近來d生活正常番好多~
點幾就訓~~
今晚, 我睇返中學時o既紀念冊~
諗番起好多野...
除o左Athena...
我已經成兩年冇見過我以前最friend o個幾個啦~
拎起個電話打...
都唔係好難o者~
做咩我連咁樣都做唔到丫~~>_<"
冇鬼用~~
睇到一d佢o地寫比我o既真心話...
唔知點解...
有d幾想喊o既感覺~
因為宜家...可能身邊o既人都唔會點對你講真心話~
但係好好彩...我仲好慶幸, 有幾個會同我講真心話o既朋友~
多謝你o地~~
一諗起工筆畫o既功課~
我就想死~
唔想做佢d功課呀~~
都唔係教書o既~~~v_v
終於都買o左暖貼放入貓貓暖墊裡面啦~
宜家好暖呀~~ ^_^
有人工暖爐~
當冇人肉暖爐o個時~
都唔怕凍lu~
搞o左好耐~
昨日搞o既新版面~
export 極~都export唔到我本身畫出黎o既顏色效果~
激死我啦~~v_v
仲有...左手面同埋右手面...
又唔多襯~
算啦~
我諗大家唔mind o既~~
係咪先~~?!?
唔准答唔係o架~~~~~~
今朝...8點起身~
真係想死~~
都唔知幾耐未試過咁早起身啦~
去到海防博物館影相...
簡直係身體勞動~~~搞到我o地流哂汗~~v_v
等我o地仲著咁多衫tim~~
影完相~ 都成12點幾~
返番去銅鑼灣, 行o左一陣~
買o左一d野~諗住整另一d野出黎~
但係返到去試下整~
嘩~~超唔掂~~v_v
唉...又要再研究下tim~
不過我買得幾開心o架~
因為買到我最想買o既野~
合哂我心意...
希望到時整到出黎~
會好似我想像中o既咁好啦~~
經過今日, 我覺得我近來真係變o左~
以前我一定唔會特登要見一個人一陣~
返o左屋企, 都會再出番黎~
仲要出到黎~ 要我等成45分鐘咁耐o個隻~
搞到我周圍行...漫無目的咁行...
um...睇黎~ 呢d就係愛情o既魔力啦~
是時候...要轉換一下網頁的版面了~~
二月份的版面...
一個充滿愛的版面...
當然...要等到二月先upload上去啦~
危險...
有人企圖或意圖想炸我...
恐怖~~v_v
ICQ INFO:
咖啡軟糖...先苦後甜...
就像愛上咖啡軟糖般愛上你...
--------------------------------------------------
視線焦點對著近在咫尺的你.
但其實你雖近還遠...
+++++++++++++++++++++++++++++++++++++++++++++
crazy but i believe...
i knew i loved you before i met you...
本來星期四去海防博物館影相o既~
但係check過...原來星期四係休息o架~
咁所以改o左聽日~
唉...大件事~
要好早起身呀~
我諗...7:45就要起身啦~
慘慘~~
阿mon去完澳洲返黎~
哈哈~~~帶o左兩樣我好鐘意o既野比我~
2盒火柴同埋羊羊夾~
火柴一盒係白色, 一盒係燈燈o地o既色咁~
呢種顏色o既火柴, 我冇o架~ 好特別~
多謝哂~~ ^_^
今日係阿敏生日~~仲有係Josephine生日~~
生日快樂~~ ^_^
終於都要返學啦~
真係唔多願起身~~v_v
不過有人叫...我又點會唔起丫~~
放o左學...就去o左搵阿程食飯~
同埋佢d同事一齊飲茶~
我o地已經去到要成日見o既地步...
咁樣真係唔多掂o架喎~
但係...遲d...想見都冇得見~
宜家有得見~就好見啦~
唉~~
今晚媽咪好有興致咁叫o左我出去行街~
出面好凍凍呀~~~ >_<"
返到黎屋企...無無聊聊~
咪睇下電視囉~
拎住個搖控轉台~
轉轉下~轉o左去衛視睇~
竟然睇到一套我好鐘意o既日本劇集~~
好岩feel~好正呀~
套野叫做..."你令愛了不起~"~
我記得呢套野, 只係一集過...
我以前將佢錄低o左o架~
但係, 宜家唔知去o左邊lu~~v_v
um...好掛住你tim~~
假期話咁快就結束~
聽日就要返學lu~
呢個假期~我都好少o係屋企...
今日難得一日休息下~
當我落樓下收信o個時...
發現到...呢個世界又真係幾虛偽下...
平時又唔佢咁好口~
但係...見到今日o既佢...
嘩~~~幾識講野呀~~
新年呢個日子...原來亦都係虛偽o既日子~
昨晚點幾就訓~
今朝成十二點幾先起身~
訓到飽哂~~
食完野之後, 見冇咩野做~
就去o左整朱古力食...
um......er......
比我搞到好似整煎朱古力咁...
味道就冇咩問題~
但係個買相就...v_v
算~~
都係買黎食好過~
學咩鬼人o地整丫~~
前排同阿亮失去聯絡~
佢呢個人, 十年都唔玩次icq~
點知佢昨晚彈番出黎~
睇黎佢有好多事發生o左...
佢話今晚搵我詳談~~
o~~大件事~~
我宜家又喉嚨痛~又頭痛~
佢條友仔...唔點幾兩點都唔打黎~
咁我咪好大穫...
都唔知同唔同佢傾好~~v_v
今日凍o既程度...真係...無話可說~
今朝好醒目咁...10點就醒o左...
咁人o地話11點會黎到我屋企樓下o架嘛~
點知到10點幾打電話比佢~
佢飛o左去留言...
哈哈~~都知發生咩事啦~
有人唔知醒喎~
咁於是掉番轉, 我去佢屋企樓下等佢~
好衰唔衰, 今日著o左對成兩寸高o既鞋~~
搞到我鬼咁死痛~~v_v
真係痛到差d想喊~
夜晚, 上o左阿程屋企打邊爐...
唉...諗住實冇咩事啦~
點知...仲哂佢招...
整到我......
唔得...下次都係小心d好~~
今日見完, 可能要到下個星期六先有得見lu~
慘慘~~>_<"
昨晚o既心情~ 我實在都唔知點形容~
精神上, 係有好多野諗...
