|
個hp係時候要換個聖誕板啦~ 換o左d icon...仲有好多野未畫~v_v 有排畫...如果真係諗住去畫o既話...哈哈~~ |
|
阿mon今日生日, 生日快樂呀~ 終於都十八歲lu~ 你要真係戒煙先好呀~~ 去完唱k慶祝生日, 就返屋企, 坐o係房...我隱約聽到隔離屋傳來的歌聲. 是一首很舊的歌~ 歌名叫"你知道我在等你嗎?" 我聽得很入神, 難得可以再次重溫這首歌~ 我相信, 下次再聽到的時候, 會是在很久之後的事了. 今天, 我又再次見到穿格仔褲的那個怪獸~ 昨晚大約十點, 他突然打電話來... 結果我們傾了一個鐘, 他便要睡覺了~ 說實在, 我很少有朋友會那麼正常~ 十一點就要訓... 唔知幾時, 我先會咁健康~ 早睡早起呢?? 阿楠~ 哼~ 我仲未嬲完~ 你今晚都仲係要訓廳~ 同我講凍凍都冇用~ 你自己食自己啦~~哼~>_<" 阿哥出奇地, 昨晚幫我set up好d基本野~ 今晚再會同我裝番d icq 呀~ get right呀~ netscape咁... 真係好啦~~ 唔洗用notebook~ 因為用notebook~ 條頸好累o架~ 你知啦~ 我晚晚玩icq都玩到成2點... 再用notebook玩~ 會死o架~~ |
|
各位, 我轉o左e-mail~ 唔鬼用mail.com啦~ 都係用番hotmail...安全d~ tobeyz@hotmail.com 好慘呀~ 今日勁多功課做... 鬼咩, 因為聽日係珠寶設計o既最後一堂嘛` 平時懶唔做, 結果咪搞成咁囉~~ 好累呀~~v_v 我阿哥昨晚正式宣佈, 我部機救唔番~ 要剷機... 睇佢個勢, 佢都唔會o係呢幾日同我搞掂~ 即係話, 我又冇pc用~ 要用notebook~ v_v 死囉~ 今個月, 真係好好好大洗呀~ 計計埋埋, 呢個月應該洗o左成4000都有... 仲話草錢喎~ 唉...失敗~ |
|
今日睇o左神偷次世代, 都幾好睇~ 本來都唔係幾鐘意黎明o既~ 但係因為近來重播番"天涯歌女", 開始都覺得佢ok, 冇以前咁憎佢... 哈哈~今朝返學之前, 去拎police open day o個d相, 我o係車度睇, 一路睇, 一路笑... 430真係好型呀~ 拎到番去, 比佢o地睇~ 個個女仔都好似上o左身咁, 勁開心~ 我o地仲拎o左去哂6R, 過埋膠... 我已經放o左o係個書櫃o既玻璃度, 日對夜對~ 銀包又放o左張2R, 哈哈~ 一人一張~ 我o地5個女仔真搞笑...^_^ 好想再搵多d 430 o既資料呀... 夜晚食飯o個陣~ 我比張相老豆睇~ 佢竟然話430好熟口面, 因為佢有d警察friend, 出黎bbq過一次~ 但佢就唔肯定o個個係430囉~~ 如果佢下次再去bbq, 我一定死都要跟埋去... |
|
今日好黑...我收到個e-mail, download o左落黎之後, 部電腦就死o左...即係話, 我比人send o左病毒... 好慘...唔知我得罪咩人... 點解要咁玩我...v_v |
|
其實都幾怕去面對現實~ 因為我最鐘意就係去逃避... 同細佬冇傾幾日...原因好多... 最主要係...佢死都要迫我忘記阿match... 但...根本冇咩可能o既事... 我要o既, 係時間... 暫時, 還是想逃避一下... |
|
我對於某一d人和事, 都會好深記入腦... 但同樣地, 有d人同事, 我會記憶好迷糊... 突然想起一個人, 想起跟他一起發生的事~ 可是, 我竟然怎樣也想不到那個人的樣貌... 曾經深愛過的人...在我的記憶裡, 原來只是一片迷霧~ |
|
原來我發現自己冇留意身邊o既事~ 我住o係呢間屋度大大話話都10年... 好似樓下間士多, 叫五豐行~ 我到今日先知~ 究竟...仲有幾多野, 我係冇留意到呢? |
|
呢兩日成日都掛住玩~ 冇咩時間諗野~ 最主要係...冇諗阿match~ 完全唔知佢呢幾日o既生活點... 雖然我平時都唔知... 但係...平時同佢o既感覺會近d~ 而呢幾日, 感覺好似疏離o左~ 似乎...係一件好事~ |
|
今朝...我真係唔知醒~ 約o左9點, 但係我8點45分先起身~ 我用o左10分鐘o既時間, 就搞掂出門口~ 當然~成個傻婆咁啦~~哈哈~ 諗都冇諗, 飛的士去~ 出奇地~即刻有車~ 好彩都冇遲到~~我都算利害o架啦~ 今日我o地5個女仔去police open day呀~ 都幾好玩~ 雖然就眼訓o左d~ 但鬼叫我昨日同阿楠玩icq玩到唔訓咩~v_v 最重要係一樣野~~ 就係我o地5個女仔一致認為~ 編號430的警察~~佢係最型~ 最靚仔~ 最高大~~ 估唔到, 我自己都會傻埋一份~ 呢d唔知係咪叫投入呢?? 就係咁, 又過o左一日lu~ 好累呀~~ 今晚一定要早d訓... Apple終於都變番平時o既佢咁~ 有講有笑~ 即刻安樂哂~ yeah~~ 唉...本來諗住唔做聽日o既工筆畫功課o架~ 但係...原來好似唔得... 所以都係要做... 哎呀~~唔制呀~~ 仲邊有力氣畫呀???? |
