2003 年 04 月 06 日 星期日 【晴】



柯南鍾意 Snoopy, 同楊千樺架 !
我記得我年年都買 Snoopy 0既野, 送比佢做生日禮物架 ! 上年, 我無記錯0既話係楊千樺0既相架 !
怪獸就鍾意叮噹同 Twins !
小瑞瑞鍾意陳慧琳 !

柯南有好多花名架 ! 我最鍾意叫佢"神婆" !
比佢見到又拍我啦 ! 哈哈...................



>>2003年04月06日Sun 18:24:30 (GMT+8)

2003 年 04 月 06 日 星期日 【晴】



今日, 我唔知我想寫乜 ????????
前幾日聽到柯南, 佢煩緊會考0既野 !
同埋, 小瑞瑞又好煩, 煩佢 d 朋友0既野 !
............... 其實, 我唔知我寫 d 野........... 你地用乜心態睇呢 ?????
我唔知.......
今日 BiLLy 仔話多謝我喎, 佢睇我日記學到好多名言名句 ! 我算小兒科啦 !!!
柯南仲勁呀 !!! 句句好似... 睇愛情小說果 d 咁架 !
呀 ! 仲有依個日記板都係佢介紹比我 ! 係佢比我睇佢日記架 ! 我好開心架, 因睇佢日記, 可以知道大家近況, 同知對方有心事, 即時, 可以開解到佢 ! 我會0係路人留言安慰佢 !
阿 Doy 前日話睇我日記已成生活的一部份 ! 真係客氣啦 !

我多謝佢地捧埸就真 !

睇柯南佢日記, 佢文筆流露著搞笑0既本色, 我自問不及佢呀 ! 我地全部老朋友, 都係靠日記黎亙通消息 !

仲有, 小瑞瑞寫0既日記就好似睇緊一本長篇小說, 梗係啦 ! 佢地成日睇愛情小說0既 ! 我第一次睇愛情小說係柯南借比我睇架, 都係我的一千零一本, 我睇過一本咁大把咋 ! 佢話驚我悶, 果陣時係假期 ! 好似係普查呀 ! 所以佢話借比我睇 !


柯南聽日生日呀 ! 18 歲 ! 大個女 lu ~
又大一歲, 唔知佢0既心情點樣呢 ???????

我地咁多個朋友, 都各散東西 ! 都無見面好耐 lu ! 個個都分道揚鑣 !
有時, 人生就係咁架啦 !
天下無不散之筳席 !

0係依度講一聲, Happy Birthday to 柯南 !


>>2003年04月06日Sun 17:57:21 (GMT+8)

2003 年 04 月 05 日 星期六 【晴】

今日比我 fd 小瑞瑞嚇親呀 !
因佢寫0既日記話有朋友失戀 !
我以為佢或怪獸失戀 !
真係嚇鬼死 !
嚇得摽汗 !
我雖然鍾意人, 係訓晒身落去 !
但唔係有異性無人性 !

>>2003年04月05日Sat 22:34:58 (GMT+8)

2003 年 04 月 05 日 星期六 【晴】


第二樣值得開心, 係因為同過 BiLLy 仔, 阿 Doy, 同埋無聊人 icq lor ~

仲有就係...... 無聊人幫我解開左心結呀 ! 我好多謝佢呀 !
佢話當係佢送比我的相識禮物 wor ~
我真係好感動呀 !
依樣野係關於我的" 怪癖", 我好多謝佢, 佢唔驚不特止, 仲幫我同開解我 !

我會珍而重之咁保存佢0既意見0既 ! 我當時真係感激流涕呀 !
我講左出黎鬆晒呀 !

佢話我依個"怪癖"0係心理學黎講, 因寂寞所致 !
我會改變自己架啦 !


