日記主簡介
| < 1 2 3 4 5 6 7 8 9 10 11 12 13 14 15 16 17 18 > |
2003 年 04 月 03 日 星期四 【晴】
0係我 Bye Bye 之前,
我要多謝好多人 ! 排名不分先後 !
柯南, 怪獸, 小瑞瑞, 俊俊, 紫蘭.妹妹 !
Cathy, Carrie, 阿 Doy, Michael, 細 Mic, Peae, 小山羊, 天神, BiLLy 仔 !
特別鳴謝 阿 Doy 同 Micheal, 佢地成日都開解我 ! 同埋 BiLLy 仔因佢昨日陪左我成日, 其實今日0既我同昨日的我一樣,
係熱淚盈眶0既 ! 係佢令我不再感孤獨 ! 我好開心同多謝佢地 !
阿 Doy, Micheal, BiLLy, 雖然係男仔, 但好好人同明瞭我的心情 !
同佢地傾心事, 我好舒服, 同開心 !
我以前認為男仔唔會明我地0既心諗, 所以我亦從來無同男仔傾過一句計 !
佢地令我振作 !
同可以打開我的心窗, 甚至唔使我打開, 佢地都會睇得穿 ! 或者, 我唔識做戲啦 !
我識得佢地真係我的榮幸 !
>>2003年04月03日Thu 12:36:47 (GMT+8)
2003 年 04 月 03 日 星期四 【晴】
抬頭望星空一片靜
我獨行 夜雨漸停
無言是此刻的冷靜
笑問誰 肝膽照應
風急風也清 告知變幻是無定
未明是我苦笑卻未停
不信命 只信雙手去苦拼
矛盾是無力去暫停
可會知 我心裡困倦滿腔
夜闌靜 問有誰共鳴
從前是天真不冷靜
愛自由 或會忘形
明白是得失總有定
去或留 輕鬆對應
孤單中顫抖 我知我實在難受
問誰願意失去了自由
想退後 心裡知足我擁有
前去亦全力去尋求
風也清 晚空中我問句星
夜闌靜 問有誰共鳴
昨晚聽依首歌, 我諗起你同我0既野 !
我好掛住你呀 ! 你知道嗎 ? 忠屎 !
我真係好鍾意你呀 !
如果愛係咁簡單, 我就唔會咁辛苦啦 !
你知道嗎 ???????
我覺得我好似比人感覺 compete 一 d 野咁,
但我唔係丫 !
憑自己感覺做野, 我係衝動, 但我係我 !
好多人問我鍾意你乜 ?
其實, 我唔知我鍾意你乜???????
因為...... 我喜歡你是你 lor ~
因為我講得出我鍾意你乜0既話, 這只過我鍾意我幻想0既你,
而唔係真正0既你 ! 就代表我唔係鍾意你啦 !
你知唔知呀?? 我前晚阿媽咪問我0既, 關於女仔向男仔表白0既野 !
佢問我當向人表白0既時候, 我0既期望係有幾多 ????
用 1-10 黎計 !
我當時用我向你表白時0既感覺答佢: 係 5
因為我從來對自己唔會抱好大期望 !
佢又問我當我比人拒絕時, 有冇覺得難受0既感覺 ?????
我又用我對你0既感覺答 : 比人拒絕梗唔好受架啦 !
佢又問我咁第二日見番會唔會尷尬或面阻阻 ??????
我講我唔會 !
佢又問我當比人拒絕, 你唔好受0既痛苦程度去到邊呢 ????
用 1- 10 黎計 !
我又用我對你0既感覺黎講: 都有 6- 7 架 !
佢話: 都幾痛喎睇黎 !
咁你要食得鹹魚, 就要抵得渴架啦 !!!
不過, 我當日向你表白後, 第二日我雖然帶住沉重0既心情返學 ! 驚唔知點算好 !
但到左差唔多0係學校附近, 我又好開心 ! 由個心度笑出黎 !
因我知可以見到你呀 !
見到你, 我就乜都唔驚啦 !
The power of love, you in my mind !
I want to you know my feeling !
But you don't know !
I'm never mind !
Because you keep yourself alive, I will be very happy !
Because you within in my life !
每一次見到你好憂鬱0既神情, 我都好想抱你進入我懷抱中安撫你 !!!
你記唔記得我第一次同你 icq, 我 send 左首歌比你 !
唔知你仲記唔記得呢 ???? 而家仲有冇聽呢 ?????
當時, 我係想憑歌寄意架 !!! 但當時唔知我的心意 !!
如果比你知, 你肯定唔會要 !!!
其實依首歌, 我 SEND 過比好多人 !
