{泰國第四遊}

1st Day 2nd Day 3rd Day
4th Day 5th Day 6th Day
7th Day 8th Day 9th Day

Day 7: 翟道翟狂奔 (4 Oct 2003)

翟道翟之行. 嘩…成個trip最想去的地方終於俾我地等到啦. 因為呢度星期六同星期日先會大規模開鋪, 所以一定要等到呢日先去.

今日我同主公都有晒準備, 每人一條毛巾仔, 兩個著晒背心短褲, 帶最少的物件, 連passport都唔鬼拎, 廢事俾人偷左就大獲.

去到真係好多人, 一入去就覺得好焗, 但係今次係三次裏面最舒服的一天, 天氣冇咁曬同有風. 但入到去d鐵皮屋底下真係好焗. 吹我唔脹, 我又好享受喎. 但個人行行下真係冇晒笑容, 實在太熱同埋搞到我個喉嚨勁辛苦啊!

主公仲慘, 本身有d病架啦, 仲要入去焗一焗, 勁流鼻水, 辛苦死佢啊. 之後我地仲坐低飲支啤酒, 病上加病.

呢度真係好好行, 好多野睇, 同埋賣的東東平d, 有特色d, 總之年輕人唔去係損失啦. 一家大細就唔係咁o岩, 因為幾迫同埋空氣唔流通.

行到六點時開始落起大兩來, 我地唯有避一避雨先, 等佢細左停左先再行去bts坐車回酒店.

就係咁, 夜晚太累冇出去, 就咁叫room service, 俾主公早d休息.

*奉勸有老有嫩的family trip, 最好都係唔好去呢個跳蚤市場. 原因好簡單, 因為裏面實在太焗, 而且又多人又迫, 你帶住個小朋友或者老人家真係好唔方便的. 主公都係一個健康大隻人, 佢都係咁樣又熱又大汗空氣超差情形下焗到感冒. 所以, 都係official nite bazaar o岩family trip去多d.

*仲有, 情況許可, 時間多的朋友, 好似我今次咁有咁多日玩. 最後去完翟道翟o個晚唔好plan d乜野大活動啦, 遠d都唔好啦. 我本來plan好去brew pavilion, 但實在太累啦! 怎樣去? (brew pavilion係一間好大的pub & restaurant, 有時會有live band, 有時會有orchestra, 有時會有concert. 總之係一個大型娛樂場所!)

 當時買的東西未算多, 但都已經熱死我.

LOCATION: CHAKTUCHAK WEEKEND MARKET

　

LUNCH都未食, 點都要食番D地道野, 地道極都有英文餐牌, 唔使驚!

LOCATION:  CHAKTUCHAK WEEKEND MARKET一食肆內

　

已經又一大袋O係地下, 好累行到, 又要坐低飲番杯DRINK. 呢間專飲CAFE, 但我唔飲, 當然揀至正的LEMON TEA.

LOCATION:  CHAKTUCHAK WEEKEND MARKET一CAFE

Reported On: November 2003