照計, 就應該訓唔著o既~
但係...始終敵唔過身體上o既疲累~
所以...好快就訓著o左啦~
今日真係訓o左好耐好耐~
訓到差唔多成點先起身~
本來諗住打電話比佢o既~
但係, 心有不甘~
都係唔打~~
做咩要我打比佢喎~
到咁上下, 佢打o左兩次比我~
我都鬥氣~唔聽~
跟住...哈哈~~
我又死死氣~覆番佢~
扮到d態度懶係冷淡咁...
其實, 我咪又係口不對心~
搞完一大輪野~
我就做功課啦~
做民間藝術d功課~
嘩~一做就做o左成6個鐘~
手指都痛埋~
加上天氣又凍~
d手指又凍又痛~
真係頂癮~
今晚daddy返屋企o個陣~
同我講~
你終於今晚都o係屋企食飯啦~
我都幾晚冇見過你lu~
好明顯~佢呷緊醋~
真係冇佢扶~
咁快...就一個月lu~
其實今日我o地應該一齊先岩~
算啦~
橫掂聽日都見...
數數下~我o地呢個星期~
都見o左好多日啦喎~
過多一排~
唔知我o地仲會唔會咁想見對方呢~?
今日係年初三,
係我同阿程o既一個幾重要o既日子...
本來成日都好開心o架~
去影o左第一張貼紙相啦...
周圍去揀袋袋啦...
又去睇"劫後重生"啦...
但好衰唔衰...
臨尾o個陣,
我問o左一個我昨晚已經打算問o既問題~
不過昨晚我就問唔出口...
點知...今晚知道o左答案...
我原來係介意o架喎~
um...其實唔問...我都應該估到o既~
我自問唔係一個好traditional o既人~
所以, 我諗幾日之後~ 會冇事o架啦~
昨晚只可以用一個字黎形容,
就係"累"...
本來諗住點幾就去訓o架啦~
點知...突然阿聰殺出~
話佢未講完佢想講o既野,
就唔比我走喎~
咁我做細妹o既~~
當然要聽啦~~
係我o既責任黎o架嘛~~ ^_^
講講下, 就講到差唔多成三點...
一邊同阿聰傾, 一邊同楠楠玩鋤dee~
玩o左一兩鋪, 就冇玩lu~~
昨晚叫阿程今日10點叫我起身~
跟住過去佢屋企~
但係因為我太累啦~
所以我叫佢比我訓多個幾鐘先起身~
成12點幾1點先去到佢屋企...
之後成4點幾先出去...
咁一早諗住去輝輝老爺屋企睇狗仔o架嘛~
我o地出門口, 咪打比佢囉~
咁岩佢就o係附近~
所以...就同佢食完飯~
再車我o地去佢屋企 - 西貢~睇狗仔啦~~
狗仔得意得意~~ ^_^
開心開心~~
好乖乖呀~~~
睇o左一陣~就出返去尖咀...
年初二, 尖咀當然會多人~
咁多人呢...自然會多警察啦~
心入面諗, 會唔會又見到430呢~
哈哈~~o個頭諗完~
電話就響啦~
係阿wing打黎~
話佢同阿yan o係尖咀見到430~~
真係夠哂"Q"啦~
夜晚同阿程拍住拖咁...行返屋企...
由銅鑼灣行返去...
經過金鐘...就好即興咁去睇102斑點狗啦~
狗仔好得意~~
我第時一定要養狗仔至得~~~
今日check e-mail o個陣~
一開黎睇~
竟然有成12個e-mail咁多~
全部都係jeffrey send黎~
差d嚇死我~~
今朝去完阿爺屋企拜年,
唔洗一個鐘, 就食完飯...
跟住就即刻返o左屋企,
我啦~daddy mummy啦~仲有阿哥~
就打麻雀~
嘻嘻~~我贏o左百幾蚊~
算係咁啦~
因為我次次打親都係輸o既多~
今晚食飯o個陣~
我daddy開o左枝XO黎飲~
佢叫我飲, 咁我咪飲一啖囉~
點知就仲招啦~v_v
好難飲o既~~~
即刻搞到我成個人興哂~~
噫~~~~
飲完成個口都係o個d味~
唔制呀~~>_<"
去舊迎新~
大年初一~
祝各位新年happy~
身體健康~
冇男女朋友o既, 就要行桃花運~
讀緊書o既就學業進步~
當然, Athena啦~棠棠啦~仲有水水~
你o地考a-level要醒醒目目~順順利利啦~
而細佬呢~ 就要行好運~
楠楠做畢業功課~~就要多d idea~~~
我自己都冇咩望lu~
因為我宜家已經好幸福啦嘛~~
我一月一日穿耳~
咁耐都冇流過血~
但係今日戴新耳環上去~
就即刻流...
臨年尾見紅...
係好事, 定係壞事呢??
今日對我黎講, 算係一日幾特別o既日子~
因為我...去男朋友屋企食團年飯~
真係好緊張, 好緊張o架~
但係, 情況都冇我想像中咁差o者~
第一次o既表現, 都算係咁o架啦o掛~~
食完飯, 去o左行年宵,
程程買o左個好大o既風車比我~
係貓貓黎o架~ ='.'=
不過就唔係幾諗到放o係邊囉~~v_v
話說今日下午非常得閒~
咁我就同媽咪去o左行銅鑼灣啦~
嘩~~~真係多人到暈~
買親野比錢, 都排餐死~~
其實, 今日o既心情, 有好多野係可以講~
之不過, 我又唔多識點形容~
算啦~
我自己明就夠啦~
呢一年以來, 我經歷o左好多野~
我o既朋友, 亦都經歷o左好多野~
某程度上, 我唔係一個勇敢去面對現實o既人~
但係, 我身邊朋友o既表現,
話比我聽~ 勇敢去面對, 比起去逃避~
會體會到更多野~
阿心, 我支持你~
昨晚凍親...好想嘔~
但係嘔唔出~
反而今日好返好多~
就嘔得出~
講樣野比你o地聽丫~
我食完自己煮o既野~
先嘔o架~~
不過...唔係我煮得難食呀~~
你o地一定要信我呀~~~
用盡方法去保留呢一個call,
點知...呢幾日唔記得delete番d冇用o既history~
所以, 我留唔住...v_v
其實咁樣係咪即係話比我聽~
我終於要完完全全咁...忘記你呢~?
今朝又係唔多願起身返學~
因為真係好累好累...
