不知從那時開始

	9月28日星期三補日記，補日記


2005-9-28 首先給阿珠的：我不是經常不打日記啦。而係我成日都諗住打架啦，但過多陣又冇左件事。總幻想自己已經打左，咁呀成個禮拜冇打日記啦。T^T 本來今日9點已經起左身架啦，不過自己又貪睡。訓到1點先起身，起身之後又咪睇下漫畫。近排開始懶起來了，又不備課、又不搜集資料、功課當天先做，日日掛住睇漫畫。(汗)原來我的任性吧。本來改版中架，不過進度又開始慢起來。現在還有停工跡象，幾時先有新版面。(哭) 2005-9-27 (二) 今日呀，好似12點定1點先起身。跟住食左D野，睇左陣漫畫，做埋D功課就去返學啦。但我今日早左好多?!坐左陣就上堂。今日要我地用大樣畫啦，俾我想像中難好多。(哭)畫到10點先放學，放學同左裕雅玩左陣SMS就冇電了，成日同佢玩玩下都冇電。T_T返到上水都已經十一點啦，訓住去惠康買個包食下啦，點知原來裝修緊，冇得食飽飽。(哭)求其買左個杯麵返屋企6算了，睇黎我好似好耐冇去惠康咁，裝修都唔知。=口=返到屋企又hea左陣就玩電腦啦。阿哥部電腦中左毒，我係咁叫佢"訓覺啦你= =+"。佢都有伐日啦，冇得玩電腦。呵呵呵。玩到4點先去訓，呢d咁頹既日子幾時先完。你地唔好再煩我搵工既事啦，實際上我俾你地任何還要急。所以不要再同我講搵工搵成點??send左信未??個d啦。我已經聽過無數次，唔係我唔想搵(雖然有懶過冇send信)，但係我都唔知點解人地咁易搵到工，我就......(哭)所以，let me alone please. 2005-9-23 (五) 神咁早呀起左身啦，今日要interview嘛。約大11點係尖沙咀，唉，我諗今次又係唔得架啦。雖然我真係好想做啦，但唔知點解in完總係冇聽氣。(哭)in完就一個人落左旺角，但仲係咁早，咪去旺角間圖書館hea下囉。點知agent打黎話去九龍灣in喎，咁就約左3點係九龍灣interview。我係圖書館睇完一本書都已經兩點了，咁就去搭地鐵啦。嘩!!完來旺角去九龍灣要成$6.8架，超貴呀。心痛死我，如果唔係跌左張八達通!!我一程都係2.9咋。嗚......不過都好耐冇踏足過九龍灣啦，心情好似有點不一樣。(笑)跟住就搭接駁巴去展貿，其實我都唔知搭邊架先係，都係兜左陣先知。(汗笑)仲枉我係呢個地方讀左兩年書，睇黎個兩年我都好xxoo下。咁去到展貿就搭上去in啦，in既野都唔多講了，因為多數in唔成，因為我已經拒絕左佢啦。XDDD佢唔係旺貴都要成日OT，仲要我走堂，我學業為重的?!所以呢到唔0岩我啦。(淚奔)咁in完又逛返旺角，第一站當然係信和啦，逛完買埋碟阿柴都未到，就去旺中逛啦，不過呢幾日都係行佢，都冇咩好行lu。等左陣阿柴終於到，不過又係行返旺中。(狂汗)不過又係行完阿星同阿菇都到了，而家只係差菠菜，咁我地係瓊華行左陣，就去左老麥到坐。(因為我真係好累了)等左陣菠菜終於到啦，我地終於可以開餐。(感動)即刻上左漢陽苑食野，內容唔詳談了。食完就一陣逛左陣，再影貼紙相；估唔到咁行一行就10點(?!)啦，咁就返屋企啦。今日大致上係咁啦。 2005-9-22 唉，今日又要返學。又要對住個果阿sir，雖然有備課，但我都唔係備左好多，今晚又準備聽唔明了。(哭)媽子今日買左野返黎俾我食，所以食埋先出門口，返到學校0岩0岩好7點，凳都未坐暖就教書了。(汗)挨左好耐終於落堂，無經無險又一day。