|
| |
 October
|
十月三十一日 |
秘密任務 |
 |
秘密任務進行中... |
|
十月三十日 |
秘密任務 |
|
秘密任務進行中... |
|
十月二十九日 |
秘密任務 |
|
秘密任務進行中... |
|
十月二十八日 |
你還你,我還我 |
 |
今日好火,一早塊面就好似死人咁既面口,心情極差,唔想講野,亦都無話可說!
我有我自己既一套解決方法,原來太過縱容別人不是一件好事,以後,你還你,我還我,我自己做自己的事,休想我幫你地!哼! |
|
十月二十七日 |
扯火 |
 |
今日返學校交圖,交完之後,仲未見到我想見的人,我已經開始"扯火",呢D咁既人,BELOW我既AVERAGE,真係激到頭都痛埋!
再等上DETAILING堂,頂!!又CANCEL左!!搞到我又白等!麻Q煩!
我個頭又開始痛得厲害!!...... |
|
十月二十六日 |
靚巫婆 |
 |
今日同家豪去街,入左科大睇<龍咁威>,笑爆咀~!
今日科大好多人著晒畢業袍影相,嘩,正啦!如果有我份就好啦~~!
哈哈,原來家豪真係買左頂"巫婆帽"比我HALLOWEEN果日去玩~真搞笑! |
|
十月二十五日 |
生活依舊 |
 |
好悶呀,今日又去旺角行街,可能行得太密,好悶,想買咩又冇...
生活愈來愈枯燥了!!
好想有一日可以離開香港,一日夠了!出去走走,散散心就好了,不過,沒有可能發生的事,太可怕了吧! |
|
十月二十四日 |
通頂,痴呆,超級眼瞓.. |
 |
一個星期著左三晚都要通頂,搞到我今日嚴重痴呆同埋超級眼瞓!!
今朝唔知醒,差D遲到...,CAD堂好悶,我今朝已經PLOT好D圖啦,上CAD堂果陣做埋D SITE COVERAGE AND PLOT
RATIO同埋MOE,終於都搞掂~YEAH!下午我自己又去左食麻辣米線,開始唔係好眼瞓!
返到CITYU又上DETAILING,好想快D上完堂即刻返去屋企瞓,點知夜晚上堂果陣自己瞓著左...哈哈... |
|
十月二十三日 |
又通頂... |
 |
今日DAY-OFF,但係尋日經過死IVAN既BAN圖之後,今日冇得放假都唔止!仲要趕圖!死人IVAN,咒死你!
畫左成日都未畫晒,今日我坐到腰骨都痛埋,都係死IVAN害我既!
又要做通頂,終於凌晨5:30做好晒!
好攰... |
|
十月二十二日 |
IVAN正乞兒!! |
|
今日去見IVAN,哼!!死乞兒IVAN居然膽敢BAN晒我D圖!!!!又叫我完全改過晒!!咁我同冇做野有咩分別呀?!咁我尋晚做通頂黎做咩呀?!點解咁多人死又唔見你死?!?!死IVAN!!正一死乞兒!!
今日好鬼炆!!夜晚約左家豪食飯!死人頭又遲到!!仲遲半粒鐘添!!嬲左佢成半個鐘!仲打佢添呀!!下次再遲到罰你飲晒成碗麻辣湯!哼!
我心情唔好果陣,最好唔好得罪我!唔係一定死梗! |
|
十月二十一日 |
練完歌,仲要通頂,超級攞命!! |
 |
今朝又上CONTRACT堂,師奶ELLEN講野真係好鬼悶,聽到佢比死人聲都已經好煩,真係想搵把菜刀飛出去扔死佢!
食完LUNCH去左科工搞既MEGA SALE,嘩,個MEGA
SALE好正囉,搞到我咩都想買,不過我冇錢呀,想都冇用,結果淨係買左兩條水晶手鍊!
再去上BUILDING
SERVICES,妖...果條粉腸,都唔知佢講咩!!講野又走音!頂,好樣衰呀!
真係好悶,唔理咁多,早左成個半鐘頭走左,頂佢唔順,橫掂要去見營養師,改早一個鐘好過!
