日記主簡介
| <1 2 3 4 5 6 7 8 9 10 11 12 13 14 15 16 17 18> |
2003 年 03 月 20 日 星期四 【晴】
我曾經聽到有人話 d
細佬妹好煩,好頑皮 !!!
佢地驚 d 細佬妹整爛佢地 d 野, 唔比佢地掂 !
我都係做細0既, 我唔係偏幫邊面, 我只是有感而發同講一些公道說話而已 !
我唔排除有靠"後山"或有 d 會做"小霸王"0既可能性 !
因"小霸王"我都做過 ! 哈哈........................
但有陣時, 你地可能過份擔心啦 !
你要事先教佢地點用, 你地唔教佢地用,梗唔識用啦 ! 梗容易整爛啦 !
你地唔好開口埋口講到 d 做細0既,咁鬼恐怖啦 ! 講到佢地好似專"搗蛋"或"破壞王" ! 佢地整爛野,都係無心之失啫 !!!
你地唔好開口埋口同佢地講, "你咁樣會整爛我0既野架 !!! " "唔好掂呀! 你唔識用架 ! 會整爛我架 ! "
細佬妹都是想玩下你地 d 野啫 ! 你咁講可能會比佢感覺你霸住, 唔比佢玩 !!!
令到佢地沒辦法唔靠"後山"啦 ! 這對於佢地黎講係無辦法中0既辦法黎 !
佢地都是想玩而已, 做人要將心彼己 !
試問你一出世, 是否樣樣都識丫 ? 你都係要人教啦 !
做乜搞到部電腦好似"生人勿近"咁呀?!
你要話比佢地聽"點解唔比你玩, (可能係人地借比你,你又想避免整爛人地借比你0既野 ! )你咪直接話比佢聽"唔係你0既 lor ~
千奇唔好用好惡的語氣同開口埋口同佢地講, "你咁樣會整爛我0既野架 !!! " "唔好掂呀! 你唔識用架 ! 會整爛我架 ! "
因咁樣分分鐘會弄巧反拙 ! 可能佢又大吵大鬧啦 ! (搵"後山"黎幫手啦 ! )你都唔想咁架呵 !!! 就聽我試下啦 ! 知道冇?!
p.s: 不聽小魔星言, 吃虧在眼前 !
>>2003年03月20日Thu 15:57:33 (GMT+8)
2003 年 03 月 20 日 星期四 【晴】
講開又講你地可能依幾個星期好悶啦 !
因我不停提住同一個人 ! 但我又忍唔住手喎 ~ 所以咪..........
請見諒 !
講到下雨, 每次落雨,我就好狼狽架啦 ! 因我同媽咪或老豆同用一把傘,若果刮起風黎,仲狼狽呀 !
我最近睇咗<小親親> 依套戲, 陳慧琳在戲入面係飾演一個才女, 寫散文0既 ! 佢曾經寫過一篇文章, 提及舊愛 ~ 因佢0既舊愛送咗一把白色靜色的傘子
! 佢形容每次佢拿這把傘, 好似一個鶴立雞群的靚女一樣, 令自己好自豪 ~ 但又唔"襟" 污糟 !
佢同佢前男友分手後好刻意咁擺脫這把傘, 但最終都係失敗 ~
但當佢真係再重拾對這把傘的感情,即使唔見了 ! 也誓要搵番出黎 ~ 當找回時, 好似和一個朋友久別重逢般似的 !
這套戲又令我想起一件事 !
我記得我小時候, 6 歲的時候 ! 我的親戚買咗一把白色有 Lace 架,好靚架 !!!
但可惜..................
咁靚把傘子,送咗比我都無用 ! 因為我唔識行, 所以帶唔到出街 ! 所以送咗比我都用 ! 日子一日一日咁樣過去, 我的白色一日一日咁樣變黃 !
我只有在發夢時,幻想自己出街帶著這把白色的傘, 仿如小公主般 ! 夾著黃色蝴蝶形0既夾仔, 同穿花邊襯衫同黃色工人褲,穿著我最喜愛的紅色扣帶皮鞋 !
在雨中用輕快的步伐在街上走 !
但這些一切一切,都是發夢而已 ! 這是我的小時候的最美的遺憾 !
時間真你唔等人架! 所以奉勸各位好好真惜你所擁有同你的機會呀 !
若果我唔係行動唔方便的話,我必然是一個很活躍的女孩 ! 因為我好鍾意跳芭蕾舞, 覺得好美妙的姿態 !
或打籃球啦 ! 因覺得好好玩 !
最羨慕就係可以跑步啦 !
咁所以我每做一樣野,可能係衝動, 或會撞板 ! 但我都不會後悔, 因我知時間唔等人,即使結果係點,我都唔會後悔 ! 若果我唔去試, 我就真係驚我會後悔啦
!!! 人生中的事,每一次都係挑戰 ! 可以挑戰自我 ! 誰管會做錯呢 ! 人生中就係從錯誤中成長的 !