|
聽日要七點起身~~點算....@_@ 但係現在已經係3點半~ 我仲未訓~~ |
|
今日apple返o左學~ 見到佢瘦o左少少... 一齊飲茶o個時, 佢咩都冇食, 連水都冇飲~v_v 我o地都唔知應該點做...應該講d咩... Apple~~你要食野呀~~知唔知?? |
|
玩到十一點, 大家就散lu~ 好開心呀~ 咩都玩"暈"咁滯~ "嗌"到把聲都"擦"埋~ 喉嚨好痛呀~ v_v 咁原先我daddy叫我今日放學返一返鋪頭睇下有冇信o既~ 不過, 我放o左學, 成班人都黎屋企咯~ 咪所以冇落囉~ 跟住到頭先送完佢o地去搭車o個時~ 咪行埋落去睇囉~ 點知...冇信喎~ 搞到我要索哂氣行番成條斜路上黎~ 我覺得呢條斜路唔可以白行~ 所以就買埋糖水返去, 同阿哥一齊食~~ 宜家好飽呀~~>_<" 哈哈~ 唔知幾時, 又可以一班人黎我屋企玩呢?? ^_^ |
|
我屋企好耐冇試過咁熱鬧啦~ 大家都玩得好開心~ daddy mummy又去o左旅行~ o係冇王管的情況下... 我諗到...有d野~係時候去做啦~ |
|
我icq個nickname改o左~ 叫"Tobeyz許願~鐵了心~" 承諾...還是要繼續守候... |
|
昨晚同細佬online o左好耐, 但大家都冇出聲, 呢個情況, 好耐都冇出現過... 最尾, 我都開聲先~ 不過因為我玩緊i game, 所以都係傾o左幾句~ 希望佢快d搵到工啦~ |
|
今日執o左成日屋, 都咪話唔累~ 不過, 都係一件好事黎o既~ 我好少會大執自己間房~ 整齊哂~ 好開心~ 人都舒服d~ ^_^ 講起上黎~ 我新年執房o個時, 都冇宜家咁整齊~ 哈哈~~ 今晚棠棠去grad. dinner 呀~ 著哂西裝咁去~ 哎呀~好想見下呀~~ 唔知玩得開唔開心呢~ 仲有, 下午執執下野o個陣~ 有人打黎...o係我個心入面, 有一個好大o既問號~ 不過, 大家係朋友, 傾下都冇所謂~ 始終, 多個朋友好過多個敵人~ 我個網頁o既"My friend"加多o左3個人, 同埋有d人修改o左少少~ 不要輕易去想念一個人, 因為倒頭來, 你會發現, 所要付出的代價, 是你付不起的. |
|
我沒有忘記...因為害怕忘記... |
|
你怎麼捨得我難過...d歌詞好到肉~ 想死~v_v |
|
聽日好慘...要執屋~ 因為星期六d同學黎我屋企... 有排執~~v_v |
|
昨晚比細佬話我...v_v 好hurt下~ 算啦~ 我知佢為我好o者~ 我成日都係咁, 都幾令人失望... 究竟幾時改到呢? |
|
收到apple o既url~ 係love tree 2000 黎o既~ 我好傻咁, 信o左, 仲許o左個願tim~ 個願, 係關於阿match o既~ 唔知呢... 總之好想佢一切都好好~ |
|
多謝Apple, 細佬, 阿玲, 仲有阿楠and立仔~ 仲有成日話我cheap o既誌傑~ |
|
昨晚同完阿楠, 立仔玩...心情好番哂~ 跟住返到黎online, 又收到阿聰o既message~ 好warm呀~ ^_^ 阿聰同我, 諗起上黎, 佢又講得岩~ 我o地真係幾似~ 上一年發生o係佢身上o既事, 結果, 今年我做o左... 我仲好記得上年佢o係街, 打電話比我, 佢唔肯返屋企, o係條街成晚... 感覺就好似昨天的事. 哈哈~ 阿聰~~突然真係幾掛住你~ 你呢個阿哥對我太好啦~ 好到我有d感動~ 多謝你~ |
|
結果, 我今晚一個人, 用o左差唔多兩個鐘的時間, 由銅鑼灣, 行返屋企... 一個人行的感覺, 並不好受... 行行下, 有d想喊~ 唔知點解, 我可以成日發神經... 比細佬話我好似個腦未生出黎咁... 算啦~ 咩都唔想再諗lu~ |
|
今晚將要去一個約會, 心情有點緊張... 在臨出門口之前的現在, 我哭了... 因為剛才, 看報紙, 看到一個專欄. 所敘述的事, 跟我前一陣子所作的事, 差不多一樣. 我發現到, 自己的愚昧和幼稚, 好想狠狠傷害自己來補償一個因我受傷的人. 你還恨我嗎? |
|
阿熙聽日生日, 我o地今日就成班人同佢唱k慶祝啦~ 唱到口都乾埋~ 跟住, 都各有各散lu~ 返到屋企, 開始摺聖誕card o既信封~ 我計過啦~ 我有12封要寄, 即係有12封信要寫~ 哎呀~~有排寫...最主要係...唔知寫咩好~ 我又唔想寫d老套野喎~v_v 哈哈~收到我張card o既人... 証明你o係我心目中, 都有番咁上下o既地位~ 希望...今年我都會收到聖誕card 就好了~ |
|
任意的揮霍...是因為...我空虛了. |
|
很想吃你的醋, 但我是你什麼人呢? |
|