見左營養師,佢話我仲咩唔食肉,比佢話完我一輪,仲要恐嚇埋我,又話我有厭食症既病徵,又話我嚴重缺乏維他命,蛋白質,鉄質同鈣質,頂!!低能咩,如果真係厭食症,我就咩都唔食啦,仲會揀黎食咩?!痴線,彩妳都傻,照舊唔食!!最多一個星期食兩片!!
之後又去食麻辣米線,正!!再返CITYU練歌,唉,好攰呀...好彩今次開始練聖誕歌,先冇咁悶咋!
返到屋企,已經攰到冇左半條人命,仲要趕圖聽日見IVAN,救命呀,今晚又要通頂,我就黎死啦... |
|
十月二十日 |
無啦啦又DAY-OFF |
 |
今日CANCEL左DETAILING果堂TUTORIAL,無啦啦又DAY-OFF,哈,我話之你次次都DAY-OFF吖,I DON'T MIND IT~!
夜晚又同細佬媽咪去左尖沙咀唱K,可能呢排去得太密,有D悶...
死人K房,原來要食埋K
BUFFET,任叫野食喎...頂!我唔想食呀...結果食左碟好似樹枝咁硬既菜心,好Q難食!!同埋食"多舊魚",死人魚用油煎過嫁...!!搞到我要剷走晒D皮先食得...麻鬼煩!
咁又過左一日,你話我既人生幾咁荒謬?! |
|
十月十九日 |
九唔搭八的一日 |
 |
今日瞓到好晏呀~冇呀,因為尋晚睇VCD睇到好夜,所以眼瞓囉~
食完早餐,開始做"我最愛既DESIGN
PROJECT"...,哈~!2:00前比我畫好個死人"CORE",算啦,好過冇~!
再畫GROUND
FLOOR啦,死得佢吖!勁難畫,諗爆頭都冇IDEA...!唉!!
夜晚出左街食飯,又係食我最憎既打邊爐,救命...!
今日真係有D九唔搭八,浪費晒我D時間! |
|
十月十八日 |
麻辣腐皮米線貓 |
 |
今日好開心呀~因為今日係星期六,有得去街~!正!我一早就已經講定星期六要"蛇王",果然做得到!
今日冇食LUNCH呀~留番個肚今晚食麻辣米線~~!YEAH!!
同家豪去左旺角行街街,見到孖寶兄弟4既GAMEBOY帶!!好想買呀...不過諗諗下,其實我全部GAME都未打爆機,咁買咁多做咩呀??哈哈...算啦,遲D先買囉~!
哈哈~又比我等到6:00,嘩,我餓到抽筋呀~~去食麻辣米線啦,去到譚仔,寫單果個人見到我不知幾開心,哈哈,可能佢個心諗,"個痴線婆又黎啦"~!原來佢同我講,今日我有對手啦喎~我係今日第三個食特辣米線既人,有一個已經食完走左,另一個正正係我後面果張枱食緊,哈~果個死肥佬非常變態,佢居然連D麻辣湯都飲埋...顛嫁?!?!哈哈,如果我唔係減緊肥,我一定都會飲晒D湯佢!我都想飲...!
今日真係開心~ |
|
十月十七日 |
遲早比人揼 |
 |
今朝返9:30,但係我遲左5分鐘呀,黎到發覺阿SIR仲遲過我~死好命~!我愈黎愈姿整,搞成一個半鐘先出到門口,麻鬼煩煩咁...!
上完CAD堂,又到左一個星期裏面最折墮既時候,就係天地堂七粒鐘!呀...勁悶呀,好彩有帶GAMEBOY~~!
4:30,正如阿虎先生所講,我好似比蟻咬咁,我D"麻辣米線蟻"又咬我,之後我就作出左一個好任性既決定,我要去食麻辣米線!!!即使我明知到6:30要上堂,我係都唔理,反而冒住"遲梗到"既危險,就係咁,我就去左食麻辣米線啦...幾荒謬...!我呢D咁既人,遲早比人揼...!
