不知從那時開始

	7月31日星期三這是七月最後的日記了


31/7/2005 偶真的很懶到點多才起身，賴床的情況好像又開始了。起身後弄了些東東吃，今天的可不是冷麵耶。(笑)一邊吃一邊看"有情飲水飽"?!，雖然是看過的，但再久不久看還是一樣好笑。看完便一直玩小電，若果家裡沒有小電日子也不知道怎樣過。(笑) By May仔 --------------------------------- 30/7/2005 敗家今天睡到點多才起身，吃了些東東便出街了。搭火車時太閒了，便和星妹狂send無聊短訊。接著去到旺角便不玩了，上到Dr. Wong差不多3點了。看完也只是4點。(我想是最後一次去了)上下星期逛了旺中，所以今日逛逛花園街。買了些新褲子，不過最後好像又胖了。(汗)買完東東便回家去，今日的戰利品是.....2條牛仔褲。最後的購物慾滿旺盛的，購置新衫花了近四百多元。所以CD也買少了來幫補幫補，經過信和還是忍腳不進去。(笑) 其他的也沒什麼好打了，今天太致上是這樣子。以上 --------------------------------- 29/7/2005 又去見工?! 今日風和日麗??其實今日係rainy day。多好睡的一天，都忘記自己睡到多點了。下午一直和大哥打機，近期很迷孖寶賽車的說。怎知約5點半收到一間公司的電話，著我立即去面試；我傻傻的答應了，6點半要我去到?!收線之後很後悔....6點半真的去不了，所以我趕著去也遲了半小時。(汗)這間公司比昨天的還要瘋癲。給我一份東東著我翻譯，然後面試時口述一段東東再著我翻譯。偶的英文真的爛到不能再爛了，那人說我有點譯不了客的要求，還對我的翻譯一邊看一邊笑。(自尊心已經完全受損了)接著說了一大段東東便面試完，說要給老闆看看後才通知要否second in。這間公司真的x佢交叉yA佢個B。(請原諒我的不禮貌)真的嘛。首先，他要我趕去interview；第二，當時落著傾盆大雨?!(雖有點誇張)；第三，7點還去工廠區，一點都顧及不到面試者的安全；第四，我還沒吃飯；第五，亦係最嚴重的一條，佢唔請我?!(怒/笑 )唉，已經in到心灰已冷了。連張生那種人(再一次原諒我這樣說)都找到A.M這工作，為何我還要在這裡和人爭??IN完想打給菠傾傾，但電話不能接通；打給柴，談了一會；打給星，佢又以為我玩野。唉，我的朋友真的少得可憐，想訴訴苦也不行。接著菠終於給我回電了，和她談了一回好了一點；星也給我回電了，還笑說不想明天的新聞頭條會是我。(笑)不過真的不想再說了，留待有心情再說給她聽吧。回到家已經9點的事，立即螺媽子煮東東給我食。一來我很懶，二來面試真的是一件很累人的事耶!!食完東東玩了一陣電腦便找周仔(周公的孫子)去了。 --------------------------------- 28/7/2005 見工尋日有工叫我去interview呢。咁約左11點，攤到9點3先肯起身換衫出門。都唔難搵既，人流都算多。係一d既工廠大廈，有點恐怖。但上年係屯門又係係d工廠大廈返暑期工，都唔覺得恐怖。d人仲要少過火炭好多好多倍，不過上到去真係有d怯。去到佢就叫我坐低填from，仲俾左一封投訴信叫我回覆。啊，我最差就係呢d架啦。所以都只係寫左幾行到，之後就開始in啦。問左一d問題，再用普通話講一段，英文講一段，真的用齊3種語言。普通話我覺得唔係問題，但偶的英文......可以用爛來形容!!咁傾多陣就in完啦，呢間公司係做belt的，但我想做garment多d，所以in成既機會唔大。in就搵菠菜傾電話，我覺得搵工搵佢傾就最好架啦。(令人安心既感覺?!)傾左陣就收線，我都返屋企lu。又去惠康上倉，今日又係整冷麵食。(夏天食真的一流耶!!)接著下午的事??不太記得了，因為每日不是打機便是食。