|
俊俊：「平安夜，玩乜嘢！我就係知道平安夜同聖誕都係普天同慶啲日子啫！」
寧寧：「嘅然咁樣，咁你有乜嘢增慶啲心得、經驗同大家Share呀？」
俊俊：「心得就當然有啦！慶祝平安夜，我就一定首選去舞會，即係去P啦！」
寧寧：「去P！你係話果啲話名有嘢食，有嘢飲，跳舞跳到十二點正，然後一齊大『哎』。跟住重要直落跳多幾粒鐘，攪到三點幾四點先散Band；仲係成大班三唔識七；超過四個人果啲非法集會呀！」
俊俊：「乜非法集會呀！我講緊果啲P係高級啲啲，要著靚啲啲，打扮要四正啲啲，重要講英語對白，果啲舞會喎！」
寧寧：「英語對白？你去啲鬼佬Rave Party呀！」
俊俊：「唔係！全部都係本地人嚟
架！」
寧寧：「咁點解本地人都唔講母語，要講英文？」
俊俊：「因為而家啲本地人講母語又唔得，寫中文又唔識！所以咪講英文就唔會曝露弱點囉！」
寧寧：「吓！乜而家啲本地人啲英文又好好咩？」
俊俊：「唔係，只不過喺舞會入面，你只要識三句英文就可以天下無敵，瞞天過海
架啦！」
寧寧：「呀！我知！我知！一定係How do you do my
partner？May I？Thank You！呢三句啦！我都識啦！」
俊俊：「你講呢三句係以前，即係上個世紀至興
架咋！而家廿一世紀至興果三句係Hi！Shall
we dance？Can I have your number？」
寧寧：「哦！跟住你就一路同佢跳舞，一路比個手提電話佢，等佢入個電話號碼比你囉喎！」
俊俊：「Leon呃你架喳！千祈唔好用手提電話呢味高科技嘢！」
寧寧：「Why？」
俊俊：「我就係試過就咁，交個電話比對方，入個電話號碼啦！點知佢一句唔該，同我
禁咗個Delete掣。當堂我所有Friend啲電話號碼無嘥！佢仲懶唔好意思咁講：『哎呀！唔好意思，我唔識得用你呢啲咁Out嘅Cell
Phone，Sorry？有機會唔好再見，Never
See
You！』你話幾慘！」
寧寧：「簡直係慘絕人寰，人間慘劇！」
俊俊：「咪係！無咗啲Friend電話號碼事少，攪到我同好多Friend失咗聯絡就事大啦！少咗好多人請我食飯，睇戲，飲汽水呀嘛！」
寧寧：「嘩！咁睇嚟你都幾損失慘重喎！咁樣！唔用手提電話，用乜嘢攞人哋個電話號碼？」
俊俊：「TEMPO！」
寧寧：「紙巾？」
俊俊：「無錯！」
寧寧：「點解一定要用TEMPO？用Seven
Days得唔得呀？」
俊俊：「因為TEMPO比其他牌子堅韌十倍，唔會咁易引起尷尬，而且索墨水效果最佳，其他牌子無得比。」
寧寧：「哦！原來用紙巾……」
俊俊：「係TEMPO！」
寧寧：「係啦！用TEMPO寫低人哋個電話號碼嘛？呢個方法係就係古老咗啲，不過呢個方法真係萬無一失，完全無械可擊咩！」
俊俊：「呀！當•••當然缺點係有嘅！」
寧寧：「係乜嘢啊！快啲講啦！」
俊俊：「就係通常都會唔記得啲TEMPO係有墨水係度。咁就用咗嚟抹汗，或者袋係件衫度唔記得收好囉。」
寧寧：「咁！咁有乜後果唧？」
俊俊：「後果就係變咗藍面外星人或者藍血人！」
寧寧：「你話你塊面變咗藍面……」
俊俊：「通常係同我跳舞嘅Partner變咗藍面外星人，而我塊面係部份變紅、變青啫。」
寧寧：「嘻，你啲藍血係……」
俊俊：「係話我件跳舞戰衣染到藍血斑斑，唔洗要兼被人送兩吓掌勵潻！」
寧寧：「哦！咁樣你用呢個方法攞人吔個電話號碼嘅成功率係幾多？」
俊俊：「係同入十封信，而同一時間會入錯一封信嘅機會率一樣！」
寧寧：「吓！nCr減一，乘以n減一嘅(!)