今日原本上工筆畫o既~
但係後尾改o左上民間藝術~
真係好啦~ ^_^
放o左學, 去食飯~
之後同apple去sogo揀野食黎拜年~~
買o左d好似幾好味o既野~
希望人o地會鐘意食啦~
跟住陪埋apple去稅務大樓,
就返屋企lu~
搭車o個陣, 打o左個電話~
因為有野做, 所以傾o左一兩句就收線...
突然之間, d感覺冇o左...
唔係咁開心~
可能, 我覺得自己阻住人做野o掛~v_v
返到屋企, 我就開始煮野食啦~...
哈哈~~都好耐冇試過入廚lu~
整整下, 又搞o左兩個鐘~
時間真係過得快啦~
頭先, 我特登冇聽兩個電話~
唔知點解唔係咁想聽~
冇咩野想講~
呢種感覺幾可怕...
o係煮野食o個陣, 玲玲打電話比我~
我因為冇手聽, 所以煮完野~
先覆返佢~
佢昨晚都打過比我o架~
但係我聽唔到電話響, 所以又冇聽到啦~
同佢傾o左一陣~
講o左我今日o既心情比佢聽~
佢同我講, 話我已經深深咁鐘意o左呢個人~
我先會咁樣...
我諗, 佢應該講得岩o掛~
如果我唔係緊張佢, 在乎佢,
我又點會有d咁o既心情呢~
到最後, 佢打第三次電話比我,
我終於都聽o左...
唉...我又鬧情緒啦~~>_<"
望住昨日你買比我o既零食~
我已經冇哂心情去食...
見到一d都唔開心~
冇哂昨日o既心情...
我好怕, 自己一夜之後, 對你o既感覺,
又會變o左另一回事...
今日成日, 阿程都買o左好多好好味o既野比我食呀~~
好開心~~
好好味...心情都靚d~~ ^_^
跟住夜晚, 我o地去o左睇"鍾無艷"~~
都叫做幾好笑~
其實, 我宜家冇咩心情...
因為睇戲o個時凍親...v_v
搞到我成個人"偶偶o地"...
唉...
哎呀~ 今日因為同阿哥一齊出門口~
佢一落街, 就引我食煙~
搞到我破o左戒, 食o左一枝...
v_v
但係我都好坦白o架~
自首...
前日, 我一枝煙都冇食過...
昨日, 我食o左一枝煙...
今日, 我應該會一枝都唔食~
好快就到新年啦~
希望我可以做到應承o左你o既野啦~
想佢打電話比我o既人, 佢又唔打黎~~(我指細佬~)
唔想佢打電話比我o既人, 佢又打黎~~(我指Benjamin~)
好唔掂~
好討厭~
成2點都打比我, 你冇病呀嘛~~
雖然我仲online緊,
但係唔代表你可以咁夜打比我~
因為你又唔係我邊個, 又唔係我o既好朋友~
你一直以來對我造成o既騷擾~
令我覺得再冇必要同你講野囉~~
朋友呢樣野~ 背信棄義就叫反骨...
但係兩個朋友, 是但背棄一邊,
都會比另一方話佢反骨~
唉~~真係手掌又係肉, 手背又係肉~
天呀~
點解咁o架~~
楠楠~~唔好再內疚啦~~
我真係好明白你o既心情~
而你一直再down落去, 都唔係辦法~
要快d收拾心情先得啊~~
如果唔係, 對做畢業功課好有影響o架~~~
自從o個日細佬聽o左我電話, 但係冇出聲o個次之後~
我就冇打比佢lu~~
因為我真係好hurt~
不過今晚睇戲o個時...臨入場之前,
我就手痕, 諗住碰下運氣打電話比佢啦~
點知響o左一陣~ 佢終於都肯聽啦~~
好開心呀~~
佢同我講, 佢有好多野煩~~
差d死人o個隻咁嚴重~v_v
咁因為我要睇戲...所以好快就收o左線~
而佢, 亦都叫我夜d搵佢...
點知返到黎,...都搵佢唔到~~
唉...好擔心呀~
唔好嚇我啦~
我唔嚇得o架~~
要我比時間你, 唔係唔得~
但係, 可唔可以話我知, 你需要幾耐時間呀??
今晚o係山頂影相o個陣...
望上個天...
有好多好多星星呀~~
真係好靚好靚...
如果成日都可以同你一齊睇就好lu~
今朝我daddy mummy唔知搞咩~
兩個成日拍我, 同我講野...
而實際上, 我都冇醒過,
完全唔知佢o地同我講過d咩~
只係最記得一句...就係...叫我記得食藥~v_v
今日上立體設計~ 悶到暈~
成堂都係屈銅線, "痴"銅線~
放o左學, 又係飯都冇食~
就落o左舖頭看舖~
我見冇野做, 就繼續整埋張畫~
daddy仲幫我手屈銅線~
所以, 我已經整好哂啦~~
真係好啦~~ ^_^
今晚同阿程又上山頂...
唉...又影相~
希望今次掂啦~~
9點幾我o地落番黎, 之後去o左皇室睇"終極天險"...
好緊張啦~~都算係水準之作~~
值得一看o架~
睇完出黎, 已經12點幾~~
好累好累~~~
應該去訓覺仔lu~~
今晚同阿楠分析夾組o既事~
唉...
搞到國寶出動, 大件事...
加藤今日生日, 生日快樂~~ ^_^
唔知...今晚阿玲, 有冇比驚喜你呢~~
哈哈~~
今朝起身, 都知自己唔妥o架啦~
起身之前, 連續打o左幾個"乞痴"...v_v
不過過o左一陣, 就冇咩事,
於是我就冇理佢啦~
因為都成個月啦~ 一時有事, 一時冇事~
醫生都睇o左幾次, 見好番d~
我又冇再理佢~
由得佢"偶"好...
但下午返o左屋企之後,
情況有變~
覺得自己慶慶o地...
所以最尾都係去o左睇醫生~~v_v
今次...真係要打針針啦~~~
痛痛~~
唔制呀~~~
今日好似平時返學咁早起身~
因為阿程今日唔洗返早嘛~ 所以咪早d起身,
出黎見一陣囉~
搭van仔o個時, 佢拎o左兩個盒仔出黎~
一個藍色, 一個粉紅色...
叫我估下係咩黎...?!?
其實又點會估唔到丫~
開心~ 好開心~ ^_^
不過, 比佢搶先一步做o左...
搞到我又要諗過...
對我黎講~ 應該係男仔做o既野,
我唔覺得一定係要男仔做~
女仔做都得o既o者~
食完野, 行o左一陣~
去o左搵四月媽媽...