但我第一個就 send 左比你啦 !
依首係 <永遠愛你的人> !
我每一次聽番依首歌, 我就諗番起你 !
>>2003年04月03日Thu 12:12:14 (GMT+8)
2003 年 04 月 03 日 星期四 【晴】
今日我又睇左佢日記同 info 啦 ! 我真係覺得我自己愈來愈衰 !
我唔想再寫落去啦 ! 我好辛苦呀 ! 但我唔寫又唔得 !
我又傷害左人啦 ! 果個就係"我的好友" !
我諗我寫埋今日, 唔會再公開比任何人睇啦 !
所以小魔星的日記要同大家講聲永別啦 !
我好多謝各界友好0既支持, 但我真係無辦法再忍受呀 !
我唔想比人話我踐踏佢, 我根本就無踐踏佢 !
我知我講乜都無用 ! 亦都無人會信, 因為唔值得大家0既信任 ! 我唔想再傷害人 ! 知道嗎 ????
我已經一錯再錯, 我唔想再錯啦 !
自己把口成日話唔想傷害人, 但我足足傷左人地 N 次咁多 !
自己覺得自己好衰, 好衰, 好衰..............................
Bye Bye !
p.s 有緣0既會再見 !
>>2003年04月03日Thu 10:43:18 (GMT+8)
2003 年 04 月 03 日 星期四 【晴】
其實我昨日好嬲呀, 只有阿 Doy 先睇得出我 ! 我唔知點解佢會睇得出 !
但我叫佢唔好講出黎, 我唔想影響任何人 !
但今日足以出賣我自己 !
我根本由我知道唔只一個鍾意佢, 我就無開心過 !
我承認我睇過, 但有 d 野的而且確係真架 !
當時, 我睇左真係好想喊, 你知我唔會格 !
但我真係好辛苦 !
阿 Doy 講得啱 ! 我的而且確根本唔開心 !
但我前晚睇到佢留言比我, 我真係好開心 !
我嬲我自己無意中睇你日記, 我知道好多野呀 !
我唔係灑脫, 我根本就冇 !
我當時嬲我自己睇左, 我無心架 !
但你令我勾起好多野 !
我真係嬲我自己呀 ! 嬲自己點解要睇 !
真係唔睇好過睇 ! 當時, 簡直欲哭無淚 !
我好火滾呀 !
其實火滾果個應該係你先啱 !
我昨日寫果 d 野只不過愛黎填補我0既空虛同寂寞 !
我承認我0係感情上我0既佔有欲好強,
所以我其實好 Jealousy !
可能我比男仔一個0既感覺, 就係透不過氣來0既感覺 !
我嬲自己點解要睇你日記 ! 但其實果 d 我都好想寫好耐, 不過, 我唔得寫 !
請你原諒我 !
我嬲自己唔可以跟埋去 !
>>2003年04月03日Thu 10:18:59 (GMT+8)
2003 年 04 月 02 日 星期三 【晴】
其實我都有撞過"忠屎"的 icq # 啦 !
不斷搵有關 Jones 的 icq !
結果梗係搵唔到啦 ! 如果唔係我都唔使問小裕子啦 !
我初初以為"十分薯仔"同"我的麻煩男友" 係佢呀 !
我都有搵過依兩個呀 ! 我係睇小裕子玩 icq 見到0既, 初時又唔敢問喎 ~
因怕比人知我做乜呀嘛, 因我都怕羞架嘛 ! 所以我咪撞依兩個 lor ~
但當然唔得啦 !
最後都要問, 所以我一開始就問依兩個係邊個架 lor ~
點乜知兩個都唔係 .........
唉..........
真係搞笑 ! 依家諗番起都覺得好傻呀 !
>>2003年04月02日Wed 16:20:18 (GMT+8)
2003 年 04 月 02 日 星期三 【晴】
我診佢未番黎, 我又寫啦 !!!
佢今日 info 轉左 lu ~
icq info:
"我終於知道妳為何如此執著，若真的要為此執著而作出比較
我真的比不上妳，所以我只好放棄
因為妳愛的人己不是我
而妳執著的人亦不是我"
佢又寫 d 咁0既野啦 !!!
>>2003年04月02日Wed 16:03:47 (GMT+8)
2003 年 04 月 02 日 星期三 【晴】
今日想講0既係我仍對佢有感覺 !
我不斷諗番對佢初相識0既時候0既野, 我連佢叫咩名都唔知 !
但佢好友善0既態度, 深深吸引住我 !
我記得我第一次知佢叫咩名0既時候, 係教緊點樣用 e-cert !