除以n乘上……喂！喂！計唔惦呀！究竟機會率係幾多呀？」
俊俊：「話你知呀！入錯一封信啲機會率係零。因為只可以入錯兩封信，唔可以入錯一封信囉！」
寧寧：「唔……唔？機會率係零，即係未成功過啦！未成功過都叫做心得呀？」
俊俊：「吓！乜唔係分享失敗心得咩？」
寧寧：「……」
俊俊：「嗱！我就講咗平安夜，我玩乜嘢嘅心得啦，咁你又係聖誕同平安夜，你又有乜嘢玩嘢心得呀？」
寧寧：「我就唔係好似你咁做帶氧跳舞運動，我只係做口部運動。」
俊俊：「一定係食聖誕大餐啦！」
寧寧：「啊——啊！Wendy’s無影無踪龍蝦湯，燒牛肉沙律拌哈廸斯拍烏蠅千島汁，KFC炸火鷄加洋蔥碎同埋麥當勞平到你驚雪糕，正！」
俊俊：「講講吓！有啲肚餓潻。聽起上嚟一定係好好味，所以到依家你仲咁回味無窮啦！」
寧寧：「哦！我只係見過，未食過喎！」
俊俊：「何解呀？」
寧寧：「唔……衰唔聽教，衰……衰硬頸囉！年年聖誕前後果幾日，我都咁啱同阿爸阿媽頂咗兩句呀，唔聽話呀。咁我阿爸，阿媽就一定乘機咁講：『你咁唔聽話，無得食聖誕大餐，人人有得食，係你無得食！啃！』」
俊俊：「咁樣你都係衰唔聽話，同佢地項吓兩句啫！氹吓阿爸，阿媽都唔會攪到無得食大餐，咁緊要
架！」
寧寧：「唉！老實講，被人咁噹口噹面咁話法，我條氣又點會順喎！於是我就好輕描淡寫咁講：『哈！哈！人活著不是單靠食物。』」
俊俊：「嘩！好高深喎！」
寧寧：「點止呀！我仲講埋跟住果句潻！果句！果句乜話……啱啦！就係『乃是靠神口裡所出的一切話。』你話啦，幾咁有世外高人Feel呀！」
俊俊：「完全無法抵擋，簡直係扮高深啲最高境界。係人都以為你咁樣講，唧係唔想食聖誕大餐嗰喎！你年年無得食，就真係抵你囉！」
寧寧：「Hm！Hm！不過果兩句經文，你要係真心真意先至好講喎！否則有乜嚴重後果，唔關我事架！」
俊俊：「真心真意？咁唔係真心嘅話，唧係點啫？」
寧寧：「如果唔係真心嘅話，就不外乎兩個原因啫。一係假冒為善，一係賀爾蒙失調，內分泌失敗，引致後天身心功能失常候群症。」
俊俊：「乜，乜嘢失敗引致身心功能失調，乜嘢症話？」
寧寧：「唧係你自己講乜嘢同做乜嘢，自己都唔清楚。」
俊俊：「哦！咁簡單嚟講，唧係傻嘅咁解嘛！」
寧寧：「唔……係你嘅知識範疇入面，用呢個名詞係可以接受嘅！」
俊俊：「好心你啦！仲係度扔扮高深！正一怪醫蠢博士！嗱！你肯定唔係假冒為善
架啦！」
寧寧：「當然唔係啦！」
俊俊：「咁你一定唔係身心功能失敗傻佬症啦！」
寧寧：「我梗係唔係賀爾蒙失調，內分泌失敗，引致後天身心功能失常候群症
架啦！」
俊俊：「咁你就係真心真意嗰隻囉喎！」
寧寧：「無錯！亦都因為我成日提住呢兩句經文，所以我年年嘅聖誕禮物都係『神口裡所出的一切話。』」
俊俊：「咁唧係乜嘢聖誕禮物呀！」
寧寧：「就係聖——經啦！」
俊俊：「年年你啲聖誕禮物都係聖經？」
寧寧：「無錯！」
俊俊：「嘩！你成日提住呢兩句經文，就年年都收到聖經做聖誕禮物；咁我真係要記住『你們祈求就給你們，尋找就尋見，叩門的就給你們開門。』呢句經文啦！」
寧寧：「我唔係亂求
架！我次次收到聖經都好開心既！無論精裝、平裝、袋裝、新約、舊約、新舊約，應有盡有。我仲本本都簽咗名潻，有紀念價值嘛！」
