Enciklopedio Kalblanda

Enciklopedio Kalblanda estas eta surreta enciklopedio en Esperanto, la unua tia enciklopedio laux mia scio. Gxi estis fondita de Stefano KALB, la redaktoro, je la 11-a de januaro 1996. Gxi nun (novembron 2001) havas 251 artikolojn: 150 internajn kaj 101 eksterajn. Preskaux unu nova artikolo estas aldonita po meza semajno.

• Enhavo

Notu: Mi nun laboras por aldoni la internajn artikolojn al la Esperanta Vikipedio. Provizore, mi nun laboras kiel kontribuanto al la Vikipedio, ne kiel agema redaktoro de la Enciklopedio Kalblanda. Junion 2002 mi decidos cxu mi donos la plejparton de mia laboro al cxi tiu enciklopedio aux al la Vikipedio. (- Stefano Kalb, la 4-an de decembro 2001).

Celoj

• Senkosta - la teksto de la artikoloj estas sub la GPL
• Enhavas bildojn.
• Enhavas ligilojn eksterajn kaj internajn
• Verkita en klara stilo.
• Verkita en lingvo facile lernebla (aux almenaux facile tradukita al iu ajn lingvo).
• Enhavas bazan enkondukon pri cxiu grava temo.
• Cxiu pagxo estas mallonga (teksto + bildoj < 64K) kaj enkonduka: legantoj kiuj deziras legi plue aux iri pli profunde, sekvas laux ligilojn (internajn aux eksterajn).
• Enhavo gxusta kaj ofte aktualigita, plenigante la informan truon inter jxurnalo kaj libro.
• Uzas la virtualecon de la TTT, sed kie la TTT mankas bonan, fidindan informon pri temo, la enciklopedio provizas tion.
• Diversaj vidiloj al la sama informo: indekso, laux temo, mapo, jarcenot, ktp.

Cxi tiujn celojn mi deziras por la enciklopedio kaj strebas plenumi.

Mi verkas la plimulton da la artikoloj, sed mi ankaux ligilas al pagxoj verkitaj de aliaj en Esperanto laux oportuno. Ekzemple, mi ne verkis la artikolojn pri kvakerismo.

Inspiroj:

• Wilbur Hanson KALB, frato mia, kiu, havinte nur 7 jarojn, skribis kaj ilustris por si mem enciklopedieskajn artikolojn. Ekzemplo kiun mi sekvis havinte sep jarojn...
• Asimovo, usona auxtoro de sciencfikcio kaj populariginto de scienco. La baptopatro de cxi tiu enciklopedio.
• La TTT-ejo de James J. O'DONNELL, profesoro de klasika literaturo cxe la Universitato de Pensilvanio.
• La surretaj Notolibroj de Cosma SHALIZI, usona fizikisto (kiu, lauxvice, estis inspirita de la Filozofia Vortaro de Voltero kaj la Quiddities de Quine).

• Lingvo: Esperanto (kial?), uzante iksan kodon (kial?).
• Mezuro: SI-unuoj (la metra sistemo)
• Kalendaro: la gregoria kalendaro; jaroj post kaj antaux Kristo; horo loka aux laux GMT.
• Valuto: denaro (d) (~= 1980 US $1.00 ~= 200 mg da oro), uzante metrajn prefiksojn (ekz., 1000 md = 1 d, 1000 d = 1 kd, ktp).

  Cxar la denaro ne estas uzita de iu ajn nacio, gxia valoro ne suferis pro inflacio, sed havas valoron konstantan. Vidu la pagxon pri valuto por sciigxi pri gxia nuna valoro laux naciaj valutoj.

Notu ke mi montras jarojn a.K. per minus kaj jarojn p.K. senminuse:

-603 = 603 a.K.
603 = 603 p.K.

Kaj, simile, mi montras jarcentojn antaux kaj post Kristo per minussigno kaj romia numero:

En la jarcento -IV, Aleksandro la Granda konkeris okcidentan Azion.
En la jarcento XX, homoj vojagxis al la Luno.

En -IV, Aleksandro la Granda konkeris okcidentan Azion.

Ligilo al Verko: Kie mi povas, verko estas listita en sia originala titolo en sia originala lingvo; alie la titolo estas en Esperanto. La ligilo mem iras al iu ajn Esperanta traduko. En parentezo post la titolo estas listo de lingvoj: la unua lingvo estas la originala lingvo kaj ligas al la originala teksto; la aliaj lingvoj ligilas al tradukoj en tiuj lingvoj.

Ekzemple el la artikolo pri Danto:

Verkoj:

• 1293: La vita nuova ("La vivo nova") (itale)
• 1306: De vulgari eloquentia ("De nacilingva elokvento") (latine)
• 1307: Convivio (itale, angle)
• 1313: De monarchia ("De monarkio") (latine)
• 1321: La Divina Commedia ("La Komedio Dia") (itale, angle)

Se vi havas kritikon, gxustigon, aldonon, artikolon aux ligilon al nova artikolo, bonvolu retposxti gxin al mi, la redaktoro, cxe stefano@pobox.com. Dankon!