睇黎~係時候design今年o既聖誕card啦~ 不過用咩做題材好呢?? 大家有冇idea? 比d意見我丫~ |
|
好多日都冇訓過餐好o架啦~~ 好眼訓~好頭痛~ 我想訓覺~~ 不過好多電視要睇~好多電話要傾~ 好多書要睇~好多功課要做~ v_v |
|
唔知細佬搞乜鬼~ 好擔心~ 佢話o左今晚會打黎同我講~ 希望佢已經冇事啦~ 都唔知點解佢會咁黑o架~~ 快d過年, 等佢行番d好運就好啦~~ |
|
聽日水彩係最後一堂啦~ 我返到屋企, 收o左e-mail, 沖埋涼~~ 就開始做功課啦~ 哎呀~~畫得好唔掂呀~ 個影好似怪怪o地咁~ 不過...都唔驚o既~~ 叫阿sir執下~就掂哂~~哈哈~~ 22號係阿熙生日, 我同阿mon & 阿潘食完野就去揀禮物比佢啦~ 唉...揀禮物本身已經好煩~ 仲要係揀比阿熙~就仲煩~ anyway~~都揀好o左~ 成9個人夾~哈哈~~~ 好開心呀~~ ^_^ 大口仔出o左新野~ 係牛仔布質地o架~ 我買o左個散紙包~ 好似牛仔褲o既褲袋咁o架~ 好得意~~ |
|
找回很多舊的歌聽... 感覺...並不好. 因為又令我想起了很多東西. 我從沒有懷疑自己有多喜歡一樣東西. 可是, 那一下心痛的感覺, 就像從沒有離開過我. 唉... 是否又想得太多了? 我知...有人會因為我唔開心, 所以, 我要開心...^_^ 記得嗎? "你快樂, 所以我快樂" 這是你對我說的. |
|
心情好緊張~ 又有d頭痛... 好驚... 唔知點解~ |
|
昨日很累啊~ 傾完電話, 已經係點幾~ 跟住去洗個臉, 返到黎~ 阿哥又check 完mail~ 於是又上o左一陣網~ 不過我都唔知點解會上網, 因為上到去, 都冇人o既~v_v 今朝, 12點就起o左身, 食完野, 搞搞下... 無無聊聊點幾先開始做工筆畫o既功課~ 唉...我畫o左9張呀~ 但係...我都唔滿意~ 算啦~~ 有得交比佢咪算囉~ 佢都冇教過野, 我o地做o左比佢, 佢就唔好咁多野講~ |
|
昨晚又玩到兩點幾, 好累呀~ 累到我今朝唔知醒, 好彩有人打電話比我o者~ 唔係就實訓到過哂鐘~v_v 今日d時間, 過得都好快~ 可能買野買得開心啦~ 其實, 今日最想買o既野, 就係聖誕樹~ 陪阿wing 睇o個時, 我都想買呀~ 真係好靚好靚~^_^ 如果可以買返屋企就好啦~~ 仲有, 細佬叫我幫佢手...做古惑野~ 哈哈~~雖然好似唔係幾好... 不過, o個個係唯一o既方法令佢快d搵到工~ 唉...真係想佢會搵到份好d o既工囉~ 所以, 我一定會幫佢o既~~ ^_^ |
|
傾完電話, 有少少唔開心tim...v_v 因為我講o左好多野... 好似令人覺得好不安咁... sorry呀~ |
|
只想你到最後, 心中會內疚, 還後悔付出的愛不夠... |
|
流星雨又再次出現, 很想去看啊~ 可是看到的機會又不大...>_<" |
|
痛苦之中, 也有快樂... |
|
原來, 很愛很愛的感覺, 是要在一起經歷了許多事情之後才會發現的. |
|
昨晚玩到成3點~ 真係唔講得笑~~~ 照舊係同阿楠and立仔玩~ 不過...依然都係我輸~~ 有冇搞錯~~~?! 冇人讓下我o既~~v_v 朝早一起身, 就傾o左一個幾開心o既電話~ 之後, 就做功課啦~~ 哈哈~~~三點幾就做好~ 我自己都覺得幾滿意~ ^_^ 有咩好得過令自己開開心心丫?? 仲有, 昨晚好似同阿玲o係icq傾o左幾句野~~ 哈哈~見到佢同佢女朋友幾好~~真係開心啦~~ |
|
看了"永不永不說再見"的前幾頁... 發現到, 有一篇"我心自有明月", 很適合某人看~ 我想你...或許會看到... 有些人會用一生去守候一個人. 於是, 有人問"你用一生去守候一個人, 也無非是希望他最終會選擇你吧? 如果沒有終成眷屬的盼望, 又怎會用青春去守候?" 他錯了. 守候的本身, 便是愛情, 不需要任何的結果. 終成眷屬, 當然最好. 成不了眷屬, 也無悔一生的守候. 守候, 是對愛情的奉獻. 我願意為你守候, 不管你將來會不會離我而去. 真心的守候, 不需要"守得雲開". 看不到天際的明月, 那又有什麼關係? 我心自有明月. 我們將以另一種形式長相廝守. 你說"你不要等我." 我等你, 是我自己的事. 守候的日子, 是很難挨的. 但你給我的快樂, 遠遠勝過那些痛苦和孤單的歲月. 守候的甜蜜, 是你不會了解的. 所以, 你說"你太傻了." 我不傻. 當你不愛我, 我不會守候. 我永遠不會守候一段已經消逝了的愛情. 是你的愛讓我守候到如今, 一切塵世的喜樂皆比不上. 守候, 既是奉獻, 也是收穫. |
|
夜晚飲茶~似乎唔係一件好事~ 因為飲o左真係好精神~ 所以搞到四周圍撩人同我玩~ 哈哈~~ 丫~~頭先諗好份書刊設計點做, 咩都準備好哂~ 但問題, 無啦啦出現o左... 究竟, 我個方法係咪真係work o既呢?? |