個個都叫佢"忠屎", 我咪又叫佢"忠屎" lor ~
我咪問小裕子佢叫乜名 lor ~
我咪嗌佢"忠屎": 你可唔可教我呀?
小裕子仲笑我嗌佢做"忠屎",嗌得咁核突 !
我話我唔知佢叫咩名呀嘛, 我聽到人地嗌佢"忠屎", 我咪嗌佢"忠屎" lor ~ 我問番小裕子有乜問題呀 ??????
所有人都唔敢嗌佢過黎, 唯獨是我夠膽嗌佢過黎 !
佢就走埋黎教我啦 !
佢好耐心咁教我 ! 到咁上下又會睇下我搞唔搞得掂 ! 十分細心 ! 仲好過阿 sir 教 !
跟住到我得左後, 佢好搞笑咁話: 好野 ! 跟住佢又拍手掌 !
跟住我又問佢關於 e-cert 同 e-mail 有乜分別 ?
佢好耐心咁講解 : e-cert 係商業行業用0既, 要加纖 !
e-mail 係普遍用0既, 無得加纖 !
我依然記住佢每一句說話, 我依家都仲記得好清楚 !
所以, 英文有一堂係 debate 關於 e-mail 時, 我做反方 ! 負責找出 e-mail 有咩唔好處 !
(正方) 阿 Hin 話: 如果apply 左 e-cert 可以加纖 ! 防止盜用資料 !
我即是用英文反駁: Not e-mail !
我當時我內心感激 Jones 佢呀 ! 因無佢教我, 我唔識反駁呀 !
當時亦有衝動想話係隔離 B 班"忠屎"教我架 !
但當時我內心亦有一種........ 甜絲絲的感覺 ! 真係好開心架 ! 唔知點解 ????????
同埋, 我有一次早返, 去左 9 樓度坐, 佢亦都好早返黎 ! 佢整緊學校0既開放日0既野 !
由佢返黎果秒鍾開始, 我視線無離開過佢 !
我目不轉睛咁注視著佢 ! 佢真係好有領導才能 !
同埋, 到左開放日果日, 我本來可以唔使返, 但果日話有 e-cert 講座 ! 所以我就返左黎 !
我一返到黎, 第一個人就見到佢呀 !
佢著住藍白色格仔裇衫, 攬住個黑色斜揹袋 !
佢當時幫緊手做野, 我見佢係905室出黎, 佢拉住個黑色行李箱走出黎 ! 佢一見到我就同我打招呼 !
後來, 入得去聽講座, 講座過左好一段時間先入黎, 無計啦 !!! 佢要幫手呀嘛 !!!
個講座雖然"廢"左 d , 但因佢令我覺得有意義 !
亦慶幸自己有返黎, 如果唔係我都見唔到佢啦 !!!
我當時我有喜出望外0既感覺同覺得有意外收穫咁 !
好似痴左線咁樣架 !
0係心底裏不停狂笑 !
由個心度笑出黎呀 !!!
真係唔係同你地講笑呀! 我老豆都問我笑乜呀, 問我係咪痴左線呀 ???????
可想言知, 我真係好開心同真係"痴"左 !
不過係"痴情"個"痴呀 !
唔好笑我呀 !!! 不過, 儘管你地笑啦, 我都唔理架啦 ! 我不嬲都係咁架啦 !
同埋, 果次準備英文 Writing 考試前一日, 我溫緊書 !
佢走過黎問我: 你溫緊啦 ! 真勤力0勒 !
我即時比佢嚇親呀 ! 因為我無諗過佢會走埋黎 !
我望住佢個心卜卜咁跳呀 !
我結結巴巴咁問佢: 你溫左未呀?? 因我極度鍾意佢去到極點, 我會好緊張架 !!!
佢答: 未呀 ! 有好多野做呀 ! 今晚先溫呀 !
跟住佢可能驚阻住我溫書, 所以佢行開左 !
但我當時唔捨得佢走開架, 真係好想叫佢唔好走呀, 好想叫佢留低呀 !
我仲記得我同佢表白0既情景, 我望住個 mon 等佢 online !
佢 Offline 緊, 我不斷 send d message 比佢 !
我個心卜卜咁跳, 塊面好熱 !!!
用 icq 講, 我都搞成咁, 對住佢講我都唔知點算啦 !!!
佢一 online, 我好開心 ! 我已經急不及待去 add 佢啦 !
頭先我舊同學問我係咪仲好喜歡佢 ??????
我毫不猶疑地回答: 有好多朋友問過我依個問題 ! 我答我的而且確仍然仲對佢有感覺 !
我亦不嫌其煩再講多次, 如果你地唔嫌我煩0既話 !