但係唔敢入去呀~
費事啦~ 一陣輝輝老爺話我o地多事就唔好啦~~v_v
點幾兩點, 程程就送我去搭地鐵啦~
我一邊聽md, 一邊睇"初戀o拿喳麵下集"啦~
可能睇得太入神, 搭錯車都唔發覺~
咁我o係尖沙咀上車, 去金鐘, 都係搭一個站o者~
點知搭搭下, 去o左旺角...
咁我一見到紅色, 就知大穫, 搭錯車~
因為金鐘係藍色o架嘛~~
於是拿拿臨落車啦...
哈哈~~真係大頭蝦啦~~
Benjamin冇啦啦又同我講~
"不敢愛, 只因我愛妳不起."
唉...
講黎冇意思啦~~
仲講, 連friend都冇得做~
加藤聽日生日呀~~
預先講句生日快樂先~~
希望你同阿玲永遠一齊丫~~~ ^_^
各人對生活o既要求都唔同~
我對我o既生活要求, 其實好低~
同甘共苦o既愛情, 你估我唔得咩??
覺得我唔得o既人, 你睇錯人啦~
老套d講句, 食得飽, 穿得暖已經夠...
何必放肆自己對物質o既要求呢~?
雖然...或者想比最好o既生活我...
但係...有你o既生活, 就已經係最好o既生活~
一係就冇野煩~
一係就多野煩到死...
楠楠又有野煩~ 知佢唔係幾開心~
我又做唔到d咩~
自己又有野煩~
要過一d平淡, 又快樂o既日子~
原來係好難o架~
打133, 再打細佬個電話...
佢今次終於都有聽~
但係...佢冇出聲...
我...已經唔知自己做緊d咩啦...
呢幾日, 真係好好訓...
亦都好早就訓~
返學o個時, 收到好消息~
就係星期一唔洗上谷姐姐堂~
開心死~~
d功課又可以遲d先做lu~
放o左學, 食完飯~ 我去o左搵阿yam剪頭髮~
由點幾剪到成五點~
剪碎o左同薄o左~ 仲有染o左紅色~
都剪得幾滿意~ ^_^
心情都好d~......
但宜家, 我心情好差...
其實有d野, 唔應該同我講~
再講o既話, 我會覺得根本唔會長久~
我會選擇離場...
還要將 這雙眼如何俯瞰
然後才可 將猜疑都變信任
還要等 雙手再如何拉緊
不說話也可和你熱吻
還要經 多少放任和寬恕
然後才可 將安全感覺抱住
還要經 多少次和諧相處
不見面也可 學會獨處
用最孤獨的心 換最溫柔的愛
我仍然盼待 何時才發現
就算天涯海角 都可能覆蓋
我們難道沒信心 這樣愛
還要講 多少對白來撫慰
難道言語 竟比內心更美麗
還要將 多少愛埋藏心底
感覺便會保留到下季
其實...我一d都唔明~
唔明點解無啦啦會搞成咁~
係我o既問題?
好明顯, 真係我o既問題~
如果唔係~細佬唔會咁...
好煩呀~~~v_v
昨日同今日加埋, 真係訓o左好多~
所以宜家好鬼死精神~
今朝11點起o左身, 諗住落完樓下寵物店影相之後,
就去搵阿程食飯~
點知...間寵物店要大清洗~ 冇得影~
激死我~
跟住就搭van仔啦~ 一上到去,
諗住拎部md機出黎聽~
搵搵下~ 發現唔記得帶銀包...
好彩, 架車未開o者~
於是就即刻落車, 返番屋企拎啦~
搭車中途, 好塞車喎~
哦...原來前面撞o左車, 唔怪得知啦~
1:30...我準時到達...
都唔係咁難搵o者~
我下次一定識去~
諗諗下, 唔交功課好似好衰咁...
所以, 我自己一個人去o左志蓮影相~
丫~ 都好耐冇去過o個度lu~
阿容問我新年得唔得閒去幫佢手喎~
基本上, 係冇問題o既~
做下義工, 都冇壞丫~
何況都係一兩日, 冇所謂啦~
成日都比阿哥叫我去做野~
做咩都得~
唔叫我洗碟, 就咩都可以~
一個私人日記的誕生~
記載著你與我之間的回憶...
邊個對我好~
我真係知o架~
大家都要珍惜現在擁有o既野~
因為...宜家得到番黎o既野~一d都唔易~
每個人對人好o既方法都唔同~
對你好~ 唔一定要講出口~
放o係心入面, 都得o架o者~
如果彼此相愛o既話...你一定會感受得到~
冇玩gameeast一排~
個版面靚o左好多~
professional o左好多呀~
勁~
不過, 我入唔到裡面玩~
激死我~
細佬...夠啦~
你想點~
有咩咪講囉~
我估唔到你想點...
而且你亦都知道~ 我冇可能估到...
如果真係我衰~ 我寧願你鬧我~
都唔想好似宜家咁...唔聽我電話~
你知唔知, 呢種感覺係好難受o架~ v_v
你覺得我煩又好~ 咩都好~
我唔介意~
我只係想你同我講清楚咋~
世界點會咁完美?!
世界真係一d都唔完美...
正因為佢一d都唔完美...
所以我們才會不斷去追求完美.
-----初戀o拿喳麵-----
你的眼神, 世上只有我一個捉得到.
團年飯...我阿婆o個邊,
揀o左今個星期日食~
我阿爺o個邊, 又係揀o左星期日食~
我屋企人就選擇去阿爺o個邊食~
因為順便幫阿爺慶祝埋生日~
所以兩邊相比~
去阿爺o個邊會好d~
不過...佢o地去邊...都好似唔係幾關我事~
因為我不嬲都唔出席呢d場合,
除非我好得閒啦~
今朝好好訓呀~ 阿程叫o左我兩次,
我都唔肯起身~~~v_v
上新堂, 係民間藝術~
即係o個d剪紙呀~ 整泥公仔呀o個d野~
好似幾好玩咁~
阿sir比其他學生o既作品我o地睇~
嘩~~好靚呀~~~ ^_^
我希望自己都整到就好啦~~~
阿mon今晚就搭夜機去澳洲旅行~
哈哈~~真係開心啦~
我都想去玩玩呀~
去開澳洲, 順便可以去埋new zealand探阿聰~
諗起都開心~
不過...機會似乎微d~
放o左學, 食完野, 就比阿哥點o左去灣仔幫佢買printer墨~
煩到死~ 本來我諗住同阿yan and 阿wing去旺角o架嘛~v_v
買完之後, 返o左屋企訓覺仔~
好頭痛呀~~
基本上, 我近排都早o左訓o架啦~
但係唔知點解, 都係冇咩精神~
可能...我有病在身o掛~
今晚六合彩開o既號碼係...