|
好似有好多功課做... 但係又唔多想做... 點算...? 心散o左... |
|
昨晚開始, 愛上o左玩igame~~ 玩到都唔想訓咁滯~~ 有誌傑啦~ 阿楠呀~仲有立仔陪我玩~~ 成班都係大一書友仔~~ 齊齊鋤大dee~~ 好玩呀~~ o'.'o 想玩o既~ 去www.gameeast.com啦~ 我叫tobeyz... 我唔怕輸, 只係驚你唔夠膽贏~~ |
|
冇同細佬傾幾日, 好多野, 又發生o左... 例如, 佢已經又拍番拖咁... 哈哈~~真係快啦~ 不過...我都唔弱.... |
|
因為愛你, 我才知道人生有許多無法滿足的事. |
|
為了把心愛的人留在身邊, 我們都用了最殘忍的方法... |
|
今日同阿wing食完飯~走o左去買書睇~ 我買o左兩本張小嫻~ 一本叫"永不永不說再見", 另一本係"是誰拿走了那一雙雪靴"... 哈哈~ 我夜晚又可以睇番書~ 唔洗成日都玩~ 終於~ 都拎o左d 野寄比阿聰~~安樂哂~~yeah~ |
|
終於, 今日都的起心肝, 搞掂好寄比阿聰o既野~ 聽日一定要拎去寄~ 如果唔係~ 我會好對佢唔住~~ |
|
細佬有幾日冇搵過我...昨晚終於打黎~ 不過我同緊一個重要o既人傾計, 所以叫佢今日再搵我... 突然之間, 發生好多事... 我o既感覺好亂, 亦都好驚... 唉...太擔心Apple啦... |
|
靜 |
|
今日收到一個不好的消息... Apple...你要振作! 我o地一班朋友都會o係你身邊支持你o架~ |
|
今日係濤濤~ OTTO 生日, 生日快樂~ 返到黎, 想見我o既話, 就打電話比我啦~ 知唔知?? 自我有思想開始~ 我就知道自己係一個愛恨分明的人~ 今日lunch, 食o左d肉味好重o既野~ 搭車返屋企o個時, 好想嘔呀~ v_v 跟住返到黎上網, 棠棠講o左一d說話, 令我好唔開心~ 唔知係咪近來差o左, 所以比人o既印象都唔係幾好~ 搞到人o地以為我好壞... 唉... 我都知自己唔好~ 但都唔洗諗得我咁差呀嘛~ 好侮辱我o者~ 不過都係算啦~ 我知佢冇心o既~ 跟住, 本來心情都幾好~點知~ 突然受到打擊~ 好無奈~ 唔知可以講d咩~ 開心o左兩晚, 倒頭來, 又搞到咁... 算~~~ 咩都唔理啦~~ 如果可以o既話, 我希望你呃我... 一個美麗故事的開始, 為什麼要有一個悲傷的結局呢? |
|
哎呀~~好開心呀~ 阿聰send o左個offline message 黎~ 問我係咪真係好想要好大枝o個d 火柴喎~~ 哈哈~~咁梗係想要啦~~~ 我今年冬天都睇怕係靠佢過得溫溫暖暖o架咋~~ 阿wing提起...天氣咁凍, 好自然會諗番起d野~ 唉...係就係有諗...不過我想控制自己唔好諗咁多~ 費事成日令自己咁傷心啦... 同埋, 我知...有個人都唔想見到我咁... |
|
過o左一晚, 天氣凍o左好多呀~ 尋晚半夜, 玩玩下都知道自己有d凍親, 結果, 今朝就中o左招...有少少傷風啦~~ v_v 近來我好似有d怪怪o地, 成日都睇notting hill~ 我昨晚臨訓之前又睇o左d~ 今朝起身又睇~ 哈哈~ 唔知自己搞乜鬼~ 九成傻o左... |
|
今晚其實幾開心~ 出面雖然下著大雨... 可是卻少有地沒有影響我的心情~ 點解心情咁好... 哈哈~~ 唔知呢~ 可能係因為.... 你o地自己估下啦~~ ^_^ |
|
好想能守候在你的身旁 你溫柔的眼光 阻擋著憂傷 好想能停泊在你的海港 讓船兒一直停放 永不再出航 我在每一個淒黑夜晚 獨自憂傷 害怕這思念丫無法偽裝 我在每一個破曉黎明等待著天亮 等待你給我 不滅的火光 心裡有話想說 心裡的痛你懂 有太多太多的情感 覆水難收 心裡有話想說 心裡的痛你懂 我不願埋怨的淚水已經沒有盡頭... |
|
也許註定要為你孤單 當你流著眼淚說今生無緣 當你越走越遠 思念卻越陷越深 這一生 為情所困 只為當初你的心太真 這一生 痴痴戀戀 只為一個無法實現的諾言... |
|
今晚又同阿jimmy傾o左半個鐘~ 真係好搞笑~ 我收o左佢做徒弟, 教佢講中文~~ ^_^ 其實我係一個冇咩理智o既人, 睇我對阿match就知啦~ 感情, 究竟係咪真係可靠, 我真係唔知...v_v 一個曾經令我好深刻o既人, 我幾時先可以忘記? 唉...好想好想好想見到佢穿起畢業袍個樣呀......... |
|
今日同apple行o左一陣街, 都傾o左幾多野~ 講o左好多大家o既感情事... 基本上, 今日真係想偷偷地去科大, apple都話陪我去~ 不過...我真係唔敢~ 但個心, 好想...好想...好想...去呀~ 返到黎~ 見到阿match, 佢好快就已經影完相返黎~ 都同佢傾o左幾句~ 哈哈~~ 開心~開心~ 嘩~~昨晚好夜先訓, 打e-mail打到成3點~ 好耐都未試過打咁長o既e-mail啦~ 利害呀~~~ |
