| За часам панаваньня Стэфана Баторага, у 1579 року, па Вялікакняскім прывілею была адчынена Віленская акадэмія, пераўтвораная зь езуіцкага калегіюму. Першапачаткова акадэміяй апекавалі, зразумела, віленскія езуіты, а першым яе рэктарам стаў вядомы рэлігійны дзеяч, прамоўца й палеміст, гарачы прыхільнік царкоўнае уніі Пётра Скарга. Акадэмія стала цэнтрам навуковае дзейнасьці Вялікага Княства Літоўскага й Усходняе Эўропы. Са сьценаў Віленскага ўнівэрсытэту выйшла вялікая колькасьць слынных дзеячоў палітыкі, навукі й культуры Літвы. |
