|
| |
 April
|
四月三十日 |
溫書 |
 |
地獄式溫書.... |
|
四月二十九日 |
溫書考試 |
 |
考試呀....暫停更新日記...幾時再更新??唔知呀...無限期延長... |
|
四月二十八日 |
開始溫書 |
 |
長期受壓,好辛苦...!真係有D想放棄了...! |
|
四月二十七日 |
勁忙 |
 |
今日都已經好早就起身做STUDIO啦...都仲係做唔曬...!今晚要繼續加油啦!
今日同家人出左街食晚飯呀~好耐都無陪過家人了...今晚DADDY同我地去食日本菜,好開心呀~! |
|
四月二十六日 |
擔心 |
 |
今日都仲係做緊STUDIO既功課呀~唔,其實我有D擔心囉...因為就黎要考試啦...自己又有好多野係唔識...所以都好不安同擔心囉..不過,我都會比心機溫書啦,要盡力!!如果考得唔好都無辦法啦,對得住自己就可以了...!我只係驚RETAKE之嗎!唔,我要加油呀!
今晚出左街食飯呀~去左食京川菜!好好味呀~! |
|
四月二十五日 |
甩難 |
 |
今日好累呀~一早就要番學上TUTORIAL,又以為有考試貼士啦...點知個死RAYMOND遲到,仲要一入黎就講左十幾分鐘廢話!!之後就講左一大堆所謂既貼士...咁咪即係要全部溫曬?!激死我!
之後同GINIA,TRACY佢地一齊做STRUCTURE功課,做好啦~好開心,因為終於甩難啦~
我地做到好晏先去食野呀,差D餓死!城大既叉燒紅腸愈來愈好味啦,今日食到~好開心呀~哈哈! |
|
四月二十四日 |
好運回來了 |
 |
今日都幾開心呀~我的好運回來了!
呢幾日辛辛苦苦畫左好多STUDIO圖,今日比ANNA睇,佢無BAN我,仲有讚我添~好開心,我個FLOOR PLAN唔洗大改~!
今日LUNCH同CHARLIE和KEVIN一齊食飯,佢問我係咪唔去上海TRAINING,我話左係啦.
佢之後居然問我有無興趣做FREELANCE,幫建築師樓畫圖,嘩~建築師樓喎!!我梗係勁想啦~!雖然無人工,只係有車馬費,不過,如果學到野,我梗係答應啦~! |
|
四月二十三日 |
咁即係算點?? |
 |
嘩,今日勁無奈囉!
四個LECTURERS上堂講左一大堆廢話就當比左考試貼士...咁即係點呀?!
一個又話自己講野有幾咁精彩,一個又講完張BRIEF就算...一個又講左一大堆廢話...一個又好似講緊急口令咁..!食錯藥呀?! |
|
四月二十二日 |
哎...我條頸... |
 |
今日都唔知做咩鬼...朝早上堂果陣已經開始好頭痛..之後連條頸都痛埋一份..唉..可能呢幾晚太夜瞓啦..
今日上左四堂呀...好辛苦,真係好想放假呀..
哼!話炒就炒!!真係衰到爆燈!
GINIA,多謝妳撐我...!好彩有妳~ |
|
四月二十一日 |
生人勿近 |
 |
今日都仲係做功課~無法啦,太多啦..同埋今日心情麻麻...唔知點解好想搵人鬧,好燥呀!
午餐同媽咪落左街食飯,之後番到屋企又繼續畫CAD圖,好煩呀!唉.... |
|
四月二十日 |
搭輕鐵 |
|
今日係全個星期裏面最輕鬆既一日~因為成個星期都勁忙!今日專登咩野都唔做..只係去街,好似個人都開心左~
今日同家豪去左元朗天水圍呀~其實我很難得去咁偏僻既地方...哈哈..我都係第一次同家豪搭輕鐵咋~我發覺原來輕鐵係好坐過火車同地鐵嫁~好舒服!
