|
| |
 August
|
八月三十一日 |
維園FARM |
 |
今日係我暑假既最後一日...唉,勁唔捨得...好似根本冇放過假咁!今個暑假,細佬又唔返黎香港!勁冇癮...!
今日同家豪過左銅鑼灣啦~!我地去左圖書館借書~之後去左天后食LUNCH,誤打誤撞入左"新釗記"食野,嘩!呢間咁既茶餐廳D野食勁貴,一碗麵都成17蚊!!食碟菜都要15蚊!!貴都痴肺!!不過D野都幾好食!
之後我地行返去維園行FARM,呢個FARM原來好正嫁,好多野賣,有D似日本原宿涉谷街頭地攤~!家豪買左隻手鈪比我呀~好靚嫁~今日真係好開心!
聽日開學,今晚都係早D抖啦... |
|
八月三十日 |
好運回來了~! |
 |
嘩~!!今日真係勁興奮!!
第一,今日係LAST DAY返工~!唔洗做啦!YEAH!!
第二,今日居然出左糧~~!
第三,今日係減肥第七週!總成績非常好!我輕左22.5磅!!全身減左好多寸!勁呀~!!想知幾多寸?問我啦~唔係呢度講D咁私人既野~哈哈!
不過今日係公司就真係黑左D..."騰雞"仆去聽電話果陣,比枱面樽水倒到成條裙都濕晒!!
不過~我的好運終於都回來了~!算啦~!
尋日係公司影左果D相已經UPLOAD左上網啦~!快D去<貓貓與朋友的照相館>睇下啦~~! |
|
八月二十九日 |
生菜蟑螂湯米粉!? |
 |
今日阿JOE,CINDY,阿欣同我FAREWELL,因為我返埋聽日就走啦~!真係好期待呀~~!
LUNCH本來諗住食麻辣米線,點知去到超級多人呀!咁冇法啦,唯有去第二間啦!去到第二間茶餐廳,我叫左生菜湯米粉,等左好耐先有得食,食第一口都冇事既!突然比我係碗生菜湯米粉度見到隻蟑螂!!!頂...!
我出奇地冷靜,叫個伙計埋黎話比佢聽碗野有蟑螂...!大家一定會覺得好奇怪,因為以我既性格一定會大吵大鬧,點解冇呢??哈哈哈...我都唔係好知呀~可能我見到既係一隻蟑螂而唔係半隻蟑螂掛~!哈哈哈...
真係好多謝阿JOE,CINDY,阿欣同我FAREWELL,仲請我食LUNCH~~!感激妳們~~
返到公司,我仲同佢地影左D相呀~!過幾日會UPLOAD上網啦~! |
|
八月二十八日 |
辣到肚痛.. |
 |
今日都係繼續整RECYCLE PAPER,重有兩日我就可以甩難~~!YEAH~!
今日LUNCH我又食麻辣米線啦~!真係唔該晒阿JOE幫我買麻辣米線,今次我仲挑戰自己,叫阿JOE幫我買"特辣"米線呀~!!
嘩!!真係好鬼辣!!食第一口果陣,辣到我想噴番出黎!!不過真係好正!我終於都挑戰成功啦...!
但係,任性既人通常要付出好太代價...可能辣得滯...我個肚痛到依家呀...唉...!抵死... |
|
八月二十七日 |
刻薄我!? |
 |
為左要完成"影后"呢一個使命,今朝專登"倒屎咁早"起身,因為尋日影左一份,淨番果幾份要比埋阿虎返公司印埋佢,所以今朝約左阿虎係大圍火車站等!點知個死仔包阿虎又同我"玩遲到"!!下次唔好再遲到啦大佬...我遲一分鐘都比人扣一個鐘頭人工嫁!!我成二百幾三百蚊一個鐘,如果咁就比人扣左好慘嫁...我係太子女都冇面俾!!
今日係公司搞破壞~即係整RECYCLE
PAPER,我發覺近來都冇咩圖畫啦!因為30號我就返完工吖嗎~費事有破壞冇建設啦~哈哈~
車!幾CHEAP呀!出糧淨係出到30號,居然唔出埋31號比我!!上次7月1號又扣左我一日,今次又係咁!!哼!妳好野!咁絕!!