(笑) 2005-9-21 嘩，今日累到我pa係到，完全冇意慾起身呀。其實我咩都冇做過，成身好似俾人打一樣。T^T 本來諗住9點起身既，但真係成身都好痛；咁就訓多陣啦，點知屋企D奪命追魂CALL又黎啦。每隔三個字一次，仲準時過六點半鐘新聞。但我睬佢都傻，懶得起身聽電話。就係咁我訓到4點先起身，反正起左身都冇野做嘛。之後都係上下網，備下課咁啦。個科死人coloration and technology讀到我痴線，要一個文科仔去學chem d野。我憾頭埋牆死左佢好過，問我阿哥又話好簡單之嘛。= =+ 註定我係理科白痴黎架啦，不過總於明咁d啦。(哭)夜晚又係睇下電視咁囉，而家套大奧我追梗呀；但係逢星期二、四要返學，追下又斷下。 2005-9-20 今日要去interview，9點就起左身。真係，放假以黎我都未試過可以早過十一點起身架。(偷笑)十點就出門口啦，但係去到紅磡我又當失路。佢個乜鬼佛諾咩臺道，搵到我痴線。不過好好彩，行到羅浮宮個頭有個郵察叔叔，佢就教左我點去啦。但我又發瘟行到去天文台道，係到盪左陣行返轉頭啦，點知就俾我見到個路牌寫住個路名。咁搵左棟大廈就上去啦，但係上到去禁左幾次門鐘都冇人認我，咪打電話入去叫佢開門囉，而家諗返都幾白痴+樣衰。填左份野，同個老闆講左兩句都冇就見個senior；佢乜都冇問，又話要請個有經驗。就係咁，講左幾句就in完，都知in唔成的了。跟住打俾阿星吹水啦，撞正佢放學；咪約佢行旺角囉，反正仲未夠鐘返學。同阿星行園街，但都冇野買到，好多都睇唔0岩款，而且我都好耐冇行過了。就係咁好快就行完，我地就去仙果園食lunch。食到好鬼死飽，跟手行旺中，俾阿星夾硬share買左條T。= =+ 之後我就買bra啦，近期d款又靚返；我上次睇個d都唔靚既，今次我又買左好多。>///<陪(?!)完阿星買野佢就返粉嶺返工了，佢為左我特登返晏左。(感動)之後我仲有3個鐘淨，就去左信和行，都買唔到CD；估唔到呢個時候都幾多人，費時同人迫，下次先睇。逛完就行好耐冇行過既家樂商場、潮流特區、瓊華中心，如果唔係用黎"舌"時間，我諗我都唔會行，行到瓊華我好似見到阿豬，不過我好快就閃過左，所以唔知係唔係。=口=之後都冇咩野行，咪搵下有冇影印舖幫同學仔印notes。點知D文具店呀、書店呀冇影印機，咁就去左數碼?!到問啦；點鬼知佢地話唔印書架喎，都痴孖根架。行到身水身汗佢竟然話唔印得??仲要係十間十間都係咁講。乜唔係印幾多成做教學用途就得架啦咩。佢地話近排追得緊，驚我放蛇呀。= 3 =咁咪返poly印囉，但係部機我唔識用。(汗)我問左個靚仔(其實我冇留意)教我用，佢仲好好人咁同我講拜拜。(笑)我終於學會用poly既影印機，我真是個天才。kakaka。但印完先得個5點9，仲未夠鐘上堂，就係一二邊涼庭坐到夠到為止，悶到我痴線。跟住就上堂啦，教D野都仲未係好難，今堂教移褶，因為學過既關係其實都幾悶。話咁快9點半就落堂啦，我就搭返屋企又去惠康上倉；點知佢冇哂我平時食開個隻包(晴天霹靂)，咪買麵囉；去睇下7仔有咩0岩食，我發覺我對D丁丁野冇興趣。返到屋企超累呀，每次返學都袋好多野；今日仲揹一袋，手抽一袋，累到我成隻屐咁，點幾就去訓了。 2005-9-16 (五) 我又拖日記了。天註定我不能做作家，因為我一定會拖稿。XDD 講返今日呀，其實今日都係冇咩特別。又訓到黃朝白晏，起身又係玩下電腦。