果然真係遲,又遲到五分鐘,哈哈,不過我又死好命,PART
TIME阿SIR又係遲到,仲遲過我,哈哈哈...好彩有去食姐~!
呢堂DETAILING好悶呀,我都費事理佢,玩左半堂GAMEBOY~哈哈...! |
|
十月十六日 |
炸散人 |
 |
今日又DAY-OFF,成11:00先起身,尋晚做功課做到凌晨5:00呀...極辛苦...!
今日自己出左沙田行左兩個鐘頭,買左"炸散人"既GAMEBOY帶,好悶,返屋企先...
返到屋企,食完LUNCH又做功課,生活真係乏味...
CHECK
EMAIL,考試時間表出左啦,好野~!今年考試係我生日之後既一星期~YEAH!
終於有好日子過啦~~
夜晚果陣,家豪無啦啦SEND個SMS黎問我想唔想食麻辣米線,嘩~!梗係想啦!拿拿聲話想啦~!好野,又有得食~麻辣米線~~正!! |
|
十月十五日 |
K后 |
 |
今朝早左返學校做DETAILING,終於都搵齊SPEC.既資料,正!
之後去上師奶果堂,雖然上一個鐘,但係真係好鬼悶,悶到死,真係有D衝動想攞部GAMEBOY出黎玩!
12:30,都仲未可以去食LUNCH,要見IVAN吖嗎...因為尋晚做FREELANCE既圖做通頂咁滯,基本上,今日去見IVAN都唔知做咩...死火,唯有係IVAN面前不斷吹水同問問題,哈哈哈...低低能能咁...!
2:00,終於可以閃人,正!約左媽咪同細佬去食麻辣米線,於是搭火車去旺角,行出又一城,去搭火車既途中,哈!荒謬!有個著晒西裝既男仔/男人走埋黎同我講,佢係MODEL公司既,
吓??我"R"晒頭,咩呀,你係咩又關我咩事呀...佢又比証件我睇又比咭片我,原來呢個"茂李"係星探...
哼,我一知佢係星探,即刻話唔得閒,唔彩佢,仲走左去!
好明顯,呢D人都唔知堅定流!我都費事理佢,因為我對呢D人同呢D工作都極之冇興趣!!
同媽咪細佬食完LUNCH之後去左加州紅唱K,正~好耐冇唱K,唱到七點幾,喉都沙,哈哈...
冇得去澳門旅行啦...唔開心... |
|
十月十四日 |
我是羊 |
 |
今日天氣好鬼凍呀!!救命!!!我今日著左件大冷衫返學,好似隻羊咁!哈哈哈,好搞笑~
今日測驗...,好彩我識,都算冇白廢心機,否則揼死妳!
空堂,去左RESOURCES
CENTRE畫FREELANCE既圖,畫得懶勁,一定比人BAN到爆...
發覺到有個人一直係度"監視"我,有D驚,即閃...!
上BUILDING SERVICES堂,果個阿SIR...真係NO
COMMENT...都唔知佢講咩...有D九唔搭八... |
|
十月十三日 |
我唔係中學生呀!! |
 |
今日真係好炆!!!一早比人老點左返CITYU聽D無聊既廢話...!下午上完PROFESSOR猛料果堂DETAILING即閃!
返到屋企又要溫書!真係好炆!!因為聽日要測驗!正一死師奶!好鬼憎妳!快D同我死開啦...!
咁大個人仲測驗!姐姐仔!我係大學生呀!唔係中學生!!唔好當我白痴啦!唔該!! |
|
十月十二日 |
腳都跛... |
 |
今日星期日,冇得去街不突止!!仲要留係屋企溫書...!!點解咁慘?!多謝死師奶...!
溫到下午,DADDY返黎,終於都有得去街啦~!需然只係去沙田...
夜晚食飯,勁慘,我DADDY問去邊度食,...頂...!佢由沙田行到禾輋都仲未決定到...!救命呀...大佬...我好攰呀...!仲要由禾輋搭的士去到麗豪,都仲未決定到...!!我同細佬行到腳都跛!!再行到去河畔花園...,媽咪開始餓到鬧人,成10:00先有飯食,頂...又係打邊爐...!