|
識o左個叫kirin o既人, 都幾好傾~ 幾得意~ 一個好女仔o既男仔, 搞笑~~ 哈哈~~~ |
|
阿哥又話唔洗拎番部機落去啦喎~ 因為應該係條ram o既問題~ 希望今晚醒醒目目setup好啦~~^_^ |
|
昨晚阿哥又從新幫我set up 多次部電腦, 結果都係唔得...唉...好慘~ 睇黎要將部機拎返番去買o個度...v_v 昨晚冇咩野做, 用阿哥部notebook上網~ o係icq white page 度search o左d 大一o既人~ 結果~~竟然比我search到我讀o個班o既三寶其中一個~ 哈哈~ 我冇認到我係tobey媽媽呀~ 等佢估下先~~ 今日send message比阿match, 問佢電腦d野~ 可惜, 個問題我都唔係好知出o係邊度, 所以問o左兩句, 都已經唔識問~ 唉...就係咁...就錯過o左個機會...-_-" |
|
前晚同細佬講起Ashley, 跟住昨晚決定寫一封信比佢~ 心情冇咩特別, 亦冇咩特別野寫... 都是說說近況... 寫完之後, 我拎o左張紫色信紙出黎... 想寫一封比阿match, 結果, 我冇寫到... 臨去訓o個時, 我見到書架的一個粉藍色file, 於是就挑起我拎出來看的心癮... file入面, 放著寫給阿match的信的影印本... 唉...好冇用咁... 又喊...... 其實我o係朋友面前, 好少表現得咁軟弱, 只有因為阿match, 我先會咁... 身邊太多阿match的東西了, 每一樣野都可以令我聯想到佢. 再咁落去, 我真係好怕自己會...... |
|
頭先, 昨晚打過黎o既西人, 佢又打黎... 因為我食緊飯, 所以都係傾o左一陣就收線... 而佢, 又係好似昨晚咁, 講番佢點解會打我屋企電話. 原來係一張電話card o既問題~ 我話我真係幫佢唔到...冇佢要搵o既人... 到最尾, 佢話佢今日再打黎... 係因為悶喎~ 我個腦, 即刻有一個大問號... 佢悶又關我事'?' 好自然, 會有d 防範, 如果佢再打黎... 我都唔知再唔再好客氣同佢講好?? 唔好咁老套, 玩野啦~ |
|
我想買火柴, 有冇人知道邊度有得買? 我要好大枝o個d, 即係人o地外國人用黎點火爐o個d~ 如果知道~ 記得話我知~ 我會好感激你o架~~ |
|
細佬問我, 如果要我o係貓貓同阿Match o既野之間作出捨棄, 我會揀掉邊樣? 我話, 我寧願揀掉o左貓貓, 都唔願意掉阿Match o既野~ 佢實際o係我手上o既野已經不多了, 如果掉了, 簡直要了我的命. 唉...似乎, 今日又諗得太多, 夠啦~夠啦~ 唔好再諗啦... |
|
如果死的時候, 要揀一些東西陪葬, 我想我會揀... 1. 我的日記. 2. 阿Match的三封信. 3. 一隻bb鞋.(上面簽有我最好三個朋友的名字~) 4. 一個樽. 5. 一包紙巾. 只係呢5樣野, 就夠啦~ |
|
我有三封很珍惜的信, 放在一個盒子裡. 剛才打開了盒子, 再次細閱這三封信. 第一封信, 入面有一粒紙摺的星星, 是紫色的. 原來一開始, 你已經帶給我紫色的心情. 已經不記得第一封寫給你的信內容寫了什麼, 但知道當你收到的心情, 是喜悅的. 台頭的稱呼, 是"親愛的杜比小姐"... 第二封是"Dear 妍"; 第三封是"Tobey". 日期分別是16/6/99, 27/6/99 和 6/8/99. 之後, 都沒有收過信. 時間很快, 已經年多了. 你還會記得嗎? |
|
睇o左"子貓物語", 原來唔止貓貓得意~ 連狗仔都好得意o架~ ^_^ 記得以前細個睇, 好似覺得感動d~ 唔知係咪宜家大o左, 所以只係會覺得"得意", 但就冇咩話感動囉~ 哈哈~ 我抱住貓貓一齊睇o架~ 入面o既阿Dee同貓貓都一樣咁得意~~ |
|
昨晚半夜醒o左, 好驚呀~ 因為諗番起驅魔人o個個女仔~ v_v 本來日光日白就唔驚, 但估唔到半夜黑"麻麻"...真係好恐怖o架~ 今日係阿Match o既畢業典禮...唉... 有諗過偷偷地去科大, 不過咁做, 都冇意思啦~ 我想見佢o者~ 又唔係佢想見我. 昨晚同細佬傾電話, 平時佢成日都話我冇腦. 本來我都會反駁佢, 但由尋晚開始, 我又真係發覺自己冇咩腦. 聽佢講完, 簡報係白痴tim. 都拍o左好幾次拖, 原來我o既戀愛智商只係停留o係好細路女o既階段. 諗起黎, 自己都會笑自己. 我真係唔知我會幾時先醒, 或者一直都係我唔比自己醒. 時間可以沖淡一切?? 真係可以?? |
|
今日買o左"子貓物語" o既vcd~ 想買o左好耐o架啦~~ 貓貓~~得意~~~~~~~~~~~~~o'.'o 總有一d野, 可以令我開心o既~~ |
|