(汗) --------------------------------- 26/7/2005 (二) 啊，今日一早??(其實都訓到十二點)起身拾房，已經去到不能容忍的地步。若果是自己一間房的話一定會很整齊，但現實中不是；那兩隻從來不會拾房的(哭)，所以這些"任務"定必交給我做。拾了近兩小時終於大功告成，3點零才食我的午餐。Office終於到手了，還是明天才裝吧。接著同阿哥玩N64mario賽車，近排很迷的說。夜晚只是看電視，這麼便一日了。深夜一直下載一直覆短訊，怎知差不多覆完的時候當機。(哭死)超級討厭megaupload同YSI，不能續傳，當機後又要重新下載過，DL時間又長，通常都要3、4小時，而且我對flash get沒啥好感；clubbox就不同了，自動續傳，50k/mb，速度上也算快時間上也容忍到；不過最好用的還是ecpocket，差唔多300K/mb的，通常幾分鐘便可以KO一個50mb的file，不過可惜限人數登入。現在又在重新下載megaupload的file了，4小時後才下載完，21.6/mb，看見後有想死的感覺。 *********************** 啊，原來我補漏了17/7的日記，現在補回了。 25/7/2005 係打日記之前，我想講：我唔係唔想打日記，而係我差唔多成個禮拜上唔到網。之前既日記我盡補啦!! 今日8點半到起身，因為要見工。(又話上唔到網?!點搵工??)其實係學校搵既呢份，係沙田。(不過我想做尖沙咀多d)其實本來星期六in既，但係上唔到網、本地圖又有腳自己走左，攪到我唔知間公司係邊，之後就同佢改時間啦。上網check返原來都幾近下，有馬鐵真係好幸福，走少好多路架!!9點半出門口，去到石門都10點半囉。(原來車程都幾耐下)好彩間公司都唔遠，行多兩個街口就到。搭lift個陣先恐怖，我竟然見到個細路仔?!(商業大廈點會有細路??)main point唔係呢樣，而係有個送信既男人係到勁唱歌。(仲要唔知佢唱乜,食泥咁款)之後去到間公司傾左陣計就in完，不過都係等通知。(哭)in完都只係11點，咪去沙田搵阿星囉。(俾佢死螺的)原來佢搵我攝時間，算啦，我咁好人咪陪下佢囉。(笑)跟住行左陣食下野再行下大眾，都陪左佢個幾鐘；點幾佢約左芷緩，咁我就閃啦。點解今日要俾我見到阿星??明明話返工，唔陪我去書展；點知今日竟然話唔返工，仲要搵我攝時間。究竟呢個係咩世界呀??嗚.....今年冇得去書展掃書。(哭死)我買唔到牧童簽名本，我見唔到牧童真人；最衰就係上唔到網，同世界脫哂節!!(嚎哭)返到上水終於記得禁返d錢俾媽子，返到屋企又咪上下網；整左碗冷麵食，夏天食真係一流。 --------------------------------- 23/7/2005 終於有得上網了 (六) 今日本來要intervew，不過諗諗下問人都未必去到，我又唔知邊到落車，都係打返去同佢講改日子先。所以今日就可以訓晏少少，呢種天氣吹住風扇實在太好訓了。(笑)之後12點起身換衫出旺角，本來諗住行陣街先上Dr. Wong個到，但係太熱喇，都係上左佢個到先。(笑)2點幾上到去要坐左陣??(其實都坐左近一個鐘)因為佢有個fd黎左，仲好似多年冇見。聽到佢地d對話幾好笑，因為佢個fd係新加坡人，唱d廣東話超好笑，說明在先我不是在偷聽，而係...佢坐係我隔離。(想咋聽唔到都唔可以吧?!)攪到差唔多5點見睇完，睇完就走囉。嘻嘻，中間其實有段小插曲。佢個asstant問我有冇16歲?!(笑)我話我已經19了。佢話我個樣好細個，皮膚好白喎。(大心)其實我唔算白，菠菜俾我還要白，我只是皮膚比較好罷了。近排好似經常出入旺角咁??都冇乜野好行。返到上水到惠康大量上倉，買左幾包壽桃牌用黎整冷麵。夏天冇乜食慾，之前買個袋麵都未旭過。(汗)返到屋企，終於上到網了。