5, 12, 15, 30, 43, 44
特別號碼係...19
唔知我o地有冇中到呢~ ?? 哈哈~~
張飛o係apple度~~
喂~~中o左唔好走佬呀~~~~
講樣野比大家聽丫~
雖然我唔知我o地買o個條六合彩有冇中...
但係呢~ 我媽咪自己買o個條~ 佢中o左4個字呀~
佢都好耐都冇中過lu~
臨年尾中番一次, lucky lucky~~ ^o^
有好彩野, 亦都有唔好彩野~
我媽咪, 今晚食物中毒...v_v
唔係好嚴重o個d~ 即係...飲多杯水就冇事o個d~
都唔知佢食過d乜黎~ >_<"
今日下午daddy打電話比我~
無啦啦同我講o左d野~
佢叫我拍拖還拍拖...但係就唔好.......
真係比佢激死~
仲細咩~
今晚上山頂, 真係好凍凍呀~~v_v
好彩o既係...上去之前, 買o左隻暖手蛋蛋~
咁先冇咁凍咋~~
o係上去之前, 我o地4個, wing啦~apple啦~同gary去食野~
食完野~ 我o地去o左買六合彩~
哈哈~~由於我係第一次去馬會買~
所以...希望會好好運咁中o左就好啦~~
上到去, 我o地即刻去買o左杯熱朱古力同薯條食~
哈哈~~~好似上去食野, 多過係做功課影相咁~
咁飲飽食醉之後, 就諗住行出去影相啦~
點知...落微雨喎~~
幾邪惡呀~
但過o左一陣, 就冇再落~
嚇得我丫~
如果唔係, 就白費哂我o地特登上黎o既心機啦~
影完一輪相之後, 就搭番車落去~
o係沿途...我o地不停o係度講.......
如果我o地聽日中o左六合彩, d錢究竟點樣用好~
我o地搞到好似中緊咁...
個個患哂妄想症咁...
由上車講到落車, 笑鬼死~
落到車, 都仲未笑完~ 直頭笑到我o地眼水都標埋~
諗起都好笑...
唔得~~聽日七點鐘~ 要睇住電視六合彩搞珠先得~~ ^_^
哈哈~~
凍成咁...竟然再上山頂影相...
唉...
大穫~ >_<"
希望今晚返黎o個時, 唔會變雪條啦~~
今朝又係好早比媽咪嘈醒~
凍冰冰, 比佢激死~~v_v
所以放o左學之後, 即刻閃人~
返o左屋企訓覺覺~~ ^_^
訓o個時, 我一直開住一首歌黎陪我訓~
"愛比我重要"
一個星期o既時間, 似乎太長~
我覺得, 我等唔到...
正如你都等唔到一樣...
當鐘意自己o既人, 對我坦白咁講一d野比我聽o既時候,
我係會覺得...我o地之間o既感情,
會跨進一步~
而我, 亦都係時候, 去改變一d野~
為你又好, 為自己都好...
始終, 係一件好事~
如果我知道兩個人o既感情,
唔可以last for long o既話...
我會即刻停止兩個人o既關係...
所謂, 長痛不如短痛~
對於以前o既男朋友~
我從來都唔會點介意佢o地o既過去~
同邊個人一齊~
但今次, 我竟然好介意, 好介意...
可能, 今次真係好認真, 好認真o掛~~
同我一齊o既人, 會覺得幾辛苦~
因為我真係一個煩人~
咩都會亂諗一餐...
明知再諗都冇用~ 但係都要諗~
我都唔知點解~~v_v
今日好早就比人嘈醒o左...
因為阿姨無啦啦殺上黎我屋企...v_v
11點醒o左...但係o係床"look"黎"look"去~
成12點先肯正式起身~
原本, 今日係去山頂影相o既~
但係...我最終都係冇去到~
算啦~ 聽日先去啦~~
不過聽講聽日會好凍凍~~
要著多件衫衫先得~~ ^_^
夜晚, 去o左睇戲, 係"勾魂時份"...
個feel有d似驅魔人...
普通o左d囉~
d劇情就唔多驚~ 係個女主角o既眼神驚少少o者~
今晚, 距離又近o左lu~...
近來都好似好多人撞車咁...v_v
阿聰今日又話比我聽~
佢又撞o左..
唉...
今日好早就起o左身~
因為要執好多野返學~
唉...d野重到死~ 成舊石頭咁~
真係唔講得笑~~
上堂o個陣, 阿sir叫我o地做o個d野~
成個裝修工人咁~
搵白威士同省銅水抹銅鐵線~
d省銅水好嗅~~聞到頭都痛埋~~v_v
無無聊聊~咁又過o左一堂lu~
放o左學, 飯都冇食~
就返o左舖頭看舖~ 又係無聊到死~
所以睇睇下報紙, 都差d訓著~~
到o左6點, 阿程就接我,
跟住去sogo等佢個妹-阿心,
就一齊去食自助餐啦~
當然, 又點會少得老爺阿輝份呢~~~
食得都幾開心~~ ^_^
之後, 我o地就去o左唱k~
哈哈~~咁唱"打得火熱"呢首歌啦~
隻歌入面, 其中一段, 係有電話o既響聲...
點知, 老爺勁好笑~
問邊個電話響...笑到我o地死~
而阿心, 佢又傻傻o地咁...
入o左男廁, 好彩冇人睇到o者~
不過...好似有閉路電視...希望影唔到啦~
至於阿程, 佢仲死~
佢以為我凍, 咁就用件衫"come"住我啦~
知唔知我同佢講咩丫~?
就係..."我有話凍咩~"
即刻比阿心同阿輝勁寸佢~
我都實在幫佢唔到~~~
差唔多到臨尾, 阿心就要走先~
過o左一陣~ 阿輝o既家姐又黎埋~
佢唱歌好掂呀~~
掂過老爺~~
兩個o既性格, 睇起上黎~ 都好似~
果然係兩姐弟~夠哂爽朗~
點o左一首歌..."怎麼捨得我難過"...