本來約左今日interview架，但係我一直搵唔到個老闆(原來send msg個果係老闆)。咪同我家姐講囉，佢叫我覆佢留言。(但佢係外國人,但我竟然留左中文=口=)之後大姐姐又打黎話叫我send msg，之後佢真係覆返我。XD咁就約左星期二去interview啦，第一次send sm book interview。XDD 2005-9-15 今日大姐姐神早打電話黎叫我send信，send完信隔冇耐間公司send左個msg黎；佢叫我覆返佢，都係聽日先。之後agent打黎話有公司搵我見工，咁就book左5點去in。之後去in啦，佢請MC，但係聽完佢解釋之後，覺得份工唔太好。佢根本唔教野既，做既野又同meerchan無關。= =+幾分鐘就in完啦，咁時間尚早就去行天地。行完去買零食送俾嘉欣仔，多謝佢一直以來既關照。(感激)返到poly，諗住去書局買書，但係我搵唔到。>_<返課室之後，約左Alan同Joyce一齊去書局；原來個棟書疊得仲高過我，點睇到。=^=買完書就返去上堂啦，今當d野我學到完全想死。佢勁講化學成份同chem個d野，我呢個文科仔又點會明。我恨個professer唔識講中文，我恨佢。(哭)挨左好耐終於放學，搭火車個陣先慘；有對男女突然走左上黎係我地隔離鬧交，仲要勁大聲喎。= =+咁返到上水我又去惠康買飽食，因為上左咁耐堂真係有點肚餓的。返到屋企又上jpop了，我搵到個chem高手。XDD大俠要記得教我呀!!我呢科靠你架啦。play左陣電腦就去訓啦，因為都幾累下。 2005-9-13 (二) 嗚，我唔見左張八達通呀!!勁慘呀，我星期四放學明明都仲用黎，我幾日都冇拎過銀包啦，點會唔見架，仲要係個人八達通喎。(哭)搞到我要買過張成人，我要張個人八達通呀。(淚奔)今晚又係去返學，我又係最高到；miss又係遲左黎，d同學仔都好遲黎。咁我地剪左紙樣先啦，等齊人就開漿上堂。今堂仲係教緊d basic野，跟住教立體剪裁。(雙眼發光)教完就落堂了，但d同學仔要剪埋紙先可以走，我地剪哂就可以早走了，呵呵呵。今日既晚餐係壽司，YOYOYO。 2005-9-8 (四)晴今日我醒下又訓下，老爸D奪命追魂CALL又黎啦；明明話佢出左街，又要每隔三個字一次打黎。(靠)訓到十二點先捨得起身，一路食LUNCH一路睇"龍櫻"。日本最新日劇。煲左幾集咁呀5點，今晚返7點，所以可以慢慢黎，點知媽子返到黎問我係咪出街。=口=呆左。我話返學呀，佢竟然同我講：乜今日唔係星期五咩。=口= x2再呆一次。6點出左門口syuee打黎，佢問我係邊，我話係樓下，佢話佢已經到左poly。=口= x3呆第三次。我咪同佢講今晚返七點呀。(汗)講左輪先溝通到，搭火車個陣就prepare今日既notes。查字典。XDDD好彩電話有咁既功能，我愛死部新電話。(啜)查查下Alan打黎問我買書d野，同佢講左兩句都係下堂先。XD返到去坐左陣就上堂了，上堂既野都唔多講啦，因為都幾悶下，今日又識多左三位新同學仔。^_^有個叫yammi，同阿柴一樣名呢。(笑)放學同嘉欣、tom一齊搭火車返屋企，因為我地都係新界人，上水粉嶺大埔。返到上水又去惠康買麵包食，因為真係好肚餓呢。啊，突然覺得有同學一齊讀真係一件幸福既事。我依賴性好強，真係好多謝嘉欣從旁指導我。因為嘉欣真係幫左我好多，由註冊、選科到開學，都一直咁幫我。(感動) 2005-9-6 努力改版中，整個改完我先SO出黎；我唔鐘意個D一路改版一路開放，我零願用住個呢個先。