可憐... |
|
十月十一日 |
好番D啦 |
 |
今日成10:30先起身,好慘,因為病,今日冇得去街,邊度都唔洗去...係屋企休息...好想去街呀...救命...!
都好似好番咁,我又唔好意思休息,唯有留係屋企UPDATE下網頁同埋做下DESIGN PROJECT啦...
唉...好悶既一日...!
早幾日去戲院睇戲,見到車太賢同孫藝珍有新戲,叫<瘋狂初戀>,哈...好想去睇!
把死人口話做DESIGN
PROJECT,結果走左去瞓覺,瞓醒先知頭先落狗屎,好彩冇出街...!
因為病,今日全日都食白粥同菜,勁悶...真係好掛住麻辣腐皮米線,好想食呀...
不過,今日唯一有一件事係值得開心既,就係我去過磅重,又輕左好多!YEAH,真開心!
|
|
十月十日 |
病 |
 |
今朝起身果陣覺得有D唔妥,不過見冇咩大礙,咁咪返學囉,上AUTOCAD堂果陣,好悶呀...間課室仲好鬼凍添呀...陰公!
之後又七個鐘天地堂,折墮...!唯有係STUDIO溫書,STUDIO望到南山邨,我見到對面有兩個人企係屋企窗口睇風景,我就係STUDIO不斷揮手同佢地打招呼,哈哈,佢地居然同我揮番手,痴線,勁無聊!
STUDIO真係愈座愈凍...,5:45,同GINIA,LOUIS,AIRY家寶一齊去食DINNER,去到CANTEEN仲凍,捱到6:30,返去STUDIO上堂,我個頭開始痛,手腳好凍,個頭好熱,發燒咁款...早走左,家豪同我去睇醫生,原來感冒...慘... |
|
十月九日 |
赤貧 |
 |
今日又DAY-OFF啦,不過唔代表我好得閒囉~相反,我仲忙到抽根!!
今朝10:00起身,"墟墟"聲食完早餐,本來想畫圖,不過,實在冇MOOD,加上我正在"腦便秘"...,橫掂都諗唔到點畫,執下NOTES先啦,鬼死咁亂...!
細佬同媽咪出左街,媽咪叫我幫佢飛線,頂...佢連電話都冇帶出去...!飛咩呀,大佬...!
下午5:00前做好功課,YEAH~!勁開心,細佬打比我,話想睇戲,叫我不如出旺角JOIN佢同媽咪,又好,橫掂係屋企發毛,不如出街~
去I.T.睇中左件米奇老"屎"既JACKET,想買,一睇價錢,嘩!!我頂,勁貴,$490?!即刻放低!再買就黎變BEGGER,哈哈哈...
食完飯去旺角百老𣿬睇"與鬼同桌",勁唔好睇,詭秘到我都唔知佢搞咩!!搵笨SEVEN!! |
|
十月八日 |
嚇到冇命!!! |
 |
今日又PRESENTATION,講得好差呀...!HELP!!肯定低分!!
之後約左媽咪同細佬食米線~!正!!食完去左旺角行一陣,之後突然醒起有NOTES放左係學校唔記得攞,細佬陪我返左學校攞番~
今晚我"借"左個NOTEBOOK比家豪試PROGRAM,𠵱!!!佢整壞我NOTEBOOK既PROGRAM!!我發狂咁鬧佢,好彩最尾都係冇事...! |
|
十月七日 |
比人恰! |
 |
今朝依舊8:30,死師奶居然玩點名!!真白痴,好彩今日冇遲到姐!
尋晚同死家豪鬧交!今朝等極佢都唔打電話比我!!我忍唔住打比佢,仲媽左佢一大餐添呀!我要佢今晚7:00前要黎到CITYU接我,如果唔係我熄電話!
下午上完BUILDING
SERVICES我就係STUDIO等佢!去左COMPUTER ROOM,諗住DOWNLOAD
MP3啦!頂!!死人機,比人BLOCK左,冇得DOWNLOAD呀...!!黑到爆!