(感動ing)不過太累，都冇乜點玩lu。幣!!唔記得禁錢俾媽子添。 --------------------------------- 22/7/2005 沒得上網的日子呢幾日冇得上網，說來話長：因為轉左二姐姐既戶口，攪到過唔到數?!但過唔到數原來係上個月既事，間公司又唔出聲；同佢理論先話俾我地知，仲要cut左要俾多二百蚊接駁費。我地個plan已經貴過人架啦，都要咁既服務質素；網上行勁唔掂呀，個二百蚊我地一定唔會交的!!但大姐姐話好忙，要星期六先打電話去；所以呢幾日冇得上網，原來沒得上網的日子都幾悶。不過都好既，因為終於煲返多年沒睇過已封塵的碟拎出黎睇，同埋我最心愛的SUMMARY(可以話呢幾日喪煲)，終於睇完極道1同水男孩2了。一直將佢地遺忘了，不過水男孩我差尾3集。(哭)我仲要無聊到玩踩地雷，重點唔係玩踩地雷；而係我已經練成可以唔駛用右click都可以玩贏既功力，嘩哈哈哈。(←但有什麼值得驕傲)(汗)今日晏就有公司叫我聽日去interview，我口爽爽應承左；但收線後想check間公司係邊既時候...我先記得...上唔到網。(哭)死啦，咁點算好??好苦惱。 --------------------------------- 19/7/2005 拎成績表 (一) 今朝訓到迷迷糊糊十點幾起左身開電話，點知一開cindy就打黎啦。(咁0岩得咁橋)咪同佢講今日會返去拎成績表，同埋提我抄返低POLY個application no.。收線之後繼續訓，或許我前世是豬。(笑)今世我是一隻小老虎，啦啦啦。(轉圈中)12點零起身上左陣網就返學lu，好似好耐都冇返過九龍灣咁。心情??其實成績都預左，不過都有少少驚唔得。希望越大失望越大嘛。返到去拎完成績，真的沒太多驚喜。拎完野第一個打俾阿柴報喜，之後同阿媚等埋小云，就一齊落6樓拎返份報告。(幾日後我先發現我同小云個份掉轉左)(=口=)吹左陣水就走lu，佢地有佢地見工；我就有我的行街，又落旺角了。有時自己一個行都幾好，不過買衫冇人俾意見姐。但我咁都買左4件衫，褲就諗住遲d先買。5點9到就搭去黃大仙搵阿星(此星不同彼星)，點知一直搵佢唔到；本來諗住等到搭3就走，臨走前打俾阿星又通喎?!咁就等多佢一陣啦，俾埋本書佢就返屋企lu。返到屋企好鬼累，係sofa差d訓著，諗住沖完涼去訓啦，點知沖完鬼咁精靈，又訓唔到啦喎。(哭) ********************* 係時候講下我D成績了：今年考得都唔錯。但D成績都預左，個3個A(costing,電腦同pattern)係意料中事。costing學期中已經考左，都知道自己拎A了。pattern不嬲係自己既強項，上年都考到A，今年都考得好好，所以拎A唔難。之後電腦，上年失策左先拎唔到，今年總算拎返個A返黎。(笑)雖然都預左，不過見到張成績表有3個A真係幾開心架。不過merchan花左成個禮拜溫都只係得D+，反而QA同MKT溫得兩日都有B同C+。(唔甘心)今年既平均分係71.24，拎credit；上年差0.31先拎到，今年總算一雪前恥。(笑)考第5，升左名；其實都知道頭3名係無可能既事，所以都係第4、第5之爭架啦。(輸左俾詩詩)好啦，以下就係我既成績： merchadising management D+ maeketing C+ project(merchan and mkt) B cost accounting A quality assurance B computer applications A computer aided design(CAD) B+ fashion design B+ pattern making A business english D+ mandarin B grading & marker planning B+ sewing C+ knitting C+ --------------------------------- 18/7/2005 K.S舊生敘會通常住得近約會地點的都會遲到?!