>>2003年03月20日Thu 15:17:50 (GMT+8)
2003 年 03 月 20 日 星期四 【晴】
今日返學又見到佢啦 !
佢同我點頭打招呼 ! 我心偷偷地跳舞 ~
同埋,聽到佢同 Lam Lam 討論 "美伊"開戰的事 ! 而家已開了戰了 ~
同埋佢仲同大 mic , Lam Lam, 零加乘, 佢地玩 Online game , (關於恐怖份子的game ! )
<佢今日穿灰色風褸, 同穿一件長袖灰色加粗白色橫條衫,同黑色褲 ! Bring 紅色書包 ! )
<昨日佢穿白色厚身的長袖衫 ! >
都唔知點解今年2003年開始無耐就發生咁多事 !!!
而家又話香港有"非典型肺炎",由"炸腮"變種出黎0既病 !!! 會死人架 !!! 死咗幾個啦 ~
昨晚, 又話有間酒店有"非典型肺炎"的病菌 ! 真係好得人驚呀 !!! ^^^^^^^@.@^^^^^^^^^
今日又 send 咗張 e-card 比小山羊啦 ! 同埋今日放學又見到 Jones 啦 !
仲有今日英文 Assignment, 我又係果句 lor ~ 做晒....但係唔知啱唔啱 lor ~
今日放學下雨呀 ! 好彩有雨傘 !
仲有老豆話頭先見到我幼稚園0既 Miss喎 ~ 蕭姑娘 !!!
佢而家仲係做緊特殊幼兒工作 ! 在樂富返工 !
同埋,頭先放學在旺角轉車時, 見到 Ken, Alan, Nicolas 在旺角0既站落車,可能行街街啦 !!!
>>2003年03月20日Thu 14:18:02 (GMT+8)
2003 年 03 月 19 日 星期三 【晴】
小山羊同佢就好啦 !
佢地可以發夢見到自己所要愛的人或愛情 !
我小魔星想夢都夢唔到呀 ! 日日訓到隻豬咁 ~
>>2003年03月19日Wed 21:42:52 (GMT+8)
2003 年 03 月 19 日 星期三 【晴】
我愛的人 icq info 又轉了
!
佢 icq info:
童話式愛情故事
永遠只會出現在夢境中
無論故事多動人
夢總會有醒來的一刻
佢原來係一個咁純情的大男孩, 我由小時候就不相信童話式的愛情故事架0勒 ! 今時今日的年代,仲有人相信喎 ! 佢好純情兼可愛呀 !!! 好得意呀 ~
hehe....................^.^
>>2003年03月19日Wed 21:39:26 (GMT+8)
2003 年 03 月 19 日 星期三 【晴】
我睇到小山羊的日記同 icq
info :
我已經習慣了孤單, 習慣了默默的愛
終於也習慣了失去你
沒有你的世界是無色的
但以後的時光我會將它添平成五顏六色
我會活好自己, 不會在讓你當笑話
曾經, 沒有你我將無法呼吸;
如今, 沒有你的日子照樣在繼續生存;
曾經, 死也不肯吃下上帝給我的蘋果, 因為我怕忘記你;
如今, 我已不在乎生命裏是否還有一個你;
只希望能夠做回精彩的自己...
繞了那麼大的一個圈子, 花了那麼長的時間
我終於又走回了起點...
愛情真的是一種很折磨人的東西!
如今, 不在去愛
從此, 拒絕被愛
佢昨日原來唔開心呀, 昨日我見佢仲好地地格 ! 原來佢都同我一樣係借曰記同人分享心事架 !!!
因為我唔想影響人地情緒, 所以我以前我唔寫日記時,我唔同人講心事架 !
但依家我可以借文字道出我的心事,讓人進入探訪我的心窗 ! 一來又可以讓我渲洩情緒的地方 ! 二來可以避免人地見到我的激動情緒或流淚的我 !
因我唔想比人見到我憂鬱的神情同懦弱的我,
因我唔鍾意比人見到懦弱的我, 同我喜歡堅持 ! 我喜歡悍衛女性的堅強 ! 我要話比人聽女人係好堅強的 ! 同否定"女人係用水造"的說法 !
我連自己的女性尊嚴都悍衛唔到, 我點可以悍衛我愛的人呀 !!!
>>2003年03月19日Wed 21:32:32 (GMT+8)
2003 年 03 月 19 日 星期三 【晴】
佢 icq info :
我覺得一個人最失敗就是永遠都不去接受一樣事情
我亦要學習一下去接受別人的說話
從接受中找出學習的寶庫
又或者接受自己已沒可能
唔知佢發生咗咩事呢? 點解佢咁寫呢 ? 佢係咪唔開心呢 ???
