{泰國第四遊}

Day 6: 休閒探秘遊 (3 Oct 2003)

今日可以話係無主題可言, 因為一切以休閒為主, 探秘為首.

1: 水門區

2: night bazaar

水門區我地可以話冇乜點去過, 去過只係附近的world trade centre. 所以今次去又有另一番味道. 呵...試新事物嘛, 未去過.

水門區是比較平民化的區域, 至少我自己係咁樣認為. 有好多local式的商場, 似香港的旺角或者似深圳的東門, 賣的東西都係偏向平同實用為主. 而且o係world trade的隔離仲開了一棟四層高的大型超市, big c.

big c係泰國人做老闆, 而有另外一間大型超市---LOTUS就係外國人做老闆的. 我去咁多次泰國, 都未去過一次LOTUS, 次次都係去big c. 或者因為big c比較方便, 多地方有, 唔使去咁遠.

水門區, 確實有點兒喜歡呢個區, 因為好地道, 比MBK更加地道, 呢度主要係一D批發衫的地方, 有好多小型商場, 沿途根本少見到旅客出現, 主要都係當地人, 有學生有妙齡少女有師奶有阿叔.

行下行下, 途中真係飲了唔少汔水, 真係好渴, 唔知點解, 或者我地不自知地用了唔少水份呱. 當然我呢d熱愛被影相份子唔會放過任何一個機會拍照留念. digital相機就係有呢種好處啦.

我地行到去一個商場, 我就開始好似尋寶咁周圍轉, 俾我搵到一間賣泰式衫同褲的鋪頭, 價錢仲好平呢. 嘻…買了兩件麻質的長袖衫, 都係bahts70一件咋嘛! 呵…o係香港我諗起碼要賣hk$100啊!

跟住又走左去當地的大型電腦場, 即係黃金, 298 o個d啊. 真係好大下, 不過價錢點都唔及香港平, 呢d野香港不嬲都係平霸. 行到累又走左去場內的鋪頭食丸丸, 不過o個度d人真係唔多識聽英文, 唯有使用身體語言, 有用指就算.

夜晚就走左去食法國餐, umum….環境確實幾高級, 因為在酒店地下的. 我地兩條友仲短褲入去呢…不過冇緊要啦, 間野係香港人做老闆的, 我諗佢都知會比較多旅客來試.

講真, 食的食物份量好少下, 不過我地又唔肚餓, 所以冇問題的. 情調嘛, 真係唔錯, 用來溝女一定掂啦. 唔係咩叫法國大餐多舊魚啊! 食物方面唔錯, 幾好食都, 起碼易入口過bed super club的fusion菜. 實際得多! 就係咁, 我地呢對情侶就係不停傾偈之下, 食左成兩個小時. 都話法國餐o岩晒溝女架啦.

時間尚早, 可以就決定跟schedule去nite bazaar,雖然主公佢有d眼訓同腳累,又飲了d酒. 但我決定了要去, 點都死撐落去架啦! 免得煩, 唔想下下求的士佬載咁, 都係走出街坐tuktuk走人. 架tuktuk快佢啊, 飛車似的.

nite bazaar真係同一年前變了唔少, 起碼個露天live band場已經變了有蓋式, 場邊仲多了唔少專賣啤酒店鋪頭. 賣精品同衫的鋪頭依舊冇乜特色, 但點都俾我地搵到一間賣手繩頸鍊的鋪頭, 主公入了唔少手繩呢, 我都買了幾修頸鍊. 嘻…老闆仲自己主動減價, 我好易騙架咋, 你表面上對我好我未信lor, 哈…不過佢d野根本都唔貴, 仲幾合理下, 所以冇理咁多.

Reported On: November 2003