夜晚同家豪出街食飯~好開心呀~平日都可以見到面~仲有呀~你今日見到我就話我又瘦左~好開心呀~! |
|
八月二十六日 |
影后 |
 |
尋日專登返左城大圖書館攞書~!就係為左今日攞返公司印兩份~!本書真係好鬼厚,我足足印左成朝早,雖然我做左成朝"影后",公司都冇人敢話我...哈哈,不過,我自己都唔好意思啦...!
放左工之後,我又去買左兩件衫~唔,都幾靚嫁~又唔係太貴~!
呀~!各位朋友們~我已經可以係街買到合身既衫啦~!去SHOPPING記得預埋我~~!LET'S GO~~~ |
|
八月二十五日 |
火辣 |
 |
今日都幾開心啦~因為已經踏入最後返工階段~!YEAH~!不過又打唔成風,真係冇天理!
下午我又去買麻辣米線食啦~!真係好鬼正!!我今次專登叫佢落大辣,仲要係重手D,哈!我都一樣食到!我下次一定要挑戰"特辣"至得~!哈哈! |
|
八月二十四日 |
又打風!討厭呀!! |
 |
今日係難得有得抖下既星期日!本來今日同家豪去銅鑼灣,因為打風搞到又冇得去!!麻鬼煩!!討厭呀!!
今日係屋企好悶!!睇怕我今日唯一賺左既野就係瞓到十點鐘...同埋夜晚同DADDY媽咪出街食左餐飯咁大把!!勁慘!
仲有呀!睇怕個風又係打唔成!!睇個死款,聽日肯定要返工!!哼!!真係冇天理呀!! |
|
八月二十三日 |
友情連結 |
 |
今日都仲係要做埋份TENDER先走得!!計數計到頭都暈呀!!又唔可以計錯!不過,有D開心呀~!聽講呢幾日會打風!哈哈哈!
之後約左媽咪行街~!佢話帶我去買染髮劑~!返到屋企,我媽咪幫我剪頭髮,之後又同我染左頭髮~!染得非常好呀~好靚~!
呀~!友情連結有新人加入呀~!她是我的好朋友阿JOE~!大家不妨去看看~她的日記很有趣呀~! |
|
八月二十二日 |
慘 |
 |
今日好多野做呀...畫圖畫左成朝!!下午比CAT姐"夾"左我同阿JOE入會議室做TENDER,D圖多到嘔,又多DETAILS,睇到眼都盲...!搞到又要開OT,勁慘呀!!
今日CINDY生日呀~!生日快樂~! |
|
八月二十一日 |
好多野轉呀... |
 |
今日好多野要轉呀~!我既手提電話月費啦~同埋上網月費都要轉,打過電話去問,手提電話費好鬼貴呀!都係轉台好D!上網先搞笑!果個SALES叫我轉$288果個PLAN,又話會送部"X
BOX"比我...車!佢送PS2比我我就要姐,X BOX要黎把鬼呀??咁CHEAP!
今日照舊好多圖要畫呀!做死我咁滯!!好想快D開學呀~!可以見到D同學~真係好~~! |
|
八月二十日 |
我唔會怪你 |
 |
今日真係比人玩到謝...話說尋日公司既兩個會計都放假,所以冇人比支票我DADDY簽名,今日返到公司,十一點左右,阿會計先生問我可唔可以即刻攞D支票返屋企比我DADDY簽名,因為DADDY今日上廣州分公司,我都冇得話唔可以啦...由大角咀返屋企,再由屋企返公司...嘩!!又熱又曬!!!勁慘呀!
唉...我真係幾時去英國都得嫁...!我唔想你係度�僚o咁辛苦...!DADDY呀!我真係唔會怪你!遲兩年先啦...!好唔好? |
|
八月十九日 |
前途問題?? |
 |
今日我DADDY同我講,問我想去英國讀書,還是去日本讀書,哈...佢地終於都比CHOICES我,但係,好老實講...我依家想去英國多過去日本囉...!早又唔問...!
不過,我都發覺到一樣野,就係屋企未必負擔得起"一次過比晒一年既學費",嘩...大佬,十三萬呀...!唔係十三蚊!所以我想城大畢業後工作兩年先,儲大約一年既學費,咁就算唔係完全AFFORD到所有野,起碼我儲到十幾萬,屋企人都出少十幾萬先啦...不過唔知我DADDY肯唔肯囉...要說服佢比我出黎做兩年野先,希望可以啦..!
