|
| |
 July
|
七月三十一日 |
仲痛過尋日... |
 |
真係攞黎衰...我D肉呀...!仲痛過尋日!!好似比人打左一身咁,真係自己有自唔在,攞苦黎辛!!!
死啦...瘦得愈來愈慢!!點算呀??
今晚有我最鍾意食既茄子,我落左D"辣椒仔辣汁",好好味呀~! |
|
七月三十日 |
果然散晒... |
 |
尋晚去跑步之後,今朝真係成身散晒...好痛呀...!
今日返工真係好悶,無野做呀...大佬!我居然膽敢係OFFICE用電腦上網睇網上小說,睇左成日,差唔多放工果陣又有圖要改,好心啦!次次都係我放工既時候就比野我做,我唔係唔想做,但係下次早D啦...唔該...!
今日睇完一本小說,依家又開第二本睇啦,好野~! |
|
七月二十九日 |
跑到腳都跛... |
 |
今日唔係好多野做,畫左幾張圖啦~!
今日發覺自己無輕到,嘩!!嚇到我食完晚餐即刻去跑步,我圍住個屋苑跑左兩個圈,真係跑到腳都跛...勁辛苦,我一路跑一路同自己講,減左肥之後一定唔可以再勁食野,你睇下依家幾折墮...!本來諗住跑五個圈,跑左兩個即刻"收檔"...!返到屋企摟左15分鐘"呼拉圈",都算係咁啦...不過聽日一定攰到行唔郁...哈哈..! |
|
七月二十八日 |
"電"死人~! |
 |
今日表面上好似無咩野做,但係一到下午就做到嘔電!勁畫電圖,真係電死人啦~!
今日做左個都幾大既決定...我明白唔可以貪心,唯有用"美麗的謊言"去結束左佢,根本,一開始就係錯,我唔想再錯落去... |
|
七月二十七日 |
做GYM |
 |
為左要靚D,今日同家豪一齊去做GYM,今日減左一磅咋...!
之後我地去圖書館攞書,上次我HOLD左果本書終於都有啦,好野~!
今晚同DADDY媽咪一齊去食點心火鍋,我淨係食菜咋!好快一定會成功!YEAH! |
|
七月二十六日 |
吹我唔脹! |
 |
今日係公司食完飯,即刻走人,因為之後有緊要野做!
哈哈哈,今日駛出一招"吹我唔脹",幾有效呀~!
今日上YAHOO
MESSENGER,收到個"性騷擾"既留言...我真係想殺死果個人!!!我以後都唔會再上YAHOO MESSENGER!!呢個人太過份!!!! |
|
七月二十五日 |
結婚? |
 |
今日係公司又無野做,咁我又上網囉,真係無聊...
哈~!最新戰績!我一個星期輕左六磅~!真係開心,如果繼續係咁就好啦!!
你成日都氹得我咁開心,你話同我結婚?係咪真嫁?不過,我信你既~! |
|
七月二十四日 |
黑到嘔茄! |
 |
哼!!今日真係黑到嘔茄!!尋晚明明打風吖嗎!諗住今日唔洗返工,就好開心啦,今朝7:30都起過床睇新聞嫁,咁我見仲係八號風球,我咪又去再瞓過囉!點知9:30一起身,發覺變左三號風球,嚇到即刻換衫返工!!不過,始終都遲到...勁慘!
無啦啦臨放工就有一大堆野做,唉,我又失信於KEVIN.... |
|
七月二十三日 |
瘦左! |
 |
今日都幾開心呀~!居然瘦左~!真係好!果然真係有效~!好野~!
今日係公司好忙呀,成日都係咁,無啦啦會勁多野做,淨係比人丙左幾句,都算執番身彩!
哈哈~!居然打風,希望聽日唔洗返工就好啦!哈哈哈...! |
|
七月二十二日 |
性騷擾!! |
 |
今日係公司無野做,悶到嘔電,咁就上YAHOO MESSENGER玩下啦,玩玩下突然間比人係YAHOO
MESSENGER裏面用言語性騷擾!!果個人仲講埋D衰野!我即刻剷到佢"痴"埋牆!!D人真係CHEAP!咁既人渣,我都係第一次見!! |
|
七月二十一日 |
作嘔 |
|
今朝自己食早餐,淨係生果都食左兩個,本來想食夠三個,我先頭食左個蘋果,之後食橙,可能個橙太大個,食晒之後我又趕住返工,咁咪拿拿聲食埋藥囉...