勾起好多大家o既回憶, 我又好, 阿程又好~
其實失戀聽呢首歌, 真係好囉命o架~~v_v
返屋企...好耐, 先肯走~~
好累~好累呀~~~
o係唱k o個陣, 咁岩唱到"逃避你"...
諗起阿match, 但竟然一d感覺都冇~
覺得自己以前好白痴...
完全冇哂想為佢喊o既感覺~
原來, 我真係浪費o左好多時間o係佢身上...
將來o既問題~
好遙遠~
不過...應該會開心o掛~
其實, 細佬係咪想考驗我d咩呢~~??
記得睇過小存o既info...
佢寫住...契妹, 只係一個得唔到o既女人...
諗起上黎, 我覺得佢講得幾岩~
當然, 亦都有d係例外o既...
昨晚上山頂影o既相, 曬o左出黎~
有d就ok~ 有d就好唔掂~v_v
星期日應該會再上過去影~
今日畫立體設計o既功課,
好冇心機咁畫~v_v
交住先啦~
我真係唔想諗啦~
老爺昨晚碰o左車...v_v
唉...
最重要係個人冇事~~
昨晚2點, 我二伯娘走了...
俏俏地走了...
爸爸很沒有心情了...v_v
阿哥原來又搵番條鎖匙...
原來只係虛驚一場~
好彩o者~
阿yan今日生日, 哈哈~~
生日快樂呀~
踏入20歲lu~~
希望你考到警察~ 完成你o既心願啦~ ^_^
你的懷抱...總是溫暖的.
今晚...實在不捨得你走...
上年的今晚, 我失戀了...
這晚, 我沒有再失戀...
戀愛中...
今日搭車上山頂o個陣~
阿sir同我講~ 原來佢都有黎睇我個網頁~
真係好啦~ ^_^
昨日先岩岩同阿程講完唔見鎖匙呢個問題~
點知~
今日就到我阿哥中招...
唉...
屋企可能要換鎖~ 大穫~ v_v
今日早上唔洗返學, 因為夜晚要去影相~
咁由於聽日阿yan生日,
所以我o地就12點出o左黎~
去唱k啦~
唱完k, 陪阿yan去interview警察o個度~
唉...佢唔記得o左帶一張cert去呀~
所以冇得in~ 佢幾失望呀~v_v
不過唔緊要啦~
聽日正日生日, interview o個時,
都會good luck d~~ ^_^
yeah~~
阿yan 一定掂o既~~
到o左夜晚, 嘩~上山頂呀~
凍到死~~ d 手指變哂雪條~
影維港夜景...
個景就靚啦~ 但係...影出黎就......
算~ 我過幾日再上去影過~
同埋, 我部相機又冇咩電~
驚曬唔到出黎呀~~v_v
其實, 今晚我都唔知講, 我係開心丫~ 定係唔開心~
因為影相o個陣好凍~
咁阿程打比我o個時, 我就同佢講我凍啦~
點知...佢傻到上o左黎山頂搵我~
當我知道o個陣~ 我心入面真係好開心o架~
因為佢對我好丫嘛~
但係, 我竟然叫佢走~
我都唔明自己點解會咁...
實在太hurt佢啦~
於是, 我叫佢落番去先~
我一落到黎, 連飯都冇同佢o地食~
就走o左去搵阿程...
哎呀~好內疚呀~ 見到佢坐o左兩轉車~
轉黎轉去, 搞到好辛苦咁...
唉~~~覺得自己好衰呀~
一路行, 一路叫佢嬲我~
但佢竟然問番我, 嬲人應該點o架~?
that means...佢唔識嬲人啦~
真係比佢激死~
到最後, 我打比老爺, 問佢點懲罰我好~
佢教o左我一個方法~
哈哈~~係咩?? 唔話比你o地知~~^^
跟住...我又應承o左佢, 我新年之後就唔會......
我諗, 我做得到o掛~
返到屋企門前......都係冇野好講~^_^
昨晚其實訓得一d都唔好~
今朝11點起身無幾耐, 12點幾就出o左去lu~
去o左成日街, 戲肉o既部分~
竟然唔係玩~ 而係最尾送我返屋企~
由灣仔行返屋企, 沿途傾o左好多野~
突然之間, 距離近o左好多...
最搞笑o既係...返到我屋企樓下...
撞到我阿哥返屋企...
咁於是我都好大方咁同阿哥介紹o左,
阿程係我男朋友~
上o左樓, 我仲以為阿哥會同daddy mummy講~
點知...佢竟然冇講~
等我仲自爆話比佢o地聽~
哈哈~~
本來我11點幾已經訓o左...
因為我真係好唔舒服...
到o左12點幾, 你打電話比我...
我好記得你講, "我好掛住你!" 呢句說話...
個感覺好唔同...好深刻~
唔同平時講黎tum我o個d~
你好認真咁同我講, 你即刻黎見我...
真係好認真好認真...
原來你真係變o左...
o係我心目中o既地位, 都變o左...
開始變得越黎越重要~
如果唔係次次都係得個講字,
話想黎, 就黎o既話...
咁就好啦~
識我咁耐, 都知我口不對心o架啦~
唉...
有時, 真係會比你激死~
不過算啦~
話黎o個個人係你~
而叫你唔好黎o既人係我...
所以...唔怪得你o既~
你蠢丫嘛~
成日都get唔到我o既meaning~
就連今晚媽咪整o左d湯圓比我食~
我都係冇咩mood~
死火...
我好嚴重...>_<
不在狀態中...v_v
短短一生太多的變化
難得又慢慢步進了平凡
忘掉了多不想失去
卻終於失去他
偏偏空虛心裡多記掛
風吹不熄又似真卻似假
前路我可不惜一切
再編織一個家
現在不想想呀
一世不想煩
有誰人誰人不再令我驚怕
遇上你 你知道嗎
我不能一息間將你等於他
是你在旁牽起了變化
心枯也不敢說出這段情話
是愛你 你相信嗎
我竟然經得起心痛的傷疤
在那最後一剎 你不經意間 永遠代替他
呢期o既新寵~
羊咩咩~~
好得意呀~
好想"meet"佢~~ ^_^
失去同擁有...只係一線之差...
down down o地...少少係因為細佬~
一聽到係我打比佢~ 佢似乎就熄電話~ v_v
唉...
另外一樣野down down o地...
就係昨晚聽到有人講o左d野比我聽~
心入面有d唔知點咁...
係一d過o左去o既野~
但係...我似乎有少少介意佢咁講...
