Asimovo

IK: 155

Ligiloj Enciklopedio

Asimovo (1920-92) (angle, Isaac Asimov), la Bona Doktoro, estas usona auxtoro de sciencfikcio kaj sciencfakto. Kvankam li verkis centojn da libroj pri scienco por la vulgarulo, sia famo devenas de siaj noveloj kaj romanoj pri robotoj, la serio Foundation (historio pri la estonta galaksio), kaj la novelo "Nightfall" ("Noktigxo"). Kaj, parenteze, li estas la baptopatro de cxi tiu enciklopedio, grave influinte la redaktoron dum lia juneco.

Kvankam naskigxinte en la Rusio de Lenino, Asimovo plenagxigxis kaj plejparte logxis en Novjorko. En 1989 (almenaux) li logxis cxe 10 West 66th St, 33-A en Novjorko.

Lia sciencfikcio estis plejparte verkita dum la jaroj 1939-57 kaj 1982-92. Post Sputniko, dum 1957-82, Asimovo precipe skribis por popularigi sciencon. Asimovo laboris kiel profesoro de biohxemio cxe la Universitato de Bostono 1949-58, esplorinte pri nukleacido, sed post 1958, sole kiel auxtoro. Asimovo verkis cxirkaux 500 librojn.

El liaj libroj pri scienco, la majstra verko estas Asimov's New Guide to Science (1984, "La Nova Gvidlibro al Scienco de Asimovo").

La robotoj de Asimovo, por vivi paceme en homa socio, devas obei tri legxojn:

La Tri Legxoj de Robotiko

1. Roboto ne difektigu homon aux, per senagado, lasu homon difektigxi.
2. Roboto devas obei ordonon donita al gxi de homo, krom se la ordono kontrauxdiras la Unuan Legxon.
3. Roboto devas gardi sian ekzistecon, krom se tio kontrauxas la Unuan aux Duan Legxon.

   -- Manlibro de Robotiko, 56-a eldono, 2058 p.K.

La sciencfikcio de Asimovo skize kaj hazarde priskribas la venontajn 23 mil jarojn da historio. La historio konsistas de tri epokoj:

• 1998-11584 p.K.: La disvolvigxo de robotoj kaj kosmovojagxo. Robotoj farigxas anoj de homa socio. La galaksio estas koloniigita.
  • 1998-2052: I, Robot
  • 3421: The Caves of Steel
  • 3422: The Naked Sun
  • 3424: The Robots of Dawn
  • 3624: Robots and Empire
  • 4850: The Stars, Like Dust
  • 11129: The Currents of Space

• 11584-23652 p.K. (0-12068 GE): La epoko de la Galaksia Imperio
  • 12411: Pebble in the Sky
  • 23604: Prelude to Foundation

• 23652-24954 p.K. (0-1302 FE): La Fondajxo: dum la disfalo de la Galaksia Imperio, psikohistoriisto Hari Seldon semis la fondon de nova imperio sur la planedo Terminus. Spite de liaj formuloj, historio montrigxas alie...
  • 23731-812: Foundation
  • 23847-963: Foundation and Empire
  • 23968-029: Second Foundation
  • 24150: Foundation's Edge
  • 24150: Foundation and Earth,

....

• Vidu ankaux: galerio de geniuloj Enciklopedio Kalblanda Stefano Kalb Lenino modernismo Rusio

• pri Asimovo: angle cxehxe cxine dane france germane greke hispane itale islande japane koree nederlande norvege portugale svede

• literaturo: lingvo: angla

• diroj (angle)

• Verkoj:
  • 1950: Pebble in the Sky ("Sxtoneto en la Cxielo")
  • 1950: I, Robot ("Mi, Roboto")
  • 1951: The Stars, Like Dust ("La Steloj, Kiel Polvo")
  • 1951: Foundation ("Fondajxo")
  • 1952: Foundation and Empire ("Fondajxo kaj Imperio")
  • 1953: Second Foundation ("Dua Fondajxo")
  • 1954: Caves of Steel ("Kavernoj de Sxtalo")
  • 1955: The End of Eternity ("Pereo de Eterneco")
  • 1957: Naked Sun ("Suno Nuda")
  • 1972: The Gods Themselves ("La Dioj Mem")
  • 1982: Foundation's Edge ("La Rando de la Fondajxo")
  • 1982: The Complete Robot
  • 1983: Robots of Dawn ("Robotoj de Tagigxo")
  • 1984: Asimov's New Guide to Science ("La Nova Gvidlibro al Scienco de Asimovo")
  • 1985: Robots and Empire ("Robotoj kaj Imperio")
  • 1986: Foundation and Earth ("La Fondajxo kaj la Tero")
  • 1988: Prelude to Foundation
  • 1989: Nemesis
  • 1993: Forward the Foundation

• ringo de TTT-ejoj pri Asimovo

• novajxgrupoj: alt.books.isaac-asimov

~stefano@pobox.com/11.481 B 37 20:49:58 T