點知,可能係我食得太急,點藥就吞左,之後用左張廚房紙沫咀,突然間嘔左出黎,嘔左半個橙,好彩當時係廚房,不過嘔得好辛苦...! |
|
七月二十日 |
我會努力啦~! |
|
今日同家豪去做GYM,好開心呀~!一D都唔覺得攰~!我會努力減肥啦~加油~~!
家豪,我知你好關心我~你咁緊張我都係為左我好~我一定會好好報答你的~~! |
|
七月十九日 |
"火燒後欄"加"火腩" |
 |
今日星期六,係OFFICE真係得閒到死~!好無聊咁上網,識左兩個人~!一個係日本人,一個係好無聊既人,同我一樣~!
下午比人"火燒後欄"加"火腩",辛苦,但係值得既~ |
|
七月十八日 |
生日快樂 |
 |
今日朝早繼續趕埋果堆ELEVATIONS,不過朝早狀態唔係咁好,畫得有D慢!
下午就要趕頭趕命,因為今晚同媽咪慶祝生日,我下午畫得勁快,畫左成SET圖,都算係咁啦...!
夜晚同媽咪去打邊爐,我食左菜同埋豆腐,相信好快可以減肥成功,哈哈~ |
|
七月十七日 |
終於早放... |
 |
今日一口氣趕左兩SET圖,鬆一口氣~!不過聽日都有排做呀...
難得早放工,我居然冇去行街,仲即刻返屋企,睇黎我都好眼瞓..!
今日搵左D英國留學既資料睇,都係時候要開始留意啦! |
|
七月十六日 |
好辣!正! |
 |
今日用左好多時間改圖,D客真係煩,一張圖可以改百幾二百次!煩死我...!
食晏果陣,我同D同事去食米線,我叫左麻辣米線,仲係中辣!!好辣呀~!好開心!不過好似都唔夠早兩日食果碗咁辣,所以,我諗住星期六去食大辣米線,試下都好~!反正我最鍾意食辣野,我無辣不歡嫁!哈哈~! |
|
七月十五日 |
早返遲放..終極辛苦!! |
 |
今朝八點鐘返公司開工,好鬼多野做呀,淨係睇我日日返到屋企,一瞓落床即刻瞓得著,就知我有幾忙,有幾辛苦啦...
本來可以好快畫完既圖,因為係大陸D人畫既,害得我要從頭再畫過...!!真係太垃圾...!!我YEAR 1果陣都畫得好過佢地幾多!!! |
|
七月十四日 |
釣魚... |
 |
可能尋日太夜返屋企,今日返工勁眼瞓...最好笑既係,明明有勁多圖要畫,我居然用電腦畫畫下圖瞓著左,仲瞓左成半個鐘...哈哈哈~!
本來我今日仲要教AUTOCAD,不過,我好鬼多野做呀...所以都係冇去到...唔好意思呀...! |
|
七月十三日 |
下一站...天后 |
 |
今日同家豪去街呀~佢同我去食三文魚剌身,好開心呀~家豪真係好錫我,尤其是呢幾日我同佢經歷左一件事,係咩野事?哈哈,唔好問我,呢個係我同佢之間既秘密,由依家呢一個MOMENT開始,我先至知道,除左屋企人之外,家豪對我係最好嫁啦,我真係好開心~!
夜晚我同DADDY媽咪一齊食飯,飯後我地上左去DADDY間酒吧,嘩~!今日超級多客人~!太好啦!我今晚都有唱歌,我第一次唱<下一站...天后>咋!好開心~好好聽呀~! |
|
七月十二日 |
勁輕鬆 |
 |
今日好輕鬆呀~尋日畫好果D圖,個客已經批左,所以今日開始畫3D~!
下午約左媽咪食飯,之後去行街,我買左四支指甲油呀~~又有得"扮靚靚"啦~~! |
|
七月十一日 |
美麗友聚 |
|
今日好多野做呀~!不過阿HEAD唔係公司,所以都輕鬆D啦~!今日終於都可以準時放工啦~好開心~!