仲有呀,原來元朗好多好野食嫁!唔係老婆餅,係"石崗咖喱"!好好味嫁~真係好想再食多次!唔,今日收獲真係多~~開心! |
|
四月十九日 |
惡夢 |
 |
唉...我又發番同一個青蛙惡夢...真係好驚,究竟發生咩野事...?青蛙..你究竟想點??唔好再嚇我啦..如果呢個係一個暗示,唔該快D發生啦..都唔知係咪早前收到張青蛙相而比張相嚇親...之前我都係驚青蛙,但係都不至於驚到咁誇張..我真係好驚青蛙,今朝比個夢嚇醒,仲驚到喊...唉...
今日好多CAD圖要畫呀~要加油了.. |
|
四月十八日 |
忙到嘔電 |
 |
嘩...今日好忙呀...今朝去左睇一間小學,本來諗住"睇"~點知比我見到個"訪客鈴",但係佢地諗住依家肺炎咁厲害,人地學校一定唔會比我地入去參觀啦,但我本住一試無妨既心態下按鈴啦,諗住佢唔比參觀最多咪罵我一餐..點知個負責人不單只無罵我地,放左我地入去仲叫我地隨便影相,幾好~好彩我夠多口!哈哈哈~
今日我有忙到嘔電既感覺~! |
|
四月十七日 |
炒 |
 |
唉....溫得咁辛苦,居然"炒"左!勁唔抵啦,早知唔鬼溫啦...真白痴! |
|
四月十六日 |
又溫書 |
 |
聽日要測STRUCTURE呀!又要繼續溫書...真慘~唔想再溫啦...好悶呀...! |
|
四月十五日 |
搞笑 |
 |
今日同GINIA,TRACY,嘉寶去又一城既KFC食LUNCH,一路食一路睇住個溜冰場,哈哈~有個類似"青蛙"既男人溜緊冰,佢D動作超級搞笑,最好笑就係佢一路溜冰一路耍太極同埋扮"步驚雲"既動作!!笑到我地差D哽死~~哈哈哈!! |
|
四月十四日 |
溫書 |
 |
今日終於"的"起心肝溫書啦...無法啦...星期四要STRUCTURE測驗,好煩! |
|
四月十三日 |
心淡了 |
 |
尋晚12:30am,比人用粗口問候,我的感覺十分不好受,我絕對估唔到一個我好愛既男人居然因為自己頭痛而用粗口罵我,我被佢罵完之後,心痛不已...
我自問尋晚無做錯D咩,我可能比較長氣,但我只係出於關心,果個人不單只不領情,還用粗口痛罵我,已經不是第一次了,我要忍都已經忍夠了,這樣被人一罵,心都碎了...
我突然覺得自己好似一隻狗,給人呼呼喝喝,呼之則來,揮之則去,到依家呢個MOMENT,我無嬲,不過心淡了... |
|
四月十二日 |
奇聞 |
 |
今日有D無聊呀~一起身就上網啦,點知幾好彩呀,一上網就見到細佬上左ICQ,好開心呀~又可以同細佬傾ICQ~
其實我無聊係有原因嫁...因為今日成一點先起身,都做唔到D咩啦,咁我就索性咩都唔做囉...哈哈哈..
夜晚同家豪出左街食飯,我地今晚去左食SHABU SHABU(日本牛肉火鍋),好好食呀~我最鍾意D火鍋酸醬汁,用黎點牛肉好好味嫁~!
今日有樣野好奇怪呀~明明出門口之前睇過個網頁統計器得二百幾人黎過,我只不過出左街幾個鐘之嘛...番到黎一睇,嘩!!嚇左我一跳,居然有成五百一十幾人...邊度突然間黎左咁多人呀?? |
|
四月十一日 |
網站誕生 |
 |
記得我好耐以前,已經好想有一個個人網頁了,但係我又唔識整...直到今日,經過我SEMESTER
BREAK到現在的一番努力下,我的網頁終於誕生了,我從來無學過整網頁,須然整得唔係勁靚,但係我已經覺得自己好叻嫁啦~哈哈~!
今日係網頁誕生既大日子,我太高興了,所以出左街食壽司慶祝呀~~唔~三文魚壽司~好好味呀!! |
Copyright (c)
2004 Catherine's Home
All Rights
Reserved
|