>>2003年04月05日Sat 18:17:57 (GMT+8)

2003 年 04 月 05 日 星期六 【晴】



今日可以話係小魔星值得開心同慶祝0既一日 !
因為今朝早同忠屎 icq, 我問佢做乜唔問我野 ????????
佢話唔知 !
跟住, 佢竟然問我野 !
算係一個驚喜黎架 ! 對於我黎講 !
佢問我: 邊個激嬲我 ? 我 icq info 寫住 !
我真係好開心呀 !
因佢竟然睇我 info 呀 !
佢關心我呀 !
我明白依種關心係乜0既 !
但我真係好開心 !!!
跟住佢又 n/a 啦 !
佢今日 info 係寫沙士比亞 !
我話: 好掂喎 ! 寫沙士比亞 !
佢話係抄喎.......

icq info:

世界是一個舞台，所有的男人和女人都只是演員；
每個人都有各自進退場的時間；
一個人一生中扮演許多種角色。
~~~~~~莎士比亞

我都話比佢聽, 我都識得一句 !
就係
Love be silent !

出自沙士比亞0既 <李爾王> !


>>2003年04月05日Sat 17:38:07 (GMT+8)

2003 年 04 月 05 日 星期六 【晴】



今日其實心情平伏番 d,
但都有 d 唔開心 lor ~
唔使擔心我呀 !

我都0係 info 講過啦 !
我要關心, 唔係要擔心 !

今日其實想講,
依幾日睇到張國榮的報導, 我都有少少唔開心 !
雖然佢唔係我偶像, 但都有感可惜的感覺 !
星期二接到佢死訊, 感到好愕然同埋唔敢相信 !
我不嬲都對佢無乜好感, 但都好唔開心呀 !
我唔怕話比大家聽呀 !
我 5 歲時係譚詠麟的 fans !
所以無鍾意過張國榮 !
佢地當時真係樂壇有震撼力的巨星黎架, 簡直係台柱黎架 !
0係樂壇頒獎典禮競爭得好激烈架, 真令人懷念 !
果陣時, 上親去譚詠麟同張國榮都著得西裝畢挺咁出席, 無依家咁 casual !
簡直可以話係衣香彬影 !
其實, 我依幾日睇番佢0既舊的節目,
先覺得佢的而且確有佢一定0既魅力 !

89年: 鍾保羅跳樓自殺身亡
93年: 陳百強服食藥物過量, 變植物人, 最後逝世
93年: 黃家駒因在日本遊戲節目, 出了意外逝世
94年: 鄧麗君因病逝世
2002年 : 羅文與癌病摶鬥多時, 因病逝世
今年: 張國榮跳樓自殺

真係好可惜 ! 果個都係叻人, 點解會係咁架呢 ??????

依家香港真係好似張國榮的初戀情人毛毛姐話:
香港除左要有正義0既聲音, 仲需要有關懷的聲音 !

你地有咩唔開心, 即管講比我聽,
我願意做大家0既聽眾 !
我唔識安慰人, 我只係識聽 !

依家有左肺炎, 果個都變得有隔膜 !
同埋有距離 !
咁唯有用聲音去關懷你身邊0既人啦 !



>>2003年04月05日Sat 13:40:45 (GMT+8)

2003 年 04 月 05 日 星期六 【晴】



佢 icq info 係咁寫 !

"妳令我無話可說
但我不會再後悔
妳有妳生活
我有我快樂"

我知道佢好唔開心 !
但我又可做得 d 乜呢 ?????????



>>2003年04月05日Sat 12:11:15 (GMT+8)

2003 年 04 月 04 日 星期五 【晴】



今日我寫0既日記,
同大家講: 我諗清楚啦 ! 我唔可以唔寫, 我唔寫我好辛苦呀 !
因為我發覺我近依幾年, 我的"怪癖"愈黎愈嚴重, 情況一路一路咁樣惡化 !
我諗大致上你地都會估到我的"怪癖"係乜啩 ??????
我好驚呀 !
我唔知我自己點解會咁架 ????
但我寫左日記好番少少啦 ! 但都未好番 !
其實, 我昨日好衝動 send 左好多個 url !
因為有點心灰意冷 lor ~
依個念頭, 我都想過好幾次 !
但我一唔寫, 我又發作啦 ! 我真係好驚呀 !

但我唔明, 昨日都仲有人問我, 點解你寫0既日記會比人睇 ???
我講過好多次啦 ! 答到我都唔想答 !
我寫日記係想同人傾心事同人分享 !
我昨晚諗通左, 我寫日記係同人分享 !