夜晚約左幾個同學食飯呀~今晚去食PIZZA,放左假咁耐,終於有機會見到D朋友,好開心呀~~!食完飯,我地仲一齊去行街呀,真係好耐都無行街啦....! |
|
七月十日 |
比人玩謝 |
|
唉.....今日真係折墮!!早幾日因為個客成日要改平面圖,所以要OT,個客三日內改左八次平面圖,我已經忍佢!!五點幾果陣,個客又打電話比我,同我講,萬寧話個圖唔批,要全部改過晒...!!其實我一早就比左圖佢啦!!點解唔"早響"!?!?!?當時我已經畫左五個ELEVATIONS!!真係想剷到佢"痴"埋牆!!
返到屋企仲比人鬧左一鑊...!唉,總之今日好受氣啦...! |
|
七月九日 |
狼狽 |
 |
今日十一點幾先返到公司,因為朝早去左萬寧"度位",原來一個人自己度位係一件好狼狽既事!相機又唔夠電,唯有即場畫落張紙度啦...哈哈..!好彩我夠"冰雪聰明"姐...哈哈!
今日都係勁多圖要趕!!!我今晚又OT到九點幾,呢份工簡直收買人命!!! |
|
七月八日 |
嘔電 |
 |
今日勁多野做!!一日內又接左三個大PROJECT黎做,真係死得啦...
成個星期都忙到嘔電,唉,都唔知星期四去唔去到教AUTOCAD啦....
不過,星期五約左GINIA,好耐無見妳啦,GINIA,我有好多野想同妳講呀~!
今日依然係心情極差...... |
|
七月七日 |
好攰呀...大佬!! |
 |
今日好鬼死攰呀...勁多野做...!!不過我呢幾日心情真係好差,做咩都無心機...
放左工之後仲要返城大幫手教AUTOCAD,已經夠攰啦...仲要"OT",真係辛苦...
其實,點先可以開心番呢...? |
|
七月六日 |
新紮師妹2 |
 |
今日去左睇新紮師妹2,真係超級勁爆笑,好耐無笑得咁開心!
今日又去左星加坡餐廳食咖哩飯,好正呀~!
家豪,你對我咁好,我一定知道的,我有幾個好朋友,又有一個好男友,好幸福啊~!
"原來唔係任何人講既野都是對的,我以後一定要識得分青紅皂白先得啦!!呢個世界真係險惡!!分分鐘死左都唔知為咩!!!" |
|
七月五日 |
當我白痴呀?! |
 |
今日星期六,係公司畫左一堆圖,我覺得今日都幾輕鬆!
今日好頭痛...好煩呀!!!
"我最討厭人地講大話或欺騙我,請不要當我係白痴同傻瓜!!"
|
|
七月四日 |
開朗少女 |
 |
今日都幾好啦~!工作唔太辛苦!因為尋日做晒,今日淨係做一個PROJECT咋!
不過我都仲係好眼瞓呀...都唔知點解...唉...!
放工後,我又走左去SHOPPING啦,我今日買左VCD,其中有一盒係開朗少女,好開心呀~~!終於有得睇啦..! |
|
七月三日 |
黑 |
 |
今日好鬼多野做呀!!八點半先放工!唉,真係收買人命!!
返到屋企,我媽咪話旅行社打電話黎...釣墨魚團取消左呀...勁失望!!!
仲有呀...!細佬八月唔返黎香港啦...咦!!!今日做咩鬼野咁黑嫁....!!好慘呀...! |
|
七月二日 |
好眼瞓呀 |
 |
今日第一日返工,好鬼眼瞓呀...咁早起身,好唔慣..不過為左有錢!點都要捱下..
今日好似打仗咁..朝早我淨係查字典咋..下午我就已經有好多圖要畫!
畫畫下,個客又話聽日放工之前要透視圖!!比佢玩死!!好彩阿JOE幫我手~多謝阿JOE~~! |
|
七月一日 |
睇圖慶回歸 |
 |
今日放假呀~不過我日日都放假嫁啦...有咩咁奇吖...!
今日好悶呀~~正當我無野做之際,我DADDY比左份圖我,叫我睇熟佢,聽日返工BRIEFING完之後要即刻做野!嘩...咁趕呀...! |
Copyright (c)
2004 Catherine's Home
All Rights
Reserved
|