|
Die implementering van
Uitkomsgebaseerde Onderwys in skole open 'n nuwe geleentheid vir
jeugorganisasies soos die VCSV en kerke om direkte diens aan skole te
lewer. Een van die leerareas wat nou verpligtend vir skole is, is
Lewensorientering. Daarom het die VCSV onder leiding van Dr Vic Brink
(VCSV Uitvoerende hoof) saamgespan met verteenwoordigers van ander
jeugorganisasies en kerke om in vennootskap leerprogramme te
ontwikkel en dan so wyd as moontlik bekend te stel aan skole in Suid-Afrika.
Die kurrikulum en leerprogramme word
tans ontwikkel en behoort graad 4 en 8 alreeds gereed te wees teen
Julie van die jaar. Tesame met die programpakkette wat die
materiaal dek word ook hard gewerk om geskikte
lewensorienteringsentrums op te rig oor die land waar leerders die
geleentheid het om deur spesiale en behoeftegerigte metodes te leer.
Die VCSV se werksaamhede sal daarom
in die toekoms op vier vlakke sigbaar wees, naamlik vlak 1:
werksaamhede by takke, uitreike, feeste, graad 7 kampe,ens
Vlak 2: Lewnensorienteringmateriaal
vir skole
Vlak 3: Lewensorienteringsentrums
waar leerders deur ervaring kan leer
Vlak 4: Leierskapontwikkeling
Met dank kan die Vrystaat nou berig
dat die plaas Langesnek in die Moolmanshoekvallei in die distrik
Ficksburg deur die eienaar Willie Nel beskikbaar gestel en
opgegradeer is om sodoende die leerders in die Vrystaat die
geleenthede te bied in vlakke 3 en 4.
Vyf naweke is geidentifiseer waarvan
die eerste reeds 5 tot 6 Mei is om die lewensorienteringsentrum met
sy fasilitiete bekend te stel aan skoolhoofde van die Vrystaat.
Datums is reeds beskikbaar vir die aanbied van die programme vanaf
die derde kwartaal.
Die projekleier vir die projek is
Jacques Mouton (tel: 083-653-2421) vir enige vrae rakende die
ontwikkeling en lewensorientering. Mnr Gert Heyns ( tel: 083-384-1226)
is die koordineerder ten opsigte van die skoolhoofde naweke. Jackie
Blignaut (tel : 082-373-6091) is die kontakpersoon rakende kampdatums
vir : lewensorientering, leerlingraad/kringleier
leierskapontwikkeling, ens. Natuurlik kan hy ook vir die skool
behulpsaam wees met die reel van 'n lekker wegbreeknaweek vir 'n groep.
Ons sien uit daarna om u op Langesnek
te ontvang.
Berig deur Jacques Mouton
|
wat
saak maak in die Vrystaat
0