定係我早到。約左阿珠5點半係粉嶺火車站等，點知阿珠遲左少少。>_<其實要我等唔緊要呀(因為都試過等上一個鐘)，但都要俾我搵到你知道發生咩事先得架。俾我知道你大約幾點到，OK，我會等到你黎；但連人都搵唔到，我要等幾耐呀??搵唔到人既時候通常我都會不停咁打電話，CALL爆你電話(笑)；等既時候可能會好嬲，不過等到之後我"通常"就唔嬲架啦。(要視乎邊個,如果是"那個人"我一定會發難的)好啦，言歸正傳。去到佐敦join埋菠菜，但仲要等其他人。(所以頭先段說話係講俾大家聽的)原來其他from都會黎(其實一早知)，但冇估到林生都會黎?!我想佢黎個果又冇黎，極大部份都係班低from敘會，不過我地班佔大比數咁解姐。去到其實已經夠鐘，不過都未開始；同miss chan傾左陣計，我問左一個勁白痴既問題。我問佢幾時結婚，但佢年頭已經結左，我仲要有去觀禮個隻，這問題真的...夠白痴。7點??先開始食野，阿柴勁攪笑，人地個到得兩條魚，佢又夾左一條落我地台到，笑到我死。之後都係一路食一路傾計，食完又影一下相。成個過程雖然冇乜特別，但都玩得好開心呢。玩到10點到就返屋企lu，佢地好似唱k直落??呢層唔清楚lu。 --------------------------------- 17/7/2005 剪頭髮今日媽子又放假，起身玩了陣電腦便和媽子逛街。一齊去了元綠吃，可惜我第一次食，不太懂叫。(汗)吃了些冷麵和幾碟壽司便走了，接著媽子接我看電話。其實我已經有心手電話的了，不過還是要考慮很久。媽子還說我簡電話像簡男朋友般=3=，咁買電話不是買一顆菜嘛，當然要考慮清楚啦。正當我的起心肝去買的時候，幾間大型舖頭不是話冇貨便是話要訂。(汗)媽子也看到不耐煩了，我便叫她回家先；因為約了菠菜剪頭髮，5點多係火車站等埋她，然後陪她找她的媽後便到舊墟剪頭髮。我很快便剪完了，那個人......剪得好核突。(哭)那男的完全沒心機給我剪!!(怒)但菠菜又話沒分別，不過我始終覺得剪的很短。(哭死)等埋菠菜染埋頭都8點了，剪完菠陪我到"衛訊"看看有沒有我想要的電話。終於買了新電話了，我們還笑說這些都是為了明天呢。(笑)買完電話到街巿買"食送"，因菠還未食飯。買完菠便跟我回家拎書，拎完我便上她家一起吃飯。食完睇下電視睇下相咁，超好笑呢。我地看回以前中學的相，看到某人的舊照時差點給笑死了。玩到11點我便回家了，住得近便有這個好處。(笑) 16/7/2005 (六) 今日媽子放假，又訓到迷迷糊糊個陣俾阿歡叫醒左。點知阿哥仲未起身，原來......(笑)之後就同媽子、阿歡、阿哥一齊去食pisa，個肥仔勁叫喎，到最後又食唔哂，話左佢肥架啦。食完lunch同媽子落旺角，book左Dr. Wong。2點幾上到去坐左陣先見佢，跟住話要等陣；我地落左旺角行，行左陣媽子喊熱又返返上去坐。攪到6點先睇完，返到上水同媽子一齊去惠康上倉。(笑)不過下星期六又要去見多次。原來我對上去個次...你估幾耐?!係96年。96年呀，差唔多事隔十年先再去。再對上個次...竟然係89年。○哂咀。 --------------------------------- 15/7/2005 Johnnyjr.上腦最後又開始迷返NewS了。你地會係JF(Johnnysjr Forum)見我多於係JP(J-pop Forum)架啦!!雖然你地未必知道係咩，不過就算係咁我都要繼續講。(汗)JP越黎越唔掂，講真，班w-inds.飯勁白痴，邊個靚仔邊個有戀愛感覺都講一餐，作為w-inds.迷一份子既我都有點汗顏。就係呢班所謂w-inds迷攪到我越黎越唔鍾意去JP、越黎越冇咁鍾意w-idns.。