{泰國第四遊}

Day 8: 拜見胡兄^# (5 Oct 2003)

一早胡兄就打了個電話俾我, 嚇醒了呢! 原來佢收到我email知我來了泰國呢, 所以約出來大家聚聚. 知道泰國旅書的人, 都應該知呢胡兄係乜水啦, 不再多講.

講真, o個一刻真係有d呆, 唔係好知自己講左d乜, 只係話再約時間, 遲少少再打俾佢咁.

本來諗住見唔到, 因為佢約我地食晚飯, 但因為我地一早book了banyan tree的vertigo食飯, 所以冇法子, 唯有約食tea.

最後, 當然成功相約在會合啦. 行左過去對面的鋪頭一路飲蘋困茶一路傾偈呢. 在pp, 有好多香港人見到佢都會定晒眼咁望佢, 因為佢地手上本旅遊書分分鐘就係胡兄做封面嘛. 我仲見到胡兄同奧運旅行社老闆一齊呢.

一傾就傾左成兩個小時, 杯野都飲鬼晒得番d冰咋.

我嘛, 已經冇第一次見佢咁怕羞lor, 唔會好似小fans咁. 今次反而自然得多, 或許個心態有咁當佢係明星看待呱, 反而主公仲抱住佢係明星心態, 所以有d緊張呢.

呢d咁難得機會, 在異地見作者, 當然要影番幾幅相留念下啦!

夜晚威啦, 我地又去食好野, 去banyan tree的61樓露天頂層食飯啊. 嘩…要smart casual架. 上到去真係有少少興奮, 實在好開心, 望到一大片的曼谷夜境, 心情好舒服, 咩叫大地在我腳下未就係呢d lor! 望上天又見到月亮喎! 哈…仲有飛機呢.

諗起聽日個個要返工, 但自己仲o係bkk, 仲要咁relax嘆晚飯, 真係好鬼興奮.

野食都ok啦, 都唔係為食, 又係食景咋嘛. 但服務真的不錯, 大酒店係有番咁上下的服務態度. 走時仲送埋vertigo自家出品的朱古力俾我地.

又搞掂一日啦!

#胡兄, 泰國通是也, 不過佢好似唔多鐘意人咁叫佢. 所以我叫佢胡兄! 佢係專寫泰國旅遊書的作者, 我識呢個人都係因為了去泰國買了好多旅遊書而從此認識. 而我所知的泰國資料, 唔多唔少都係佢本書得番來的. 我仲好似小fans咁有年走去搵佢簽名呢! 想知佢係乜, 去佢個official網址, 對想去泰國的你, 都有好大的幫助!www.thailandfans.com

*想去vertigo食野, 真係要book位. 你唔book位冇問題, 我星期日八點去都見有位坐, 但你就唔使旨意可以坐到靠欄的位置. 你唔坐靠欄位, 咁點可以一路食一路睇住曼谷夜市呢?

*點book? 去banyantree個網頁(俾埋個link你架啦), 再send個email問佢d點reservation未得lor, 我都係咁咋嘛! 大酒店服務至上的, 唔使下下話要打長途booking架嘛! 科技發達啦!

Reported On: November 2003