泰國第四遊

{泰國第四遊}

我又出發啦, 兩年內第三次去泰國呢個可愛的國家.

今次, 我去布吉+曼谷(共九天). 曼谷就次次都去架啦, 加個未去過的布吉入行程, 增加新鮮感. 廢話少說, 講番旅行先.

<相機>

今次我同朋友帶了以下數碼相機+相機+攝錄機去影番夠本.

所以若果你見到某些圖片出現色彩上好假的情形, 絕對唔關本機試, 係我部scanner唔靚, 所以d色假o者. 敬請原諒啊下!


Minolta F100	Contax T3	Sony DCR-PC120E

<酒店>

酒店: Burasari Resort (Phuket)

1. 價錢合理的resort, bahts2200 /room/nite (junior suite)連每天早餐. (酒店分四種房間)

2. 酒店設施新淨, 簡約的泰式設計上俾人感覺好relax, 好有渡假feel.

3. 位置超方便, 位於holiday inn酒店隔離, patong beach上. 行出去大街就係patong beach同埋patong夜市.

4. 靜中帶旺, 唔好以為位於patong beach就會好嘈, 酒店位於patong beach的其中一條路入面, 條小路車不想多, 人也不多, 幾靚, 唔會嘈.

5. 唯一唔好嘛, 酒店唔會有太多設施. 始終自家作業, 唔係大集團, 冇咁多設備, 泳他係有, 但唔會太大, internet service我就唔覺有, 但在我立場呢d問題都唔係問題. 仲有, 個浴缸唔夠大, 哈...

想知多D, 未上呢個official web site睇下lor, http://www.burasari.com/index.asp

酒店: SC Sathorn Mansion (Bangkok)

1. 價錢合理, baths1500/room/nite (studio room)連每天早餐.

2. 係apartment, 即主力租俾一d長期留在曼谷的人住, 以月租為主, 當然我呢住幾日的佢地都無任歡迎.

3. 位置不算太方便, 位於sathorn soi 7上, 鄰近各國的領事館, 行出大路對面仲要係一棟的citibank大樓. 酒店對出大部份為高尚住宅, 而且有唔少house, 差d以為自己去了半山區.

4. 唔方便我都會揀, 係因為貪其靜. 真係好靜, 因為附近全部住宅, 酒店又以apartment形式, 唔會有太多旅遊人士住, 唔會we嘩鬼叫, o岩晒我呢d訓到十二點先起身出發玩的人.

5. 設施開始有點身殘舊了, 唔及我一年前去時新, 有點兒失望. 同埋入到房居然電視壞的, 主要係我一個月前已用email做booking, 唔應該未check清間房就俾我入住, 咁多時間俾你, 你都唔做到最好, 再一次失望.

<航機>

去泰國至愛坐佢架啦, 就係泰航lor!

由於自己慢人一步, book唔到直航機去布吉, 唯有要轉機, 浪費多兩個多小時lor. 機嘛, 我揀泰航, 一來穩鎮, 二來多航班, 三來佢做到我再飛去曼谷停留, 然後回港嘛. 價錢, 二千多蚊, 都係幫大行買咋嘛.

<兌換價>

由28/9/2003至6/10/2003的兌換價都冇乜點變, 都係HK$1 : Bahts5.01, 比我一年前去跌了不少, 一年前個兌換價係HK$1 : Bahts5.6架!

<所謂的紀念品>

每次旅行都會帶一堆單同埋咭片返來香港, 咁呢d有人可稱之謂垃圾, 但我就覺得有紀念價值! 俾大家開開眼界吧. >>>>>>

Remarks:

我今次係要渡假, 所以有好多野一早在香港用email做晒reservation. 例如食飯同local tour, 大家不彷一試, 一來可以confirm晒唔怕冇位, 二來唔使咁頻撲.

Reported On: November 2003