我真係有 d 擔心呀 !!! 希望佢冇事啦 !
>>2003年03月19日Wed 20:15:32 (GMT+8)
2003 年 03 月 19 日 星期三 【晴】
我頭先食完煎堆同蛋黃蓮蓉酥,好味呀!
Yummy !!! ^.^
依幾日無 icq !
昨晚, 好乖咁溫書, 因為今日英文 Speaking mock 呀 ! 但今日幾 part 都做唔晒呀 ! 仲連累埋 Raymond tim !
但我聽唔明讀乜 ! (???@.@???) 都唔知係我0既問題定係佢0既問題哩 ?!
昨日, 我見到 Jones 佢在硏究緊 Vikky 的公仔,係好友善咁微笑咗一下,但十分避忌果隻 !
同佢好細心咁同"大佬"講解中文堂要做乜野,雖然我聽唔到佢地講乜,但我都估到 ! 同臨走時,佢提醒"大佬"唔好漏底野 ! 充份表現到佢有愛心啦 !
同埋細心啦 !
同埋, 昨日我地想知 Bonnie 到底八到 D 咩 ! 但無人話比我知, 結果 Bonnie 話比我知, 佢失戀喎~ 但 Shadow
話你有冇見過有人失戀,仲笑得出呀? Bonnie 當時真係笑得好開心,好似唔似失戀 !!!
同埋, 今日一返學又見到 Jones 佢呀 ! 佢好友善咁離遠同我揮手打招呼, 但後來未入得課室,所以佢上咗九樓閱讀室,唔知係咪避開我哩?定要溫書哩?
後來,佢入得課室了, 我地果排電腦唔著,唯獨是我部電腦著, Cathy 部電腦又唔知發生咩野事, Jones 話 Cathy 部電腦按 "F1"
制就得架啦 ! 我幫 Cathy 按 "F1", 就冇事啦 ! 當時, Cathy 未返黎 !!!
跟住 Jones 黎我地果排睇下點解除了我同 Cathy 部電腦冇事, 其餘的電腦著唔到,佢睇電腦後面的插蘇插得好唔好, 我又一次覺得佢好好人同對佢加分
!!!
同我又可以近距離咁望到佢啦 !!! hehe ....... ^.^ 佢依次冇得避啦 !!!
同多謝 Cathy 在我的留言板安慰我, 其實....... 我都無安慰過佢呀 ! 反而, 成日要人安慰果個竟是自己, 我又唔識安慰人 !
真係....冇用0勒 ! 成日要人地照顧, 又幫唔到人! 反而, 比人咁多麻煩 ! 自己都唔好意思 !!!
在此向所有曾經幫過我的人或聽過我訴過苦水的人, 本人謹以至誠的態度向你們道謝及致歉 !!!
>>2003年03月19日Wed 20:11:03 (GMT+8)
2003 年 03 月 17 日 星期一 【晴】
我唔知你依家點睇我或驚了我 !
但我真係唔識再點講啦 ~ 我只知我真係好鍾意你 !
我的而且確我真係唔係一個溫柔的女仔,我唔識做溫馨野 ! 可能我點做都無用, 你的心依然依戀住你前女友 ! 我自問我真係比唔上你前女友 !
但我相信你前女友,都唔想見到你等佢等得咁辛苦 ~ 我諗佢都希望你能找一個真正愛你的人,同找到你的幸福 !
依樣都是我衷心0既希望 !
>>2003年03月17日Mon 17:17:37 (GMT+8)
2003 年 03 月 17 日 星期一 【晴】
之後, 我地全班照書打 power
point 0既字, 但書0既字太細, 睇到濛珠眼 !
後來 Jones 問阿 Wong sir D 字好難睇呀 !
點乜知阿 sir 話隔離果頁會睇得清楚 D !
Jones 啱啱同阿 sir 講: 唔該阿 Sir !
阿 Wu 就細細聲話: 隔離果頁都唔同 !!!..........( 阿 sir 唔知 !)
結果 Jones 搵咗一陣, 搵唔到 !.............
佢問: 阿 Sir D 字喺邊? 我搵唔到0既 ?
阿 Sir 話: 唔好意思下, 我唔知 D 字咁細隻下! 我放大比你地睇下 !
Jones 好搞笑咁話: 阿 Sir ! D 字喺邊呀? 唔好逼我呀 !!!
佢好鬼搞笑呀 ! 但點解佢同我 icq 咁少野講架呢 ?
>>2003年03月17日Mon 17:03:15 (GMT+8)
| < 1 2 3 4 5 6 7 8 9 10 11 12 13 14 15 16 17 18> |
|
小魔星 夢中見到你, 我好開心 ! 即使有人話我吹緊肥皂泡 ! 但我也不理會 ! 只因我認真地愛過 ! 故事的感覺: 小魔星不懂自編自導自演 ! 熱情的真我誰可擋 ? |