今日家豪又黎搵我食LUNCH,好開心呀~!錫晒你先~! |
|
八月十八日 |
見到你真係好~ |
 |
今日好多圖要畫呀,一早返到公司就未停過!!朝早又要做TENDER,下午仲要畫好多圖呀...勁攰!!所以今晚又要開OT...
不過,我今晚好開心呀~!家豪黎接我放工出街食飯~!好SWEET呀~~!佢仲同我去奧海城食三文魚~之後一齊搭MTR返屋企,我地係MTR見到有個人個頭好搞笑,用MOUSSE整到好似隻"蛋撻"咁~!哈哈哈~~! |
|
八月十七日 |
假如愛有天意 |
 |
今日同家豪去左睇<假如愛有天意>,套戲真係非常非常好睇...!!特別係下半部份,真係好感動,好多次我都想喊,不過始終都忍住左...當然,呢套戲成套都好好睇!導演郭在容真係好犀利,我睇完套戲之後,個心都痛住痛住咁...!
我今日冇食LUNCH呀,夜晚同家豪去左大角咀食麻辣米線同生菜,今日我叫左"大辣"腐皮米線呀~!好辣!!正~! |
|
八月十六日 |
做MENTOR日 |
 |
今朝好早返左城大,因為要做MENTOR呀嗎...!唔,我咁大個女第一次做MENTOR咋!好開心又緊張!比人叫聲"師姐"真係幾好FEEL,好型呀~!
之後我同GINIA,TRACY,JANICE帶左一班"師弟師妹"去傾計同埋"遊花園",但係我就覺得D師弟師妹唔係好積極囉...十問九唔應咁樣...我真係講到口都乾...淨係問"有冇人有問題想問我地呀?"呢一句,都講左十次以上!佢地都係冇咩反應...唉...!
不過,可以識到一班YEAR 1既師弟師妹都係一件好開心既事黎既~! |
|
八月十五日 |
有賺~! |
 |
今朝返工差D遲到!!好彩我媽咪叫醒我...搞到要帶D早餐返工司食囉...!
哈~!今日幾好笑,我明明帶左野食返工,點知家豪突然間一個電話"FENG"過黎,佢話想見我,想同我食LUNCH~!我當然好開心啦!!不過我把口仲係度責怪佢唔早D講,咁我帶番黎D野食點呀?!諗諗下,我把口真係唔要得,口不對心...有D內疚呀...!
唉...今晚又開OT到9點幾...!!我仲要帶埋堆圖同埋TENDER返屋企睇呀...!超慘!! |
|
八月十四日 |
上升!?!? |
|
今日同家豪慶祝生日,所以今日冇帶飯,LUNCH同CINDY落左街買麻辣腐皮米線同生菜食啦..死啦,好飽啦...!
夜晚同家豪食飯,我已經盡量食少D嫁啦...!
今晚番屋企磅重,死啦!!重左1.5磅!!!!!唔得啦,我呢幾日唔可以再"亂食野"!!好驚呀...!! |
|
八月十三日 |
肚痾呀... |
 |
唔知係咪近排食得太多椰菜同芋絲,今朝一早就肚痾...!好痛呀...
夜晚都係唔好食椰菜住啦...過兩日先再食啦! |
|
八月十二日 |
好悶呀... |
 |
今日好悶呀,又冇野做...!早知帶BUILDING SERVICES既NOTES返公司備課啦...!
今日係公司勁上網SEND E-CARD,E-CARD都有GAME玩,都好過冇啦! |
|
八月十一日 |
最冇風度既賤男!! |
|
今日我真係好嬲呀!!果然係日久見人心,終於比我睇清楚某同學既真面目!!呢個人簡直係本世紀最冇風度既賤男!!
話說我今日"專登"返城大圖書館借書,我撞到一個我平時覺得佢對人幾好既同學,我見佢手上攞住四本書,四本書裏面,有兩本係DOUBLE既,我就諗住試下問下佢可唔可以借一本比我去影印,遲D比番佢,佢當時未借果四本書嫁!呢個賤男居然唔肯借比我!!仲"懶"好心咁叫我去HOLD書,哼!!我洗咩你教姐!一早HOLD左啦!!死賤男都唔知做咩鬼野霸住晒D書!!正一自私精!鬼唔望你要RETAKE十幾廿次!我一定日日詛咒你!!哼!!
