|
A
:
咿!阿B
做乜係度見到你嘅？好難得喎！
B
:
哈，哈，
A佬，終於都遇到你啦，哈哈！真喺人生何處不相逢。
A
:
話時話啦，我哋都算係住係同一個區嗝，點解約親你參加成年部活動，次次都約唔到你，今晚竟然可以見到你喎。
B
:
你有所不知架啦！屋企人唔肯放人，要我用那三寸不爛之舌，同佢地動之以情，解釋到口水都乾埋，我先可以出到嚟架咋！
A
: 你屋企人唔比你嚟晚會咩！
B
:
哎！實質，佢地唔鍾意我返教會啲活動呀!
A
:
點解呢 ?
B
: 佢地話，我成個人迷晒入教會，成日都係教會流蓮，唔留係屋企喎！
A
:
噤你係咪成日都唔返屋企呀？
B
: 噤又唔係嘅！我都有返屋企訓覺、食飯、同埋去廁所，你知啦，始終都係要返屋企先會身心暢快架嗎。
A
:
我都係同你一樣喎，但係我就好彩，我屋企人又冇噤嘅反應喎。係啦，佢地點解會覺得你成個人迷晒入教會？
B
:
哦！因為佢地唔見我係屋企，就一定係教會會搵倒我。我放工未返屋企呀！去教會搵我實搵到啦！
今晚唔知我返唔返屋企食飯呀， 去教會搵我實搵到啦！ 呢個禮拜五、六、日呀！ 去教會搵我實搵到啦！
A
:
噤幾好呀！ 唔駛驚搵唔到你喎。其實你只係比較全情投入教會啲活動唧。噤你屋企人，佢地自己有冇全情投入邊啲興趣呀、活動呀噤呢?
B
:
有呀!
我老爹成日全情投入跑馬仔、老媽就成日全情投入開檯、啲細路妹成日全情投入拍拖、唱K，啊公公、婆婆就全情投入食齋、初一、十五入廟祭祀，所以大家都好忙架！
A
:
你咪話比佢地知，你都係好似佢地噤，投入自己嗜好嘅情況一樣，投入教會活動嗟，用譬喻，佢地咪更明白囉！
B
: 啊！ 係喎！ 話比佢地知，我返教會投入程度就如鹿切慕溪水一樣。
A
:
吓！
你估睇動物奇趣錄咩！ 佢地聽你噤講，實行彈開啦！
B
:
噤又係,
好似果次我播餅動物紀錄片映帶，我阿婆即刻成個彈開。
A
:
你個餅係乜野紀錄片，噤厲害？
B
:
個套片叫孔雀實錄， 我阿婆聽見套片名，就即刻彈開，話套片有毒，睇過會生癌噤話喎!
噤，唔可以話如鹿切慕溪水，又應該點譬喻呀！
A
:
你要用佢地嘅語言、喜好出發，去講解，噤佢地先明白你架嗎!
B
: 噤即係點呢？願聞其詳。
A
: 哎! 你見到阿爹，你就話返教會有得翻身，可以重新再嚟過!
B
: 乜我返教會有得翻身咩? 點翻身呀? 教吓我好喎！
A
:
你信主之後，就係新造嘅人，
舊事已過， 都變成新的， 咪係有得翻新囉! 重新嚟過!
B
:
呵!係喎！要翻新呀！去教會啦！噤又點同老媽講？
A
: 你就話比老媽知 ，教會三缺一 ，冇你唔得。
B
: 吓
! 我教會點會三缺一呀!
你解釋清楚好啲喎！
A
:
哎呀! 我哋嘅神係三位一體真神，有位格架嗎，
有聖父、聖子、聖靈位格，你信咗主，就係天父嘅兒女。噤你與神同在，咪一家人齊齊整整囉。
你話啦點可以缺少你個份呀!
B
: 係喎!
教會三缺一，我老媽聽到話三缺一咋！佢即刻飯都唔煮，仆倒去鴨脷洲潻。話三缺一，佢一定明白呀!
但係點同細路妹講，我返教會拍拖呀！雖然我係係教會識我老婆，但唔係每次返教會都係為咗見佢幾面架嘛，
有時係唔想對住佢先至去教會架嗎，你都係噤啦，你知架啦！
A
:
但係你好多時返教會，都係與神約會、與神相交呀嘛!
B
:
係喎! 月上柳稍頭，神約黃昏後
! 去教會有約會。惦!
好啦! 噤又點同公公、婆婆講解！
A
:
仲簡單，你咪話返教會拜神囉！
B
:
喂！大佬，我冇燒香、燒衣喎！你唔好屈我喎。
A
:
哎！你主日去教會崇拜，咪係敬拜神呀！係百分百拜神囉！
B
: 係喎！我哋都係拜神個喎！不過我哋用詩歌、頌辭、讀聖經、禱告、聽道嚟敬拜神嗟。
A
: 話時話啦！你屋企人話你成日返教會，你究竟成日參加教會邊啲活動呀!
B
:
老實講，教會有好多活動我都參加架，不過次次唔見你唧。我就有返，好似團契呀！小組聚會，主日學，查經，崇拜，事奉，議會，探訪，聯誼活動，仲有可以食嘢唔駛俾錢嘅愛延，好多好多，不能盡錄。但係屋企人最多意見係我返祈禱會囉！
A
: 佢地唔明你點解返祈禱會?