俊俊：「咁你有咁多本聖經，你有無睇吓佢哋
架？」
寧寧：「有！梗係有啦！我得閒就會同佢哋掃吓塵，抹吓封面咁啦！」
俊俊：「我、係、話、你有冇逐本聖經攞出嚟、睇吓、讀吓喎！」
寧寧：「哦！我——我唔捨得嘛！」
俊俊：「唔捨得揭爛？」
寧寧：「唔係！」
俊俊：「唔捨得整污槽啲聖經？」
寧寧：「唔係！」
俊俊：「咁你唔捨得乜嘢呀！」
寧寧：「唔捨得
睇呀！」
俊俊：「呵！原來你啲教科書同聖經都係好有紀念價值嘅！」
寧寧：「吓！點解呀？」
俊俊：「嗱！你啲教科書都簽晒你自己個名
架，而且全部你都唔捨得睇嘅！」
寧寧：「但係……」
俊俊：「但係你果啲NEW
YOUTH，YES，漫畫，就無乜紀念價值囉！所以你就成日睇，行又睇，食飯又睇，連個袋都有幾本係度潻！」
路人甲：「你使唔使咁講呀！你自己個袋夠有幾本『金田一』囉！」
寧寧：「咦？呢位係你個Friend？」
俊俊：「乜唔係你個Friend咩！」
路人甲：「哦！My
name is Pedestrian A！」
寧寧，俊俊：「吓！路人甲！」
俊俊：「阿路人甲，路人甲呀，請問你知唔知搭嗲，唔係，搭訕呢啲行為係唔啱
架？」
路人甲：「其實，我之前已經搭船到尖沙咀，再搭車到大埔，再經過搭咗棚啲地盤，先至到黎搭吓咀唧！比吓機會好喎！」
寧寧：「咁你啱唔啱Channel先？」
路人甲：「我啱！梗係啱Channel啦！你地頭先講果啲嘢，我磡嘭爛都奀架！」
俊俊：「你咁奀嘅話，你平安夜又有會玩乜嘢？公告天下
啦！」
路人甲：「唏！去Ball，食大餐，睇燈飾，入Camp，唱卡啦OK唱天光……呢啲節目，我同你哋一樣，全部試過嘥！係人都稱我為『玩家次世代肥寶寶』。不過，我最有興趣係想知道點解我哋要慶祝聖誕，平安夜呢？」
俊俊：「Silly
Question ！聖誕節係公眾假期嘛，梗係要玩到盡，開心到震啦！」
寧寧：「聖誕節，係要普天同慶，普世歡騰，歡樂滿香江，與眾同樂，樂而忘返！」
路人甲：「你哋唔覺得奇怪
既咩？其他公眾假期，好似國父紀念日，又冇得食國父大餐嘅？重陽節，又冇通宵登高Ball 你去嘅？係得聖誕節要個個都慶祝嘅？」
俊俊、寧寧：「點解要慶祝聖誕節呢？唔通係世界十大之謎之一？」
路人甲：「其實，只不過係為咗要紀念一個二千幾年前出世嘅人物之嘛！」
俊俊：「哦？慶祝佢出世嘅日子？」
寧寧：「咁！咁咪係即係佢嘅生日會囉？」
路人甲：「不過話時話，你哋見過一個冇主角啲生日會未？」
俊俊、寧寧：「未見過喎！係邊度有啲咁嘅生日會呀？」
路人甲：「就係呢度、呢度、果度、果度、度度度、中間度、羅便臣度……」
俊俊：「Short
咗？好禪喎！太High
Class！唔好扮世外高人啦！」
路人甲：「Kim！Kim！我係話，就係我哋個心入面嘅！我哋
Fever，Happy，歡樂今宵嘅時候，都冇稔過係因邊個人，令我哋要咁高興去慶祝嘅！根本主角就冇到嘛！」
寧寧：「係呢？係邊個攪到我哋有個公眾假期，重係要為咗紀念佢二千幾年前嘅生日潻，係邊個咁威水呢？」
路人甲：「唔好我講啦！不如等人哋講啦！」
俊俊、寧寧：「咁！就要聽吓啦！」
<
全劇完 >
|