係一d好無聊o既野~
講比佢知我介意o既話~ 又好似顯得我好小氣~
(雖然我小氣, 呢個係事實~)
所以...放o左o係心入面...
一d都唔好過~
一諗起, 就頭痛~>_<"
今日又比天文台呃o左...
又話會凍凍o地~ 搞到我著o左件長褸~ v_v
結果...熱到死~
下午放o左學, 食完野, 行o左一陣~
我就打比人, 點知比人埋怨...
於是我咪嬲囉~
哼~ 出動到老爺打電話黎問我咩事~
好~ 我比面老爺...算數~
事實上, 我又知我蠻不講理~
冇咩好嬲~我都會嬲一餐~
好似慣o左咁...
我...都唔係好明點解...?!?
昨晚好早就訓o左啦~
十二點幾就訓...不過依然係好眼訓...zZzzZZz
上個星期六下午睇o左一陣電視~
電視入面, 介紹o左一隻羊咩咩o既game~
睇起上黎, 好似好好玩咁...
d羊咩咩又得意喎~
咁我就好隨口咁講o左一句,
岩哂我呢d白痴玩啦~
點知...阿哥今日返黎~
真係買o左呢隻game比我喎~
好開心呀~
玩o左一陣~~
原來唔係好似想像中咁易玩o架喎~~
不過對於一個從來都唔係咁鐘意打機o既人黎講~
今次吸引到我玩~
最主要o既原因, 都係因為d公仔好cute o者~
細佬依然未肯聽我電話~
次次都係留言...
我係咪, 應該比d時間佢呢?
誰令做夢亦能笑著臉回味
誰令寂寞亦能找得到理由歡喜
誰若吻過你也拒絕別離
連我也對我在妒忌
怎可能有你 竟可能一起
誰令絕望亦能找得到理想
誰令樂極忘形都想找個人分享
無論去到哪裡你若在場
全個世界都是善良
竟可忘記了 如何受傷
待我好 原來愛你比我重要
陪著你 才能叫我生命炫耀
誰幸運 找到你便知道愛會燃燒
停止呼吸 心 想到你都可以跳
誰令絕望亦能找得到理想
誰令樂極忘形都想找個人分亨
無論去到哪情你若在場
全個世界都是善良
竟可忘記了 如何受傷
待我好 原來愛你比我重要
陪著你 才能叫我生命炫耀
你出現 比我哪日出世界還重要
從此呼吸 多少次數便愛多少
今日收到楠楠寄比我o既碟~
不過我就未有時間玩~
同埋, 暫時未有心情玩~
因為我食o左藥, 有少少眼仔訓~v_v
所以, 都係留番聽日先玩~~
前兩晚, 望上天空o既時候...
好清楚咁見到個月亮...
月亮側邊, 仲有兩粒星星...
好好feel呀~
今朝晨咁早就起去睇醫生~
已經係第三次啦~~v_v
希望今次會好返啦~
如果唔係~ 下次我就要打針針o架啦~
昨晚成點鐘先返屋企, 好累好累~
基本上, 我應該好好訓先岩~
但係...我竟然訓唔係幾到~
我自己都唔係好明點解~~?!!
因為冇理由係玩得癲得滯o架~~
眼光光, 直到天光~
真係唔係講笑~
放o左學, 返舖頭看舖...
坐o係度睇睇下雜誌~ 竟然訓著o左~
於是我daddy就叫我返屋企訓啦~
一直訓到食飯先起身~
都仲係好眼訓~v_v
睇黎~今晚我都要早d訓啦~
今日又玩o左成日...
好開心呀~
多o左個老爺...叫阿輝~
好難得~都幾傾得埋~
如果唔係夜~要返屋企, 我諗我o地3個~
都仲有計傾~
行o左成日, 開始覺得~
佢續漸侵入我o既生活...
比起以前o個d~ 感覺...實在好多~
對於我黎講~
係好事黎o既~
如果一直能夠keep住落去...
幸福...實在離我不遠~
今日上新堂~係上立體設計呀~
睇起上黎~好似幾好玩咁~
但係...就要買好多野~~v_v
今晚~我終於睇o左阿虎啦~
都幾好睇~
不過就凍o左d~
哈哈~好似冇咩邊次睇戲, 係唔凍o架喎~
好彩, 有個暖爐o係側邊~
不過呢個暖爐今日就壞壞o地~ 都唔係好暖~
唉~~~
~嚴重報告~
我唔見o左個細佬...
究竟有邊個可以幫我搵到佢~
佢擺明係唔聽我一個人o既電話啦~~v_v
我都唔知自己今次衰咩野~~
慘情...
返到黎~ 我打o左個e-mail比一個人~
希望我o地會好似以前咁...
唔好有變~ ok?
同朋友傾心事呢樣野~
唔係我唔開心, 一定你要幫到我~ 我先話比你聽~
有時, 只係需要一個聆聽者~
講完個心會舒服好多~ 而你, 亦都盡o左做朋友o既責任~
要做一個好o既聆聽者...其實都真係唔易~
當我唔開心o既時候, 向人訴苦...
打o左一大段野講我點解唔開心~
但竟然呢個人, 答我一個字...就係個"哦"字~
嘩~當時真係好想鬧佢~
仲要係用粗口o個隻~
個message都打o左...
但最後諗, 算~ 唔同佢計~
一個由始至終都冇當過我係朋友o既人~
我亦都無謂當呢個人係我o既朋友~
~down~
~好down~
~好鬼死down~
細佬, 你去o左邊呀~~??
昨晚好冇mood咁走o左...好唔開心~
諗極都諗唔明, 點解細佬又o係我o既世界消失~v_v
因為佢, 亦搞到我同阿程有少少不愉快~
唉...煩~
今朝起o左身冇幾耐, 就幫阿哥去尖沙咀拎野~
拎完就返o左舖頭幫daddy手看舖~
咁悶...冇咩好做~
咁我又o係度做工筆畫o既功課啦~
搞掂好哂~ 星期六同日可以放心咁去玩~
今日我打o左幾次比細佬, 依然係冇人聽~v_v
用各個唔同o既電話打比佢~
佢都唔聽~~
我都唔知佢只係唔想聽我電話, 定係咩人o既電話都唔聽~
哎呀~我都唔知自己再可以做到d咩野啦~
我宜家好驚呀~
細佬又唔應我啦~
明明佢係online~但係我叫極佢~都冇反應~
唔知佢咩事~
可能我又做錯野~整嬲佢都未定~~v_v
打去佢屋企...佢又上o左網~都打唔通~
打去佢手提~佢又飛o左去留言~~
點算好~
我好擔心呀~~
好利害呀~
icq今晚有成22個人online~
不過咁多人online又點丫~
都唔係個個都傾o既~~v_v
今晚明珠台又做番the bodyguard~
好好睇呀~
我之前已經睇o左好多好多次o架啦~
真係好正...