差不多九點, 有一個西人打黎我屋企~ 電話係岩~ 不過佢似乎都係打錯~ 但係我都同佢傾o左一陣~ 佢o係個差唔多十分鐘入面, 問o左我叫咩名, 幾歲...等等o既問題` 好奇怪~ 不過都幾搞笑~ 因為佢又識識o地講中文, 當然, 我以我有限o既英文~ 都應付到o既~ 聽完之後, 我都係傻笑, "r"哂頭~ 唔係幾明點解佢問我野, 我要答佢囉~ 哈哈~~~邪惡~ -_-" |
|
找一千種藉口 卻未能說服你 其實你與我世界之間 有著 不多不少的阻隔 縱使 得不到好結果卻仍然靠近我 其實你已對我太不錯 這夜我卻勸你離開我 我帶著你 是我的錯 我會令你 徬徨無助 由從前早早知道這傷感結果 我太任性 按我高興 偶爾遇上 無從平靜 由從前相戀一剎早知這結果 縱使深深愛過 當相戀感覺此際仍然最完美 寧願你腦裡永遠想起 我亦不想他朝燒傷你 這刻即使分開了心內仍然愛著你 無論老了你再美不美 我在暗裡永遠留戀你 由從前相戀一剎早知分手結果 縱使深深愛過 |
|
眼睛看不清楚東西... 你在面前~ 我不懂珍惜. 你走了...才知自己任性~ |
|
前一排, 我每晚都寫一封信比阿Match, 買了很多紫色的信紙, 亦買了很多紫色的大畫紙來摺信封~ 現在沒有寫了, 遺留下來的信紙信封, 見到了, 心裡總是不開心... 掉了它? 不~ 因為我仍相信我有再寫信給他的機會. 21號, 我會轉用one2free的台, 不是刻意的, 但...阿Match也是用one2free... 可以send message 給他~ 可是, 他有沒有轉電話, 我也不知道啊~ 電話號碼, 我很少記在腦裡, 但他的電話, 我沒有忘記~ 每次按了電話號碼, 還沒有接通的時候, 我已經cut了線~ 不敢聽下去~ 怕聽到他的聲音, 不知道應該說什麼了~ 我...真係好冇用... |
|
今天一直下著雨, 心情不好了, 又唔舒服, 好唔開心...v_v 講番d輕鬆o既野先~ 就係大家千祈唔好去睇"驅魔人", 悶到嘔~ 開始睇o個時, 完全唔知自己係睇緊, 仲以為入錯戲院~ 係就係有少少核突...不過連我咁細膽, 都唔係幾覺好恐怖o既話, 咁你話啦~ 恐怖極都有限~ 昨晚, 我又執筆寫番日記, 寫o左o係本新買o既notebook度~ 呢本野~係集上堂筆記同日記於一身o既~ 入面寫o左少少個人資料...仲有, 寫o左阿Match o既資料~ print o左其中佢o既一張相出黎貼上去~ 基本上, 我咁做, 似乎會更加令自己唔開心~ 唉...但係都已經做o左...算啦~ 唔知大家黎呢度睇我o既日記, 係抱住咩心態呢? 係因為八卦, 定係真係想了解我多d? 今日, 我諗會因為一本日記, 我會得到多一個可以傾心事o既朋友~ 呢個人就係Apple啦~ 由今日上堂比佢睇我o既日記o個刻開始~ 我諗, 我會同佢有更多計傾~ 其實我一d都唔介意Apple會知道我的事~ 反而會好開心, 樂意同佢分享~ 佢今日食lunch o個時, 好似真係睇穿o左我咁~ 我o個一刻, 真係諗緊阿Match~ Apple同我講"好啦~ Tobey, 夠啦~ 唔好諗啦~" o係o個時, 我其實會覺得幾warm... 之後睇完戲, 大家都各散東西~ 因為落雨, 我冇開傘, 咁我一直咁行~ 以為冇人同我同路~ 後尾, 行行下, 有人傘我~ 係阿Mon黎o既~ 佢講o左一句"係咪突然覺得好浪漫呢, 有人傘你~~" 唉...當時, 我真係諗, 如果係阿Match, 會係幾好o既一件事呢~ 返屋企, 落車o個時, 好大雨, 我已經不斷咁避...但係有一個人正面成把傘撞o左我個頭一下~ 好痛好痛~ o個時真係好想喊... 但開門返屋企, 見到mummy, 又要扮冇事~ 真係辛苦~ 究竟有邊個明白我o既心情? |
|
如果宜家我會死, 要我寫遺書, 我諗, 我會寫5封~ 一封比daddy mummy, 一封阿哥, 一封Athena, 一封細佬~ 一封比阿match~ 其實好早已經有咁o既諗法... 因為人真係好難講~ 分分鐘聽日行出街就死o左~ 所以我唔想咩都冇講低就死~ 如果寫o左遺書, 袋住o係袋...應該會幾好~ 哈哈~ 不過大吉利是咩~ 搞d咁o既野~ 實嚇死人~ 我冇野o架~ 唔好以為我有事~ 我只係冇野做, 又發神經亂諗野咋~ |
|
唔知大家都有冇諗過死呢? 有冇合上眼感受死o個一刻o既感覺? 我近排試過合埋眼去諗... 自己身處o係"豐澤樓"20樓跳落去... 我只係去過o個度一次~ 但係我仲記得o個度o既格式... 感覺應該會幾痛快... 死o係o個度, 至少能令佢一世都記得我... 不過, 我其實唔想佢呢世都記得我係by this way... 當然, 我同細佬講o個陣~ 比人話我傻o架啦~ 哈哈~ 都係諗下o者~ 我唔會死住o既~ |
|
我其實幾鐘意人o地送我返屋企~ 我記得有人同我講過... "洗唔洗送你返屋企呀?" "um...最好啦!" "但係我有野做喎..." "咁呀..." "下次先送你啦..." 我一直都等緊o個個"下次"... 唉...不過應該冇機會o架啦~ 之唔係...又係o個個人囉~ |