我唔覺得我0既野係秘密, 有乜不可告人0既秘密 !
你地唔好比我依個"日記板", "日記" 依兩個字影響到啦 !
我都曾經講過3, 4 次啦 !
我的日記, 唔單止係日記, 仲係我0既傾訴對像 ! 傾訴對像包括你地呀 !

我寫日記係想你地進入內心世界啫 !
想你地瞭解我多 d 啫 !
其實, 我有好多野講架 !
但無可能個個都廿四小時, 都坐0係度聽你講架嘛 !
我個腦一有野諗, 我就想講架啦 !
同埋, 我好怕就係當我唔開心時,
我泛淚光時, 我的朋友走埋黎安慰我 ! 因我怕佢地擔心同埋佢地同情0既語氣同眼光 !
因為咁樣, 我好難過架 ! 我唔想影響人地呀 ! 見到你地咁, 我就更加唔知點算呀 !

所以每一次, 當我唔開心, 我會刻意隱藏 !
個個都會覺得我係一個開心果時,
因為我成日笑 !
佢地就會覺得我無乜野 !
我覺得人笑係最靚 !
同埋, 你身邊0既人, 見到你唔開心 ! 會好擔心 !
我覺得我的朋友無必要要承受我唔開心0既痛苦丫,
所以我會以笑黎, 掩飾我的不快 !

個個都會覺得我好掂, 好堅強, 好硬淨咁 !
成日都話好欣賞我 !
我個心好唔舒服架,
因為我根本就唔係咁 !
我好想同佢地講:我唔係呀 !
但我一講左, 佢地又會好擔心或唔信我講 !
可能, 我刻意塑造我的形象,
搞到我有"怪癖", 情況仲愈黎愈嚴重啦 !

所以我寫日記, 就係想比你地睇我的另一面 !
我好想話比全世界聽架 !
我0既日記0既野, 唔係好大件事啫 !
我覺得我0既野, 事無不可對人言呀 !
我能夠交個心, 去講我0既野出黎 !
點解仲有人唔明同仲當得我好灑脫0既呢?????? 我真係唔明呀 !
要我講幾多次, 你地先明呀 !
我唔係呀 !!!
每一次, 人地咁當我好堅強, 我唔知點同佢地講我唔係呀 !
我無言以對呀 !

所以我寫日記, 話比你地聽 lor !
你地咪唔好當我的日記係日記 lor ~
你地咪當如依家係無電話, 無電腦, 無 e-mail, 無 icq lor ~
當睇緊一封信咁 lor ~

我好唔開心呀 ! 點解到左依一刻, 都無人明0既呢 ??????

我好多野諗, 同好多野想講, 我有好野想比人知 !
我都諗過, 用錄音機錄底我想講0既野 !
但只有我自己聽番, 我又唔想 !
如果比你地聽, 我又驚 !
因為我把聲經過錄音後, 係核突架 !
我驚嚇親你地 !
如果夜晚聽, 仲恐怖 tim ~
都咪話唔恐怖 !
因我把聲,
十足"午夜怪談"咁 !
唔信你地問下小山羊呀 !
佢成日同我做 partner oral 0既 !

我能夠將心比明月,
你地都唔明 ????????

唔想只係寫日記, 只係比番自己睇 !
咁樣我覺得對我0既"怪癖"無幫助 !
同對牛彈琴無分別 !

因為咁樣我唔寫出黎,
我好攰呀 !
我想搵人分擔下 !
我實在好攰, 好攰, 好攰呀............

希望你地明白啦 !


>>2003年04月04日Fri 13:26:14 (GMT+8)

2003 年 04 月 03 日 星期四 【晴】

佢 icq info:
我終於知道妳為何如此執著，若真的要為此執著而作出比較
我真的比不上妳，所以我只好放棄
因為妳愛的人己不是我
而妳執著的人亦不是我

即使到了世界的盡頭，但我卻無法拖著妳的手




p.s: 我唔開心時寫日記,真係好辛苦 ! 我真係唔開心架 ! 唔開心 ! 唔開心.....................
你地唔使擔心 !

>>2003年04月03日Thu 20:40:32 (GMT+8)

2003 年 04 月 03 日 星期四 【晴】

我真係無法再忍受啦 !
我頭先比我老豆訓話緊 !
我今日做過 d 乜 ??????
我唔想講 ! 無 mood 呀 !
連唱歌都無 mood 呀 !
我唔係因老豆訓話而唔開心,
而係我今日心情可以用跌至新低點黎形容 !
加上佢又0係度訓話,
我心情更加之惡劣 !

>>2003年04月03日Thu 19:39:24 (GMT+8)