夜晚同家豪食左野之後去左旺角行街,佢買左情侶介指呀~我地一人有一隻,好開心呀~~ |
|
十月六日 |
死好命!! |
 |
尋晚幫DADDY畫圖畫到凌晨4:00,超級眼瞓...!第二朝仲要PRESENT添呀...!
點知真係黑到嘔電!!今朝真係唔知醒!!唔係阿虎打比我,我諗我會瞓到12:00!!死啦!!9:00要PRESENT,起身果陣都9:00!!!真係大鑊!!
點知阿虎同我講,MTR原來有事,大塞車,好多人都會遲到!嘩!!真係死好命!!
之後我係5分鐘內洗面刷牙食早餐換衫!!勁快!!但係結果都遲左45分鐘,不過大把人遲過我!!哈哈,我就係咁樣,混水摸魚咁扮晒大塞車既受害者之一啦~~ |
|
十月五日 |
期待戀之風景 |
 |
今朝同家豪去左睇無間道2,麻麻地好睇,反而睇完套戲之後,比我見到戲院POSTER,有套戲叫<戀之風景>,又係幾米既,幾想睇呀,有D期待添,不過到時一定冇人肯陪我睇囉,我覺得...!
之後去左大角咀食麻辣米線,再出左旺角行街,有D悶既一日...!
夜晚我地一家人約左阿婆食飯加慶祝生日,去左德福果間<仿膳飯莊>食上海菜,不過我幾乎冇食野咁滯!!因為D上海菜好多油!!好恐佈,食少餐當做一晚師姑好過...! |
|
十月四日 |
絕左版?!?! |
 |
今日終於都有假放~可以休息下,朝早約左家豪,可能我太眼瞓了,遲晒大到...!!好彩家豪唔會鬧我姐,哈哈...
去左深水埗搵孖寶賽車GAMEBOY帶,真白痴,居然絕左版!!!有冇攪錯呀!!
下午去左換返尋日果部死人MP3機,佢先頭CHECK過部機冇問題唔肯換,好彩有家豪係度幫我�飴!
之後我地去左"旺電"買野,再去行街睇衫,我係"瓊華"睇中左條裙,好正嫁,不過要成$359!!!好貴呀!!唔捨得買...
夜晚梗係去我至愛既麻辣米線度食啦~~!正!食完,我地行左去奧海城逛下,行去既途中,居然比家豪發現到一間賣GAMEBOY帶既舖頭,仲比我搵到孖寶賽車同泡泡龍添~~好開心呀! |
|
十月三日 |
黑到爆!! |
|
今日朝早上CAD堂,返到去即刻閃左出去PRINT圖,完全冇上過堂...
勁黑...!個死PRINTER同我玩"一節節",搞到我花左成個幾鐘先PRINT好一張...!!想打人!!
今日去左買MP3,好嬲呀!!返到屋企先發覺部MP3壞既!!超"炆"!!!
聽日要攞部死人爛鬼MP3去嘈佢先得!!
極度眼瞓......zzzZZZZZ |
|
十月二日 |
極忙!!勁想揼你! |
|
今日本來DAY OFF,又要為左個死人DESIGN
PROJECT返學校見IVAN,仲比個死人IVAN插到一棟都冇...!頂!又要大改DESIGN...!!麻X煩,勁想揼你!
返到屋企,簡直超級想死,極忙!!勁改圖,勁趕BOARD,終於比我係凌晨3:30完成,正!!
好眼瞓.... |
|
十月一日 |
國慶,好鬼慶 |
 |
今日係國慶,又有一日公眾假期.本來應該好高興,但係我偏要倒屎咁早就要起身做功課!!好!!算!我又忍你...!
下午同屋企人去拜山,之後出左沙田行街,夜晚又去食火鍋,喂!!我要投訴呀!!我今個星期食左三次火鍋啦!!大佬!你想我點?!?!我減緊肥呀...!靠害呀?!我重左兩磅!!好驚....!!! |
Copyright (c)
2004 Catherine's Home
All Rights
Reserved
|