我好樂意0甘話比大家聽, 我無需要對自己感覺講大話丫 !!!
而家係 10:57 a.m 我同緊忠屎 icq ! 係 10:18 開始 ! 我好開心呀 !
佢頭先 11:09 Offline !
到依家我見到佢一 Online, 我從來都未變過, 一樣照樣我做主動 add 佢 !
儘管佢當我係乜都好啦 ! 係朋友又好, 唔係又好啦 !
我依然愛佢同關心佢 ! 0係佢心目中我係乜都唔緊要,
我唔在乎 ! 我只在乎我對佢0既感覺...........
係最真0既 ! 因我肯付出 !
我唔需要佢留個咩位置比我, 我只知佢係生命佔有一個好重要的席位 !
佢唔開心時, 我願意做佢0既分分鍾"忠"實聽眾,
同帶你出走出黑暗的迷宮 ! 依 d 一切一切, 我願意 !!!
p.s 我用紫色代表我對佢0既愛 !!!
>>2003年04月02日Wed 15:52:03 (GMT+8)
2003 年 04 月 02 日 星期三 【晴】
佢應該玩得好開心啦 !
宜家係 2:52 p.m 呀 !
我頭先同佢 icq ! 我好開心呀 !
我同佢傾 D 乜, 同我點解開心 ??????
唔話比你地知 ! 等你地心思思 !!!
我今日好早 7:32 a.m SEND 左個 message 比佢呀 !!! 冇人夠我早啦啩 !!!
點解我咁早, 因我關心佢同掛住佢 lor ~
不過....... 打波冇我份........
都唔緊要啦 !!! 佢玩得開心就得啦 !
點解我會寫日記, 原因一就係可以寫底佢0既野, 我對佢0既感覺 lor ~
你地知啦 ! 我寫少一日都唔掂, 因我鍾意同人分享我的喜悅架嘛 !
唔寫我好辛苦架, 無得同人分享 !!! 個心好唔舒服 !!!
你地依家知道點解我會將我0既日記比人睇啦 !
因為我鍾意同人分享 !!!
依個就係我啦 ! 唔扮野, 做自己 !
有佢教曉我地唔做東亞病夫, 黃皮膚都可以做番自己 !
唔要抄人地, "痴"人地, 中國人
唉........ 唔要睇死自己 !
<節錄自 : LMF 0既 <1127>>
>>2003年04月02日Wed 15:17:44 (GMT+8)
2003 年 04 月 01 日 星期二 【晴】
今日小魔星好開心呀 ! 因同 BiLLy 仔 icq, 佢好搞笑同好人呀 !
同聽日知道小裕子,忠屎佢地去打波呀 ! 希望佢地玩得開心 d !
同忠屎終於黎我板板留言呀 ! 我好開心呀 !
開心到爆燈呀 !
我諗小魔星今晚開心到訓唔著呀 !!!
多謝你呀 ! 忠屎 !
>>2003年04月01日Tue 21:01:47 (GMT+8)
2003 年 04 月 01 日 星期二 【晴】
依家下午 1:23 個個都唔得閒咁喎 ~
個個都 away, n/a , invisible, DND !
等我寫下日記先 !
昨晚好開心呀 ! 因我診臨訓果幾個字 icq ! 知道忠屎佢睇緊電視第一台 !
同埋, 我阿媽同我傾計 ! 佢話無辦法想像依家 d 女仔向人表白喎 ! 因佢果個年代唔會架喎 !
我好開心呀 ! 同時, 亦有 d 驚呀 ! 我驚佢睇左我日記呀 !
佢昨晚無啦啦同我傾依 d 野呀 !
我諗佢世估唔到自己個女會向人表白過兩次 !
我亦都諗通一 d 野 !
我阿媽話如果 feel 唔到人地對自己又有好感0既, 同人表白都係白費, 同埋可能予人係一個笑話 !
我都覺得佢對我冇感覺 ! 好可能對於佢黎講係一個笑話 !
阿媽話同人表白都要小心人地0既口德 !
但咁耐都無乜人知, 除左我比人地睇過我的日記0既人知之外 ! 都無人乜知 !
所以忠屎好可靠呀 !
>>2003年04月01日Tue 13:59:27 (GMT+8)
| < 1 2 3 4 5 6 7 8 9 10 11 12 13 14 15 16 17 18 > |
|
小魔星 夢中見到你, 我好開心 ! 即使有人話我吹緊肥皂泡 ! 但我也不理會 ! 只因我認真地愛過 ! 故事的感覺: 小魔星不懂自編自導自演 ! 熱情的真我誰可擋 ? |
|
|
|
|