachment at
kusang pagbibitiw ay ang mga ligal na paraan. Ngunit
marami ang hindi nagtitiwala at hindi umaasa sa
impeachment at sa kusang pagbibitiw ni ERAP. Dahil dito
maraming alyansa ang nabuo na nagnanais na mapatalsik
ang Pangulo sa kanilang sariling mga paraan na hindi
naaayon sa Konstitusyon.
Ano ang "Civil
Disobedience"?
Ang Kongreso ng Mamamayang
Pilipino (KOMPIL II) ang samahang naglunsad ng "civil
disobedience" laban sa pamahalaan kapag hindi bumaba sa
tungkulin si ERAP.
Sa ilalim ng "civil
disobedience", ang lalahok na mamamayan ay hindi
magbabayad ng buwis at hindi susunod sa mga batas ng
pamahalaan at iboboykot nila ang produkto ng mga
kumpanyang kapanalig ng administrasyon. Magsasagawa rin
ang grupo ng malawakang kilos protesta upang hikayatin
ang mga mamamayan na maki-isa sa pagpapaptalsik sa
Pangulo.
Anu-anong alyansa o organisasyon ang
nagkakaisa para patalsikin ang Pangulo?
Maraming
organisayon ang nabuo laban sa administrasyong Estrada
at ang mga ito ay may iisang layunin, ang patalsikin ang
Pangulo sa kanyang katungkulan sa pamamagitan ng mga
mapayapang kilos-protesta at mga prayer
rally.
Ang MASA ay isa sa mga alyansyang nabuo,
na naniniwala na dapat nang patalsikin ang
administrasyong ERAP hindi lamang dahil sa mga
kontrobersya at iskandalong kinasasangkutan ng Pangulo
kung hindi dahil na rin sa kanyang kontra-mamamayang
patakaran at polisiya na nagdulot ng ibayong hirap at
panunupil sa mamamayang Pilipino. Kaya't ang
pangkalahatang panawagan ng MASA ay "Patalsikin ang
Gobyernong ERAP at itayo ang tunay na Gobyerno na
mamamayan.
[PAGE 1]
[PAGE 2]
[PAGE 3]
[PAGE 4]
Copyright © 2001. The Supervixens.
Sheryle Pablo and Dinah Silverio. All Rights Reserved.
University of the Philippines,Diliman Q.C. |
| | |