反而JF真係好好多，自從改革之後，我更加鐘意留係個到。(笑)或者係因為近排又迷返NewS吧?!可能呢個真係其中一個因素啦。算啦，就算我係到點講你地都係唔會明架啦。 ********************* 講下第二樣先，突然覺得NewS好似男版m娘呢。(爆笑)本來是一隊9人組合，之後森內退出就變成而家的8人。日本好少男子組合有咁多人呢!!前排睇左一份報道講Johnnys Jr.點解會咁成功。睇完佢既分析，真的不禁佩服這集團的市場策略；捉摸人的心理、怎樣培育後輩，真的非常厲害。(但自w/F/L出現之後好似衰退左)但而家極2咁受歡迎，KUN-TUN極有可能會出道繼續"搶"fan屎錢；但之不過KT出道後，仲會有咩強勢出擊?!以現在小Jr.極不成氣候喎，所以KT出道又可能會遙遙無期。(汗) (幸好我不是KT迷) ********************* 唉呀，又開始想改版啦。不過而家隻OFFICE仲未到手，仍然仲未可以改版同搵工添。(又俾各界施壓了)(哭) --------------------------------- 2005/7/13 老毛病又發作了。成日諗住打日記架啦，但諗下諗下又以為自己打左。跟住呢又冇左件事，咁呀數十日冇打日記啦。(笑)其實有好多野想講，不過一時間又唔知由邊到講起喎... ********************* 首先阿星先啦。唉，呢個人都唔知咩構造架，我對左佢咁耐仲可以生存到真係一個奇蹟。(笑)或許一生人中總要有呢d咁既fds先得既，套阿星一句：識到我真係你既榮幸，我既不幸。個日同佢傾電話，又開始九唔搭八啦。佢又開始講佢細佬點點點，我又同佢講點點點。不過係溝通唔到個隻，我懷疑佢係外星人派黎既臥底?!遲早俾佢激到嘔血。 ********************* 仲有阿菇，好心你多點soso啦。一隻手已經可以數到你有幾多個fds，仲要有淨個隻。真係好難明你諗緊也野，我諗呢個世界上只有阿星能同你溝通吧?!(汗") ********************* 嗚，阿柴呀，我對你唔住。本來應承左你搵工，但最後......我係有搵啦，不過冇send信咁解。(給柴踢飛)唔係我唔想send呀，係部機剷完之後仲未裝office。word個d內容又改唔到，所以就攤到今時今日啦。 ********************* 菠：我知你擔心我仲未搵到工，但呢個係我最後一個暑假了。(解釋)知道你仲快過我搵到工，我受到幾大打擊呢!!(掩飾)嘻嘻。瞞你唔過添，又係一個字：懶啦。(極速暴走中~~) *********************** 好啦，給各友人既日記已經打完，講下近排做過d咩先。嘩!!呢幾日我簡直日夜癲倒、畫伏夜出呀。每朝4、5點先訓，訓到下就5點先起身。不過近兩日好左好多，本來5點起身，之後3點起身，跟住點幾起身，今日就12點半就起左身了。(不過仍然是4點才跑去訓~~)究竟點解會咁夜訓??其實我都唔知，對住部腦對下對下咁呀朝早啦；之後訓下訓下咁呀晏就啦，太風和日麗太好訓了。呀!!係呀，上回咪講到生智慧齒既。原來到左18-25歲都會生智慧齒的，沒生也不出奇。嚇得我....不過現在好像停止生長了?!今日打住咁多先，諗到先再打啦。(不過到時又以為自己打左而又冇打架啦)(汗) --------------------------------- 2005/7/5 酷熱本來今朝10點就起左身，不過發開個夢好鬼死正就繼續訓埋佢。訓到矇矇矓矓我真係"咭"一聲笑左出黎，番訓竟然都可以繼續發返個果夢。頭先睇到一個網，佢咁講：人因為溫度較高先會發夢，所以開冷氣訓會少發夢。驚醒的話會記得個夢、慢慢醒的話，對個夢的記憶會模糊。同埋如果醒左，而體溫同之前保持一樣，係有機會發番頭先個夢的。