今晚o既飯後生果係...芒果...
好美味呀~~~='.'=
有時好心做o左d事~
換來o既結果~比我想像中o既結果差~~
唉...即係...我好心做壞事~
死火~好似好耐冇搵過細佬~
成日話夜d搵佢~結果都冇搵到~~
哈哈~我真係衰啦~~
今晚點都要搵搵佢~~
如果你從來都沒有去嘗試, 便說自己做不到~
那是懦弱的表現...
做一些令自己會快樂的事...何樂而不為??
just try your best~
哈哈~我寄o左d糖啦~
等人o地唔洗話我冇口齒~
唔理你呀~
同我食哂佢~~
今日食番咖啡軟糖, 諗起好多關於咖啡o既記憶...
突然間, 諗番起高橋哲也...
上年生日o個時, 佢隻腳傷o左...
都特登拎個咖啡味o既蛋糕黎我屋企...
仲記得佢對過我許o左d承諾...
但係咁諗...唔係掛住佢個人~
而係掛住個蛋糕o者~
哈哈~~好味道~~ ^_^
今朝8:45, 有人叫我起身~
我扮到好精神咁答佢, 我起o左身啦~
但一放低電話, 我又訓番~
10分鐘o者~~都唔係好過份~~
其實心情幾靚, 昨晚傾o左好多好多野~
心入面舒服o左好多~
過去o既事, 就由得佢過去~
以後o既日子, 開開心心咪得囉~
有冇試過傷害人??
我諗o係我呢18多年以來, 傷害過好多人...
宜家, 我諗我至少都唔會再傷害一個人...
希望以後我o地一齊都會好好...
起o左身冇幾耐, 打比阿程...
傾o左一陣~就落o左去舖頭看舖...
因為成間舖頭都係得我同我daddy o係度~
所以我o地咪傾計囉~
傾o左都幾多野~
其中都講o左一個人好多野~
哈哈~~
講o左d咩?
唔知呢...^^
喊o左成晚, 眼都紅哂~
v_v
好唔開心...
得閒冇野做~ 於是我就搵番d戲飛出黎~
睇下自己呢一年睇過d咩戲~
丫~前幾日, o係一個人o既銀包, 放八達通o既套入面,
發現到d飛, 而呢d飛,
係我同佢一齊睇戲o既票尾黎o既~
原來, 有人都會好珍惜我同佢一齊o既野~
所以我都要好好珍惜佢...
我已經有好多好多日, 冇寫過手寫o既日記啦~
因為實在太多事發生~
要一一記下每件事, 似乎又需要相當長的時間~
有d野, 其實寫低, 都會忘記~
有d野~ 唔寫都會記得...
o~又有矛盾tim~~v_v
唔開心o既時候, 有人關心自己~
感覺原來係好好o架~
多謝你...
我已經冇事啦~
好大穫呀...
我又發神經啦~
可能玩o左太多日...
都冇咩時間靜低落黎~
所以當我返到屋企...
我突然好唔開心...
但係我又講唔出因為d咩野唔開心~
好煩呀~~
原來沒有說出口的說話,
我一點都估計不到~
暗中安排我的生活...我的去向...
就只有我的家人...
見到太多的人, 我反而有點怕...
好像有一點壓力~
關係, 是別人來肯定~
還是在自己心目中肯定呢?
安定了幾天...
我又發現...我還是有點不安...
但不安, 究竟從那裡來??
當我知道某一些東西要結束的時候...
心情不禁有點落寞...
新o既一年, 估唔到, 我屋企都黎一個大事回顧...
唉...
好煩呀~~v_v
設計是一個很廣闊的世界...
香港只是一個很細小的地方...
在這裡, 我有的, 只是一個很細小的機會...
實在想多看這個世界多一點...
我父母唔明白我, 正如我唔明白佢o地一樣~
有時我會覺得好辛苦~
因為觀點不同, 所以生活再一起, 會很沒有意思~
要離開這一個地方, 似乎不是一件容易的事~
腦子有一套的想法...
可是要放下的事, 放下的人, 也似乎太多...
心裡下著大雨...
新一年, 要有個好開始~
新年快樂呀~~
唔知大家昨晚玩得開唔開心呢~~??
昨晚原本諗住去山頂o既~
但係最尾都係去o左銅鑼灣再落尖咀~
哈哈~發生o左一件事...
就係竟然比我再次遇上430~~
好有緣呀~
開心死我...
咁當然一見到, 第一時間就打比阿yan啦~~
嘩~~430真係好cute呀~~
咁都比我見到...
好彩我有去到尖咀o者~
其實原本就冇諗過會見到~
但係行行下, 見到一個叫好樣d o既藍帽子,
就繼續望啦~
點知將個視線plan去第二個o既時候,
就見到430呀~~
我同佢傾o左幾句計...
哈哈~ 我仲拎埋個電話比阿yan同佢傾~
開心死阿yan都似~
430話佢會聯絡番阿yan呀~
佢將阿yan個電話寫o左o係手~
唔知佢幾時會搵阿yan呢~~
我諗...呢份係阿yan最開心收到o既生日禮物啦~~ ^_^
昨晚我大約兩點返到屋企~
呢兩晚, 都有人送我...
當然...呢個人o既地位身份超然啦...
到最尾...大家都有一個幾難忘o既回憶...
um...我差d忘記o左o個一份o既滋味...
感覺, 一下子變得更強烈...
到o左今朝, 我12點比人叫醒~~
嘩~~約o左athena 1 點~
咪即刻起身囉~~
哈哈~行街仔~ 又傾計仔~~
好開心呀~
但好似有d唔同o左o既感覺~
不過唔緊要啦~
耐冇見係咁o架啦~~
只要有心keep住, 根本就冇咩問題~~
係喎~~
我今日去o左穿耳~
o係左耳穿o左一隻~ 即係我宜家有3個耳"lone"...
而Athena都鼓起勇氣~
穿o左一隻~~
哈哈~~新年, 當然要做d野去刺激下自己啦~~