|
近來發現自己好大洗~ 所以我o地諗過...要開始進行我o地o既節衣縮食計劃~ 哈哈~ 點知...話口未完~ 同apple諗住返屋企, 行去車站o個陣` 我o地兩個又買o左件褸同衫~ 你話死未?? 之前又交o左電話費, 又買o左新o既art用具~ 唉...又所剩無幾~~ 不過船到橋頭自然直~ 冇錢o個時, 自自然然d錢就會走出黎~ 我就應該唔洗驚冇錢洗o既~ (咁講~ 細佬又實話我"洗腳唔抹腳"...哈哈~~~) |
|
前幾日同媽咪去supermarket, 已經見到有d聖誕o既裝飾買啦~ 已經好幾年冇o係屋企整過聖誕裝飾啦~ 記得以前都有放聖誕樹~ 開開心心咁將d小吊飾掛上去~ 往日, 聖誕節是普天同慶的日子~ 但今年, 聖誕節對我來說, 是一個傷感的日子~ 上一年, 希望可以跟情人渡過~ 到最後, 沒有了~ 今年, 自己放棄了機會, 破壞了機會~ 唉...節日, 反而更加添我的傷痛... 心痛... |
|
終於都係忍唔住用阿哥o既notebook黎上網~ 去check下e-mail~ 冇咩特別o既mail~ 有d失望tim~ 跟住開埋icq, 阿match果然冇accept我o既request~ 唉~~算啦~ 既然都預o左~ 咁我不如用平常心黎對待啦~ 星期二去睇驅魔人呀~ 好驚~ 細佬話:"你夠膽睇咩?" 咁...佢又講得岩~ 我唔係幾夠膽睇o架~ 不過咁多人一齊睇` 應該...冇咁驚o掛~~-_-" |
|
和你每一刻的戀火 記憶於心窩 或許他朝可美麗過 仍懷念你 別了今天 好好的過... |
|
都已經兩晚冇上過網~ 似乎, 又冇咩唔慣o既~ 咁係咪即係話, 我以後都可以上少d呢? 我連e-mail都冇check呀~ 希望冇咩緊要野啦~ |
|
昨晚同細佬傾計, 傾到成四點~ 嘩~但係我都唔係好眼訓喎~ 可能已經過o左訓覺時間, 所以就越傾越精神啦~ 今朝十一點幾, 就比阿哥叫醒~ 話整電腦喎~ 但係裝裝下~隻windows2000有問題~ 咁諗住搵隻windows98出黎啦~ 又搵唔到~ 再諗住搵隻windows NT 出黎~ 點知又係冇~ 到最尾, 都搵到隻98出黎~ 不過似乎又係有d問題囉~ 到o左現在都未搞掂~(宜家係6:17pm~) 基本上, 電腦d setup~ 都係我阿哥搞~ 所以下午o個時, 周公冇啦啦急call我~ 於是我又去o左訓覺啦~ 斷斷續續咁訓~ 但係...我都有發夢... 唔知點解, 我呢排都成日發d奇怪o既夢~ 記得以前讀中學, 好傻咁同Teresa傾計... 我問佢, 如果你鐘意o左一個男仔, 我又鐘意o個個男仔~ 咁點?? 佢答"我會退出, 咁你呢?" 我答"我都會退出..." 宜家諗番起, 我會得啖笑~ 因為根本愛情冇得你讓我, 我讓你~ 之但係, o係我心目中, 如果一個同我識o左咁耐o既人, 同埋一個我鐘意o既人... 我諗我會揀友誼囉~ 因為情人可能隨時會冇o左~ 但係朋友, 就一定唔會因為o個d所謂性格不合而冇o左~ 朋友, 可以互相遷就, 接受對方的缺點~ 雖然情侶唔係唔得~ 不過愛情係美麗o既, 可能因為一個缺點就會影響o左感情都未定. 丫~~講咁大堆野, 究竟又關我個夢咩事呢?? 哈哈~ 你o地估下啦~ 不過好彩唔係發生o係身邊o既o者~ 呢個人係遙不可及o既~ 同埋, 我都唔想發生~ ^_^ 感情...真係有又煩~ 冇又煩~ 想死呀...... |
|
想...繼續...想起你~ 不想一個人~ 想...繼續...想起你~ 你住在我心~ |
|
今朝起身o個時, 我記得發o左一個夢, 呢個夢, 我知道自己尋晚發o左兩次~ 係一個好夢黎o既~ 但係, 我就有d驚囉~ 因為又係一d我冇諗過會發生o既野~ (都唔係完全冇諗過o既, 只係覺得冇可能發生o者~) 一個對我黎講, 算係幾了解我o既人~ 關係好似唔多尋常~ um...唔知點講~ 總之搞笑~ 其實前一排, 都有因為過佢而唔開心~ 聽o左一樣野之後, 心...一直向下沉.... 當然o個時我扮冇事啦~ 但其實係介意o既~ o個一刻o既感覺, 係呃唔到自己~ 算啦~ 都係唔好諗啦~ 宜家都成兩點lu~ 應該要好好休息~ o~~~係喎~細佬話打黎~ 咁等埋佢同佢傾埋先訓啦~ goood night~~ |
|
丫~ 仲有一樣野未講~ 就係昨晚我部新電腦已經宣佈死亡~ 最衰都係個icq, 搞到比我玩o左一晚就死o左~ 好慘呀~ 要從新setup過哂d野~ 唉...呢樣都唔係最慘~ 最慘係...我竟然唔記得o左icq #86888894 o既password~ 死未? 個號碼咁靚, 我都唔記得~ 有冇搞錯~ 我用黎用去都係o個幾個password~ 唔知我o個排開o個時, 係咪手痕, 用o左某一個人o既英文名黎入呢~? 但係有機會o既名, 都比我試o左啦喎~ 仲有邊個呢?? 哎呀~~諗唔到呀~~ 點算?? |