終於捨得起身，鬼叫冇電腦用咩；咁早起身又唔知做乜好，咪訓囉。(藉口~~)咁開電腦睇下啦，又唔知佢受左咩刺激；開完機乜File都冇哂，連尋日裝過既野都冇哂。正確黎講係咩都冇哂，冇"我的電腦"，冇下面條bar，成個畫面淺藍色。(汗)攪到又要裝過部機，攪過成日總算整好。但舊時d file真係咩都冇哂，阿哥又發瘟將d file過返我地部機之後又dum哂d檔。但都好彩大部份都燒哂碟，都唔係傷得好重。本來諗住搵工，但d resume呀求職信個d咩都有冇哂。office又未裝，短期內都搵唔到工架啦。(唉)我知你地關心我既搵工狀況，放心，我會盡快搵架啦，呢2日之內我俾6個人問過我家陣點，你地有心了。二姐終於由台灣返來了，但一隻碟都同我買唔到。(哭)但都買左好多野食返黎，快飽死我了。(汗)係呀!!呢幾日隻牙有點痛呢，而且仲係兩邊。原來我生緊智慧齒，我已經江郎才盡了嗎?! --------------------------------- 2005/7/4 今日繼續得閒中。媽子今日放假，神咁早就叫我同佢去街。=口=睬佢都傻，應左佢一句就繼續訓。到十二點又聽到佢係到叫，本來諗住起身同佢食野，點知佢話落街買麵返上黎，咪繼續訓囉。唉，訓到2點先起身，近排興晝伏夜出呀。晏就收到阿星電話，佢話佢係旺角當失路。都痴線架，邊有可能旺角都當失路架。(汗)上次我唔識路打俾"某人"求救既時候就叫我問人，今次到佢自己當失路又唔見佢問人......跟住咪教佢行囉。唉，真係同佢講多兩句火都黎埋。根本就佢有佢講我有我講：我問佢係邊，佢就話自己好慘；我叫佢直行，佢就話阿菇好衰。請問關阿菇咩事?!完全雞同鴨講。sai氣。天啊，佢終於到左，我終於可以收線啦。我驚我再唔收線會dum爛部電話或者我會痴線。收線之後媽子仲問我做咩咁勞氣。真架，如果你同佢講電話都會有衝動想打瓜佢。夜晚過哂D檔俾阿哥之後就剷過部機，但攪左3個鐘都未攪好。一係就上唔到網，一係就HANG機。(汗) --------------------------------- 2005/7/3 熱成日都好鬼得閒。8點到收到阿珠電話，詳情唔多講啦，咁食完飯出左去救佢啦。(好似有點兒誇張)跟住就去惠康買雪條，成盒我食得1/6條。(班化骨龍黎架!!)夜晚阿柴奇蹟性地搵我哩，咁又同佢傾左成個鐘頭。 --------------------------------- 2005/7/1 (五) 今日係回歸N週年。不過我唔係去左遊行，而係去左w-inds.放送會。約左蛇曼點半，點知佢兩點先到。不過算啦，一齊搭車出去。去到數碼港，超多人哩。香港人真係鐘意排隊，但原來個到只係少部份咋；會場入面仲有人，而且差唔多滿個隻。(汗")冇耐有人(香港電視台)拍我地喎，我地個個即PA埋牆。(笑)我地差唔多入到去個陣俾實Q截住左，跟住咪同個實Q吹水囉；原來有人7點真係走左去排頭位，都喪架。一個咁既show都已經係咁啦，如果黎香港開con仲得掂?!我都係唔夠班候生爭架啦。(笑)排左半個鐘終於入到去，不過我地已經上左2樓lu；俾人遮住哂，咩都睇唔到。>_<之後搵到個位睇到部電視，都好過冇。(哭)內容唔多講，因為都幾無聊下；都係播下pv同一d片段，都唔知點解班fans可以係又尖叫唔係又尖叫架。(汗")不過好鬼善慕拎到演唱會飛既人，好想去打劫佢。(笑)最後鄭嘉輝仲除埋佢身上個件ageha T出黎送俾w-idns.飯，原來佢底仲有一件。(汗)基本上樓上睇既fan屎都冇乜氣氛，我地好鬼似路過。(汗多次)攪到6點都走囉，蛇曼陪我落信和買碟；SUMMARY同touch入手，SUMMARY真的很捧呢。之後我地去左食薄餅，都幾好食。(笑)冇行街啦，咁咪搭火車返屋企囉。返到屋企都好早，睇左陣電視；12點幾睇SUMMARY，睇到我嘩嘩聲呀。(笑)跟住就一路聽touch一路訓覺。