{泰國第四遊}

Day 3: Phuket>BKK (30 Sep 2003)

又坐內陸機飛番去曼谷, 落機在domestic terminal那邊, 所以搵唔到bkk的map, international terminal那邊的bkk map好易搵到, 或許今次我心急忘記了去細心找尋. 照舊去taxi stand坐的士, 同姐仔講出目的地, 佢就會用泰文同司機講, 再俾個兩個紙你, 一張係落車時俾司機, 一張係for你投訴司機用. 跟meter跳錶, 外加bahts50的政府錢, 因為的士入機場接客要俾呢筆錢, 若有客, 就有客人支付. (我聽番來係咁架咋.)另外, highway費用係乘客支付的, 司機會問你拎錢架啦, 我就俾了兩次highway錢, 一次bahts30, 一次好似係bahts40. 車程大概一小時內, 落車meter都只不過baths180幾左右. (當然你可坐limousine, 大多數都係bahts500一車一程)

到酒店時發生小插曲, 發生撞車意外, 我地坐架的士撞到個電單車司機. 好在冇見血, 不過電單車條邊都甩晒, 仲要甩埋個煞車器, 個的士司機做古惑度收埋個煞車器, 然後急急腳開始兜路, 怕俾人叫佢賠車呱.

夜晚就去了silom, 我就冇乜點行, 因為賣的東東唔算太有特色, 只係去了body tune做thai massage. 呢家野一年前來都冇咁多香港人, 而家, 好似變了專做香港人生意的按摩店呢. 手勢可以, 環境就確實係超relax, 燈光好暗, 又有音樂聽. 不過我好stupid, 唔識著件按摩褲, d 衫褲同一年次唔同晒, 唔使著, 要師傅幫我手. :p

我揀了兩個小時的thai massage, bahts600, 我男友就做一小時foot massage, bahts 300. 而家想去body tune, 記住早少少去做booking, 佢地關門時間夜晚11點.

晚飯就去了一年前去過的日本餐廳, 在silom上的, 叫taibanlamin(好似係咁串, 我估叫大班拉面), d壽司好新鮮, 好食過zen, 價錢又平過zen. 裝修都不錯, 紅白淺木色為主設計.

*泰國的boots比香港早出現, 起碼我年幾前去人家已經開到成行成市. 自從香港有boots, 香港人先識留意呢隻牌子, 泰國的boots先開始成鬼日出現斷貨的情形. 確實, 泰國的boots係香港的boots半價, 係真的. 舉個例l: 一支body lotion, 香港賣HK$70, 泰國居然Bahts180!

Reported On: November 2003