Tengsl Framsóknarflokks við bændahreyfinguna eru mest áberandi tengsl flokksins við hagsmunasamtök. Bændur hafa lengst af haft sterka stöðu gagnvart ríkisvaldinu sem þýðir að talsverður "korpoatismi" einkennir hagsmunasamtök þeirra. Í stað þess að berjast gegn ríkjandi öflum, þá hafa þeir vingast við þau. Bændur voru öflugasta stéttin í upphafi stéttastjórnmálanna og Framsóknarflokkurinn sem flokkur bænda leiddi stjórnmálin á fyrrra tímabili stéttastjórnmálanna þegar kerfið var í mótun. Þetta skýrir líklega best stöðu þeirra gagnvart ríkisvaldinu allar götur síðan. Margir forystumenn Framsóknarflokksins komu úr félagshreyfingum sem höfðu risið á Íslandi á fyrsta framfararskeiði þess til nútímans. Hér er einkum átt við samvinnuhreyfinguna og ungmennafélagshreyfinguna, sérstaklega þó þá fyrrnefndu.
Það var því ekki að undra þó að Framsónarflokkurinn yrði pólítískur málsvari kaupfélaganna og samvinnuhreyfingarinnar. Samvinnustefnan og umbótavilji henni samfara er sá þáttur félagshyggju og jafnaðrstefnu sem mestan þátt á í að teygja flokkinn yfir á vinstri væng vinstri hægri kvarðans. Bændastéttin er áhrifamesti bakgrunnur samvinnuhreyfingarinnar og tengslin við flokkinn hafa verið bæði í gegnum forystumenn og stefnu. Samband íslenskra samvinnufélaga (SÍS) var eftir því sem best verður séð duglegt við að styðja við bakið á málgögnum flokksins, Tímanum og Degi, t.d. með styrkjum og auglýsingum. Tíminn hefur allar götur þar til nú verið einn sterkasti málsvari Framsóknarflokksins þar til Tíminn sameinaðist Degi fyrir nokkrum árum og sökk skömmu seinna í sýki gleymdra flokkableðla.
Framsókn skilgreinir sig hvorki sem hægri né vinstri flokk, heldur sem flokk málefna. Núverandi stefnuskrá flokksins má finna hér. (Þýdda útgáfu má finna hér.) Kosningastefna Framsóknar úr síðastliðnum kosningum má finna hér. Helstu atriði sem má nefna eru:
Atvinnulíf: Þeir vilja stuðla fjölbreittari að þróun í atvinnulífinu og bæta stöðu Íslands svo það sé samkeppnishæft við önnur lönd.
Sjávarútvegurinn: Haldið verður við núverandi fiskveiðistjórnunarkerfi en endurskoðaðir gallar þess. Skoðuð úrræði fyrir byggðarlög sem eru háð sjávarútvegi.
Landbúnaður: Framsóknarflokkurinn hefur lengi verið kallaður bændaflokkurinn en það er ekki að sjá að þeir hafi gefið þeim forgang í stefnuskránni sinni. Þeir vilja þó gera nýjan búvörusamning við þá og stuðla að frekari útflutningi.
Iðnaður: Þekkingariðnaður og úrvinnsluiðnaður verður efldur. Stutt við atvinnurekstur kvenna.
Orkumál: Orkuverð lækkað 20-30%.
Vetni: Stuðlað að rannsóknum og þróun þessa orkugjafa.
Ferðaþjónusta: Öflugra kynningarátak.
Vímuefnavandinn: Stuðla að meðferðarúrræðum og forvörnum.
Fólk í fyrirrúmi: Bæta líf fjölskyldunnar. Bæta við 4.000-5.000 milljónum króna í lífskjarajöfnuð.
Velferðarmál: Tryggja öllum jafna þjónustu óháð búsetu, efnahag eða félagslegum aðstæðum.
Menntun: Tryggja öllum jafnan rétt til menntunar óháð búsetu, efnahags eða félagslegum aðstæðum.
Byggarmál: Bæta kjör fólksins til sveita með því að stuðla að atvinnulífi, menntunarmöguleikum, menningarmálum, samgöngum o.s.frv.
Umhverfismál: Nýta innlenda orkugjafa, styrkja endurvinnslu og skógrækt.
Ríkisfjármál: Jafnvægi í ríkisfjármálum
Menningamál: Stuðla að því að koma íslenskri list á framfæri erlendis og að allir geti tekið þátt í menningarlífi landsins óháð búsetu.
Utanríkismálin: Ísland á að taka þátt í Sameinuðu þjóðunum, NATO, EES og Norðurlandaráði.
Úrdrátturinn hér að ofan úr
kosningastefnu
Framsóknar er tekinn héðan.