|
今日係阿潘生日, 生日快樂~ 我o地成班人入o左咖哩屋企打麻雀同打機~ 之後就去o左打邊爐~ 食到好飽呀~~ 由朝食到晚...唔肥都幾難~ 今日搭車入咖哩屋企o個時, apple講o左一句野~ 好好笑o架~ 呢句野...仲係用黎笑阿wing~~~ 就係"吃不到的豬肉是肥的~" 呢句野~ 係"吃不到的葡萄是酸的"變種出來o既~ 哈哈~~ 阿wing咁大方, 你唔好嬲o架呵~ 我話o左會寫o係日記度, 真係冇呃你o架~ 今晚打邊爐o個時, 叫o左碟棠"o"菜食~ 我o地就冇人食~ 個個食o左一啖就吐番出黎~ 結果咖哩食哂成碟, 仲要比我o地猛寸佢~ 成日都好開心~~雖然搭車返黎o個陣都係有諗o左d野... |
|
棠棠似乎想當咩事都冇發生... 算啦~ 咁都好o既~ 我其實都應該要安於現狀~ 因為我同我自己講過~ 有新電腦用~ 我就要正式迫自己學好d software... 阿哥叫我學埋3D Max喎~ 希望我學得黎啦~ |
|
唉~ 我話o左唔會add番阿match, 結果... 我都係send o左request... 咩心態? 我自己都唔知~ v_v 佢公司用o個個a/c, 有accept 到我request, 但唔知屋企o個個~ 佢會唔會accept 呢?! |
|
昨晚搞部電腦搞到好夜呀~ 只係等dl icq 都dl o左好耐~ 之後dl完~ install o個時又唔知做咩野停o左o係度咁~ 我等到兩點幾, 把幾火, 唔等~ 走o左去訓, 留番今朝先算~ 十一點幾起身, 開始對住部電腦~ dl番我需要用o既野~ 例如get right~netscape同埋winamp咁~ 但係部衰野, 佢竟然成日都hang機~ 可能我仲未用慣啦~ windows2000果然係煩d~ 而icq又係咁, 2000b, 好似好多冇謂野... 要黎都冇用~ 都係以前99b好用d~ 最衰...都睇怕係ie o架啦~ 因為我不嬲都係用netscape~ 比佢搞到我頭都暈埋, 無啦啦又彈個唔知咩畫面出黎~ 嚇鬼死我~ 由於電腦o既野~ 我真係唔多識~ 樣樣都好似係亂撞番黎~ 所以, 今晚阿哥返黎, 睇怕又實比佢話我搞到亂哂~ 加上仲有一句, 佢實問我識唔識字~ 死未~~v_v 好彩o既係, 我部機衰, 係我o既事~ 如果唔係, 我就大件事lu~ 一人一部電腦, 就係有d咁o既好處啦~ 哈哈~~ |
|
今日都幾凍下~ 朝早都唔係幾願起身~ 昨晚阿亮打黎~ (哈哈~佢都知衰啦~ 上次敷衍完我, 昨晚先敢再打黎~) 話佢今日早機去北京幾日喎~ 傾o左一陣就收線~ 到o左今朝, 佢又打黎, 不過我未起身, 冇聽到, 直到我起o左身, 出門口o個時, 先覆番佢~ 好順口講o左句, 叫佢返黎搵我~ 放o左學, 食完飯~ 同apple揀禮物比阿潘~ 睇o左一陣, 好快就決定好買銀包同埋火機比佢~ 而我同apple, 去到旺角o個時, 竟然唔識路~ 結果我打比細佬叫救命~ 真係唔掂啦~~v_v 行o左咁耐旺角都唔識路, 自己都要暗嘆一句"有冇搞錯"~ 之後搵到我o地o既目的地"先達", 我就入o左兩隻歌~ 一隻係"至少還有你", 一隻係"祝君好"... 兩隻都好好聽~~ 再之後, 我又買o左對converes鞋仔~ 同apple o既收穫都算幾豐富~ 真係開心啦~ 咋一聲, 今朝拎o左一千蚊出黎~ 返到黎, 好似剩番二百幾~ 洗錢真係快~ 不過又唔見我搵錢可以搵得咁快喎~v_v 哈哈~~ 仲有, 我做o左個乖女, 買o左個銀包比媽咪~ 又唔係貴~ 買少少野就tum到佢, 何樂而不為呢~ 而且, 近來daddy mummy都買o左好多野比我~ 我要再乖d先得~~ |
|
我喜歡幻想, 似乎不是一件好事. 做事變得毫不實際~ 唉...咁樣唔得o架喎~v_v 我可以想像到你穿起畢業袍的樣子. 想像你的笑容~ 想像自己在分享你的喜悅. 但這一切, 都不是真的. 我渴望成為事實的, 總不能實現. 其實, 我仲可以點??? 有冇人可以答到我`? |
|
O~ 阿哥話聽日有機拎啦喎~ 希望今次係真o架啦~ 睇黎~ 十一月o既開始, 真係一個好開始~ |
|
哈哈~~新一個月, 新開始, 有新野用~ 真係開心啦~ 今日出o左部nokia 3310, 估唔到Daddy無啦啦叫我去睇電話買比我喎~ 等我先頭仲諗住自己出tim~ 宜家就好啦~ 佢買比我, 我可以慳番d錢洗o係第二度or草埋佢~ 不過就...要成21號先用得~ 但係機就已經拎o左返黎, 於是我就o係咁入電話~ 入到手都軟埋~ 個電話號碼都係用番之前再之前o個個~ 而之前o個個, 我都仲會用~ 哈哈~係咪唔明呢? 咁如果你係我d friend, 我當然會令到你明啦~ 如果唔係, 你知黎都冇用~ ^_^ |