你有野唔好問我呀!我唔會啋你! |
|
八月十日 |
痴左線!勁買衫 |
 |
今日同家豪去街,佢陪我一齊睇衫同買衫呀~!我買左好多衫,不過依家仲未可以著,因為好窄,我諗下個或下兩個星期應該著得落啦~我要努力D啦~! |
|
八月九日 |
勁悶TRAINING |
 |
今日同TRACY一齊返左CITYU既MENTOR
TRAINING,悶到嘔...都唔知果個人講咩...!九唔搭八!!我地後尾比佢悶到頂唔順,"走堂"啦~!
同TRACY一齊去左又一城G.O.D.買野!全場都有折呀!不過我淨係買左隻KAMKAM貓公仔!
返到屋企,真係好悶,冇野做,咁我咪執房囉...嘩...我個房D野多到亂到好似"堆填區"咁,執到凌晨兩點幾...好攰呀!! |
|
八月八日 |
唔開心呀 |
|
今日好唔開心呀,朝早打比你,諗住同你講下電話啦...!點知講唔夠兩句就炒大鑊!!真係以後都唔想同你講野,同你愈黎愈唔啱CHANNEL...!!
好彩今日工作都尚算順利... |
|
八月七日 |
好鬼炆!! |
 |
今日真係好鬼炆!!!明明個客已經話OK,做咩無啦啦又專登"雞蛋裏挑骨頭"啫!!正一死八婆!!!煩死我!!
我唔係唔想改圖,而係唔想次次比人老點我出晒一SET圖,明明CONFIRM好,又要我重頭畫過!畫過都唔係問題,但係唔該D人態度好D囉!我有CHARACTER,唔鍾意受埋D閒氣! |
|
八月六日 |
放榜嗎? |
 |
今日原來係會考放榜,不過,今朝睇報紙,發覺D考生都考得好差下囉~!睇電視新聞又見到D會考生收到成績單就喊...真係睇到都有D心酸...
其實,我都唔記得當年自己收到成績單果陣有無喊過,可能我當年成績差,喊都無謂...!
不過,我都好後悔REPEAT左F.5,仲有讀埋F.6同F.7,睇怕我最遺憾既事都唔係會考考得唔好,而係發覺自己原來兜左好大個圈,到依家先讀緊大學,非常後悔!
希望考得唔好既會考生早D醒覺,早D發掘自己既長處去發展啦~!祝福你們~! |
|
八月五日 |
做到暈暈地...! |
|
今日除左繼續整理FILES之外,下午仲要改圖...!激死我!!仲咩D人咁CHEAP,成日都要"瀉膊"既姐!!真係乞人憎!!
今日先至發覺,讀書好過返工,D人衰極都唔夠出面D"瀉膊精"衰格,哼!正一"大陸豬"!成日扮白痴,搞到我要"哽"晒你地D豬頭骨...!我做到頭都暈,人都顛啦!!
JUST GIVE ME A BREAK!!!! |
|
八月四日 |
眼花花 |
 |
今日全日都要整理全公司既FILES,我就黎死啦...眼都花埋!!
今日我個頭都唔知做咩鬼野!!好似顛婆咁...睇真D仲有D似"掃把頭"...激死我啦!!梳極都咁核突...!!! |
|
八月三日 |
書展 |
 |
今日好開心呀,等左咁耐,終於有得去書展啦~!我已經買齊晒全部張小嫻既書,好野~!最衰今年張小嫻唔黎書展簽名啦,不過,好彩我以前已經有佢兩本簽名書,算啦!
今日我同家豪真係行到腳都跛!! |
|
八月二日 |
好期待! |
 |
今日要整理全公司既FILES,好多野做呀~!不過要慢慢黎囉,費事整錯晒啦~!
今日比人"電"呀~!!好痛...!不過應該有效既~!
聽日去書展呀~!好開心~!!所以今晚都"盤點"過我D張小嫻小說,原來計埋兩本新書,我仲爭六本呀,聽日要一次過買晒佢先至得!! |
|
八月一日 |
麻煩妹 |
 |
今日好多圖要畫呀!無啦啦又會咁忙,係咪痴線嫁...!仲有,今日要整理全公司既FILES,攞命呀!
真係好啦,我既努力無白費,個SHAPE都瘦左~YEAH!!
今日放工又去左書店買書,買左本<我最愛麻煩妹>,想買好耐嫁啦!如果好睇,我會去書展勁買~! |
Copyright (c)
2004 Catherine's Home
All Rights
Reserved
|