SKIPULAG FLOKKSINS

Æðsta vald innan Framsóknar er svokallað flokksþing. Þar eru ákveðnar stefnur og lög flokksins, auk þess sem þar fer fram kosning á stjórn flokksins. Flokksþing er samsett af kjörnum fulltrúum frá flokksfélögum, en hvert flokksfélag fær einn fulltrúa fyrir hverja 15 félagsmenn, og miðstjórnarmönnum. Flokksþing er haldið annað hvert ár, en ef meirihluti kjördæmisþinga fer fram á það, er hægt að boða til auka flokksþings. Nánar um flokksþing má finna hér.

Frá 1986 hefur verið kosið um formann, varaformann og ritara á tveggja ára fresti, en ef stjórn flokksins fellur frá einhverja hluta vegna þá skipar miðstjórn mann í stöðuna til bráðabirgða, en kjör þeirra gildir fram að næsta flokksþingi.

Hlutverk miðstjórnar er að fara með umboð flokksins á tímabilunum á milli flokksþinga og að útfæra stefnur hans yfir á landsmál. Miðstjórn hefur yfirumsjón með þáttöku flokksins í ríkisstjórn, samþykkt á samningum um ríkisstjórnarsamstarf. Miðstjórn Framsóknar er boðuð til fundar tvisvar á ári, á vorfund og haustfund, en það það er hægt að boða til aukafunda ef þörf þykir á. Það eru um 150 fulltrúar í miðstjórn, allir núverandi og fyrrverandi þingmenn (séu þeir enn skráðir í flokkinn), ráðherrar og stjórn flokksins og visst hlutfall flokksþingsmanna. Nánar.

Öll ábyrgð á innri starfsemi flokksins er í höndum Landstjórnar. Landstjórn fundar a.m.k. 6 sinnum á ári. Landstjórn er samsett úr framkvæmdarstjórn Framsóknar, formönnum kjördæmissambandana auk formanns sveitastjórnarráðs. Ritari Framsóknar er einnig formaður landstjórnar. Nánar.

Á tímabilunum milli miðstjórnarfunda fer framkvæmdarstjórn með umboð flokksins fyrir hönd miðstjórnarmanna. Framkvæmdastjórn Framsóknarflokksins skipa formaður flokksins, varaformaður, ritar og formenn Sambands ungra framsóknarmanna, Landssambands framsóknarkvenna og þingflokksins. Nánar.

Verkefni sveitastjórnarráðs er að styrkja sambönd á milli sveitastjórna og landstjórnar. Ráðið kemur saman a.m.k. 1 sinnum á ári. Fulltrúar í sveitarstjórnarráði þurfa að vera aðalmenn í sveitarstjórn, sveitarstjórar eða bæjarstjórar og að sjálfsögðu félagsmenn í Framsóknarflokknum. Nánar.

Í hverju kjördæmi fyrir sig eru svo svokölluð kjördæmasambönd. Það eru sambönd allra flokksfélaga í hverju kjördæmi þar sem þau geta samhæft sig í framkvæmdum flokksins. Uppbygging sambandana er mismunandi á milli kjördæma. Nánar.