B
: 佢地唔明，點解要返祈禱會品神喎!
A
:
你點同佢地解釋?
B
:
我話返祈禱會，除咗祈求之外，亦可以讚美，感恩，代禱，求神指引，認罪，讀聖經，分享，好多花款架。
A
: 噤多姿多彩，真係好吸引喎!
B
:
但係佢地話祈禱，就可以成真，咪好著數！ 唔駛劏雞，燒豬。人哋就算係去借庫度水，都要爭插頭注香啦！就噤祈禱嗡幾句，就可以成心所願，邊有噤著數呀，簡直係無聊嘅會呀！
A
:
但係神的確應許，我地多人一齊祈禱，佢係會係我哋隔離垂聽過喎！聖經有記載，你們當中若有兩個人，在地上同心為甚麼事祈求，我在天上的父必為他們成全。因為無論在那裡，有兩三個人奉我名聚會，我就在他們中間。而且好多人都分享過祈禱後嘅奇妙經歷，真係唔到你唔信架。好似阿黃姑娘咪講過有位姊妹返教會後，祈求神幫佢唔好噤大舖打麻將癮。佢過咗一排竟然發覺打牌贏錢唔開心，人哋三缺一搵佢墩腳，佢竟然可以開口拒絕人，佢成世人都未試過可以做到!
B
:
係呀!我都係舉呢個例子俾我老媽知，仲話俾佢知，我都有噤樣幫佢代禱架！
A
:
你阿媽係咪感激到流淚呢？
B
:
佢就冇流淚，有冇感激，我就唔知啦，佢只係好細細話我知，叫我淨係祈禱祝福佢前半句就夠，後半句就唔駛啦，多謝夾誠惠。
A
:
噤前半句祝福你阿媽乜嘢？𦺋
B
: 就係祝福佢打牌贏錢。
A
:
後半句係…
B
: 祝福佢贏錢都唔開心囉 !
A
:
噤睇嚟，你屋企人其實都相信祈禱係有力量個喎 !
所以表面唔認同祈禱會，實質只敢細細聲叫你祝福佢哋。
B
: 係呀!我都有同感。聖經話神的話語沒有一句不帶能力，我就話人的話語每句亦都帶能力，尤其是中國人，係非常認同我嘅講法。
A
: 何以見得?
B
: 嗱
!
我地好怕啲帶衰氣嘅詞語，怕講咗出黎會應驗，所以就要用一啲祝福嘅詞語嚟代替。好似通書就改為通勝。
A
: 豬舌改叫做豬脷，豬肝就叫做豬潤，筷子趺落地要叫快樂，快樂。
B
:
連買樓交收果層樓，都要叫做交吉。
A
: 不過有一樣嘢，好多香港人就忘記咗呢啲忌諱。
B
: 噢!有啲噤嘅事？
A
: 仲係好多香港人年三十晚到年初一零晨時，都一窩蜂卜倒去爭頭位做潻！
B
: 唔係呀嗎！有啲噤嘅事? 趕住去爭啲衰氣返嚟 ?
究竟係乜嘢事幹?
A
:
就係趕住去插頭注香啦!
B
:
吓!
乜插頭注香都係帶衰氣嘅詞語咩?
A
: 梗係，你話啦，如果佢地去賽馬會投注都香，你話幾大件事呢!
B
: 係喎!真係冇稔過趕插頭注香，即係叫自己成年博彩投注都香，真係大件事。點解我地唔察覺到嘅？
A
:
我稔係人嘅智慧有限，所以一時無稔到囉 !
B
:
噤又係，事實只有神啲智慧先至係無限。講真，如果能夠得到無限智慧嘅神嘅祝福，就真係WONDERFUL
啦。
A
: 而且唔需要你係唔係信主，都可以得到佢嘅祝福。
B
:
你地想唔想得到神嘅祝福？
A
:
好簡單啫，只要你今晚向神祈禱，求神祝福你，神就會比你出奇不意嘅福份同平安。聖經話：只要凡事藉著禱告、祈求和感謝，將你們所要的告訴神，神所賜出人意外的平安，必在基督耶穌裏保守你們的心懷意念。
B
: 係呀!
耶穌有應許過，你們祈求就給你們，尋找便尋見。哎! 不過可惜呀! 可惜呀!
A
:
可惜乜嘢?
B
: 可借我地唔可以傳送神既福份比各位。
A
:
但我地可次傳遞人話語既祝福語句比大家格。
B
:
冇錯，嗱！同大家相處咗幾分鐘，真係有啲依依不捨潻。但如果你到宜家有稔過成晚呢兩個傻佬係度，好辛苦噤發嗡風，真係好可憐。你有噤稔法既話，噤有同情心，你就一定有福。
A
:
若果你有啲啲覺得呢兩個傻佬發嗡風。都係為咗比啲娛樂我地嗟!不餘比啲掌聲，鼓勵吓佢哋噤努力。有噤樣稔法既，噤有雪中送炭嘅心，你就一世都有福啦。
B
:
若然你有啲啲想同屋企人介紹吓去教會可以翻身、三缺一、約會兼拜神既地方，有考慮過同屋企人一齊得到神既祝福，噤有使命感嘅心，你同你屋企人一世都有福啦！
A B
:
多謝
!
<
全劇完 >
|