今日勁低B，我訓到矇查查，以為自己訓到4點幾即刻彈左起身，刷完牙洗完臉我先發現先兩點。(汗)原來我真係唔識數24小時制架，上次又係咁攪錯時間。(=口=)PLAY左陣電腦就去返學啦，去到POLY我又差D當失路；我搵到蒙民偉樓搵到T座，就係搵唔到S座，點知我一向左望，原來S座係個邊。(無奈)上到去5樓完全發現冇課室(驚)，打俾嘉欣仔求救，問左佢拎Alan電話，好彩佢都係今日上堂咋，之後佢帶左我去課室，點知得我地兩個。同學仔同miss都遲到，上堂d野唔多講啦。今晚上我至愛既pattern堂，我只會係呢個先有滿足感，因為係cita個兩年，呢科我兩年都係A的。(轉圈+灑花)不過POLY唔會再係CITA咁，所以都有D驚應付唔黎。放學返屋企去左惠康買返上次隻麵包食，因為下就食完野就咩都冇食過啦。上堂上到九點，10點幾先返到屋企；跟住沖涼，PALY左陣電腦先去訓。 2005-9-5 (一) 今日有公司搵我INTERVIEW了。(感動)嗯，間公司都幾近下，港晶附近。同佢傾左好耐，但因為我對KNIT個方面識既野好少，所以佢要同佢TEAM人傾要重新教過我所有野，所以又係等通知了。(哭)之後一個人落MK，同阿星傾左陣電話。去旺中都係冇收獲，行影視店有收獲呀!!隻NOBODY KNOWS終於出左碟啦，拿拿林買返屋企煲先。(雖則我前日先DL左,可以DEL得啦^^)跟無咪又係泡信和，而家我好鐘意地庫間二手CD店。個到D CD好鬼正，又平喎；我平時搵唔到既碟個到搵齊哂!!上次以超低價入左隻MIZ隻SAY IT FOREVER日版，今次我買左岸本早未隻迷宮。咁係間舖到播緊首歌幾好聽，咪問個靚仔老闆隻咩碟囉，係YUI架。(今年新人,所以未聽過)但佢播個隻碟冇哂，佢介紹左YUI第一隻SINGLE俾我；我見反正都係$28之嘛，咁就買左我生平第一隻SINGLE。買完之後先記得要買筆記薄，跟住上倉。返到屋企即聽碟，YUI隻碟仲未開封架。(超抵)不過佢個隻應該係CD舖宣傳用既碟，因為係SAMPLE來的。==+算啦，反正我唔CARE呢D既。(笑)岸本個隻就係CD+DVD日版。(雙眼發光了)啊，係個到我成日搵到正野呢，而且好多我係舖頭仔搵唔到的。(大心)咁又一DAY。 2005-9-3 天呀!!我竟然成個月冇打日記。但其實究竟仲有冇人會期待我更新日記架呢??有既話請留個言。(哭) 講返呢幾日呀，我仲未搵到工呀。(哭)今朝突然想放棄唔讀，6:00a.m send msg俾阿星，點知佢好快就覆返我，原來俾我嘈醒左。：P，我send完就去大覺訓了。=口=訓到3點幾先起身，見咁耐冇打日記，終於的起心肝去打了。(汗) 2005-9-1 今日第一晚返學呢，理工大學收左我啦。(講多次)2點幾先起身，整野食打下機；媽子5點打黎叫我出去同佢食野，但趕唔切；之後佢又話呢又盛，佢仲緊張過我呢。(笑)本來約左嘉欣一齊返學，但搵佢唔到；去到poly就見到suyee啦，識到位新同學仔。第一日上堂，個阿sir全講英文，聽得有點辛苦。因為第一日返學，阿sir唔教書，8點就放我地lu，d人一聽到放學即刻閃哂。(汗)我同嘉欣仔留左陣識新同學仔，好多好都好大呢。唔同yr.唔同系一齊上堂，百幾人....我排11號。(笑)放學同嘉欣一齊搭車返屋企，之後去左惠康上倉。返到屋企玩左陣電腦同阿哥打左陣機都訓了，雖然今日冇咩學到，但都好累。以後都唔知點挨落去。(淚奔~~)